കേന്ദ്ര-സംസ്ഥാന ചരക്ക് സേവന നികുതി വകുപ്പുകളുടെ സംയുക്താഭിമുഖ്യത്തില്‍ ജില്ലയിലെ വ്യാപാരികള്‍, സേവന ദാതാക്കള്‍ എന്നിവര്‍ക്കായി ജി.എസ്.റ്റി ശില്പശാല നടത്തുന്നു.

നാളെ (ഒമ്പതിന്) ഉച്ചയ്ക്ക് രണ്ട് മുതല്‍ പത്തനംതിട്ട അബാന്‍ ഓഡിറ്റോറിയത്തില്‍ നടക്കുന്ന ശില്പശാലയില്‍ കേന്ദ്ര-സംസ്ഥാന ചരക്ക് സേവന നികുതി വകുപ്പുകളില്‍ നിന്നുള്ള വിദഗ്ധര്‍ ക്ലാസ് എടുക്കും. എല്ലാ വ്യാപാരികള്‍ക്കും അക്കൗണ്ടന്റുമാര്‍ക്കും ശില്പശാലയില്‍ പങ്കെടുക്കാം. കൂടുതല്‍ വിവരത്തിന്  0468 2325088 എന്ന നമ്പരില്‍ ബന്ധപ്പെടണം.                                    

 (പിഎന്‍പി 2984/17)

സര്‍ക്കാര്‍ ഉദ്യോഗസ്ഥര്‍ പത്രങ്ങളും പുസ്തകങ്ങളും ഉള്‍പ്പെടെ ആനുകാലികങ്ങള്‍ സ്ഥിരമായി വായിക്കുകയും അതുവഴി നല്ല മലയാളം ശീലമാക്കുകയും ചെയ്യണമെന്ന് ജില്ലാ കളക്ടര്‍ ആര്‍. ഗിരിജ പറഞ്ഞു. ഔദ്യോഗിക ഭാഷാ വാരാചരണത്തിന്റെ ജില്ലാതല സമാപന സമ്മേളനം കളക്ടറേറ്റ് കോണ്‍ഫറന്‍സ് ഹാളില്‍ ഉദ്ഘാടനം ചെയ്തു സംസാരിക്കുകയായിരുന്നു കളക്ടര്‍. 

ജില്ലാ തുടര്‍ വിദ്യാഭ്യാസ കലോത്സവം ചിറ്റുമല ബ്‌ളോക്കോഫീസില്‍ തുടങ്ങി. മന്ത്രി ജെ. മെഴ്‌സിക്കുട്ടിയമ്മ ഉദ്ഘാടനം നിര്‍വ്വഹിച്ചു. ജാതി-മത-വര്‍ണ-ലിംഗ വിവേചനം തിരികെ കൊണ്ടു വരാന്‍ രാജ്യത്ത് ശ്രമങ്ങള്‍ നടക്കവെ ഇവയെ മറികടക്കാന്‍ കലോത്സവങ്ങള്‍ക്കാകുമെന്ന് മന്ത്രി പറഞ്ഞു. സാക്ഷരത സാര്‍ത്ഥമാക്കാന്‍ തുടര്‍ പഠനം അനിവാര്യമാണ്. അതിന് തയ്യാറാകുന്നതിനൊപ്പം കലാപരമായ കഴിവുകള്‍ കൂടി വികസിപ്പിക്കുന്നതിനാണ് സര്‍ക്കാര്‍ മുന്‍കൈയെടുക്കുന്നത്. ഇതര സംസ്ഥാന തൊഴിലാളികളിലേക്ക് കൂടി സാക്ഷരതാ പ്രവര്‍ത്തനം വ്യാപിപ്പിക്കാന്‍ കഴിഞ്ഞത് വലിയ നേട്ടമാണെന്നും മന്ത്രി വ്യക്തമാക്കി. 

സംസ്ഥാന തെരഞ്ഞെടുപ്പ് കമ്മിഷന്‍ സപ്ഷ്യല്‍ ഡ്രൈവ് പദ്ധതിയുടെ ഭാഗമായി കൊല്ലം താലൂക്ക് കോണ്‍ഫറന്‍സ് ഹാളില്‍ നവംബര്‍ 8, 9, 10 തീയതികളില്‍ ബി. എല്‍. ഒ. മാര്‍ക്ക് പരിശീലനം നല്‍കും.

രാവിലെ 10.30 മുതല്‍ വൈകിട്ട് നാലു വരെ വിവിധ ഘട്ടങ്ങളിലായി നടത്തുന്ന പരിശീലനത്തില്‍ ഏതെങ്കിലും ഒന്നില്‍ ബൂത്ത് ലെവല്‍ ഓഫീസര്‍മാര്‍ക്ക് നിര്‍ബന്ധമായി പങ്കെടുക്കണമെന്ന് തഹസീല്‍ദാര്‍ അറിയിച്ചു. 

(പി.ആര്‍.കെ.നമ്പര്‍  2538/17)
 

ഔദ്യോഗിക ഭാഷാവാരാചരണത്തിന്റെ ജില്ലാതല സമാപനം ഇന്ന് (07.11.2017)വൈകിട്ട് മൂന്നിന് ജില്ലാ പഞ്ചായത്ത് കൗണ്‍സില്‍ ഹാളില്‍ നടക്കും. ജില്ലാ പഞ്ചായത്ത് പ്രസിഡന്റ് കെ. ജഗദമ്മ ഉദ്ഘാടനം ചെയ്യും. സാംസ്‌കാരിക രംഗത്തെ പ്രമുഖര്‍ പങ്കെടുക്കും.

വൈസ് പ്രസിഡന്റ് എം. ശിവശങ്കരപ്പിള്ള അധ്യക്ഷനാകും. ജില്ലാ ഭരണകൂടം , ജില്ലാ ഇന്‍ഫര്‍മേഷന്‍ ഓഫീസ് , ജില്ലാ പഞ്ചായത്ത് എന്നിവയുടെ സംയുക്താഭിമുഖ്യത്തിലാണ് പരിപാടി. 

(പി.ആര്‍.കെ.നമ്പര്‍  2537/17)
 

അരിപ്പ ഭൂസമരത്തിന്റെ ഭാഗമായി പ്രദേശത്ത് കുടില്‍ കെട്ടി സമരം ചെയ്യുന്നവരുടെ കൃത്യമായ കണക്കുകള്‍ ശേഖരിക്കുന്നതിന് വിശദമായ സര്‍വേ നടത്താന്‍ വനം വകുപ്പ്  മന്ത്രി കെ.രാജു നിര്‍ദ്ദേശം നല്‍കി. ഭൂപ്രശ്‌നം പരിഹരിക്കുന്നതിന്  വിവിധ സമര സംഘടനാ പ്രതിനിധികളുമായി കളക്ട്രേറ്റില്‍ നടന്ന ചര്‍ച്ചയില്‍ അധ്യക്ഷത വഹിക്കുകയായിരുന്നു മന്ത്രി.

 പ്രാഥമിക സര്‍വേകളിലുടെ സര്‍ക്കാരിന് ലഭിച്ച കണക്കുകള്‍ അന്തിമമാക്കുന്നതിന്റെ ഭാഗമാണ് നടപടി. മുന്ന് മാസത്തിനുള്ളില്‍ സര്‍വേ പൂര്‍ത്തിയാക്കണം. സമരരംഗത്തുള്ളവരിലെ  ആദിവാസികള്‍ക്ക് വനാവകാശ 

ക്‌ളീന്‍ കൊല്ലം പദ്ധതി  യാഥാര്‍ത്ഥ്യമാക്കാന്‍ അജൈവമാലിന്യ ശേഖരണവുമായി ബന്ധപ്പെട്ട പദ്ധതികള്‍ ഒരാഴ്ചയ്ക്കകം സമര്‍പ്പിക്കാന്‍ തീരദേശത്തെ പഞ്ചായത്ത് പ്രസിഡന്റുമാര്‍ക്ക് മന്ത്രി ജെ. മെഴ്‌സിക്കുട്ടിയമ്മ നിര്‍ദ്ദേശം നല്‍കി. കലക്‌ട്രേറ്റ് കോണ്‍ഫറന്‍സ് ഹാളില്‍ ചേര്‍ന്ന ശുചിത്വ സാഗരം പദ്ധതിയുടെ അവലോകന യോഗത്തിലാണ് അതിവേഗ നടപടികള്‍ക്കുള്ള നിര്‍ദ്ദേശം. ശുചിത്വ സാഗരമടക്കമുള്ള പദ്ധതികള്‍  ക്‌ളീന്‍ കൊല്ലത്തിന്റെ കുടക്കീഴിലാക്കും. തദ്ദേശ സ്ഥാപനങ്ങള്‍ തനത് ഫണ്ടില്‍ നിന്ന് പണം വിനിയോഗിച്ച് അജൈവമാലിന്യ ശേഖരണം തുടങ്ങണം. തുടര്‍ന്ന് പദ്ധതികള്‍ സമര്‍പ്പിച്ച് അംഗീകാരം നേടി വിനിയോഗിച്ച തുക ക്രമീകരിക്കാം. 

കിറ്റ്‌സ് ട്രെയിനര്‍ (ടൂറിസം ആന്റ് ഹോസ്പിറ്റാലിറ്റി) മാരുടെ വാക്-ഇന്‍-ഇന്റര്‍വ്യൂ നവംബര്‍ 14 ന് രാവിലെ 10 മണിക്ക.് തിരുവനന്തപുരം തൈക്കാട് കിറ്റ്‌സില്‍ നടക്കും. വിശദവിവരങ്ങള്‍ക്ക് www.kittsedu.org

പി.എന്‍.എക്‌സ്.4759/17

സംസ്ഥാന ആര്‍ക്കൈവ്‌സ് വകുപ്പ് വിദ്യാര്‍ത്ഥികളില്‍ ചരിത്ര അവബോധം സൃഷ്ടിക്കുന്നതിന് സംസ്ഥാന തലത്തില്‍ സംഘടിപ്പിക്കുന്ന 'കേരള ചരിത്രസമസ്യ - 2017' ന്റെ മേഖലാതലമത്സരം തിരുവനന്തപുരത്ത് വൈലോപ്പിള്ളി സംസ്‌കൃതിഭവനില്‍ നടത്തി.  വിദ്യാര്‍ത്ഥികളില്‍ ഗവേഷണ സ്വഭാവം വളര്‍ത്തുന്നതിന്റെ ആവശ്യകത പ്രാധാന്യമര്‍ഹിക്കുന്നതാണെന്നും പൈതൃകത്തെക്കുറിച്ചും നാടിന്റെ പുര്‍വ്വകാല ചരിത്രത്തെപ്പറ്റിയും മനസിലാക്കുന്നതിന് ആര്‍ക്കൈവ്‌സ് വകുപ്പ് സംഘടിപ്പിച്ച പരിപാടികള്‍ ഉപകാരപ്രദമാണെന്നും യോഗം ഉദ്ഘാടനം ചെയ്ത ഡോ: എ.

തിരുവനന്തപുരം മെഡിക്കല്‍ കോളേജ് ചൈല്‍ഡ് ഡെവലപ്പ്‌മെന്റ് സെന്ററില്‍ സ്പീച്ച് പത്തോളജിസ്റ്റ് ആന്റ് ഓഡിയോളജിസ്റ്റിന്റെ ഒരു താത്കാലിക (ആറ് മാസം) ഒഴിവുണ്ട്.  എം.എസ്‌സി സ്പീച്ച് ആന്റ് സ്പീച്ച് ലാംഗ്വേജ് പത്തോളജി ബിരുദധാരികളായിരിക്കണം.  താല്പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി 14ന് രാവിലെ 11 മണിക്ക് സി.ഡി.സി യില്‍ വാക്ക് ഇന്‍ ഇന്റര്‍വ്യൂവിനെത്തണം.  വിശദ വിവരങ്ങള്‍ക്ക്   www.cdckerala.org, ഫോണ്‍ : 0471-2553540.

പി.എന്‍.എക്‌സ്.4757/17