കേരള സർക്കാർ സ്ഥാപനമായ ഐ.എച്ച്.ആർ.ഡിയുടെ കീഴിൽ കലൂരിൽ പ്രവർത്തിക്കുന്ന മോഡൽ ഫിനിഷിങ്ങ് സ്കൂളിൽ വിവിധ കോഴ്സുകളിലേക്കും എൻജിനീയറിങ്/ഡിപ്ലോമ വിദ്യാർത്ഥികൾക്കായുള്ള ഇന്റേൺഷിപ്പുകളിലേക്കും അപേക്ഷ ക്ഷണിച്ചു.

ജെറിയാട്രിക് കെയർ ഡിപ്ലോമ (6 മാസം), ഓഫീസ് എക്സിക്യൂട്ടീവ് ട്രെയിനിംഗ് (3 മാസം) എന്നീ കോഴ്സുകളിലേക്ക് പ്ലസ് ടു പാസ്സായവർക്ക് അപേക്ഷിക്കാവുന്നതാണ്.
കൂടാതെ എംബഡഡ് സിസ്റ്റം ഡിസൈൻ യൂസിങ് STM 32, പൈത്തൺ ഡിജാംഗോയിൽ ഫുൾ സ്റ്റാക്ക് ഡെവലപ്‌മെന്റ്, ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിംഗ് എന്നീ മൂന്ന് മാസത്തെ കോഴ്സുകളിലേക്കും അപേക്ഷിക്കാം.

വനിത ശിശു വികസന വകുപ്പിന് കീഴിലുള്ള മൂവാറ്റുപുഴ അഡീഷണൽ ഐ.സി.ഡി.എസ് പ്രോജക്ടിന്റെ ഔദ്യോഗിക ആവശ്യങ്ങൾക്ക് ഉപയോഗിക്കുന്നതിനായി 2026-27 വർഷം കരാറടിസ്ഥാനത്തിൽ ഒരു വർഷത്തേയ്ക്ക് വാഹനം വാടകയ്ക്ക് ഓടിക്കുന്നതിന് താല്‌പര്യമുള്ള വാഹന ഉടമകളിൽ നിന്നും ടെണ്ടർ ക്ഷണിച്ചു.
ജൂൺ 2ന് ഉച്ചയ്ക്ക് രണ്ട് വരെ ടെൻഡർ സമർപ്പിക്കാം. കൂടുതൽ വിവരങ്ങൾക്ക്‌ മൂവാറ്റുപുഴ ബ്ലോക്ക് പഞ്ചായത്ത് കോമ്പൗണ്ടിൽ പ്രവർത്തിക്കുന്ന ശിശു വികസന പദ്ധതി ഓഫീസറുടെ കാര്യാലയം, മൂവാറ്റുപുഴ അഡീഷണൽ ഐസിഡിഎസ് പ്രൊജക്ടിൽ പ്രവർത്തി ദിവസങ്ങളിൽ ബന്ധപ്പെടാവുന്നതാണ്. 
ഫോൺ 0485 2810018, 9947864784
 

എറണാകുളം സർക്കാർ മെഡിക്കൽ കോളേജിലെ മനോരോഗ വിഭാഗത്തിൽ കേന്ദ്ര സാമൂഹ്യ നീതി വകുപ്പിന്റെ സ്കീമിൽ ഉൾപ്പെടുത്തിയ 'അഡിക്ഷൻ ട്രീറ്റ്മെന്റ് ഫെസിലിറ്റി' (ATF) സെന്ററിലേക്ക് കരാർ അടിസ്ഥാനത്തിൽ നിയമനം നടത്തുന്നു. സൈക്കാട്രിസ്റ്റ്, ക്ലിനിക്കൽ സൈക്കോളജിസ്റ്റ് എന്നീ തസ്തികകളിലേക്കുള്ള വാക്ക്-ഇൻ-ഇന്റർവ്യൂ മെയ് 25ന് രാവിലെ 11 മണിക്ക് മെഡിക്കൽ കോളേജ് പ്രിൻസിപ്പാളിന്റെ ഓഫീസിൽവച്ച് നടക്കും.

സംസ്ഥാനത്തെ സ്കൂളുകളുടെ സുരക്ഷാ ഫിറ്റ്‌നസ് സർട്ടിഫിക്കറ്റ് നൽകുന്നതിനുള്ള ചുമതല തദ്ദേശ സ്വയംഭരണ വകുപ്പിന്  നൽകിക്കൊണ്ട് പൊതുവിദ്യാഭ്യാസ വകുപ്പ് ഉത്തരവിറക്കി.  ജൂൺ ഒന്നിന് പുതിയ അധ്യയന വർഷം ആരംഭിക്കുന്ന സാഹചര്യത്തിൽ, സ്കൂൾ കെട്ടിടങ്ങളുടെയും പരിസരത്തിന്റെയും സുരക്ഷ ഉറപ്പാക്കുന്നതിനായി പുതുക്കിയ മാർഗ്ഗനിർദ്ദേശങ്ങൾ സർക്കാർ പുറപ്പെടുവിച്ചിരിക്കുന്നത്.

​തദ്ദേശ സ്വയംഭരണ വകുപ്പിലെ അസിസ്റ്റന്റ് എഞ്ചിനീയർമാരാണ് ഇനി മുതൽ സ്കൂളുകൾക്ക് ഫിറ്റ്‌നസ് സർട്ടിഫിക്കറ്റ് നൽകേണ്ടത്. 

കേരളത്തിന്റെ ദുരന്ത നിവാരണ പ്രവർത്തനങ്ങൾക്ക് കൂടുതൽ കരുത്തേകി എറണാകുളത്ത് ദേശീയ ദുരന്ത നിവാരണ സേനയുടെ (എൻ.ഡി.ആർ.എഫ്) റീജിയണൽ റെസ്പോൺസ് സെന്ററിന് തറക്കല്ലിട്ടു. എറണാകുളം ഇരുമ്പനം - എരൂർ റോഡിൽ കേരള സർക്കാർ അനുവദിച്ച അഞ്ച് ഏക്കർ ഭൂമിയിലാണ് അത്യാധുനിക സൗകര്യങ്ങളോടെയുള്ള റീജിയണൽ റെസ്പോൺസ് സെന്റർ ഉയരുന്നത്.
എൻ.ഡി.ആർ.എഫ് നാലാം ബറ്റാലിയന്റെ കീഴിൽ ആരംഭിക്കുന്ന കേന്ദ്രത്തിന്റെ ശിലാസ്ഥാപനം കേന്ദ്ര ആഭ്യന്തര മന്ത്രി അമിത് ഷാ വീഡിയോ കോൺഫറൻസ് വഴി നിർവഹിച്ചു. 

പറശ്ശിനിക്കടവ് ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ ഒരു വര്‍ഷ ഹയര്‍ ഡിപ്ലോമ ഇന്‍ കോ-ഓപ്പറേറ്റീവ് മാനേജ്‌മെന്റ് കോഴ്‌സിലേക്കുള്ള പ്രവേശനത്തിന് അപേക്ഷ ക്ഷണിച്ചു. 2026 ജനുവരി ഒന്നിന് 45 വയസ്സ് കവിയാത്ത ബിരുദധാരികള്‍ക്ക് ജൂണ്‍ 12 വരെ ഓണ്‍ലൈനായി അപേക്ഷിക്കാം. സഹകരണ നിയമന പരീക്ഷകള്‍ക്കുള്ള സൗജന്യ പരിശീലനം ഇതോടൊപ്പം നല്‍കും.വെബ് സൈറ്റ് : www.icmkannur.org. ഫോൺ : 8304056188, 8089564997

കേന്ദ്ര യുവജന കായിക മന്ത്രാലയത്തിന്റെ കീഴില്‍ പ്രവര്‍ത്തിക്കുന്ന മേരാ യുവഭാരത് കണ്ണൂര്‍ മേഖലാ ഡെപ്യൂട്ടി ഡയറക്ടറായി എച്ച് സച്ചിന്‍ ചുമതലയേറ്റു. ജില്ലാ യൂത്ത് ഓഫീസറായി കോട്ടയം, ഇടുക്കി ജില്ലകളില്‍ പ്രവര്‍ത്തിച്ചിട്ടുണ്ട്. കൊല്ലം സ്വദേശിയാണ്.

സ്വയംതൊഴില്‍ വായ്പാ പദ്ധതിക്ക് അപേക്ഷിക്കാം 

ലക്ഷ്യ സ്‌കോളര്‍ഷിപ്പിന് അപേക്ഷിക്കാം

പട്ടികജാതി വികസന വകുപ്പിനു കീഴിലുള്ള ഇന്‍സ്റ്റിറ്റ്യൂട്ട് ഫോര്‍ സിവില്‍ സര്‍വീസ് എക്‌സാമിനേഷന്‍ ട്രെയിനിംഗ് സൊസൈറ്റിയുടെ ലക്ഷ്യ സ്‌കോളര്‍ഷിപ്പ്, പട്ടികവര്‍ഗ വിഭാഗക്കാര്‍ക്കായി സംസ്ഥാന സിവില്‍ സര്‍വീസ് അക്കാദമി നടത്തുന്ന സിവില്‍ സര്‍വീസ് പരീക്ഷ പരീശീലന പദ്ധതി എന്നിവയിലേക്ക് അപേക്ഷ ക്ഷണിച്ചു. അംഗീകൃത ബിരുദം നേടിയവര്‍ക്കും പരീക്ഷാ ഫലം കാത്തിരിക്കുന്നവര്‍ക്കും മെയ് 20 വരെ അപേക്ഷിക്കാം. വെബ്‌സൈറ്റ് : www.icsets.org, ഫോണ്‍: 0471-2533272, 8547630004, 9847373627

അധ്യാപക നിയമനം

റെയില്‍വേ ഗേറ്റ് അടച്ചിടും

ട്രാക്ക് നവീകരണ പ്രവൃത്തി നടക്കുന്നതിനാല്‍ എടക്കാട് - കണ്ണൂര്‍ സൗത്ത് സ്റ്റേഷനുകള്‍ക്കിടയിലെ തലശ്ശേരി - കണ്ണൂര്‍ (എന്‍.എച്ച്) (ചൊവ്വ) ലെവല്‍ക്രോസ് മെയ് 14ന് വൈകീട്ട് ആറു മുതല്‍ മെയ് 17ന് രാത്രി 11 വരെ അടച്ചിടും.

അപേക്ഷ ക്ഷണിച്ചു