കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ  തൊഴിലാളികളുടെ മക്കളായ സര്‍ക്കാര്‍ അംഗീകൃത കോളേജുകളില്‍ എം.ബി.ബി.എസ്., എം.ബി.എ., എം.സി.എ., ബി.ടെക്, എം.ഫാം, ബി.എ.എം.എസ്., ബി.ഡി.എസ്, ബി.വി.എസ്.സി, എം.എല്‍.റ്റി., ബി.ഫാം, ബി.എസ്.സി നഴ്‌സിംഗ് കോഴ്‌സുകളില്‍ ഒന്നാം വര്‍ഷം പ്രവേശനം ലഭിച്ച വിദ്യാര്‍ത്ഥികള്‍ക്ക് ലാപ്‌ടോപ് നല്‍കുന്നു. വിശദവിവരങ്ങള്‍ തിരുവനന്തപുരം ജില്ലാ വെല്‍ഫെയര്‍ ഫണ്ട് ഇന്‍സ്‌പെക്ടര്‍ ഓഫീസില്‍ ലഭിക്കും.  കൂടുതല്‍ വിവരങ്ങള്‍ക്ക്: 0471-2448451.
(പി.ആര്‍.പി 1933/2017)
 

    തിരുവനന്തപുരം നഗരസഭ പരിധിയില്‍ð വള്ളക്കടവ് സുലൈമാന്‍ സ്ട്രീറ്റില്‍ð മൂന്ന് എയ്‌റോബിക് ബിന്നുകള്‍ സ്ഥാപിച്ചു.  നഗരസഭ ഹെല്‍ത്ത് സ്റ്റാന്റിംഗ് കമ്മിറ്റി ചെയര്‍മാന്‍ കെ. ശ്രീകുമാര്‍ ഉദ്ഘാടനം നിര്‍വഹിച്ചു.  വാര്‍ഡ് കൗണ്‍സിലര്‍ ഷാജിദാ നാസര്‍, ഹെല്‍ത്ത് ഓഫീസര്‍ ഡോ. കെ. ശശികുമാര്‍, ഹെല്‍ത്ത് സൂപ്പര്‍വൈസര്‍ രമേഷ്, ഹെല്‍ത്ത് ഇന്‍സ്‌പെക്ടര്‍ എന്നിവര്‍ യോഗത്തില്‍ð പങ്കെടുത്തു. 
(പി.ആര്‍.പി 1932/2017)
 

    മുതിര്‍ന്ന പൗരന്‍മാര്‍ അവരുടെ യൗവനകാലവും കര്‍മ്മകാണ്ഡവും നമ്മുടെ സാമൂഹ്യജീവിതം മെച്ചപ്പെടുത്താന്‍ ചെലവഴിച്ചതിനാല്‍ അവരെ സംരക്ഷിക്കുന്നതിനും സ്വച്ഛസുന്ദരമായ ജീവിതം ഉറപ്പാക്കുന്നതിനും മക്കള്‍ക്കെന്നപോലെ ബാധ്യത കേന്ദ്ര സംസ്ഥാന സര്‍ക്കാരുകള്‍ക്കുമുണ്ടെന്ന് ഭരണ പരിഷ്‌കാര കമ്മിഷന്‍ ചെയര്‍മാന്‍ വി.എസ് അച്യുതാന്ദന്‍ അഭിപ്രായപ്പെട്ടു. 
    പനവൂര്‍ ഗ്രാമപഞ്ചായത്തിന്റെ വയോസൗഹൃദ ഗ്രാമം പദ്ധതിയുടെ വയോജനസംഗമം പനവൂര്‍ എച്ച് ഐ  ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

കൊച്ചി:  കേരള ഫിഷറീസ് സമുദ്രപഠന സര്‍വ്വകലാശാലയില്‍ (കുഫോസ്) ആദ്യവര്‍ഷ ബി. എഫ്. എസ്. സി. ക്ലാസ്സ്  നവംബര്‍ 27ന് (തിങ്കളാഴ്ച) ആരംഭിക്കും.   പ്രവേശനം നേടിയ വിദ്യാര്‍ത്ഥികള്‍ രക്ഷകര്‍ത്താക്കളോടൊപ്പം രാവിലെ 10 മണിക്ക് പനങ്ങാട് സര്‍വ്വകലാശാല ആസ്ഥാനത്ത് എത്തിച്ചേരണം.

പരവൂര്‍ പുറ്റിങ്ങല്‍ വെടിക്കെട്ട് അപകടം അന്വേഷിക്കുന്ന ജസ്റ്റിസ് പി എസ് ഗോപിനാഥന്‍ കമ്മീഷന്‍ നവംബര്‍ 25 രാവിലെ 10.15-ന് ശിവഗിരി മഠം കോണ്‍ഫറന്‍സ് ഹാളില്‍ സിറ്റിങ് നടത്തും.

കൊച്ചി: വാഴക്കുളം, പായിപ്ര കുടുംബാരോഗ്യകേന്ദ്രങ്ങളുടെ (Family Health Centre) ഉദ്ഘാടനം നാളെ (നവംബര്‍ 26ന്) ആരോഗ്യമന്ത്രി കെ.കെ.ശൈലജ നിര്‍വഹിക്കും. സംസ്ഥാന സര്‍ക്കാര്‍ നടപ്പിലാക്കുന്ന ആര്‍ദ്രം മിഷന്റെ ഭാഗമായാണ് വാഴക്കുളം, പായിപ്ര പ്രാഥമികാരോഗ്യകേന്ദ്രങ്ങളെ കുടുംബാരോഗ്യകേന്ദ്രങ്ങളായി ഉയര്‍ത്തിയത്. വൈകീട്ട് മൂന്നിന് വാഴക്കുളത്തും നാലിന് പായിപ്രയിലുമാണ് ഉദ്ഘാടനം.