സര്‍വ്വ ശിക്ഷാ അഭിയാനും വിദ്യാരംഗം കലാസാഹിത്യ വേദിയും സംയുക്തമായി സംഘടിപ്പിക്കുന്ന ജില്ലാ സാഹിതേ്യാത്സവം നവംബര്‍ 24,25 തിയതികളില്‍  വൈത്തിരി എച്ച്.ഐ.എം. യു.പി. സ്‌കൂളില്‍ നടക്കും.  സി.കെ.ശശീന്ദ്രന്‍ എം.എല്‍.എ. ഉദ്ഘാടനം ചെയ്യും.  ജില്ലാ പഞ്ചായത്ത് പ്രസിഡന്റ് ടി.ഉഷാകുമാരി അധ്യക്ഷത വഹിക്കും.  രജിസ്‌ട്രേഷന്‍ രാവിലെ 9.30ന് ആരംഭിക്കും.

                ബാലസൗഹൃദ പ്രവര്‍ത്തനങ്ങള്‍ക്കായി ജില്ലയിലെ ജനപ്രതിനിധികള്‍ക്കും ബന്ധപ്പെട്ട ഉദേ്യാഗസ്ഥര്‍ക്കുമുള്ള ഏകദിന പരിശീലനം നവംബര്‍ 28ന് രാവിലെ 9.30 മുതല്‍ വൈകീട്ട് 4 വരെ ജില്ലാ ആസൂത്രണ ഭവനിലെ എ.പി.ജെ. ഹാളില്‍ നടത്തും.

    ഇതര സംസ്ഥാന തൊഴിലാളികള്‍ക്കായി സംസ്ഥാന സര്‍ക്കാര്‍ ആവിഷ്കരിച്ച് നടപ്പാക്കുന്ന ' ആവാസ്' ആരോഗ്യ ഇന്‍ഷൂറന്‍സ് പദ്ധതിയുമായി ബന്ധപ്പെട്ട ആനുകൂല്യങ്ങള്‍ ജനുവരി മുതല്‍ നല്‍കും. പദ്ധതിയുമായി ബന്ധപ്പെട്ട രജിസ്ട്രേഷന്‍ ത്വരിതപ്പെടുത്തുന്നതിന് ജില്ലാ കലക്ടര്‍ ഡോ: പി.സുരേഷ് ബാബുവിന്‍റെ അധ്യക്ഷതയില്‍ യോഗം ചേര്‍ന്നു.

                കാക്കവയല്‍ ഗവണ്‍മെന്റ് ഹയര്‍ സെക്കന്ററി സ്‌കൂളില്‍ രജിസ്റ്റര്‍ ചെയ്തിട്ടുള്ള ഓപ്പണ്‍ സ്‌കൂള്‍ കുട്ടികള്‍ക്കുള്ള ഓറിയന്റേഷന്‍ ക്ലാസ് നവംബര്‍ 25ന് രാവിലെ 10 മുതല്‍ നടത്തുമെന്ന് പ്രിന്‍സിപ്പാള്‍ അറിയിച്ചു.