എം.സി കേസുകള്‍ മാറ്റി

തലശ്ശേരി എസ്.ഡി.എം കോടതിയില്‍ മെയ് 13ന് രാവിലെ 11 മണിക്ക് നടത്താനിരുന്ന എം.സി കേസുകള്‍ മെയ് 20ന് രാവിലെ 11 ലേക്ക് മാറ്റി.

മിനി ജോബ് ഫെയര്‍

വഖഫുകളുടെ വസ്തുവിവരങ്ങൾ ഉമീദ് പോര്‍ട്ടലില്‍ ചേര്‍ക്കണം

വഖഫ് ബോര്‍ഡുകളില്‍ രജിസ്റ്റര്‍ ചെയ്തിട്ടുള്ള വഖഫുകളുടെ മുഴുവന്‍ വസ്തുവിവരങ്ങളും കേന്ദ്ര സര്‍ക്കാര്‍ രൂപീകരിച്ചിട്ടുള്ള umeed.minorityaffairs.gov.in എന്ന സെന്‍ട്രല്‍ പോര്‍ട്ടലില്‍ ചേര്‍ക്കുന്നതിനുള്ള സമയപരിധി മെയ് 17ന് അവസാനിക്കും. അപ്‌ലോഡ് ചെയ്ത വസ്തുക്കളുടെ വിവരം രേഖകളുടെ പകര്‍പ്പ് സഹിതം ഈ തീയ്യതിക്കകം വഖഫ് ബോര്‍ഡ് ഓഫീസില്‍ ലഭിക്കണം. വിവരങ്ങള്‍ ചേര്‍ക്കാത്ത വഖഫ് ഭാരവാഹികള്‍ക്കെതിരെ നിയമ നടപടികള്‍ സ്വീകരിക്കുമെന്ന് കണ്ണൂര്‍ ഡിവിഷണല്‍ വഖഫ് ഓഫീസര്‍ അറിയിച്ചു. 

ഗസ്റ്റ് ഇന്‍സ്ട്രക്ടര്‍ നിയമനം

കേരള സ്റ്റേറ്റ് റൂട്രോണിക്‌സ് നടത്തുന്ന ഒരു വര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷ ക്ഷണിച്ചു. തിരുവനന്തപുരം, ആറ്റിങ്ങല്‍ പഠനകേന്ദ്രങ്ങളിലെ അംഗീകൃത കോഴ്‌സില്‍ റെഗുലര്‍, പാര്‍ട്ട് ടൈം ബാച്ചുകളിലേക്ക് പ്ലസ് ടു യോഗ്യതയുള്ളവര്‍ക്ക് ഇന്റേണ്‍ഷിപ്പോടെ അഡ്മിഷന്‍ നേടാം. കൂടുതല്‍ വിവരങ്ങള്‍ക്ക് 7994926081 എന്ന നമ്പറില്‍ ബന്ധപ്പെടുക.

കുട്ടനല്ലൂർ ശ്രീ.സി. അച്യുതമേനോൻ ഗവൺമെന്റ് കോളേജിൽ  2021-22 അധ്യയന വർഷം വരെ അഡ്മിഷൻ നേടിയവരിൽ കോഷൻ ഡെപ്പോസിറ്റ് തുക കൈപ്പറ്റാത്ത വിദ്യാർത്ഥികൾ ആവശ്യമായ രേഖകൾ സഹിതം മെയ് 31ന് മുൻപായി കോളേജിൽ എത്തിച്ചേർന്ന് തുക കൈപ്പറ്റണം. കൈപ്പറ്റാത്തവരുടെ തുക ഇനിയൊരു അറിയിപ്പ് കൂടാതെ  സർക്കാരിലേക്ക് മുതൽക്കൂട്ടുമെന്നും കോളേജ് പ്രിൻസിപ്പാൾ അറിയിച്ചു.

 ജില്ലാ വനിത ശിശു വികസന ഓഫീസിന് കീഴിൽ പ്രവർത്തിക്കുന്ന രാമവർമ്മപുരം മഹിളാ മന്ദിരത്തിലെ  ഗാർമെന്റ് മാനുഫാക്ചറിംഗ് യൂണിറ്റിലെ ഏഴ് താമസക്കാർക്ക് ഇൻഡസ്ട്രിയൽ മെഷീനുകളിൽ പരിശീലനം നൽകുന്നതിന് പ്രാഗല്ഭ്യമുള്ള വ്യക്തികൾ/ സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. കമ്പ്യൂട്ടറൈസ്ഡ് എംബ്രോയ്ഡറി, ബട്ടൺ ഹോൾ, ബട്ടൺ  അറ്റാച്ചിംഗ്, ഫോർ നീഡിൽ ഫ്ലാറ്റ് ബെഡ് ചെയിൻ സ്റ്റിച്ചിംഗ് മെഷീൻ, ഓവർ ലോക്ക് മെഷീനുകൾ ഉൾപ്പെടെ 11 ഇനം ഇൻഡസ്ട്രിയൽ മെഷീനുകളിലാണ് പരിശീലനം നൽകേണ്ടത്. താത്പര്യമുള്ളവർ ക്വട്ടേഷനുകൾ മെയ് 30ന് വൈകുന്നേരം നാല് മണിക്ക് മുമ്പായി ജില്ലാ വനിത ശിശു വികസന ഓഫീസറുടെ കാര്യാലയത്തിൽ ലഭ്യമാക്കണം.

ഇന്ത്യയിലെ സ്ത്രീകളെ ബാധിക്കുന്ന കാൻസറുകളിൽ രണ്ടാമത്തെ പ്രധാന കാൻസറായ ഗർഭാശയഗള കാൻസറിനെ പ്രതിരോധിക്കുന്നതിനുള്ള എച്ച്.പി.വി  വാക്‌സിനേഷൻ ക്യാമ്പയിനിന്റെ ഭാഗമായി ജില്ലയിലെ എല്ലാ സർക്കാർ ആരോഗ്യ കേന്ദ്രങ്ങളിലും സൗജന്യമായി വാക്‌സിൻ നൽകുന്നു. 14 മുതൽ 15  വയസ്സ് വരെ പ്രായമുള്ള എല്ലാ പെൺകുട്ടികളും ഒറ്റ ഡോസ് വാക്സിൻ എടുക്കേണ്ടതാണ്.
 

എസ്.എസ്.എൽ.സി  പരീക്ഷാഫലങ്ങൾ പരിശോധിക്കാനുള്ള സൗകര്യം ഇത്തവണ നമ്മുടെ കേരളം ആപ്പ് വഴിയും ലഭ്യമാകും.  വിദ്യാർത്ഥികൾക്കും രക്ഷിതാക്കൾക്കും ഫോണിൽ തന്നെ സൗകര്യപ്രദമായി ഫലം പരിശോധിക്കാൻ ഇതിലൂടെ സാധിക്കും.

ആപ്പ് ഡൗൺലോഡ് ചെയ്ത് വൺ ടൈം രജിസ്ട്രേഷൻ ചെയ്ത് പ്രവേശിച്ച ശേഷം  “ SSLC Results” ഓപ്ഷൻ തിരഞ്ഞെടുത്ത് നിങ്ങളുടെ രജിസ്റ്റർ നമ്പറും ജനന തീയതിയും നൽകി പരീക്ഷാഫലം പരിശോധിക്കാൻ സാധിക്കും. ഔദ്യോഗിക ഫലപ്രഖ്യാപനത്തിന് ശേഷമായിരിക്കും ആപ്പിലൂടെ ഫലം പരിശോധിക്കാനാവുക.

ഭാരതീയ ചികിത്സാ വകുപ്പും നാഷണല്‍ ആയുഷ് മിഷനും ചേര്‍ന്ന് കരിപ്പൂര്‍ ഹജ്ജ് പൗസില്‍ ഹാജിമാര്‍ക്കായി ആയുര്‍വേദ മെഡിക്കല്‍ ക്യാമ്പും യുനാനി മെഡിക്കല്‍ ക്യാമ്പും ഹജ്ജ് യുനാനി കിറ്റ് വിതരണവും സംഘടിപ്പിച്ചു. മലപ്പുറം ജില്ലാപഞ്ചായത്ത് പ്രസിഡന്റ് പി.എ. ജബ്ബാര്‍ ഹാജി ഉദ്ഘാടനം ചെയ്തു. ഹജജ് കമ്മിറ്റി ചെയര്‍മാന്‍ ഡോ. ഹുസൈന്‍ സഖാഫി ചുള്ളിക്കോട് അധ്യക്ഷത വഹിച്ച ചടങ്ങില്‍ ഭാരതീയ ചികിത്സാ വകുപ്പ് ജില്ലാമെഡിക്കല്‍ ഓഫിസര്‍ ഡോ. അബ്ദുസ്സലാം സഹീര്‍, ക്യാമ്പ് കണ്‍വീനര്‍ ഡോ. വി.പി.അബ്ദുല്‍റഷീദ്, ജോയിന്‍ കണ്‍വിനര്‍ ഡോ. ശബ്നാ ബിഗം, ഡോക്ടര്‍മാരായ യാസിറ, പി.എം.