പട്ടികവര്‍ഗ്ഗ വികസന വകുപ്പിന് കീഴില്‍ ശ്രീകാര്യം കട്ടേലയില്‍ പ്രവര്‍ത്തിക്കുന്ന ഡോ.അംബേദ്കര്‍ മെമ്മോറിയല്‍ മോഡല്‍ റസിഡന്‍ഷ്യല്‍ സ്‌കൂളില്‍ ജൂനിയര്‍ പബ്ലിക് ഹെല്‍ത്ത് നഴ്‌സ് തസ്തികയില്‍ നിയമനം നടത്തുന്നു. യോഗ്യരായ ഉദ്യോഗാര്‍ത്ഥികള്‍ മെയ് 25ന് രാവിലെ 10ന് സ്‌കൂളില്‍ നടക്കുന്ന അഭിമുഖത്തില്‍ പങ്കെടുക്കണം.

അടിസ്ഥാന യോഗ്യതയ്‌ക്കൊപ്പം സര്‍ക്കാര്‍ അല്ലെങ്കില്‍ സര്‍ക്കാര്‍ അംഗീകൃത സ്ഥാപനങ്ങളിലെ മുന്‍പരിചയം അഭികാമ്യം. പ്രായപരിധി 18നും 41നും മധ്യേ. ഫോണ്‍: 9495127149, 9037277148

പട്ടികജാതി വികസന വകുപ്പിന്റെ നിയന്ത്രണത്തിലുള്ള വെള്ളായണി ശ്രീ അയ്യങ്കാളി മെമ്മോറിയല്‍ ഗവ.മോഡല്‍ റസിഡന്‍ഷ്യല്‍ സ്‌കൂളില്‍ സ്‌പോർ ട്‌സ് പരിശീലകരുടെ ഒഴിവുണ്ട്.

വിദ്യാഭ്യാസ യോഗ്യത: ഡിഗ്രി അല്ലെങ്കില്‍ ഫിസിക്കല്‍ എഡ്യുക്കേഷന്‍ ഡിഗ്രി, എന്‍.ഐ.എസ് ഡിപ്ലോമ ഉള്‍പ്പെടെയുള്ള ടെക്‌നിക്കല്‍ യോഗ്യത അനിവാര്യം. വിവിധ സ്‌പോർട്‌സ് ഇനങ്ങളിലായി ആകെ ഏഴ് ഒഴിവുകളാണ് ഉള്ളത്.

വെണ്‍പകല്‍ സാമൂഹികാരോഗ്യ കേന്ദ്രത്തിലേക്ക് 2026-27 സാമ്പത്തിക വര്‍ഷത്തില്‍ ലാബ് റിയേജൻറുകൾ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. മെയ് 22, 23, 25 തീയതികളില്‍ രാവിലെ 10 മുതല്‍ 5 വരെ ടെന്‍ഡര്‍ ഫോമുകള്‍ വിതരണം ചെയ്യും.

ടെന്‍ഡര്‍ സമര്‍പ്പിക്കുന്നതിനുള്ള അവസാന തീയതി ജൂണ്‍ ഒന്നിന് വൈകുന്നേരം 5 മണി. ഫോണ്‍: 0471-2223594

നെയ്യാറ്റിന്‍കര ഗവ.പോളിടെക്‌നിക്ക് കോളേജില്‍ ബസ് ഡ്രൈവര്‍ കം ക്ലീനര്‍ തസ്തികയിലേയ്ക്ക് നിയമനം നടത്തുന്നു. നിശ്ചിത യോഗ്യതയുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം മെയ് 25ന് കോളേജ് ഓഫീസില്‍ അഭിമുഖത്തിന് എത്തണം.

പ്രായപരിധി 60 വയസ്സ്. അപേക്ഷാ ഫോമിന്റെ മാതൃക www.gptcnta.ac.in എന്ന വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാവുന്നതാണ്.

പട്ടികജാതി വികസന വകുപ്പിന്റെ നിയന്ത്രണത്തില്‍ തോന്നയ്ക്കലില്‍ പ്രവര്‍ത്തിക്കുന്ന ഗവ.മോഡല്‍ റസിഡന്‍ഷ്യല്‍ ഗേള്‍സ് ഇം​ഗ്ലീഷ് മീഡിയം സ്‌കൂളില്‍ 2026-27 അധ്യയന വര്‍ഷത്തില്‍ 5,6 ക്ലാസ്സുകളില്‍ അഡ്മിഷന്‍ ആരംഭിച്ചു.

താത്പര്യമുള്ളവര്‍ 9847967632, 9846289916 എന്നീ നമ്പറുകളില്‍ ബന്ധപ്പെടുക.

മഴക്കാല പൂർവ ശുചീകരണവും മുന്നൊരുക്കളും ചർച്ച ചെയ്യുന്നതിനായി കളക്ടറേറ്റിൽ വിവിധ വകുപ്പുകളിലെ ഉദ്യോ​ഗസ്ഥരുടെ അവലോകന യോ​ഗം ചേർന്നു. എല്ലാ വകുപ്പുകളുടേയും നേതൃത്വത്തിൽ മൺസൂൺ മുന്നൊരുക്കങ്ങൾ നടത്തണമെന്ന് യോ​ഗത്തിൽ അധ്യക്ഷത വഹിച്ച ജില്ലാ കളക്ടർ അനു കുമാരി നിർദ്ദേശം നൽകി. ഓരോ വകുപ്പും ചെയ്യേണ്ട മുന്നൊരുക്കങ്ങളെ സംബന്ധിച്ച് യോ​ഗത്തിൽ ചർച്ച ചെയ്തു. കൺസ്ട്രക്ഷൻ സൈറ്റുകളിൽ ഡെങ്കിപ്പനി പടരുന്ന സാഹചര്യം ഉള്ളതിനാൽ മുൻകരുതൽ എടുക്കുന്നതിന് ആരോ​ഗ്യവകുപ്പിന് യോ​ഗത്തിൽ നിർദ്ദേശം നൽകി.

താമരശ്ശേരി ചുരത്തില്‍ ഗതാഗത നിയന്ത്രണം

ഭിന്നശേഷിക്കാരായ കുട്ടികളുടെ രക്ഷിതാക്കള്‍ക്കായി ജില്ലാ ഭരണകൂടത്തിന്റെ നേതൃത്വത്തില്‍ 'സഹമിത്ര' മൊബൈല്‍ ആപ്ലിക്കേഷന്‍ ഒരുക്കുന്നതിന്റെ ഭാഗമായി ശില്‍പശാല സംഘടിപ്പിച്ചു. കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടി ജില്ലാ കലക്ടര്‍ സ്‌നേഹില്‍കുമാര്‍ സിങ് ഉദ്ഘാടനം ചെയ്തു. 

ഏനാദിമംഗലം  ഗ്രാമപഞ്ചായത്തില്‍ അംഗീകൃത കശാപ്പുശാലയില്‍ കശാപ്പ് ചെയ്ത മാട്ടിറച്ചി വാങ്ങി ശാലോംപുരം, മങ്ങാട്, കുറുമ്പകര, ഇരുപത്തിമൂന്ന് എന്നിവിടങ്ങളില്‍ 2027 മാര്‍ച്ച് 31 വരെ സ്വന്തമായി സ്്റ്റാള്‍ കെട്ടി വില്‍പന നടത്തുന്നതിനുളള അവകാശം ലേലം ചെയ്യുന്നു.  മെയ് 23 രാവിലെ 11ന് ഏനാദിമംഗലം ഗ്രാമപഞ്ചായത്ത് ഓഫീസില്‍ ലേലം നടക്കും.
ഫോണ്‍ : 04734 246031.
 

ഏഴംകുളം ഗ്രാമപഞ്ചായത്തിലെ എഞ്ചിനീയറിംഗ് വിഭാഗത്തില്‍ ക്ലര്‍ക്ക് തസ്തികയിലേക്ക് ദിവസവേതനാടിസ്ഥാനത്തില്‍ ആറുമാസത്തെ താല്‍കാലിക നിയമനം നടത്തുന്നു. യോഗ്യതയുളള ഉദ്യോഗാര്‍ഥികള്‍ മതിയായ രേഖ സഹിതം അപേക്ഷിക്കണം. അവസാന തീയതി മെയ് 23. ഫോണ്‍ : 04734 240637.