ലോവര്‍ പ്രൈമറി വിഭാഗം, അപ്പര്‍ പ്രൈമറി വിഭാഗം, ഹൈസ്‌കൂള്‍ വിഭാഗം, സ്‌പെഷ്യല്‍ വിഭാഗം (ഭാഷാ യു.പി) തലംവരെ/സ്‌പെഷ്യല്‍ വിഷയങ്ങള്‍-ഹൈസ്‌കൂള്‍ തലം വരെ) എന്നിവയിലെ അധ്യാപക യോഗ്യത പരീക്ഷക്ക് (കെ-ടെറ്റ്) വേണ്ടിയുളള വിജ്ഞാപനം പ്രസിദ്ധികരിച്ചു.  കാറ്റഗറി ഒന്നും രണ്ടും പരീക്ഷകള്‍ ജൂണ്‍ 23നും കാറ്റഗറി മൂന്നും നാലും പരീക്ഷകള്‍ ജൂണ്‍ 30നും വിവിധ സെന്ററുകളില്‍ നടക്കും.  കെ-ടെറ്റ് ജൂണ്‍ 2018 ല്‍ പങ്കെടുക്കുന്നതിനുളള ഓണ്‍ലൈന്‍ അപേക്ഷയും, ഫീസും www.keralapareekshabhavan.in എന്ന വെബ്‌സൈറ്റ്/  ktet.kerala.gov.in വെബ്‌പ

തിരുവനന്തപുരം ഗവ. ആര്‍ട്‌സ് കോളേജില്‍ ബയോകെമിസ്ട്രി വിഷയത്തില്‍ നിലവിലുളള ഒരു ഒഴിവിലേക്ക് മെയ് 30ന് രാവിലെ 11ന് ഇന്റര്‍വ്യൂ നടത്തും.  കോളേജ് വിദ്യാഭ്യാസ വകുപ്പ് കൊല്ലം ഡെപ്യൂട്ടി ഡയറക്ടറേറ്റില്‍ രജിസ്റ്റര്‍ ചെയ്തിട്ടുളള യു.ജി.സി നിഷ്‌കര്‍ഷിക്കുന്ന നിശ്ചിത യോഗ്യതയുളളവര്‍ക്ക് പങ്കെടുക്കാം. ജനനതീയതി, വിദ്യാഭ്യാസ യോഗ്യത, മുന്‍പരിചയം എന്നിവ തെളിയിക്കുന്ന അസല്‍ രേഖകള്‍, രജിസ്‌ട്രേഷന്‍ കാര്‍ഡ് എന്നിവ സഹിതം ഇന്റര്‍വ്യൂ ദിവസം പ്രിന്‍സിപ്പല്‍ മുമ്പാകെ ഹാജരാകണം.  ഫോണ്‍: 0471 2323040.

പി.എന്‍.എക്‌സ്.1836/18

കണ്ണൂര്‍ ജില്ലയിലെ  തലായി മത്സ്യബന്ധന തുറമുഖം മുഖ്യമന്ത്രി പിണറായി വിജയന്‍ ഇന്ന് (മെയ് 18) രാവിലെ 10ന് നാടിന് സമര്‍പ്പിക്കുമെന്ന് മത്സ്യബന്ധന, ഹാര്‍ബര്‍ എഞ്ചിനീയറിംഗ്, കശുവണ്ടി വ്യവസായ വകുപ്പ് മന്ത്രി ജെ. മെഴ്‌സിക്കുട്ടി അമ്മ അറിയിച്ചു.

തലായി, ഗോപാലപ്പേട്ട, ന്യൂമാഹി, തലശ്ശേരി, ധര്‍മ്മടം, മുഴുപ്പിലങ്ങാട് മത്സ്യഗ്രാമങ്ങളിലെ ആയിരക്കണക്കിന് മത്സ്യത്തൊഴിലാളികളുടെ ചിരകാലാഭിലാഷമാണ് സര്‍ക്കാര്‍ സാക്ഷാത്കരിക്കുന്നത്.

കൈറ്റ് - വിക്ടേഴ്‌സ് ചാനലില്‍ കുട്ടികളുടെ ശാരീരിക മാനസിക ആരോഗ്യ രംഗത്തെ സംശയങ്ങള്‍ നിവാരണം ചെയ്യുന്ന തത്സമയ ഫോണ്‍-ഇന്‍-പരിപാടിയായ ലൈറ്റ് ഹൗസില്‍ ഇന്ന് (മെയ് 18) ഉച്ചയ്ക്ക് 2.30 മുതല്‍ 3.30 വരെ ഭക്ഷ്യവിഷബാധയും ഭക്ഷണരീതിയും എന്ന വിഷയത്തില്‍ ഡോ. ആതിര ജി തമ്പി (യോഗ & നാച്യുറോപതി) പങ്കെടുക്കും. 18004259877 എന്ന ടോള്‍ഫ്രീ നമ്പറില്‍ വിളിച്ച് പരിപാടിയില്‍ പങ്കെടുക്കാം.

പി.എന്‍.എക്‌സ്.1834/18

കൈറ്റ് വിക്ടേഴ്‌സ് ചാനലില്‍ ഇന്ത്യന്‍ സൈദ്ധാന്തിക ഭൗതിക ശാസ്ത്രജ്ഞനും ടെക്‌സസ് സര്‍വകലാശാലയിലെ പ്രൊഫസറുമായിരുന്ന ഇ.സി. ജോര്‍ജ് സുദര്‍ശനെക്കുറിച്ചുള്ള ഡോക്യുമെന്ററി - പ്രകാശവേഗത്തിനുമപ്പുറം ഇന്ന് (മെയ് 18) രാവിലെ 11.00 നും വൈകുന്നേരം 6.30നും സംപ്രേഷണം  ചെയ്യും. 

പി.എന്‍.എക്‌സ്.1833/18

സംസ്ഥാനത്ത് ആദ്യമായി റിസര്‍വോയറിലെ കൂട് മത്സ്യകൃഷി നടപ്പാക്കിയ കണ്ണൂര്‍ ജില്ലയിലെ പഴശി ജലാശയത്തിലെ മത്സ്യവിളവെടുപ്പും, ലൈഫ് ഭവന പദ്ധതി താക്കോല്‍ ദാനവും ഇന്ന് (മെയ് 18) വൈകിട്ട് മൂന്നിന് ഫിഷറീസ്, ഹാര്‍ബര്‍ എഞ്ചിനീയറിംഗ്, കശുവണ്ടി വ്യവസായ വകുപ്പ് മന്ത്രി ജെ. മേഴ്‌സിക്കുട്ടി അമ്മ നിര്‍വ്വഹിക്കും.

പെരുമ്പറമ്പ് - കപ്പചേരിയില്‍ ചേരുന്ന ഉദ്ഘാടന സമ്മേളനത്തില്‍ അഡ്വ. സണ്ണി ജോസഫ് എം.എല്‍.എ അധ്യക്ഷത വഹിക്കും. ഫിഷറീസ് വകുപ്പിന്റെ ആഭിമുഖ്യത്തില്‍ സ്റ്റേറ്റ് ഫിഷറീസ് മാനേജ്‌മെന്റ് സൊസൈറ്റി (ഫിര്‍മ)യുടെ നേതൃത്വത്തിലാണ് കൂട് മത്സ്യകൃഷി നടപ്പാക്കിയിട്ടുള്ളത്.

    സംസ്ഥാന സര്‍ക്കാര്‍ രണ്ടുവര്‍ഷത്തിനിടെ മുഖ്യമന്ത്രിയുടെ ദുരിതാശ്വാസനിധിയില്‍ നിന്ന്  8752 പേര്‍ക്കായി 15,37,17,664 രൂപ വിതരണം ചെയ്തതായി ജില്ലാ കളക്ടര്‍ ജീവന്‍ബാബു.കെ അറിയിച്ചു. ജില്ലയില്‍ കാസര്‍കോട് താലൂക്കില്‍ 3002 പേര്‍ക്ക് 4,49,96,000 രൂപയും ഹൊസ്ദുര്‍ഗ് താലൂക്കില്‍ 3453 പേര്‍ക്ക് 6,81,64,164 രൂപയും മഞ്ചേശ്വരത്ത് 1379 പേര്‍ക്കായി 2,36,04,000 രൂപയും വെള്ളരിക്കുണ്ട് താലൂക്കില്‍ 918 പേര്‍ക്കായി 1,69,53,500 രൂപയും സഹായമായി അനുവദിച്ചിട്ടുണ്ടെന്നും കളക്ടര്‍ അറിയിച്ചു.   

    സംസ്ഥാന സര്‍ക്കാരിന്റെ രണ്ടാം വാര്‍ഷികാഘോഷങ്ങളുടെ വിളംബര പ്രചാരണ വാഹനത്തിന് ജില്ലാ കളക്ടറേറ്റില്‍ കളക്ടര്‍ ജീവന്‍ബാബു.കെ. ഫ്‌ളാഗ് ഓഫ് ചെയ്തു. വരുന്ന മൂന്ന് ദിവസങ്ങളില്‍ ജില്ലയിലുടനീളം പര്യടനം നടത്തുന്ന വാഹനത്തിലൂടെ വാര്‍ഷികാഘോഷ പരിപാടികളെ സംബന്ധിച്ച വിവരങ്ങള്‍ ജനങ്ങള്‍ക്കിടയിലേക്കെത്തിക്കും. ചടങ്ങില്‍ എഡിഎം: എന്‍.ദേവീദാസ്, ജില്ലാ ഇന്‍ഫര്‍മേഷന്‍ ഓഫീസര്‍ ഇ.വി.സുഗതന്‍, വിവിധ വകുപ്പുകളുടെ ജില്ലാ മേധാവികള്‍ തുടങ്ങിയവര്‍ പങ്കെടുത്തു.