നഴ്‌സുമാരുടെസേവനം വിലമിതക്കാനാവാത്തതാണെന്ന് പി ഉബൈദുള്ള എംല്‍എ പറഞ്ഞു. നഴ്‌സസ്‌വാരാഘോഷത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു എംഎല്‍എ. ആരോഗ്യ മേഖലയില്‍വിലമതിക്കാനാവാത്ത സേവനം നല്‍കുന്ന നഴ്‌സുമാര്‍ക്ക് മെച്ചപ്പെട്ട ശമ്പളം നല്‍കേണ്ടതുണ്ട്. മാന്യമായ വേതനം അവര്‍ക്ക് ലഭിക്കുന്നുണ്ടെന്ന് ഉറപ്പാക്കേണ്ടത് സമൂഹത്തിന്റെ ബാധ്യതയാണെന്നുംഎംഎല്‍എ പറഞ്ഞു. നഗരസഭാ ടൗണില്‍ നടന്ന പരിപാടിയില്‍ എഡിഎംവി. രാമചന്ദ്രന്‍ അധ്യക്ഷത വഹിച്ചു.

 ഭരണമികവിന്റെ നേര്‍സാക്ഷ്യം ജനങ്ങളിലേക്കെത്തിക്കാന്‍ ജില്ലാ ഭരണകൂടത്തിന്റെയും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെയും ആഭിമുഖ്യത്തില്‍ ഏഴു ദിവസങ്ങളിലായി മലപ്പുറം എം.എസ്.പി എല്‍.പി സ്‌കൂള്‍ ഗ്രൗണ്ടില്‍ നടന്ന പ്രദര്‍ശന വിപണനമേള 'ഒരുമയുടെ ഉത്സവം 2018 'സമാപിച്ചു. സമാപന സമ്മേളനം അഡീഷണല്‍ ജില്ലാ മജിസ്‌ട്രേറ്റ് വി. രാമചന്ദ്രന്‍ ഉദ്ഘാടനം ചെയ്തു. ജില്ലാ ഇന്‍ഫര്‍മേഷന്‍ ഓഫീസര്‍ സി. അയ്യപ്പന്‍ അദ്ധ്യക്ഷത വഹിച്ചു.

മലപ്പുറം കേന്ദ്രീയ വിദ്യാലയത്തില്‍ ഹൈസ്‌ക്കൂള്‍ വിഭാഗത്തിലേക്ക് ഹിന്ദി, ബയോളജി, സോഷ്യല്‍ സയന്‍സ്, കംപ്യൂട്ടര്‍ ഇന്‍സ്ട്രക്ടര്‍, ടേബിള്‍ ടെന്നീസ് പരിശീലകന്‍ എന്നീ ഒഴിവുകളിലേക്ക് കരാര്‍ അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  താല്‍പര്യമുള്ളവര്‍ അസ്സല്‍ രേഖകള്‍ സഹിതം മെയ് 21, 22 തിയ്യതികളില്‍ കൂടിക്കാഴ്ചയ്ക്കായി സ്‌കൂളില്‍ എത്തണം.  ഫോണ്‍ 0483 2734963.

2017-18 അധ്യായന വര്‍ഷം ജില്ലയിലെ വിവിധ സ്‌കൂളുകളിലായി എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നത വിജയം നേടിയ പട്ടികവര്‍ഗ്ഗ വിദ്യാര്‍ഥികളില്‍ നിന്നും പ്രോത്സാഹന ധനസഹായത്തിന് അപേക്ഷ ക്ഷണിച്ചു.  അപേക്ഷ മെയ് 31നകം നിലമ്പൂര്‍ ഐ.റ്റി.ഡി.പി ഓഫീസില്‍ ലഭിക്കണം.  ഫോണ്‍ 04931 220315, 9496070368.

ജില്ലയില്‍ മത്സ്യത്തൊഴിലാളി കടാശ്വാസ കമ്മീഷന്‍  മെയ് 18ന് രാവിലെ 10ന് തിരൂര്‍ ഇ.എം.എസ് സാംസ്‌കാരിക നിലയത്തില്‍ അദാലത്ത് നടത്തും.  അദാലത്തില്‍ പങ്കെടുക്കാന്‍ നോട്ടീസ് ലഭിച്ച അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും അന്നേദിവസം രാവിലെ എത്തണം.