* ക്ലാസിക് സിനിമകളുടെ സംപ്രേഷണത്തിന്റെയും, എട്ടു പുതിയ പരിപാടികളുടെയും ഉദ്ഘാടനം നിര്‍വഹിച്ചു

പൊതുവിദ്യാഭ്യാസത്തിന്റെ ആശയതലത്തില്‍ നിന്നുകൊണ്ട് കുട്ടികളുടെ മനസിന്റെ പൊതുവിടങ്ങള്‍ വികസിപ്പിക്കാന്‍ വിക്‌ടേഴ്‌സ് ചാനലിന് കഴിയുന്നുണ്ടെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് പറഞ്ഞു. കൈറ്റ് വിക്‌ടേഴ്‌സ് ചാനലില്‍ 100 ലോകോത്തര ക്ലാസിക് സിനിമകള്‍ സംപ്രേഷണം ചെയ്യുന്നതിന്റെയും, എട്ടു പുതിയ പരിപാടികളുടെ ഉദ്ഘാടനവും നിര്‍വഹിച്ചു സംസാരിക്കുകയായിരുന്നു മന്ത്രി.

ചൊവ്വ-നടാല്‍ ബൈപാസ് നവീകരണ പ്രവൃത്തിയുടെ ഭാഗമായി ഉപരിതലം പുതുക്കുന്ന പ്രവൃത്തി നടക്കുന്നതിനാല്‍ ഫെബ്രുവരി 16 മുതല്‍ പത്ത് ദിവസത്തേക്ക് ഇതുവഴി ഭാഗികമായി ഗതാഗത നിയന്ത്രണം ഏര്‍പ്പെടുത്തിയതായി പൊതുമരാമത്ത് വകുപ്പ് എക്‌സിക്യുട്ടീവ് എന്‍ജിനീയര്‍ അറിയിച്ചു.
പി.എന്‍.സി/389/2018

*'ശാസ്ത്രയാന്‍ 2018' പദ്ധതിയുടെ സംസ്ഥാനതല ഉദ്ഘാടനം നിര്‍വഹിച്ചു

ഗവേഷണം പ്രോത്‌സാഹിപ്പിക്കുന്നതിനായി സര്‍ക്കാര്‍ കൈരളി അവാര്‍ഡുകള്‍ ഈവര്‍ഷം മുതല്‍ ഏര്‍പ്പെടുത്തുമെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് പറഞ്ഞു. ഉന്നതവിദ്യാഭ്യാസമെന്നാല്‍ പഠനത്തില്‍ ആര്‍ജിച്ച അറിവുകള്‍ ആശയോത്പാദനമായും ഗവേഷണമായും വളരുകയെന്നതാണെന്നും അദ്ദേഹം പറഞ്ഞു. ഉന്നതവിദ്യാഭ്യാസ വകുപ്പിന്റെയും റൂസ കേരള പ്രോജക്ട് ഡയറക്ടറേറ്റിന്റെയും നേതൃത്വത്തില്‍ ആരംഭിച്ച 'ശാസ്ത്രയാന്‍ 2018' പദ്ധതിയുടെ സംസ്ഥാനതല ഉദ്ഘാടനം ഗവ. വിമന്‍സ് കോളേജില്‍ നിര്‍വഹിച്ചുസംസാരിക്കുകയായിരുന്നു അദ്ദേഹം.

പരിസ്ഥിതിയും ജലാശയങ്ങളും സംരക്ഷിച്ച് പുതിയ കേരളം സൃഷ്ടിക്കുന്നതിന് വരും തലമുറയെ ഉദ്ബുദ്ധരാക്കുക എന്ന ലക്ഷ്യത്തോടെ മുഖ്യമന്ത്രി പിണറായി വിജയന്‍ വിദ്യാര്‍ത്ഥികള്‍ക്ക് അയച്ച കത്തിനുള്ള മറുപടി കത്തയച്ച വിദ്യാര്‍ത്ഥികളിലെ വിജയികളെ പ്രഖ്യാപിച്ചു. എല്‍. പി, യു. പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളില്‍ നിന്നുള്ള ആദ്യ മൂന്നു സ്ഥാനക്കാര്‍ക്ക് യഥാക്രമം പതിനായിരം, ഏഴായിരം, അയ്യായിരം രൂപയും പ്രോത്‌സാഹന സമ്മാനത്തിന് അര്‍ഹരായവര്‍ക്ക് 2500 രൂപയുമാണ് പാരിതോഷികം. 

കേരളത്തിലെ കാര്‍ഷികോല്‍പ്പന്ന അധിഷ്ഠിത മൂല്യവര്‍ധന സംരംഭങ്ങളുടെ പ്രോല്‍സാഹന പദ്ധതി പ്രകാരം ചെറുകിട സൂക്ഷ്മതല സംരംഭങ്ങള്‍ തുടങ്ങുന്നതിന് സ്‌മോള്‍ ഫാര്‍മേഴ്‌സ് അഗ്രി ബിസിനസ് കണ്‍സോര്‍ഷ്യം വഴി സാമ്പത്തിക സഹായം നല്‍കുന്നു.   കാര്‍ഷികോല്‍പ്പന്നങ്ങളുടെ മൂല്യവര്‍ധനവ് ലക്ഷ്യമിട്ടുകൊണ്ടുള്ള 25 ലക്ഷം രൂപ വരെ ചെലവുവരുന്ന സംരംഭങ്ങള്‍ക്ക് മൂലധന ചെലവിന്റെ 50 ശതമാനം, പരമാവധി 10 ലക്ഷം രൂപ വരെ സബ്‌സിഡി നല്‍കും.  25 ലക്ഷം മുതല്‍ 10 കോടി രൂപ വരെ ചെലവു വരുന്ന ചെറുകിട ഇടത്തരം സംരംഭങ്ങള്‍ക്ക് ചെലവാക്കുന്ന തുകയുടെ 50 ശതമാനം, പരമാവധി 50 ലക്ഷം രൂപ വരെ സബ്‌സിഡിയും നല്‍കും.

ജില്ലാ ആയുര്‍വേദ ആശുപത്രിയിലെ പ്രസൂതിതന്ത്ര യൂണിറ്റില്‍ ഒഴിവുള്ള മെഡിക്കല്‍ ഓഫീസര്‍ തസ്തികയിലേക്ക് താല്‍ക്കാലിക നിയമനം നടത്തുന്നു.  യോഗ്യത: പ്രസൂതി തന്ത്ര/സ്ത്രീരോഗ എം എസ്/എം ഡി.  താല്‍പര്യമുള്ളവര്‍ 17 ന് രാവിലെ 11 മണിക്ക് ഭാരതീയ ചികിത്സാ വകുപ്പ് സിവില്‍ സ്റ്റേഷനിലുള്ള അഡീഷണല്‍ ബ്ലോക്ക് ഓഫീസില്‍ അസ്സല്‍ സര്‍ട്ടിഫിക്കറ്റുകളുമായി നേരിട്ട് ഹാജരാകണം.  ഫോണ്‍: 0497 2700911.
പി.എന്‍.സി/389/2018

കൂത്തുപറമ്പ് ബ്ലോക്കിലെ കുടുംബശ്രീ അംഗങ്ങള്‍ക്കായി പാട്യം ഗ്രാമപഞ്ചായത്ത് ഹാളില്‍ ഫിലിം ഫെസ്റ്റിവല്‍ സംഘടിപ്പിച്ചു. കുടുംബശ്രീ ജെന്‍ഡര്‍ ക്യാമ്പയിന്‍ നീതം 2018 ന്റെ ഭാഗമായാണ് ഫിലിം ഫെസ്റ്റിവെല്‍. ബ്ലോക്ക് പഞ്ചായത്ത് പ്രസിഡണ്ട് എ അശോകന്‍, ഉദ്ഘാടനം ചെയ്തു. ജില്ലയിലെ 7 കേന്ദ്രങ്ങളില്‍ കൂടി  പ്രദര്‍ശനം സംഘടിപ്പിക്കുമെന്ന് ജില്ലാ പ്രോഗ്രാം മാനേജര്‍ അറിയിച്ചു.     സി ഡി എസ്സ് ചെയര്‍പെഴ്‌സണ്‍ എന്‍ ഷിനിജ , ദീപ പി, റീന ടി, പ്രവീണ്‍ കുമാര്‍, ബ്ലോക്ക് കോ-ഓഡിനേറ്റര്‍ അപര്‍ണ്ണ ഉണ്ണികൃഷ്ണന്‍ എന്നിവര്‍  സംസാരിച്ചു.
പി.എന്‍.സി/389/2018

റേഷന്‍ കാര്‍ഡ് പുതുക്കല്‍ പ്രക്രിയയില്‍ ഫോട്ടോ എടുത്ത് റേഷന്‍ കാര്‍ഡ് പുതുക്കാന്‍ കഴിയാത്തവരില്‍ നിന്നും, ഇന്നേവരെ  ഒരിക്കലും റേഷന്‍ കാര്‍ഡ് ലഭ്യമാകാത്ത കുടുംബങ്ങളില്‍ നിന്നും  റേഷന്‍ കാര്‍ഡിനുളള അപേക്ഷകള്‍ കണ്ണൂര്‍ താലൂക്ക് സപ്ലൈ ഓഫീസില്‍ സ്വീകരിക്കും. തീയ്യതി, സ്ഥലം എന്ന ക്രമത്തില്‍.  ഫെബ്രുവരി 19 - എളയാവൂര്‍, ചേലോറ സോണല്‍.  20 -  മാടായി, മാട്ടൂല്‍ പഞ്ചായത്ത്.  21 - ഏഴോം, ചെറുതാഴം, ചെറുകുന്ന്. 22 - കടന്നപ്പളളി-പാണപ്പുഴ, കുഞ്ഞിമംഗലം പഞ്ചായത്ത്. 23 - നാറാത്ത്, പാപ്പിനിശ്ശേരി, കല്ല്യാശ്ശേരി. 24 - ചിറക്കല്‍, അഞ്ചരക്കണ്ടി കണ്ണപുരം പഞ്ചായത്ത്. 26 - പുഴാതി സോണല്‍, വളപട്ടണം പഞ്ചായത്ത്.

കാഞ്ഞിരങ്ങാട് പ്രവര്‍ത്തിക്കുന്ന സൗജന്യ സ്വയം തൊഴില്‍ പരിശീലനകേന്ദ്രമായ റുഡ്സെറ്റ് ഇന്‍സ്റ്റിറ്റ്യൂട്ടില്‍ ഓഫീസ് അറ്റന്‍ഡര്‍, വാച്ച്മാന്‍ & ഗാര്‍ഡ്‌നര്‍ തസ്തികകളിലേക്ക്   അപേക്ഷ ക്ഷണിച്ചു. യോഗ്യത: പത്താം ക്ലാസ്.  പ്രായം: 18 - 30. കാഞ്ഞിരങ്ങാട് സമീപ പ്രദേശത്തുള്ളവര്‍ക്ക് മുന്‍ഗണന. താല്‍പര്യമുള്ളവര്‍ 25 നകം ബയോഡാറ്റ സഹിതം ഡയറക്ടര്‍, റുഡ്സെറ്റ് ഇന്‍സ്റ്റിറ്റ്യൂട്ട്, കാഞ്ഞിരങ്ങാട്.പി .ഒ, കണ്ണൂര്‍-670142 എന്ന വിലാസത്തില്‍ അപേക്ഷിക്കണം. ഫോണ്‍: 0460 2226573.
പി.എന്‍.സി/389/2018

നാഷനല്‍ സര്‍വീസ് സ്‌കീം (എന്‍.എസ്.എസ്) യൂനിറ്റുകളുടെ പ്രവര്‍ത്തനങ്ങള്‍ക്ക് വേറിട്ടൊരു മാതൃക തീര്‍ക്കുകയാണ് പള്ളിക്കുന്ന് കൃഷ്ണമേനോന്‍ സ്മാരക ഗവ. വനിതാ കോളജിലെ എന്‍.എസ്.എസ് യൂനിറ്റുകള്‍. കണ്ണൂര്‍ ജില്ലയിലെ ഉദാരമതികളുടെ സഹകരണത്തോടെ ചെന്നൈ മുക്തിയുടെ കൃത്രിമക്കാല്‍ നിര്‍മ്മാണവും വിതരണവും നടത്തുന്ന ക്യാമ്പ് തികച്ചും സൗജന്യമായി സംഘടിപ്പിക്കുകയാണിവര്‍. ഫെബ്രുവരി 25 മുതല്‍ മാര്‍ച്ച് ഒന്ന് വരെ ഗവ. വനിതാ കോളജില്‍ നടക്കുന്ന ക്യാമ്പില്‍ അമ്പതിലേറെ പേര്‍ക്ക് കൃത്രിമക്കാല്‍ വെച്ചു കൊടുക്കും. ഇതോടൊപ്പം ക്യാന്‍സര്‍ കുടുംബത്തെ ദത്തെടുക്കലും നടത്തും.