പാലക്കാട് ഐ.ഐ.റ്റി. ഭൂമി ഏറ്റെടുക്കലുമായി ബന്ധപ്പെട്ട് കണ്ണൂര്‍ ഡോണ്‍ ബോസ്കോ ആര്‍ട്സ് ആന്‍ഡ് സയന്‍സ് കോളെജ് നടത്തിയ സാമൂഹിക ആഘാത പഠനത്തിന്‍റെ (എസ്.ഇ.എ) ഡ്രാഫ്റ്റ് റിപ്പോര്‍ട്ടിന്മേലുള്ള പൊതു ചര്‍ച്ച ഡിസംബര്‍ 12ന് രാവിലെ 11ന് പുതുശ്ശേരി പഞ്ചായത്ത് ഹാളില്‍ നടക്കും. താത്പര്യമുള്ളവര്‍ക്ക് പങ്കെടുക്കാം. പഠന റിപ്പോര്‍ട്ടിന്‍റെ പകര്‍പ്പ് പുതുശ്ശേരി പഞ്ചായത്ത് ഓഫീസില്‍ ലഭിക്കും. ഫോണ്‍ : 9562359525,9447190154.

                വി.എച്ച്.എസ്.ഇ. വകുപ്പില്‍ വൊക്കേഷണല്‍ ഇന്‍സ്ട്രക്ടര്‍ ഇന്‍ സിവില്‍ കണ്‍സ്ട്രക്ഷന്‍ ആന്‍ഡ് മെയിന്റനന്‍സ് (കാറ്റഗറി നമ്പര്‍ 90/17) തസ്തികയിലേക്കുള്ള ഒ.എം.ആര്‍. പരീക്ഷ ഡിസംബര്‍ 7ന് രാവിലെ 7.30 മുതല്‍ 9.15 വരെ കല്‍പ്പറ്റ എസ്.കെ.എം.ജെ. ഹൈസ്‌കൂളില്‍ നടത്തും.

    എലപ്പുള്ളി ഗ്രാമപഞ്ചായത്തില്‍ വസ്തുനികുതി കുടിശ്ശിക ഒറ്റത്തവണ തീര്‍പ്പാക്കലിന്‍റെ ഭാഗമായി 2018 ഫെബ്രുവരി 28 വരെ പിഴപ്പലിശ ഒഴിവാക്കിയതായി സെക്രട്ടറി അറിയിച്ചു.ഫോണ്‍ : 0491 2583230
    

    മലമ്പുഴ വനിതാ ഐ.റ്റി.ഐ.യുടെ ഇന്‍സ്റ്റിറ്റ്യൂട്ട് മാനെജ്മെന്‍റ് കമ്മിറ്റി നടത്തുന്ന ടാലി കോഴ്സിന് ഇന്‍സ്ട്രക്ടറെ ആവശ്യമുണ്ട്. ബി.കോം ബിരുദവും ടാലി ഇ.ആര്‍.പി.9 യും ഒരു വര്‍ഷത്തെ പ്രവൃത്തി പരിചയവുമാണ് യോഗ്യത. യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഡിസംബര്‍ എട്ടിന് രാവിലെ 11ന്   നടക്കുന്ന കൂടിക്കാഴ്ചയില്‍ പങ്കെടുക്കണമെന്ന് പ്രിന്‍സിപ്പല്‍ അറിയിച്ചു.ഫോണ്‍ : 0491 2815181 

 മലമ്പുഴ വനിതാ ഐ.റ്റി.ഐ.യില്‍ ഫാഷന്‍ ഡിസൈന്‍ ടെക്നോളജി ട്രേഡിലേയ്ക്ക് ഗസ്റ്റ് ഇന്‍സ്ട്രക്റ്ററുടെ ഒഴിവുണ്ട്. അംഗീകൃത യൂനിവേസിറ്റിയില്‍ നിന്നും ഫാഷന്‍ ഡിസൈന്‍ ടെക്നോളജിയിലുള്ള ബിരുദം ബന്ധപ്പെട്ട മേഖലയിലുള്ള ഒരു വര്‍ഷത്തെ പ്രവൃത്തി പരിചയം അല്ലെങ്കില്‍ അംഗീകൃത ബോര്‍ഡ്/സ്ഥാപനത്തില്‍ നിന്നുള്ള ഫാഷന്‍ ഡിസൈനിങ് ടെക്നോളജിയിലുള്ള ത്രിവത്സര ഡിപ്ലൊമ അല്ലെങ്കില്‍ ബന്ധപ്പെട്ട ട്രേഡിലുള്ള എന്‍.ടി.സി./എന്‍.എ.സി.യും മൂന്ന് വര്‍ഷത്തെ പ്രവൃത്തി പരിചയവുമാണ് യോഗ്യത.

    നിര്‍ധനരും മറ്റു സാമ്പത്തിക സഹായങ്ങളൊന്നും ലഭിക്കാത്ത രണ്ടാം ലോക മഹായുദ്ധ സേനാനികളുടെ വിധവകള്‍ക്ക് സര്‍ക്കാര്‍ നല്‍കുന്ന സാമ്പത്തിക സഹായത്തിന് അപേക്ഷിക്കാം. അര്‍ഹരായവര്‍ ജില്ലാ സൈനികക്ഷേമ ഓഫീസില്‍ നേരിലോ ദൂതന്‍ മുഖേനെയോ ഉടന്‍ എത്തണമെന്ന് ജില്ലാ സൈനികക്ഷേമ ഓഫീസര്‍ അറിയിച്ചു. മിലിറ്ററി സേവനത്തിന്‍റെ അസ്സല്‍ പ്രമാണവുമായാണ് എത്തേണ്ടത്.