മട്ടന്നൂര്‍ ഗവ.പോളിടെക്‌നിക് കോളേജ് കോമ്പൗണ്ടില്‍ ചുറ്റുമതില്‍ നിര്‍മ്മിക്കുന്നതിനായി മരങ്ങള്‍ ലേലം ചെയ്ത്  മുറിച്ചെടുക്കുന്നതിന് ക്വട്ടേഷന്‍ ക്ഷണിച്ചു.  മഹാഗണി, പാറകം, മെയ്ഫ്‌ളവര്‍, മട്ടി മരങ്ങളാണ് ലേലം ചെയ്യുന്നത്.  ക്വട്ടേഷനുകള്‍ 28 ന് രാവിലെ 11 മണി വരെ സ്വീകരിക്കും.
പി എന്‍ സി/4452/2017
 

   കളനാട് വാണിയൂര്‍ വീട്ടില്‍ ബിന്ദുവിന്റെയും ഉണ്ണികൃഷ്ണന്റെയും ആറു ദിവസം പ്രായമുള്ള രണ്ടാമത്തെ കുഞ്ഞിന് ഒരു അപൂര്‍വ്വ നേട്ടം. ജില്ലയിലെ നവജാതശിശുക്കളില്‍ ആദ്യ ആധാര്‍ സ്വന്തമാക്കുകയാണ് ഈ പെണ്‍കുഞ്ഞ്. സംസ്ഥാന ഐടി മിഷന്റെ ഭാഗമായി അക്ഷയ ജില്ലാ പ്രോജക്ട് ഓഫിസിന്റെ നേതൃത്വത്തില്‍ നവജാത ശിശുക്കളുടെ ആധാര്‍ എന്റോള്‍മെന്റിന്റെ ജില്ലാതല ഉദ്ഘാടനം ജില്ലാ കളക്ടര്‍ ജീവന്‍ബാബു.കെ കുഞ്ഞിന്റെ ഫോട്ടോ എടുത്ത് നിര്‍വഹിച്ചതോടെയാണ് ഈ അപൂര്‍വ നേട്ടത്തിന് കുഞ്ഞ് അര്‍ഹയായത്. ചൈല്‍ഡ് എന്റോള്‍മെന്റ് ടാബിലൂടെയാണ് കളക്ടര്‍ ഫോട്ടോ എടുത്തത്. കുഞ്ഞിന്റെ അമ്മയുടെ വിരലടയാളം പതിപ്പിച്ച് മറ്റുവിവരങ്ങളും ചേര്‍ത്തു.

പെരളശ്ശേരി പഞ്ചായത്തിലെ 88 ാം നമ്പര്‍ റേഷന്‍ കടയിലെ വിതരണം ചെയ്യാന്‍ ബാക്കിയുളള റേഷന്‍ കാര്‍ഡുകള്‍ നവംബര്‍ 27 ന് വിതരണം ചെയ്യും.  പഴയ റേഷന്‍ കാര്‍ഡ്, തിരിച്ചറിയല്‍ കാര്‍ഡ് എന്നിവ സഹിതം, കാര്‍ഡുടമയോ കാര്‍ഡില്‍ ഉള്‍പ്പെട്ട അംഗമോ റേഷന്‍കടയില്‍ ഹാജരായി  പുതിയ റേഷന്‍ കാര്‍ഡ് കൈപ്പറ്റേണ്ടതാണ്.     വിതരണ സമയം രാവിലെ 10 മണി മുതല്‍ വൈകിട്ട് 4 വരെ.
പി എന്‍ സി/4451/2017
 

 കണ്ണൂര്‍ എം.പി പി.കെ ശ്രീമതി ടീച്ചര്‍ നിര്‍ദേശിച്ച വിവിധ പദ്ധതികളിലായി 55,56,490 രൂപ ചെലവഴിക്കുന്നതിന് ജില്ലാ കളക്ടര്‍ ഭരണാനുമതി നല്‍കി. 

    റവന്യൂ-ഭവന നിര്‍മ്മാണവകുപ്പു മന്ത്രി ഇ ചന്ദ്രശേഖരന്‍   25, 26, 27 തീയ്യതികളില്‍ ജില്ലയില്‍ വിവിധ പരിപാടികളില്‍ പങ്കെടുക്കും. നാളെ (25 ന്) രാവിലെ  എട്ട് മണിക്ക്  ഒടയംചാലില്‍  ഏഴാം മൈല്‍ പൂടങ്കല്ല് റോഡ് പ്രവര്‍ത്തി ഉദ്ഘാടനം, 10 മണിക്ക്  കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ പൊതുപരിപാടി, ഉച്ചയ്ക്ക് രണ്ട് മണിക്ക്  പെരിയ ബഡ്‌സ് സ്‌കൂള്‍ വാര്‍ഷികം, 3.30 ന് ചിത്താരിയില്‍ പൊതുപരിപാടി, 26 ന്  രാവിലെ 10 ന് കാഞ്ഞങ്ങാട് പൊതുപരിപാടി, രണ്ട് മണിക്ക്   കാഞ്ഞങ്ങാട് ടൗണ്‍ഹാളില്‍ പൊതുപരിപാടി, വൈകീട്ട്  നാലിന്  മടക്കരയില്‍ പൊതുപരിപാടി.

 കേരള കൈത്തറി ഉല്‍പ്പന്നങ്ങളുടെ പ്രചരണാര്‍ത്ഥം കേരള സര്‍ക്കാര്‍ കൈത്തറി & ടെക്സ്റ്റയില്‍സ് വകുപ്പും  ജില്ലാ വ്യവസായ കേന്ദ്രവും ചേര്‍ന്ന്  സ്‌കൂള്‍ വിദ്യാര്‍ത്ഥികള്‍ക്കായി ചിത്രരചനാ മത്സരം സംഘടിപ്പിക്കുന്നു.  നവംബര്‍ 25ന് രാവിലെ 9 മണിക്ക് ജവഹര്‍ ലൈബ്രറി ഹാളില്‍ നടക്കുന്ന പരിപാടി തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പളളി ഉദ്ഘാടനം ചെയ്യും.    മേയര്‍ ഇ പി ലത അധ്യക്ഷത വഹിക്കും.  
    ചിത്രരചനാ മത്സരത്തിന് അപേക്ഷ സമര്‍പ്പിച്ചവര്‍ രാവിലെ 9 മണിക്ക് ജവഹര്‍ ലൈബ്രറി ഹാളില്‍ എത്തേണ്ടതാണെന്ന് ജില്ലാ വ്യവസായ കേന്ദ്രം ജനറല്‍ മാനേജര്‍ അറിയിച്ചു.  ഫോണ്‍: 9446515050, 9072201742.

മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും അനുവദിച്ച ചികിത്സാ സഹായ വിതരണം മുണ്ടേരി ഗ്രാമപഞ്ചായത്ത് ഹാളില്‍ നാളെ (നവംബര്‍ 24) നടക്കും.  പകല്‍ 12 മണിക്ക് നടക്കുന്ന ചടങ്ങ് തുറമുഖ-പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പളളി ഉദ്ഘാടനം ചെയ്യും.  മുണ്ടേരി ഗ്രാമപഞ്ചായത്ത് പ്രസിഡണ്ട് എ പങ്കജാക്ഷന്‍ അധ്യക്ഷത വഹിക്കും.  സാമൂഹ്യ സുരക്ഷാ പദ്ധതികള്‍ സംബന്ധിച്ച് രാവിലെ 10 മണി മുതല്‍ ബോധവല്‍ക്കരണ ക്ലാസും നടക്കും.  ടി ടി സബാസ്റ്റ്യന്‍ ക്ലാസെടുക്കും.
പി എന്‍ സി/4448/2017
 

    പൊതുമരാമത്ത് വകുപ്പ് മന്ത്രി  ജി സുധാകരന്‍ ഇന്ന് (24) ജില്ലയില്‍ വിവിധ പരിപാടികളില്‍ പങ്കെടുക്കും.

കൊട്ടിയൂര്‍ ഗ്രാമപഞ്ചായത്തില്‍ ബാവലിപ്പുഴയ്ക്ക് കുറുകെ നിര്‍മിക്കുന്ന ചുങ്കക്കുന്ന് പാലം പ്രവൃത്തി ഉദ്ഘാടനം നവംബര്‍ 25ന് വൈകിട്ട് 5 മണിക്ക് പൊതുമരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും.  ചടങ്ങില്‍ അഡ്വ.സണ്ണി ജോസഫ് എം എല്‍ എ അധ്യക്ഷത വഹിക്കും.  പി കെ ശ്രീമതി ടീച്ചര്‍ എം പി പങ്കെടുക്കും.
പി എന്‍ സി/4447/2017
 

 കല്ല്യാശ്ശേരി നിയോജകമണ്ഡലത്തിലെ പഴയങ്ങാടി-മാടായി-പുതിയങ്ങാടി-മാട്ടൂല്‍ റോഡ് അഭിവൃദ്ധിപ്പെടുത്തുന്ന പ്രവൃത്തി ഉദ്ഘാടനം നവംബര്‍ 25ന് പൊതു മരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും.  പഴയങ്ങാടിയില്‍ നടക്കുന്ന ചടങ്ങില്‍ ടി വി രാജേഷ് എം എല്‍ എ അധ്യക്ഷത വഹിക്കും.  പി കരുണാകരന്‍ എം പി മുഖ്യ പ്രഭാഷണം നടത്തും.  ജില്ലാ പഞ്ചായത്ത് പ്രസിഡണ്ട് കെ വി സുമേഷ് വിശിഷ്ടാതിഥിയായിരിക്കും.
പി എന്‍ സി/4446/2017