കാക്കനാട്: തിരഞ്ഞെടുപ്പ് കമ്മീഷന്‍ അഖിലേന്ത്യാടിസ്ഥാനത്തില്‍ നടത്തുന്ന ക്വിസ് മത്സരവുമായി ബന്ധപ്പെട്ട് ജില്ലാടിസ്ഥാനത്തിലുള്ള സ്‌കൂള്‍ വിദ്യാര്‍ഥികളുടെ മത്സരത്തില്‍ പുളിയനം ജിഎച്ച്എസ്എസിലെ അക്ഷയ് പരമേശ്വരനും എമില്‍ എല്‍ദോയും ജേതാക്കളായി. ഡില്ല ജോണി, ബസ്മ അബ്ദുള്‍ കരീം (എസ്എജിഎച്ച്എസ്എസ്, മുവാറ്റുപുഴ), അനുശ്രീ കെ ദേവ്, മിഥു അന്ന ജോസഫ് (സെന്റ് അഗസ്റ്റിന്‍സ് ജിഎച്ച്എസ്എസ്, കോതമംഗലം) എന്നിവര്‍ യഥാക്രമം രണ്ടും മൂന്നും സ്ഥാനങ്ങളിലെത്തി. 

കാക്കനാട്: കുട്ടികളുടെ അവകാശങ്ങളും സംരക്ഷണ പ്രവര്‍ത്തനങ്ങളും കാര്യക്ഷമമായി നടപ്പാക്കുന്നതിന്റെ ഭാഗമായി ജില്ലാതല വാര്‍ഷിക പദ്ധതിക്ക് രൂപം നല്‍കുന്നതിന് വനിത ശിശു വികസന വകുപ്പിലെ ജില്ല ശിശു സംരക്ഷണ യൂണിറ്റ് തയാറെടുക്കുന്നു. കുട്ടികളുടെ അവകാശ സംരക്ഷണ പ്രവര്‍ത്തനങ്ങളില്‍ മികച്ച പരിഗണന നല്‍കേണ്ട വിഷയങ്ങള്‍, അതിന്റെ പ്രയോജനം, നടപ്പാക്കേണ്ട രീതി, പങ്കാളിത്തം എന്നിവ ഉള്‍ക്കൊള്ളിച്ച് ഈ മേഖലയില്‍ പ്രവര്‍ത്തിക്കുന്നതോ താത്പര്യമുള്ളതോ ആയ സംഘടനകള്‍, വ്യക്തികള്‍ എന്നിവരില്‍ നിന്നും നിര്‍ദേശങ്ങള്‍ ക്ഷണിച്ചു. നിര്‍ദേശങ്ങള്‍ ലഭിക്കേണ്ട അവസാന തീയതി ഡിസംബര്‍ 31.

പേരൂര്‍ക്കട ജില്ലാ മാതൃകാ ആശുപത്രിയിലെ സെക്യൂരിറ്റി തസ്തികയില്‍ നിലവിലുള്ള ഒഴിവുകളിലേയ്ക്ക് ദിവസ വേതനാടിസ്ഥാനത്തില്‍ നിയമനത്തിനുള്ള കൂടികാഴ്ച ഡിസംബര്‍ ഏഴിന് രാവിലെ 11 മണിക്ക് സൂപ്രണ്ടിന്റെ ഓഫീസില്‍ നടത്തും.  യോഗ്യതയുള്ളവര്‍ രേഖകളോടുകൂടി എത്തണം.  വിമുക്തഭടന്‍മാര്‍ക്ക് മുന്‍ഗണന.  

പി.എന്‍.എക്‌സ്.5176/17

സംസ്ഥാന സഹകരണ യൂണിയന്‍, കേരളയുടെ ആഭിമുഖ്യത്തില കണ്ണൂരില്‍ സംഘടിപ്പിക്കുന്ന 8-ാം സഹകരണ കോണ്‍ഗ്രസിന് ലോഗോ ക്ഷണിച്ചു.  ലോഗോ ഡിസംബര്‍ 10നു മുമ്പ് ജനറല്‍ കണ്‍വീനര്‍, 8-ാം സഹകരണ കോണ്‍ഗ്രസ് സംഘാടക സമിതി ഓഫീസ്, കണ്ണൂര്‍ ജില്ലാ സഹകരണ ബാങ്ക്, ഹെഡ്ഢാഫീസ്, കണ്ണൂര്‍ എന്ന വിലാസത്തില്‍ അയയ്ക്കണമെന്ന് അഡീഷണല്‍ രജിസ്ട്രാര്‍ സെക്രട്ടറി അറിയിച്ചു.

പി.എന്‍.എക്‌സ്.5175/17

സമുദ്ര മത്സ്യ സമ്പത്ത് വര്‍ധിപ്പിക്കുക എന്ന ലക്ഷ്യത്തോടെ കേന്ദ്ര അനിമല്‍ ഹസ്ബന്ററി ഡയറിയിംഗ് & ഫിഷറീസ് വകുപ്പ്, നാഷണല്‍ ഫിഷറീസ് ഡവലപ്‌മെന്റ് ബോര്‍ഡ്, ഐ.സി.എ.ആര്‍, സി.എം.എഫ്.ആര്‍.ഐ റിസര്‍ച്ച് സൈന്റര്‍ വിഴിഞ്ഞം എന്നിവ സംയുക്തമായി സങ്കടിപ്പിക്കുന്ന കൂട് മത്സ്യ കൃഷി സംബന്ധിച്ച ത്രി-ദിന പരിശീലന പരിപാടി ഡിസംബര്‍ ആറ് മുതല്‍ എട്ടു വരെ കൊല്ലം പെരിനാട് ഗ്രാമപഞ്ചായത്ത് ഹാളില്‍ നടക്കും.  കേരള ഫിഷറീസ് വകുപ്പ് തെരഞ്ഞെടുത്ത 50 ഓളം മത്സ്യ തൊഴിലാളികള്‍/മത്സ്യ കര്‍ഷകര്‍ ഈ പരിശീലന പരിപാടിയില്‍ പങ്കെടുക്കും.

കേരള സഹകരണ ട്രൈബ്യൂണല്‍ എം.ജി പദ്മിനി ഡിസംബര്‍  അഞ്ച്, 12, 18 തീയതികളില്‍ ആസ്ഥാനത്തും ഏഴിന് കോട്ടയം ജില്ലാ സഹകരണ ബാങ്കിലും 15ന് തൃശൂര്‍ ജില്ലാ സഹകരണ ബാങ്കിലും 21ന് എറണാകുളം ഗവ.ഗസ്റ്റ് ഹൗസ് ലൈബ്രറി ഹാളിലും സിറ്റിംഗ് നടത്തും.

പി.എന്‍.എക്‌സ്.5173/17

കേരള റോഡ് സുരക്ഷാ അതോറിറ്റിയില്‍ ജൂനിയര്‍ സൂപ്രണ്ട് (ശമ്പളസ്‌കെയില്‍ - 30,700-65,400), സീനിയര്‍ ക്ലാര്‍ക്ക് (25,200-54,000) 2018 ഏപ്രില്‍ 24 മുതല്‍. ക്ലാര്‍ക്ക് (9,000-43,600) 2018ജനുവരി 10 മുതല്‍.

കേന്ദ്ര സര്‍ക്കാരിന്റേയും എംപ്ലോയ്‌മെന്റ് വകുപ്പിന്റെയും സംയുക്ത സംരംഭമായ മോഡല്‍ കരിയര്‍ സെന്ററിന്റെയും  സംസ്ഥാന സഹകരണ യൂണിയന്റെ കീഴിലുള്ള കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് (കിക്മ) ന്റെയും സംയുക്ത ആഭിമുഖ്യത്തില്‍ ഡിസംബര്‍ 15 ന് രാവിലെ 9.30 മുതല്‍ തിരുവനന്തപുരം നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് ക്യാമ്പസില്‍ സൗജന്യ ജോബ് ഫെയര്‍ സംഘടിപ്പിക്കും. എസ്.എസ്.എല്‍.സി മുതല്‍ മുകളിലോട്ട് വിദ്യാഭ്യാസ യോഗ്യതയുള്ളവര്‍ക്ക് പങ്കെടുക്കാം.

ഹരിത കേരളം മിഷന്‍ ഒന്നാം വാര്‍ഷികത്തോടനുബന്ധിച്ച് ഫോട്ടോഗ്രാഫി അവാര്‍ഡ് ഏര്‍പ്പെടുത്തുന്നു. ഹരിതകേരളം മിഷന്‍ പ്രവര്‍ത്തന മാര്‍ഗ്ഗരേഖയനുസരിച്ച് സംസ്ഥാനത്തു നടക്കുന്ന പ്രവര്‍ത്തനങ്ങളെ ആധാരമാക്കിയും വെള്ളം, വൃത്തി, വിളവ് എന്നിവ മുന്‍നിര്‍ത്തിയും കേരളത്തിന്റെ ഹരിത സമൃദ്ധിയുടെ വീണ്ടെടുപ്പ് ലക്ഷ്യമിട്ടും ഉള്ള ഫോട്ടോകള്‍ക്കാണ് അവാര്‍ഡ്. ആദ്യ മൂന്ന് സ്ഥാനക്കാര്‍ക്ക് ക്യാഷ് അവാര്‍ഡും സാക്ഷ്യപത്രവും നല്‍കും. പത്ത് പേര്‍ക്ക് പ്രോത്സാഹനമായി സാക്ഷ്യപത്രം നല്‍കും. ഫോട്ടോഗ്രാഫി പ്രൊഫഷനായി സ്വീകരിച്ചവര്‍ക്കും അമച്വര്‍ ഫോട്ടോഗ്രാഫര്‍മാര്‍ക്കും പങ്കെടുക്കാം.