ആരോഗ്യ വകുപ്പ് മന്ത്രി കെ.കെ ശൈലജ ടീച്ചറുടെ 2016-17 വര്‍ഷത്തെ എം.എല്‍.എമാര്‍ക്കുള്ള പ്രത്യേക വികസന നിധിയില്‍നിന്ന് 15 ലക്ഷം രൂപ കൂത്തുപറമ്പ് മണ്ഡലത്തിലെ മൊകേരി പഞ്ചായത്തിലെ ആറ്റുപുറം വയല്‍ കൂരാറ ഹരിതകേന്ദ്രം കിണര്‍ നിര്‍മ്മാണം, പമ്പ് സെറ്റ് സ്ഥാപിക്കല്‍ പ്രവൃത്തിക്ക് വിനിയോഗിക്കുന്നതിനും 35 ലക്ഷം രൂപ തൃപ്പങ്ങോട്ടൂര്‍ ഗ്രാമപഞ്ചായത്തിലെ ചെറ്റക്കണ്ടി എ.കെ.ജി നഗര്‍ സാമൂഹ്യക്ഷേമ ഉപകേന്ദ്രം കെട്ടിട നിര്‍മാണ പ്രവൃത്തിക്ക് വിനിയോഗിക്കുന്നതിനും 25 ലക്ഷം രൂപ പാനൂര്‍ നഗരസഭയിലെ പെരിങ്ങളം പാലനാണ്ടി പീടിക അങ്കണവാടി കെട്ടിടനിര്‍മ്മാണ പ്രവൃത്തിക്ക് വിനിയോഗിക്കുന്നതിനും ജില്ലാ കളക്ടര്‍ ഭരണാനുമതി നല്‍കി.

സാമൂഹ്യനീതി വകുപ്പിന്റെയും ജില്ലാ പഞ്ചായത്തിന്റെയും ആഭിമുഖ്യത്തില്‍ ലോകഭിന്നശേഷി ദിനാഘോഷത്തിന്റെ ഭാഗമായുള്ള കായികമത്സരങ്ങള്‍ കണ്ണൂര്‍ പൊലീസ് പരേഡ് ഗ്രൗണ്ടില്‍ ജില്ലാ പൊലീസ് മേധാവി ശിവവിക്രം ഉദ്ഘാടനം ചെയ്തു. ജില്ലാ പഞ്ചായത്ത് ക്ഷേമകാര്യ സ്ഥിരം സമിതി ചെയര്‍പേഴ്‌സന്‍ ടി.ടി റംല അധ്യക്ഷത വഹിച്ചു. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് ഒ.കെ വിനീഷ് പതാക ഉയര്‍ത്തി. ജില്ലാ പഞ്ചായത്ത് പ്രസിഡന്റ് കെ.വി സുമേഷ്, സ്ഥിരം സമിതി അധ്യക്ഷരായ കെ. ശോഭ, കെ.പി ജയബാലന്‍ മാസ്റ്റര്‍, ജില്ലാ പഞ്ചായത്തംഗം വിനീത, മുല്ല രാഘവന്‍ എന്നിവര്‍ സംസാരിച്ചു.

    ചെന്നീര്‍ക്കര ഗ്രാമപഞ്ചായത്തിന്‍റെയും ജില്ലാ ലീഗല്‍ സര്‍വീസസ് അതോറിറ്റിയുടെയും സംയുക്താഭിമുഖ്യത്തില്‍ ദേശീയ ലോക്അദാലത്തിന്‍റെ ഭാഗമായി ചെന്നീര്‍ക്കര ഗ്രാമപഞ്ചായത്തില്‍ പരാതി പരിഹാര അദാലത്ത് നടത്തുന്നു. ഈ മാസം ഒമ്പതിന് ഗ്രാമപഞ്ചായത്ത് കമ്യൂണിറ്റി ഹാളില്‍ രാവിലെ 10 മുതലാണ് അദാലത്ത് നടക്കുന്നത്. അദാലത്തില്‍ പൊതുജനങ്ങള്‍ക്ക് വിവിധങ്ങളായ പരാതികള്‍ നേരിട്ടോ ഗ്രാമപഞ്ചായത്ത് മുഖേനയോ സമര്‍പ്പിക്കാം. കൂടുതല്‍ വിവരങ്ങള്‍ക്ക് ഫോണ്‍: 0468 2350316.              (പിഎന്‍പി 3652/17) 

'മണ്ണ് മറന്നാല്‍  മനുഷ്യനില്ല' എന്ന സന്ദേശവുമായി മണ്ണ് പര്യവേക്ഷണ- മണ്ണ്‌സംരക്ഷണ വകുപ്പിന്റെ ആഭിമുഖ്യത്തില്‍ ലോക മണ്ണ് ദിനാഘോഷം നാളെ (ഡിസംബര്‍ 5) ജില്ലയില്‍ വിവിധ പരിപാടികളോടെ സംഘടിപ്പിക്കുന്നു. കണ്ണൂര്‍ കൃഷ്ണമേനോന്‍ സ്മാരക ഗവ.വനിതാ കോളേജില്‍ രാവിലെ 9.30 ന് തുറമുഖ പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.വി.സുമേഷ് അദ്ധ്യക്ഷത വഹിക്കും. കെ.എം.ഷാജി എം.എല്‍.എ കര്‍ഷകര്‍ക്കുളള സോയില്‍ ഹെല്‍ത്ത് കാര്‍ഡുകള്‍ വിതരണം ചെയ്യും. 

 കണ്ണൂര്‍ ജില്ലാ ഭരണകൂടം തയ്യാറാക്കുന്ന ജില്ലാ പദ്ധതി രൂപികരണവുമായി ബന്ധപ്പെട്ട യോഗം നാളെ(ഡിസം.5) ഉച്ചക്ക് 2 മണിക്ക് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ ചേരും.  യോഗത്തില്‍ ജില്ലാ പദ്ധതി രൂപീകരണവുമായി ബന്ധപ്പെട്ട് രൂപികരിച്ച 18 സബ്ഗ്രൂപ്പുകളുടെ കരട് റിപ്പോര്‍ട്ട് അവതരണം അതാത് വിഷയ ഗ്രൂപ്പ് കണ്‍വീനര്‍മാര്‍ നടത്തും.  ജില്ലയിലെ ഡി പി സി അംഗങ്ങള്‍, ജില്ലയിലെ തദ്ദേശ ഭരണ സ്ഥാപന അധ്യക്ഷന്‍മാര്‍, വിവിധ വിഷയ സബ് ഗ്രൂപ്പ് അംഗങ്ങള്‍, സെക്രട്ടറിമാര്‍ എന്നിവര്‍ പങ്കെടുക്കും.

ബംഗാള്‍ ഉള്‍ക്കടലില്‍ രൂപപ്പെട്ട ഓഖി ചുഴലിക്കാറ്റിനെ തുടര്‍ന്ന് സംസ്ഥാനത്ത് ഡിസംബര്‍ ആറ് വരെ ജില്ലയില്‍ പല ഭാഗത്തും കനത്ത മഴയ്ക്കും കാറ്റിനും സാധ്യതയുളളതായി മുന്നറിയിപ്പ് ലഭിച്ചതിനാല്‍, അപകട സാധ്യതയുളള ഡിസം. 5, 6 തീയതികളില്‍ മത്സ്യത്തൊഴിലാളികള്‍ കടലില്‍ പോകരുതെന്ന് കണ്ണൂര്‍ ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. അടിയന്തിര സാഹചര്യത്തില്‍ കണ്ണൂര്‍ ഫിഷറീസ് സ്റ്റേഷനില്‍ ആരംഭിച്ച 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുമായി ബന്ധപ്പെടണം. ഫോണ്‍: 0497 2732487, 9447141193, 9496007039.
പി എന്‍ സി/4596/2017 

എംപ്ലോയ്‌മെന്റ് എക്‌സ്‌ചേഞ്ച് വഴി നടപ്പിലാക്കുന്ന സ്വയം തൊഴില്‍ പദ്ധതികളെക്കുറിച്ച് വിശദീകരിക്കുന്നതിനായി ഡിസംബര്‍ ആറിന് തളിപ്പറമ്പ് താലുക്ക് മിനി കോണ്‍ഫറന്‍സ് ഹാളില്‍ ശില്‍പശാല നടത്തുന്നു. സ്വയം തൊഴില്‍ സംരംഭം തുടങ്ങാന്‍ താല്‍പര്യമുളള ഉദേ്യാഗാര്‍ത്ഥികള്‍ ഹാജരാകേണ്ടതാണ്.
പി എന്‍ സി/4597/2017

 കണ്ണൂര്‍ ചിറക്കലിലെ ഇ.പി മനോഹരന്‍ നല്‍കിയ പരാതിയില്‍ വളപട്ടണം പൊലീസ് ഇന്‍സ്‌പെക്ടറായിരുന്ന സുരേന്ദ്രന്‍ കല്യാടനെതിരെ വകുപ്പുതല അന്വേഷണത്തിന് കണ്ണൂര്‍ പൊലീസ് പരാതി അതോറിറ്റി ചെയര്‍മാന്‍ റിട്ട. ജില്ലാ ജഡ്ജി ഗോപിക്കുട്ടന്‍ ഉത്തരവിട്ടു.
പി എന്‍ സി/4598/2017

 കണ്ണൂര്‍ സബ് ട്രഷറിയില്‍ നിന്നും ട്രഷറി അക്കൗണ്ടുകള്‍, മണിയോര്‍ഡര്‍ എന്നിവ മുഖേന പെന്‍ഷന്‍ കൈപ്പറ്റുന്ന ഈ വര്‍ഷം ഇതു വരെയായി മസ്റ്ററിംഗ് നടത്താത്ത എല്ലാ പെന്‍ഷന്‍കാരും ഡിസംബര്‍ 31 ന് മുമ്പ് നേരിട്ടോ ലൈഫ് സര്‍ട്ടിഫിക്കറ്റ് സമര്‍പ്പിച്ചോ മസ്റ്ററിംഗ് നടത്തേണ്ടതാണ്.  അല്ലാത്തപക്ഷം 2018 ജനുവരി ഒന്ന് മുതലുള്ള പെന്‍ഷന്‍ താല്‍ക്കാലികമായി തടഞ്ഞുവെക്കുന്നതാെണന്ന് കണ്ണൂര്‍ സബ് ട്രഷറി ഓഫീസര്‍ അറിയിച്ചു.
പി എന്‍ സി/4599/2017