പൊതുസ്ഥലങ്ങളില്‍ വളരുന്ന പ്രായമുള്ള വൃക്ഷത്തെ ആദരിക്കുന്ന പരിപാടിയായ മരമുത്തശ്ശി പദ്ധതിയിലേക്ക് ജില്ലയില്‍ സ്ഥിതി ചെയ്യുന്ന പ്രായമേറിയ മരങ്ങള്‍ സംബന്ധിച്ച വിവരങ്ങള്‍ വയനാട് സാമൂഹ്യ വനവല്‍കരണ ഓഫീസിലേക്ക് അറിയിക്കണമെന്ന് അസിസ്റ്റന്റ് ഫോറസ് കണ്‍സര്‍വേറ്റര്‍ അറിയിച്ചു.  ഫോണ്‍ 04936 202623, 9447979155.

                കേരള ഖാദി ഗ്രാമവ്യവസായ ബോര്‍ഡിന്റെ എന്റെ ഗ്രാമം പദ്ധതിയുടെയും പ്രധാനമന്ത്രിയുടെ തൊഴില്‍ദായക പദ്ധതിയുടെയും കീഴില്‍ ഗ്രാമ പ്രദേശങ്ങളില്‍ ഉല്‍പാദന/സേവന മേഖലയില്‍ ചെറുകിട വ്യവസായങ്ങള്‍ ആരംഭിക്കുന്നതിന് അപേക്ഷ ക്ഷണിച്ചു.  വിവരങ്ങള്‍ക്ക് ജില്ലാ ഖാദി ഗ്രാമ വ്യവസായ ഓഫീസുമായി ബന്ധപ്പെടാം.  ഫോണ്‍ 04936 202602.

             നെന്മാറ ഗവ: ഐ.ടി.ഐ.യില്‍ ഡ്രാഫ്റ്റ്സ്മാന്‍ സിവില്‍ ട്രേഡില്‍ ഗസ്റ്റ് ഇന്‍സ്ട്രക്ടറെ നിയമിക്കും.  എഞ്ചിനീയറിങ് ബിരുദം അല്ലെങ്കില്‍ ത്രിവത്സര  എഞ്ചിനീയറിങ് ഡിപ്ലൊമ                    അല്ലെങ്കില്‍ എന്‍.റ്റി.സിയും മൂന്ന് വര്‍ഷത്തെ പ്രവൃത്തി പരിചയം അല്ലെങ്കില്‍ എന്‍.റ്റി.സി.യും എന്‍.എ.സി.യും ഒരു വര്‍ഷത്തെ  പ്രവൃത്തി പരിചയവുമാണ് യോഗ്യത. വിദ്യാഭ്യാസ യോഗ്യത, വയസ്സ്, പ്രവൃത്തി പരിചയം തെളിയിക്കുന്നതിനുളള അസ്സല്‍ സര്‍ട്ടിഫിക്കറ്റുകളുമായി ഡിസംബര്‍ നാല് രാവിലെ 11ന് ഓഫീസില്‍ നടത്തുന്ന അഭിമുഖത്തിനെത്തണമെന്ന് പ്രിന്‍സിപ്പല്‍ അറിയിച്ചു.