സഹകരണ വകുപ്പിനു കീഴിലുളള സംസ്ഥാന സഹകരണ യൂണിയന്റെ നെയ്യാർഡാം കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റിൽ (കിക്മ) ഫുൾ ടൈം എം.ബി.എ  ബാച്ചിൽ ഒഴിവുള്ള  സീറ്റുകളിലേയ്ക്ക് നാഗമ്പടം കോ- ഓപ്പറേറ്റീവ് ട്രെയിനിംഗ് സെന്ററിന്റെ ആഭിമുഖ്യത്തിൽ ജൂലൈ അഞ്ച് രാവിലെ 10 മുതൽ ഓൺലൈൻ ഇന്റർവ്യൂ നടത്തുന്നു. 50% മാർക്കിൽ കുറയാതെയുള്ള ബിരുദവും പ്രവേശന പരീക്ഷ സ്‌കോറും ആണ് അടിസ്ഥാന യോഗ്യത.

സർക്കാർ/സർക്കാർ എയ്ഡഡ് കോളേജുകളിൽ മെഡിക്കൽ/മെഡിക്കൽ അനുബന്ധ കോഴ്‌സുകൾ പഠിക്കുന്നതും മാതാവിനെയോ പിതാവിനെയോ അല്ലെങ്കിൽ ഇരുവരെയുമോ നഷ്ടപ്പെട്ടതുമായ പിന്നാക്ക വിഭാഗം(ഒ.ബി.സി) വിദ്യാർഥിനികൾക്ക് പിന്നാക്കവിഭാഗ വികസന വകുപ്പ് മുഖേന പ്രത്യേക ധനസഹായം അനുവദിയ്ക്കുന്ന സ്‌കോളർഷിപ്പിന് അപേക്ഷ ക്ഷണിച്ചു. ഇ-ഗ്രാന്റ്സ് പോർട്ടൽ മുഖേന ജൂലൈ ഒന്ന് മുതൽ 31 വരെ അപേക്ഷിക്കാം. സ്‌കോളർഷിപ്പിന് അർഹരായ വിദ്യാർത്ഥിനികൾ കോഴ്‌സ് ആരംഭിച്ച് രണ്ടു മാസത്തിനകം www.egrantz.kerala.gov.in എന്ന വെബ് പോർട്ടൽ മുഖേന അപേക്ഷ നൽകണം. മുൻവർഷം അപേക്ഷിച്ച് ആനുകൂല്യം ലഭിച്ചവർ ഇ-ഗ്രാന്റ്സ് മുഖേന അപേക്ഷ പുതുക്കണം.

 കാഞ്ഞിരപ്പള്ളി ഐ.റ്റി.ഡി.പി-യുടെ നിയന്ത്രണത്തിൽ പ്രവർത്തിക്കുന്ന ഏറ്റുമാനൂർ ഗവ. മോഡൽ റസിഡൻഷ്യൽ സ്‌കൂളിൽ യോഗ പരിശീലകയെ നിയമിക്കുന്നതിനുള്ള അഭിമുഖം ജൂലൈ എട്ട് ചൊവ്വാഴ്ച ഉച്ചകഴിഞ്ഞ് രണ്ടിന്് സ്‌കൂളിൽ വച്ച് നടത്തും. 18 വയസ്സിന് മുകളിൽ പ്രായമുള്ള സ്ത്രീകൾക്ക് പങ്കെടുക്കാം. ആധാർ, ജാതി, പ്രായം, വിദ്യാഭ്യാസ യോഗ്യത, പ്രവൃത്തിപരിചയം, യോഗ പരിശീലനത്തിന് പ്രാവീണ്യം തെളിയിക്കുന്ന രേഖകൾ എന്നിവയുടെ അസ്സലും ഒരു സെറ്റ് കോപ്പിയുമായി അഭിമുഖത്തിന് ഹാജരാകണം. ഫോൺ: 04812530399.
 

 ജൂലൈ ഒൻപത് മുതൽ 15 വരെ നടത്തുന്ന 'എ ബി സി ഓഫ് ആർട്ടിഫിഷ്യൽ ഇന്റലിജിൻസ്' എന്ന അഞ്ചുദിവസത്തെ ഓൺലൈൻ കോഴ്‌സിലേക്ക് ഐ.എച്ച്.ആർ.ഡി. എക്‌സ്‌റ്റെൻഷൻ സെന്റർ അപേക്ഷ ക്ഷണിച്ചു. എ.ഐ.യുടെ പ്രധാന ആശയങ്ങൾ, ആപ്ലിക്കേഷൻ  മേഖലകൾ, ഇമേജ്, ഓഡിയോ, കോഡ് ജനറേഷൻ മുതലായവ കോഴ്സിൽ ഉൾപ്പെടുന്നു. 750 രൂപയും ജി.എസ്.ടിയുമാണ് രജിസ്ട്രേഷൻ തുക. ഫോൺ: 8547005090.

 മാവേലിക്കര ഐ.എച്ച്്.ആർ.ഡി കോളേജ് ഓഫ് അപ്ലൈഡ് സയൻസിൽ പി.ജി. പ്രോഗ്രാമിലെ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. എം.എസ്.സി. കമ്പ്യൂട്ടർ സയൻസ്,എം.എസ്.സി. ഇലക്ട്രോണിക്സ്, എം.കോം. ഫിനാൻസ് എന്നീ കോഴ്‌സുകളിലേക്കാണ് പ്രവേശനം. താല്പര്യമുള്ളവർ കോളേജ് ഓഫീസുമായി ബന്ധപ്പെടണം. ഫോൺ: 8547005046,9562771381,9447032077,0479-2304494.

ജില്ലയിലെ വിവിധ ആരോഗ്യ സ്ഥാപനങ്ങളില്‍ കരാറടിസ്ഥാനത്തില്‍ ഡോക്ടറെ നിയമിക്കുന്നു. പീഡിയാട്രീഷ്യന്‍, ഇ.എന്‍.ടി, ഗൈനക്കോളജിസ്റ്റ്, പാലിയേറ്റീവ് മെഡിസിന്‍, ജനറല്‍ മെഡിസിന്‍, ഒഫ്താല്‍മോളജി, സൈക്യാട്രി, പി.എം.ആര്‍, ഡെര്‍മറ്റോളജി (അര്‍ബന്‍ പോളി ക്ലിനിക്) വിഭാഗങ്ങളിലേക്കാണ് നിയമനം. ബന്ധപ്പെട്ട വിഷയങ്ങളില്‍ യോഗ്യതയുള്ളവര്‍ക്ക് അപേക്ഷിക്കാം.  പ്രായപരിധി 67 വയസ്.  ഉദ്യോഗാര്‍ത്ഥികള്‍ ജൂലൈ 11 വൈകിട്ട് അഞ്ചിനകം  www.arogyakeralam.gov.in ല്‍ ഓണ്‍ലൈനായി  അപേക്ഷിക്കണം. എന്‍.എച്ച്.എം ഓഫീസില്‍ നേരിട്ടോ, തപാലായോ, ഇ-മെയില്‍ മുഖേനയോ അപേക്ഷ സ്വീകരിക്കില്ല.