ദേശീയ ആരോഗ്യ മലപ്പുറം മൊബൈല്‍ ഇന്റര്‍വെന്‍ഷന്‍ യൂണിറ്റിലേക്ക് സൈക്കോളജിസ്റ്റ് തസ്തികയില്‍ ഓണ്‍ലൈനായി അപേക്ഷ ക്ഷണിച്ചു. അപേക്ഷകള്‍ ജനുവരി 26ന് വൈകീട്ട് അഞ്ചിനകം ലഭിക്കണം. കൂടുതല്‍ വിവരങ്ങള്‍ ആരോഗ്യകേരളം വെബ്‌സൈറ്റില്‍ ലഭിക്കും. വെബ്‌സൈറ്റ് : www.arogyakeralam.gov.in, അപേക്ഷ അയക്കേണ്ട ലിങ്ക് : https://forms.gle/xSK95yeXWdrBYGD96, ഫോണ്‍- 04832730313.

മാറഞ്ചേരി സാമൂഹിക ആരോഗ്യ കേന്ദ്രത്തില്‍ ഉപയോഗിച്ചുവരുന്ന കെ.എല്‍ -01 - ബി.എ - 5176 ടാറ്റ സ്‌പേഷ്യോ (ഡീസല്‍) ലേലം ചെയ്ത് വില്പന നടത്തിയ ശേഷം അഞ്ചുവര്‍ഷത്തേക്ക് തിരികെ വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജില്ലാ മെഡിക്കല്‍ ഓഫീസര്‍ (ആരോഗ്യം), മലപ്പുറം, സിവില്‍ സ്റ്റേഷന്‍ എന്ന വിലാസത്തില്‍ ജനുവരി 15ന് ഉച്ചയ്ക്ക് രണ്ടിനകം ലഭ്യമാക്കണം. ഫോണ്‍ :0483-2736241.

ന്യൂനപക്ഷ ക്ഷേമ വകുപ്പ് ഹയര്‍സെക്കന്‍ഡറി വിദ്യാര്‍ഥികള്‍ക്കായി ദേശീയതലത്തില്‍ സംഘടിപ്പിച്ച പാസ്സ്വേര്‍ഡ് എക്സ്പ്ലോറിങ് ഇന്ത്യ ക്യാംപില്‍ മികവ് തെളിയിച്ച് മലപ്പുറത്തെ 20 വിദ്യാര്‍ത്ഥികള്‍.

കുടിശ്ശികയായ 224000/ രൂപ ഈടാക്കുന്നതിനായി പെരിന്തല്‍മണ്ണ താലൂക്കിലെ എടപ്പറ്റ വില്ലേജില്‍ സര്‍വ്വേ നമ്പര്‍ 72/58,72/59, 72/510ല്‍ പെട്ട 0.0464 ഹെക്ടര്‍ (യഥാക്രമം 0.0202, 0.0060,0.0202 ഹെക്ടര്‍) ഭൂമി ഫെബ്രുവരി 19 ന് രാവിലെ 11ന് എടപ്പറ്റ വില്ലേജ് ഓഫീസ് പരിസരത്ത് ലേലം ചെയ്യും. ഫോണ്‍-04933 227230.

രോഗരഹിത സമൂഹത്തിന് വാക്സിനുകള്‍ അനിവാര്യമാണെന്നും, ശാസ്ത്രീയമായി തെളിയിച്ച ആരോഗ്യസുരക്ഷാ മാര്‍ഗമായ വാക്‌സിനുകള്‍ കുട്ടികള്‍ക്ക് നല്‍കാന്‍ രക്ഷിതാക്കള്‍ ശ്രദ്ധിക്കണമെന്നും ജില്ലാ പഞ്ചായത്ത് ആരോഗ്യവിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ പി.കെ അസ്ലു പറഞ്ഞു. ജാപ്പനീസ് എന്‍സഫലൈറ്റിസ് വാക്‌സിനേഷന്റെ ജില്ലാതല ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സ്‌കൂളിലെ ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് അഡ്വ. ആര്‍. ഗായത്രി അധ്യക്ഷത വഹിച്ചു.

കേരളത്തിന്റെ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള ചീഫ് മിനിസ്റ്റേഴ്‌സ് മെഗാക്വിസ് മത്സരത്തിന്റെ പ്രാരംഭഘട്ടത്തിന് ആവേശകരമായ പങ്കാളിത്തത്തോടെ ജില്ലയിൽ തുടക്കമായി. 8 മുതൽ 12 വരെ ക്ലാസുകളിലുള്ള വിദ്യാർഥികൾക്കും സർവകലാശാല, കോളേജ് വിദ്യാർഥികൾക്കും പ്രത്യേകമായി നടന്ന മത്സരം കേരളത്തിന്റെ ചരിത്രവും വികസന നേട്ടങ്ങളും പുതുതലമുറയ്ക്ക് പരിചയപ്പെടുത്തുന്ന വേദിയായിമാറി. 

കണ്ണൂർ പുഷ്പോത്സവത്തിന്റെ ഭാഗമായുള്ള സ്കൂൾ പച്ചക്കറി - പൂന്തോട്ട മത്സരത്തിന്റെ
വിധികർത്താക്കൾ ജനുവരി 13 ചൊവ്വാഴ്ച സ്കൂളുകൾ സന്ദർശിക്കും. രാവിലെ 9.30 ന് ചാല വെള്ളൂരില്ലം എൽപി സ്കൂളിൽ ചെമ്പിലോട് പഞ്ചായത്ത് വൈസ് പ്രസിഡന്റ് എം.മോഹനൻ ഉദ്ഘാടനം ചെയ്യും. കണ്ണൂർ നോർത്ത്, സൗത്ത്, പാപ്പിനിശേരി, തളിപ്പറമ്പ സബ്ബ് ജില്ലകളിലെ വിദ്യാലയങ്ങളാണ് മത്സരത്തിൽ പങ്കെടുക്കുന്നത്.

സംസ്ഥാന സാക്ഷരത മിഷന്‍ പൊതുവിദ്യാഭ്യാസ വകുപ്പുമായി ചേര്‍ന്ന് നടത്തുന്ന പത്താംതരം തുല്യതാ പരീക്ഷയില്‍ ജില്ലയില്‍ 96.8 ശതമാനം വിജയം. പരീക്ഷ എഴുതിയ 688 പേരില്‍ 662 പേരും വിജയിച്ചു. ഇതില്‍ 546 സ്ത്രീകളും 116 പുരുഷന്മാരുമാണ്. പട്ടികജാതി വിഭാഗത്തില്‍പ്പെട്ട 23 പേരും പട്ടികവര്‍ഗ വിഭാഗത്തില്‍പ്പെട്ട 14 പേരും ഭിന്നശേഷിക്കാരായ 25 പേരും പാസായി.

 മാടായി ജി.വി.എച്ച്.എസ്.എസ്, കൂത്തുപറമ്പ് ജി.എച്ച്.എസ്.എസ്, ഇരിക്കൂര്‍ കമാലിയ സ്‌കൂള്‍, ചാല ഗവ. എച്ച്.എസ്.എസ് എന്നീ പഠന കേന്ദ്രങ്ങളില്‍ നിന്നും പരീക്ഷ എഴുതിയ എല്ലാവരും വിജയിച്ചു.

വികസന പദ്ധതികൾക്ക് വേഗം കൂട്ടാൻ   കൂത്തുപറമ്പ് മണ്ഡലത്തിൽ കെ.പി.മോഹനൻ എംഎൽഎയുടെ അധ്യക്ഷതയിൽ പ്രത്യേക യോഗം ചേർന്നു. ജില്ലാ വികസന സമിതി യോഗത്തിൻ്റെയും പാനൂരിൽ നടന്ന മണ്ഡലതല അവലോകന യോഗത്തിൻ്റെയും തീരുമാനപ്രകാരമാണ് തദ്ദേശസ്ഥാപന അധ്യക്ഷന്മാർ, ഉപാധ്യക്ഷന്മാർ, സെക്രട്ടറിമാർ എന്നിവരുടെ പ്രത്യേക യോഗം നടന്നത്. പഞ്ചായത്ത്- നഗരസഭാതലത്തിൽ  ഓരോ പദ്ധതിയുടേയും നിലവിലുള്ള പുരോഗതി വിലയിരുത്തി. സമയബന്ധിതമായി പദ്ധതികൾ പൂർത്തിയാക്കാൻ മുൻഗണന നൽകാൻ യോഗം തീരുമാനിച്ചു. ഭരണസമിതി യോഗത്തിൽ പ്രത്യേക അജണ്ടയാക്കി പ്രവർത്തന പുരോഗതി വിലയിരുത്തും.

കേരളത്തിന്റെ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള വിജ്ഞാന യാത്ര-ചീഫ് മിനിസ്റ്റേഴ്‌സ് മെഗാക്വിസ് മത്സരം ജില്ലയിലെ സ്‌കൂൾ, കോളേജ്തലത്തിൽ പൂർത്തിയായി. ഓൺലൈൻ രജിസ്‌ട്രേഷൻ പ്രകാരം സ്‌കൂളുകളും കോളേജുകളും ക്ലാസ് അടിസ്ഥാനത്തിൽ  മത്സരം നടത്തി. പ്രാഥമിക മത്സരത്തിനായി 30 ചോദ്യങ്ങളും ടൈബ്രേക്കർ സെഷനായി 10 ചോദ്യങ്ങളുമാണുണ്ടായിരുന്നത്.