തൃശ്ശൂർ കോർപ്പറേഷന്റെ പാലിയേറ്റീവ് പരിചരണ പദ്ധതിയുടെ ഭാഗമായി അയ്യന്തോൾ കുടുംബാരോഗ്യ കേന്ദ്രത്തിലെ പാലിയേറ്റിവ് പരിചരണ വിഭാഗത്തിലേക്ക് (പ്രൈമറി തലം) താത്ക്കാലികമായി കമ്മ്യൂണിറ്റി നഴ്സുമാരെ നിയമിക്കുന്നതിനായി അഭിമുഖം നടത്തും .  

കേരള സംസ്ഥാന ഭവന നിർമ്മാണ ബോർഡ് തൃശൂർ ഡിവിഷന് കീഴിലുള്ള പുല്ലഴി വനിത ഹോസ്റ്റലിലേക്ക് അലുമിനിയം ഫാബ്രിക്കേഷൻ / പാർട്ടീഷൻ വർക്കിനുള്ള ക്വട്ടേഷൻ ക്ഷണിച്ചു. മൂന്നാഴ്ചയ്ക്കുള്ളിലാണ് പ്രവൃത്തി തീർക്കേണ്ടത്. ക്വട്ടേഷനുകൾ സ്വീകരിക്കുന്ന അവസാന തീയതി മെയ് 20. കൂടുതൽ വിവരങ്ങൾക്ക് കേരള സംസ്ഥാന ഭവന നിർമ്മാണ ബോർഡിൻ്റെ തൃശൂർ ഡിവിഷൻ ഓഫീസുമായി ബന്ധപ്പെടുക.
വിലാസം: കേരള സംസ്ഥാന ഭവന നിർമ്മാണ ബോർഡ്, തൃശൂർ ഡിവിഷൻ, അയ്യന്തോൾ, തൃശൂർ 680003 ഇമെയിൽ: kshbthrissur@gmail.com
ഫോൺ: 0487 2360849

കേരള സ്റ്റേറ്റ് സിവിൽ സർവീസ് അക്കാദമിയുടെ ഉപകേന്ദ്രമായി പൊന്നാനിയിൽ പ്രവർത്തിക്കുന്ന ഐ.സി.എസ്.ആറിൽ ബിരുദധാരികൾക്കുള്ള പ്രിലിംസ് കം മെയിൻസ് റഗുലർ കോഴ്‌സിന് ഒഴിവുള്ള ഏതാനും സീറ്റുകളിലേക്ക് അപേക്ഷ ക്ഷണിച്ചു. കൂടുതൽ വിവരങ്ങൾക്ക് ഇൻസ്റ്റിറ്റ്യൂട്ട് ഓഫ് കരിയർ സ്റ്റഡീസ് ആന്റ് റിസർച്ച്,കരിമ്പന, ഈശ്വരമംഗലം പി.ഒ, പൊന്നാനി, പിൻ- 679573 എന്ന വിലാസത്തിൽ ബന്ധപ്പെടുക. ഫോൺ: 0494 2665489, 8281098868, 8089858680, 9846715386,9645988778

ഭാരതപ്പുഴയിലെ കെഡബ്ലിയുഎ പമ്പ് ഹൗസുകളിൽ ജലലഭ്യത ഉറപ്പ് വരുത്തുന്നതിന് പഴയന്നൂർ ചീരക്കുഴി ഇറിഗേഷൻ പ്രൊജക്റ്റ് വിയറിന്റെ ഷട്ടറുകൾ ഇന്ന് (14-05-2026) രാവിലെ 11 മണിക്ക് തുറക്കും. ഗായത്രി പുഴയുടെ തീരത്തുള്ളവർ ജാഗ്രത പാലിക്കണമെന്ന് സിഐപി സബ്ഡിവിഷൻ അസിസ്റ്റന്റ് എക്സിക്യൂട്ടീവ് എഞ്ചിനീയർ   അറിയിച്ചു.

സംസ്ഥാന സാക്ഷരതാ മിഷൻ അതോറിറ്റിയുടെ നാലാം തരം, ഏഴാം തരം തുല്യതാ കോഴ്സുകളിലേക്ക് മെയ് 25 വരെ അപേക്ഷിക്കാം.  
നാലാം തരം വിജയിക്കുന്നവർക്ക് ഏഴാം തരത്തിലും ഏഴാം തരം തുല്യത കോഴ്സ് പാസാകുന്നവർക്ക് പത്താംതരം തുല്യതാ കോഴ്സിലും തുടർപഠനം നടത്താനാകും.
 അപേക്ഷിക്കുന്നതിനും കൂടുതൽ വിവരങ്ങളും www.literacymissionkerala.org എന്ന വെബ്സൈറ്റ് സന്ദർശിക്കുകയോ തൃശൂർ ജില്ലാ പഞ്ചായത്ത് ഓഫീസിൽ പ്രവർത്തിക്കുന്ന ജില്ലാ സാക്ഷരതാ മിഷൻ ഓഫീസിലോ തദ്ദേശ സ്ഥാപനങ്ങളിലെ പ്രേരക്മാർ മുഖേനയോ ലഭ്യമാണ്. ഫോൺ നമ്പർ-0487 2365024,9496877913, 7558941039

 ജില്ലാ വനിത ശിശു വികസന ഓഫീസിന് കീഴിൽ പ്രവർത്തിക്കുന്ന രാമവർമ്മപുരം മഹിളാ മന്ദിരത്തിലെ  ഗാർമെന്റ് മാനുഫാക്ചറിംഗ് യൂണിറ്റിലെ ഏഴ് താമസക്കാർക്ക് ഇൻഡസ്ട്രിയൽ മെഷീനുകളിൽ പരിശീലനം നൽകുന്നതിന് പ്രാഗല്ഭ്യമുള്ള വ്യക്തികൾ/ സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. കമ്പ്യൂട്ടറൈസ്ഡ് എംബ്രോയ്ഡറി, ബട്ടൺ ഹോൾ, ബട്ടൺ  അറ്റാച്ചിംഗ്, ഫോർ നീഡിൽ ഫ്ലാറ്റ് ബെഡ് ചെയിൻ സ്റ്റിച്ചിംഗ് മെഷീൻ, ഓവർ ലോക്ക് മെഷീനുകൾ ഉൾപ്പെടെ 11 ഇനം ഇൻഡസ്ട്രിയൽ മെഷീനുകളിലാണ് പരിശീലനം നൽകേണ്ടത്. താത്പര്യമുള്ളവർ ക്വട്ടേഷനുകൾ മെയ് 25ന് വൈകുന്നേരം നാല് മണിക്ക് മുമ്പായി ജില്ലാ വനിത ശിശു വികസന ഓഫീസറുടെ കാര്യാലയത്തിൽ ലഭ്യമാക്കണം.

ഷോളയാർ പട്ടിക വർഗ്ഗ സർവീസ് സഹകരണ സംഘത്തിന്റെ തോട്ടത്തിൽ നൂറ് ശതമാനം ജൈവ രീതിയിൽ കൃഷി ചെയ്ത 3,387 കിലോയോളം കാപ്പികുരുവും 89 കിലോയോളം കുരുമുളകും വിൽപ്പന നടത്തുന്നു. താത്പര്യമുള്ളവർ സീൽ ചെയ്ത ക്വട്ടേഷനുകൾ മെയ് 28ന് വൈകുന്നേരം അഞ്ച് മണിക്കുള്ളിൽ മലക്കപ്പാറയിലെ സർവീസ് സഹകരണ സംഘം ഓഫീസിലോ അതിരപ്പിള്ളി ട്രൈബൽ വാലി ഓഫീസിലോ ചാലക്കുടി ട്രൈബൽ ഡെവലപ്മെന്റ് ഓഫീസിലോ സമർപ്പിക്കണം. വിശദ വിവരങ്ങൾക്ക് 9446038484, 9383471452

ജില്ലയിലെ വിവിധ സ്ഥാപനങ്ങളിൽ ഐടിഐ അപ്രൻ്റിസ്ഷിപ്പ് ഒഴിവുകളുണ്ട്. താത്പര്യമുള്ള ഐടിഐ പാസായ ഉദ്യോഗാർത്ഥികൾ അയ്യന്തോൾ സിവിൽ സ്റ്റേഷനിൽ പ്രവർത്തിക്കുന്ന റിലേറ്റഡ് ഇൻസ്ട്രക്ഷൻ സെൻ്ററിൽ നേരിട്ടോ 04872365122, 9544189982, 9447770495, 9846185340 എന്ന നമ്പറുകളിലോ ബന്ധപ്പെടുക. വിലാസം: അസിസ്റ്റൻ്റ് അപ്രൻ്റിസ്ഷിപ്പ് അഡ്വൈസർ(ട്രെയിനിങ് ഓഫീസർ), ആർ ഐ സെൻ്റർ, സിവിൽ സ്റ്റേഷൻ, അയ്യന്തോൾ, തൃശ്ശൂർ-68003, email:ricthrissur@gmail.com

സംസ്ഥാന വിനോദസഞ്ചാര വകുപ്പിന്റെ കീഴിൽ പ്രവർത്തിക്കുന്ന തൃശൂർ പൂത്തോളിലെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ മെയ് 19ന് ആരംഭിക്കുന്ന അഞ്ച് ദിവസത്തെ ബേക്കറി ആന്റ് കൺഫക്ഷണറി കോഴ്സിൽ ഏതാനും സീറ്റുകൾ ഒഴിവുണ്ട്. വീട്ടമ്മമാർക്കും സ്വയം തൊഴിൽ കണ്ടെത്താൻ ആഗ്രഹിക്കുന്നവർക്കും ഈ കോഴ്സ് പ്രയോജനകരമാകും. താത്പര്യമുളളവർ 0487 2384253, 9447610223 എന്നീ നമ്പറുകളിൽ ബന്ധപ്പെടുക.

ജില്ലയിലെ കാണം, വെറുമ്പാട്ടാവകാശ ഭൂമിക്ക് ജന്മം അനുവദിച്ച് ക്രയസർട്ടിഫിക്കറ്റ് നൽകുന്നതുമായി ബന്ധപ്പെട്ട് തൃശൂർ ലാൻഡ് ട്രൈബ്യൂണൽ ആന്റ് ഡെപ്യൂട്ടി കളക്ടർ മെയ് 14,15 തിയതികളിൽ കളക്ടറേറ്റിൽ നിശ്ചയിച്ചിരുന്ന എല്ലാ എസ്.എം കേസുകളുടെയും വിചാരണ ജൂൺ 22, 29 തിയതികളിലേക്ക് മാറ്റി വച്ചതായി എൽ. ആർ ഡെപ്യൂട്ടി കളക്ടർ അറിയിച്ചു.