എറണാകുളം ജില്ല എംപ്ലോയ്മെൻറ് എക്സ്ചേഞ്ചി നോട് അനുബന്ധമായി പ്രവർത്തിക്കുന്ന എംപ്ലോയബിലിറ്റി സെന്ററിന്റെ ആഭിമുഖ്യത്തിൽ തൊഴിൽമേള സംഘടിപ്പിക്കുന്നു. മെയ് 16 ശനിയാഴ്ച രാവിലെ 11 മുതൽ ഒന്നു വരെയാണ് മേള. നാല് ഉദ്യോഗദായകർ പങ്കെടുക്കുന്ന മേളയിൽ 20ലധികം ഒഴിവുകളിലേക്ക് അഭിമുഖം നടക്കും. എസ് എസ് എൽ സി , പ്ലസ് ടു, ഡിപ്ലോമ, ബിരുദം, ബിരുദാനന്തര ബിരുദം, എംബിഎ യോഗ്യതകൾ ഉള്ളവർക്ക് പങ്കെടുക്കാവുന്നതാണ്. താല്പര്യമുള്ള ഉദ്യോഗാർത്ഥികൾ അന്നേദിവസം കാക്കനാട് സിവിൽ സ്റ്റേഷനിൽ പ്രവർത്തിക്കുന്ന ജില്ലാ എംപ്ലോയ്മെൻറ് എക്സ്ചേഞ്ചിൽ ബയോഡേറ്റയുടെ നാല് കോപ്പി സഹിതം ഹാജരാകേണ്ടതാണ്.
 ഫോൺ: 0484-2422452, 9446926836

മുളന്തുരുത്തി സർക്കാർ ടെക്നിക്കൽ ഹൈസ്കൂളിൽ എട്ടാം ക്ലാസിലെ ഒഴിവുള്ള ഏതാനും സീറ്റുകളിലേക്ക് പോട്ട് അഡ്മിഷൻ ആരംഭിച്ചു. താല്പര്യമുള്ളവർ ബന്ധപ്പെട്ട രേഖകൾ സഹിതം സ്കൂളിൽ നേരിട്ട് എത്തേണ്ടതാണ്. ഫോൺ: 9400995128, 9645961710
 

വൈപ്പിൻ ഗവൺമെൻ്റ് ആർട്‌സ് ആൻഡ് സയൻസ് കോളേജിൽ 2026-2027 അധ്യയന വർഷത്തേക്ക് വിവിധ വിഷയങ്ങളിൽ അതിഥി അദ്ധ്യാപകരെ നിയമിക്കുന്നു. മലയാളം, ഹിന്ദി, മാത്തമാറ്റിക്സ്, സ്റ്റാറ്റിസ്റ്റിക്‌സ്, കമ്പ്യൂട്ടർ സയൻസ്, കൊമേഴ്‌സ് എന്നീ വിഷയങ്ങളിലാണ് ഒഴിവുകളുള്ളത്. ഓരോ വിഷയത്തിലും ഓരോ ഒഴിവുകൾ വീതമാണുള്ളത്.

ഐ.എച്ച്.ആര്‍.ഡി.യുടെ കീഴില്‍ എറണാകുളം (04842575370, 8547005097) ചെങ്ങന്നൂര്‍ (04792454125, 8547005032), അടൂര്‍ (04734230640, 8547005100), കരുനാഗപ്പള്ളി (04762665935, 8547005036), കല്ലൂപ്പാറ (04692678983, 8547005034), ചേര്‍ത്തല (04782553416, 8547005038), ആറ്റിങ്ങല്‍ (04702627400, 8547005037), കൊട്ടാരക്കര (04742453300, 8547005039), മൂന്നാര്‍ (04865232989, 947570122, 9447578465) എന്നിവിടങ്ങളില്‍ പ്രവര്‍ത്തിക്കുന്ന എഞ്ചിനീയറിങ് കോളേജുകളിലേയ്ക്ക് ഈ അദ്ധ്യയന വര്‍ഷത്തില്‍ എന്‍.ആര്‍.ഐ. സീറ്റുകളില്‍ ഓണ്‍ലൈന്‍ വഴി പ്രവേശനത്തിന് അപേക്ഷ ക്ഷണിച്ചു.

കണ്ണൂര്‍ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്റലൂം ടെക്നോളജിക്ക് കീഴിലുളള കോസ്റ്റ്യൂം ആന്റ് ഫാഷന്‍ ഡിസൈനിങ്ങ് കോളേജില്‍, അസിസ്റ്റന്റ് പ്രൊഫസര്‍(ഇന്റീരിയര്‍ ഡിസൈനിങ്ങ് ആന്റ ഫര്‍ണിഷിങ്ങ്)തസ്തികയില്‍ കരാറടിസ്ഥാനത്തില്‍ നിയമനം  നടത്തുന്നതിനായി എം.ആര്‍ക്ക്, യു ജി സി നെറ്റ് യോഗ്യതയുളളവരില്‍ നിന്നും അപേക്ഷകള്‍ ക്ഷണിച്ചു.

സംസ്ഥാന കര്‍ഷക കടാശ്വാസ കമ്മീഷന്‍ മെയ് 20,21,22 തീയതികളില്‍  ജില്ലയിലെ കര്‍ഷകരുടെ അപേക്ഷ സംബന്ധിച്ച സിറ്റിംഗ് നടത്തും. ചെറുതോണി ജില്ലാ വ്യാപാരഭവനില്‍ നടക്കുന്ന സിറ്റിംഗ് രാവിലെ 9 മുതല്‍ ആരംഭിക്കും. ഹിയറിംഗ് നോട്ടീസ്  ലഭിച്ചവര്‍  മതിയായ രേഖകള്‍ സഹിതം ഹാജരാകണം. കൂടുതല്‍ വിവരങ്ങള്‍ക്ക് ഫോണ്‍:0471-2743782,0471-2743783 ഇമെയില്‍:keralasfdrc@gmail.com

കാലവര്‍ഷ മുന്നൊരുക്കവുമായി ബന്ധപ്പെട്ട് ഇടുക്കി ജലവൈദ്യുതി പദ്ധതിയുടെ ഭാഗമായുള്ള ചെറുതോണി ഡാമില്‍ സ്ഥാപിച്ചിരിക്കുന്ന മുന്നറിയിപ്പ് സൈറണിന്റെ ട്രയല്‍ റണ്‍ ഇന്ന് (മെയ് 14)  രാവിലെ 11.30 മണിക്ക് നടത്തുമെന്ന് ഡാമിന്റെ ചുമതലയുള്ള എക്‌സിക്യൂട്ടീവ് എഞ്ചിനീയര്‍ അറിയിച്ചു.  സൈറണുകളുടെ ക്ഷമത പരിശോധിക്കുന്നതിനുള്ള സാങ്കേതിക ക്ഷമതാ പരിശോധന മാത്രമാണ് ഇത് എന്നതിനാല്‍ പൊതുജനങ്ങള്‍ ഭയപ്പെടുകയോ പരിഭ്രാന്തരാകുകയോ ചെയ്യരുത്.

ജില്ലയിലെ സ്‌കൂള്‍ വാഹനങ്ങളുടെ സുരക്ഷ മുന്‍നിര്‍ത്തി ആലപ്പുഴ ജോയിന്റ് ആര്‍.ടി.ഒയുടെ നേതൃത്വത്തില്‍ റിക്രിയേഷന്‍ ഗ്രൗണ്ടില്‍ സ്‌കൂള്‍ വാഹനങ്ങളുടെ പരിശോധന നടത്തി. സ്‌കൂള്‍ തുറക്കുന്നതിനു മുന്നോടിയായി ആലപ്പുഴ റീജിയണല്‍ ട്രാന്‍സ്‌പോര്‍ട്ട് ഓഫീസിന്റെ പരിധിയിലുള്ള വാഹനങ്ങളുടെ സുരക്ഷാ പരിശോധനയാണ് നടന്നത്. 98 വാഹനങ്ങള്‍ പരിശോധനയ്ക്കായെത്തി. ഇതില്‍ 64 വാഹനങ്ങള്‍ ഫിറ്റ്‌നസ് ടെസ്റ്റ് പാസായി. ചെറിയ അപാകതകളുള്ള 34 വാഹനങ്ങൾ ടെസ്റ്റ്‌ പാസ്സായില്ല. ഇവയുടെ അപാകത തീർത്ത് അടുത്ത ദിവസം ഫിറ്റ്നസ്സിന് ഹാജരാക്കാൻ നിർദേശിച്ചു.

സംസ്‌ഥാന   പൊലീസ് കംപ്ലയിൻ്റ്സ് അതോറിറ്റി  മെമ്പർ  പി. കെ. അരവിന്ദബാബു മേയ് 15-ന് ആലപ്പുഴയിൽ  സിറ്റിംഗ് നടത്തും. കളക്ടറേറ്റിൽ  രാവിലെ 11 മണി മുതലാണ് സിറ്റിംഗ് നടക്കുന്നത്. ​അന്നേ ദിവസം രാവിലെ 10 മണി മുതൽ 11 മണി വരെ പൊതുജനങ്ങൾക്ക് കേരള പൊലീസ് ആക്ടിലെ വകുപ്പ് 110(1) പ്രകാരം നേരിട്ട് പരാതികൾ സമർപ്പിക്കാവുന്നതാണ്.

2026 മൺസൂൺകാല കടൽരക്ഷാപ്രവർത്തനത്തിന്റെയും ട്രോളിംഗ് നിരോധനത്തിന്റെയും ഭാഗമായി ആലപ്പുഴ ജില്ലയിൽ കൺട്രോൾ റൂം പ്രവർത്തനം ആരംഭിക്കുന്നു.  മേയ് 15 മുതലാണ് കൺട്രോൾ റൂം തുറന്നുപ്രവർത്തിക്കുക. തോട്ടപ്പള്ളിയിലുള്ള ഫിഷറീസ് അസിസ്റ്റന്റ് ഡയറക്ടറുടെ കാര്യാലയത്തിലാണ് കൺട്രോൾ റൂം സജ്ജീകരിച്ചിരിക്കുന്നത്. 24 മണിക്കൂറും പ്രവർത്തിക്കുന്ന ഈ കൺട്രോൾ റൂം വഴി അടിയന്തര സാഹചര്യങ്ങളിൽ സഹായം തേടാവുന്നതാണ്. പൊതുജനങ്ങൾക്ക് നേരിട്ടോ ഫോൺ മുഖേനയോ ബന്ധപ്പെടാം. ബന്ധപ്പെടേണ്ട നമ്പറുകൾ: 0477-2297707, 9447967155