വനിതാ സംരക്ഷണ ഓഫീസിന്റെ ഔദ്യോഗിക ആവശ്യങ്ങൾക്കായി 7 വർഷത്തിൽ താഴെ പഴക്കമുള്ള വാഹനം വാടകയ്ക്ക് എടുക്കുന്നതിന് ടെണ്ടർ ക്ഷണിച്ചു. ഇന്ധന ചെലവ്, മെയിന്റനൻസ്, ഡ്രൈവറുടെ ശമ്പളം, ടാക്സ്, ഇൻഷുറൻസ് തുടങ്ങിയ എല്ലാ ചെലവുകളും കരാറുകാരൻ വഹിക്കണം. ടെണ്ടറുകൾ മെയ് 22 ഉച്ചയ്ക്ക് 12ന് മുമ്പ് സിവിൽ സ്റ്റേഷനിൽ പ്രവർത്തിക്കുന്ന വനിതാ സംരക്ഷണ ഓഫീസിൽ ലഭിക്കണം. ഫോൺ: 04936 206616, 8281999063.

നല്ലൂർനാട് ഗവ. ട്രൈബൽ സ്പെഷ്യാലിറ്റി ആശുപത്രിയിലെ റേഡിയോ തെറാപ്പി യൂണിറ്റിൽ റേഡിയേഷൻ ചികിത്സയുടെ ഭാഗമായി ഉപയോഗിക്കുന്ന തെർമോപ്ലാസ്റ്റിക് ഇമ്മൊബിലൈസേഷൻ പ്രീ കട്ട്സ് ഫോർ ഹെഡ് ആന്റ് നെക്ക് (ക്ലാമ്പ് ടൈപ്പ് സ്യൂട്ടബിൾ ഫോർ ക്ലാരിറ്റി ബോർഡ്) എന്ന ഉപകരണം ലഭ്യമാക്കാൻ താത്പര്യമുള്ളവരിൽ നിന്ന് ടെണ്ടറുകൾ ക്ഷണിച്ചു. പൂരിപ്പിച്ച ടെണ്ടറുകൾ മെയ് 22 ഉച്ചയ്ക്ക് 1 മണിക്ക് മുമ്പ് ആശുപത്രി ഓഫീസിൽ ലഭിക്കണം. ഫോൺ: 8281212702

നല്ലൂർനാട് ഗവ. ട്രൈബൽ സ്പെഷ്യാലിറ്റി ആശുപത്രിയിലേക്ക് ഈ സാമ്പത്തിക വർഷം ആവശ്യമായ മരുന്നുകൾ മാനന്തവാടി ടൗൺ പരിസരങ്ങളിൽ വിതരണം ചെയ്യാൻ താത്പര്യമുള്ളവരിൽ നിന്ന് ടെണ്ടർ ക്ഷണിച്ചു. 10 ലക്ഷം രൂപയാണ് അടങ്കൽ തുക. മെയ് 22 ഉച്ചയ്ക്ക് 2 വരെ ടെണ്ടർ ഫോമുകൾ ആശുപത്രിയിൽ സ്വീകരിക്കും.  ഫോൺ: 8281212702

പൂക്കോട് വെറ്ററിനറി സർവകലാശാലയുടെ ഇൻഫ്രാസ്ട്രക്ചർ ഡെവലപ്മെന്റ് വിങുകളിലേക്ക് താത്കാലിക നിയമനം നടത്തുന്നു. പൂക്കോട് ഇൻഫ്രാസ്ട്രക്ചർ ഡെവലപ്മെന്റ് വിങ് ഓഫീസിലേക്ക് താത്കാലികാടിസ്ഥാനത്തിൽ അസിസ്റ്റന്റ് എഞ്ചിനീയർ (സിവിൽ), ഓവർസീയർ തസ്തികളിലാണ് നിയമനം. സർവകലാശാലയുടെ മണ്ണുത്തി ഇൻഫ്രാസ്ക്രചർ ഡെവലപ്മെന്റ് വിങ് ഓഫീസിലേക്ക് പരമാവധി രണ്ട് വർഷത്തെ കാലയളിവിലേക്ക് കരാർ അടിസ്ഥാനത്തിൽ സേഫ്റ്റി/ക്വാളിറ്റി എഞ്ചിനീയർ, ഓവർസീയർ (ഇലക്ട്രിക്കൽ) തസ്തികകളിലേക്കും  നിയമനം നടത്തുന്നു.

നല്ലൂർനാട് ഗവ. ട്രൈബൽ സ്പെഷ്യാലിറ്റി ആശുപത്രിയിലേക്ക് താത്കാലിക അടിസ്ഥാനത്തിൽ ഡയാലിസിസ് യൂണിറ്റ് മൾട്ടിപർപ്പസ് വർക്കറെ നിയമിക്കുന്നു. പട്ടികവർഗക്കാർക്ക് മാത്രമാണ് അവസരം. പത്താം ക്ലാസ് യോഗ്യതയും പ്രവൃത്തി പരിചയവും വേണം. താത്പര്യമുള്ളവർ മെയ് 18 രാവിലെ 10.30ന് യോഗ്യതാ സർട്ടിഫിക്കറ്റുകളുടെ അസലും പകർപ്പും സഹിതം ആശുപത്രി സൂപ്രണ്ടിന്റെ ഓഫീസിൽ അഭിമുഖത്തിന് ഹാജരാവണം. ഫോൺ: 8281212702

മാനന്തവാടി ജി.വി.എച്ച്.എസ്.എസിലെ വി.എച്ച്.എസ്.ഇ വിഭാഗത്തിൽ നിലവിലുള്ള അധ്യാപക ഒഴിവുകളിലേക്ക് ദിവസ വേതനാടിസ്ഥാനത്തിൽ നിയമനം നടത്തുന്നതിന് അപേക്ഷ ക്ഷണിച്ചു. വൊക്കേഷണൽ ടീച്ചർ - അഗ്രികൾച്ചർ, നോൺ-വൊക്കേഷണൽ ടീച്ചർ-  ജി.എഫ്.സി, നോൺ വൊക്കേഷണൽ ടീച്ചർ (ജൂനിയർ) ഫിസിക്സ് എന്നീ തസ്തികകളിലാണ് നിയമനം. വൊക്കേഷണൽ ടീച്ചർ-അഗ്രികൾച്ചർ തസ്തികയിലേക്ക് 50 ശതമാനം മാർക്കിൽ കുറയാത്ത പി.ജി ബിരുദമോ 60 ശതമാനം മാർക്കിൽ കുറയാത്ത ബി.എസ്.സി അഗ്രികൾച്ചർ ബിരുദമോ ആണ് യോഗ്യത. നോൺ-വൊക്കേഷണൽ ടീച്ചർ - ജി.എഫ്.സി,  നോൺ വൊക്കേഷണൽ ടീച്ചർ (ജൂനിയർ) ഫിസിക്സ് തസ്തികകളിലേക്ക് പി.ജി, ബി.എഡ്, സെറ്റ് എന്നിവയാണ് ആവശ്യം.

പട്ടികജാതി വിഭാഗത്തിലുള്ളവർക്ക് സിവിൽ സർവീസ് പരിശീലനം നൽകുന്നതിന് അപേക്ഷകൾ ക്ഷണിച്ചു. പട്ടികജാതി വകുപ്പിന് കീഴിൽ തിരുവനന്തപുരത്ത് പ്രവർത്തിക്കുന്ന  ഇൻസ്റ്റിറ്റ്യൂട്ട് ഫോർ സിവിൽ സർവീസ് എക്സാമിനേഷൻ ട്രെയിനിങ് സൊസൈറ്റി മുഖേന നടപ്പാക്കുന്ന ലക്ഷ്യ സ്കോളർഷിപ്പ് പദ്ധതിയിലേക്കും കേരള സ്റ്റേറ്റ് സിവിൽ സർവീസ് അക്കാദമിയുടെ കീഴിൽ നടക്കുന്ന പരിശീലന പദ്ധതിയിലേക്കുമാണ് അപേക്ഷ ക്ഷണിച്ചത്. അംഗീകൃത സർവകലാശാലാ ബിരുദമാണ് യോഗ്യത. അവസാനവർഷ പരീക്ഷയെഴുതി ഫലം കാത്തിരിക്കുന്നവർക്കും അപേക്ഷിക്കാം.

സുൽത്താൻ ബത്തേരി നഗരസഭാ പരിധിയിലെ വിവിധ വിദ്യാലയങ്ങളിൽ ദീർഘകാലം പ്രധാനാധ്യാപകരായി സേവനമനുഷ്ഠിച്ച് വിരമിക്കുന്നവർക്ക് നഗരസഭയുടെ നേതൃത്വത്തിൽ ഹൃദ്യമായ യാത്രയയപ്പ് നൽകി. ബീനാച്ചി ഹൈസ്കൂൾ എച്ച്.എം സജി ടി.ജി., ഓടപ്പള്ളം സ്കൂൾ എച്ച്.എം കെ. കമലം കെ, കൈപ്പഞ്ചേരി സ്കൂൾ എച്ച്.എം എൻ.എം ജോസ് എന്നിവർക്കാണ് യാത്രയയപ്പ് നൽകിയത്. നഗരസഭാ ചെയർപേഴ്സൺ റസീന അബ്ദുൾ ഖാദർ യാത്രയയപ്പ് പരിപാടി ഉദ്ഘാടനം ചെയ്തു. വിരമിക്കുന്ന അധ്യാപകർ  സുൽത്താൻ ബത്തേരിയുടെ വിദ്യാഭ്യാസ മേഖലയിലെ മുന്നേറ്റത്തിന് നൽകിയ സംഭാവനകൾ വിലമതിക്കാനാവാത്തതാണെന്ന് ചെയർപേഴ്സൺ പറഞ്ഞു.

ഇടിമിന്നൽ അപകടങ്ങൾ ഒഴിവാക്കാൻ പൊതുജനങ്ങൾ ജാഗ്രത പാലിക്കണമെന്ന് ജില്ലാ ദുരന്ത നിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ ഡി.ആർ മേഘശ്രീ അറിയിച്ചു. മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകള്‍ക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്‍ക്കും വലിയ നാശനഷ്ടമാണ് ഇടിമിന്നല്‍ സൃഷ്ടിക്കുന്നത്. കാര്‍മേഘം കണ്ട് തുടങ്ങുന്ന സമയം മുതല്‍ തന്നെ പൊതുജനങ്ങള്‍ മുന്‍കരുതലുകള്‍ സ്വീകരിക്കണം. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല്‍ ഉടന്‍ തന്നെ സുരക്ഷിതമായ കെട്ടിടത്തിനുള്ളിലേക്ക് മാറണം. തുറസായ സ്ഥലങ്ങളില്‍ തുടരുന്നത് ഇടിമിന്നലേല്‍ക്കാനുള്ള സാധ്യത വർദ്ധിപ്പിക്കും.

സുൽത്താൻ ബത്തേരി താലൂക്ക് ആസ്ഥാന ആശുപത്രിയിൽ സ്റ്റാഫ് നഴ്സ്, റേഡിയോഗ്രാഫർ, ഡാറ്റാ എൻട്രി ഓപ്പറേറ്റർ, മൾട്ടി പർപ്പസ് വർക്കർ, ക്ലീനിങ് സ്റ്റാഫ് എന്നീ തസ്തികകളിലേക്ക് താത്കാലിക നിയമനം നടത്തുന്നു. സ്റ്റാഫ് നഴ്സിന് ബി.എസ്.സി നഴ്സിങ് അല്ലെങ്കിൽ ജി.എൻ.എം, നഴ്സിങ് കൗൺസിൽ രജിസ്ട്രേഷനാണ് യോഗ്യത, റേഡിയോഗ്രാഫർക്ക് ഡി.ആർ.ടി/ഡി.ഡി.ആർ.ടി/ബി.എസ്.സി എം.ആർ.ടിയും പാരാമെഡിക്കൽ കൗൺസിൽ രജിസ്ട്രേഷനും വേണം. ഡ്രൈവർക്ക് എച്ച്.എം.വി ഗുഡ്സ്/പാസഞ്ചർ ലൈസൻസും ബാഡ്ജും (3 വർഷമായുള്ളത്) ഉണ്ടാവണം. ഡാറ്റാ എൻട്രി ഓപ്പറേറ്റർക്ക് ബിരുദവും അംഗീകൃത സ്ഥാപനത്തിൽ നിന്നുള്ള ഡി.സി.എയുമാണ് വേണ്ടത്.