സംസ്ഥാന സാക്ഷരതാ മിഷൻ അതോറിറ്റിയുടെ നാലാം തരം, ഏഴാം തരം തുല്യതാ കോഴ്സുകളിലേക്ക് മെയ് 25 വരെ അപേക്ഷിക്കാം.  
നാലാം തരം വിജയിക്കുന്നവർക്ക് ഏഴാം തരത്തിലും ഏഴാം തരം തുല്യത കോഴ്സ് പാസാകുന്നവർക്ക് പത്താംതരം തുല്യതാ കോഴ്സിലും തുടർപഠനം നടത്താനാകും.
 അപേക്ഷിക്കുന്നതിനും കൂടുതൽ വിവരങ്ങളും www.literacymissionkerala.org എന്ന വെബ്സൈറ്റ് സന്ദർശിക്കുകയോ തൃശൂർ ജില്ലാ പഞ്ചായത്ത് ഓഫീസിൽ പ്രവർത്തിക്കുന്ന ജില്ലാ സാക്ഷരതാ മിഷൻ ഓഫീസിലോ തദ്ദേശ സ്ഥാപനങ്ങളിലെ പ്രേരക്മാർ മുഖേനയോ ലഭ്യമാണ്. ഫോൺ നമ്പർ-0487 2365024,9496877913, 7558941039

 ജില്ലാ വനിത ശിശു വികസന ഓഫീസിന് കീഴിൽ പ്രവർത്തിക്കുന്ന രാമവർമ്മപുരം മഹിളാ മന്ദിരത്തിലെ  ഗാർമെന്റ് മാനുഫാക്ചറിംഗ് യൂണിറ്റിലെ ഏഴ് താമസക്കാർക്ക് ഇൻഡസ്ട്രിയൽ മെഷീനുകളിൽ പരിശീലനം നൽകുന്നതിന് പ്രാഗല്ഭ്യമുള്ള വ്യക്തികൾ/ സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. കമ്പ്യൂട്ടറൈസ്ഡ് എംബ്രോയ്ഡറി, ബട്ടൺ ഹോൾ, ബട്ടൺ  അറ്റാച്ചിംഗ്, ഫോർ നീഡിൽ ഫ്ലാറ്റ് ബെഡ് ചെയിൻ സ്റ്റിച്ചിംഗ് മെഷീൻ, ഓവർ ലോക്ക് മെഷീനുകൾ ഉൾപ്പെടെ 11 ഇനം ഇൻഡസ്ട്രിയൽ മെഷീനുകളിലാണ് പരിശീലനം നൽകേണ്ടത്. താത്പര്യമുള്ളവർ ക്വട്ടേഷനുകൾ മെയ് 25ന് വൈകുന്നേരം നാല് മണിക്ക് മുമ്പായി ജില്ലാ വനിത ശിശു വികസന ഓഫീസറുടെ കാര്യാലയത്തിൽ ലഭ്യമാക്കണം.

ഷോളയാർ പട്ടിക വർഗ്ഗ സർവീസ് സഹകരണ സംഘത്തിന്റെ തോട്ടത്തിൽ നൂറ് ശതമാനം ജൈവ രീതിയിൽ കൃഷി ചെയ്ത 3,387 കിലോയോളം കാപ്പികുരുവും 89 കിലോയോളം കുരുമുളകും വിൽപ്പന നടത്തുന്നു. താത്പര്യമുള്ളവർ സീൽ ചെയ്ത ക്വട്ടേഷനുകൾ മെയ് 28ന് വൈകുന്നേരം അഞ്ച് മണിക്കുള്ളിൽ മലക്കപ്പാറയിലെ സർവീസ് സഹകരണ സംഘം ഓഫീസിലോ അതിരപ്പിള്ളി ട്രൈബൽ വാലി ഓഫീസിലോ ചാലക്കുടി ട്രൈബൽ ഡെവലപ്മെന്റ് ഓഫീസിലോ സമർപ്പിക്കണം. വിശദ വിവരങ്ങൾക്ക് 9446038484, 9383471452

ജില്ലയിലെ വിവിധ സ്ഥാപനങ്ങളിൽ ഐടിഐ അപ്രൻ്റിസ്ഷിപ്പ് ഒഴിവുകളുണ്ട്. താത്പര്യമുള്ള ഐടിഐ പാസായ ഉദ്യോഗാർത്ഥികൾ അയ്യന്തോൾ സിവിൽ സ്റ്റേഷനിൽ പ്രവർത്തിക്കുന്ന റിലേറ്റഡ് ഇൻസ്ട്രക്ഷൻ സെൻ്ററിൽ നേരിട്ടോ 04872365122, 9544189982, 9447770495, 9846185340 എന്ന നമ്പറുകളിലോ ബന്ധപ്പെടുക. വിലാസം: അസിസ്റ്റൻ്റ് അപ്രൻ്റിസ്ഷിപ്പ് അഡ്വൈസർ(ട്രെയിനിങ് ഓഫീസർ), ആർ ഐ സെൻ്റർ, സിവിൽ സ്റ്റേഷൻ, അയ്യന്തോൾ, തൃശ്ശൂർ-68003, email:ricthrissur@gmail.com

സംസ്ഥാന വിനോദസഞ്ചാര വകുപ്പിന്റെ കീഴിൽ പ്രവർത്തിക്കുന്ന തൃശൂർ പൂത്തോളിലെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ മെയ് 19ന് ആരംഭിക്കുന്ന അഞ്ച് ദിവസത്തെ ബേക്കറി ആന്റ് കൺഫക്ഷണറി കോഴ്സിൽ ഏതാനും സീറ്റുകൾ ഒഴിവുണ്ട്. വീട്ടമ്മമാർക്കും സ്വയം തൊഴിൽ കണ്ടെത്താൻ ആഗ്രഹിക്കുന്നവർക്കും ഈ കോഴ്സ് പ്രയോജനകരമാകും. താത്പര്യമുളളവർ 0487 2384253, 9447610223 എന്നീ നമ്പറുകളിൽ ബന്ധപ്പെടുക.

ജില്ലയിലെ കാണം, വെറുമ്പാട്ടാവകാശ ഭൂമിക്ക് ജന്മം അനുവദിച്ച് ക്രയസർട്ടിഫിക്കറ്റ് നൽകുന്നതുമായി ബന്ധപ്പെട്ട് തൃശൂർ ലാൻഡ് ട്രൈബ്യൂണൽ ആന്റ് ഡെപ്യൂട്ടി കളക്ടർ മെയ് 14,15 തിയതികളിൽ കളക്ടറേറ്റിൽ നിശ്ചയിച്ചിരുന്ന എല്ലാ എസ്.എം കേസുകളുടെയും വിചാരണ ജൂൺ 22, 29 തിയതികളിലേക്ക് മാറ്റി വച്ചതായി എൽ. ആർ ഡെപ്യൂട്ടി കളക്ടർ അറിയിച്ചു.

ഉന്നത വിദ്യാഭ്യാസ വകുപ്പിന് കീഴിലുള്ള അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ് കേരള) ചാത്തന്നൂര്‍ സെന്ററില്‍ നടത്തുന്ന സ്‌മോള്‍ കാറ്റഗറി ഡ്രോണ്‍ പൈലറ്റ് പരിശീലനത്തിനായി അപേക്ഷ ക്ഷണിച്ചു. 18 വയസ്സിനു മുകളിൽ പ്രായമുള്ള എസ് എസ് എൽ സി വിദ്യാഭ്യാസ യോഗ്യതയുള്ളവർക്ക് അപേക്ഷിക്കാം. അഞ്ചു ദിവസമാണ് കോഴ്സ് കാലാവധി. ഫോണ്‍: 9495999721, 8086824194.

ക്വട്ടേഷന്‍ ക്ഷണിച്ചു

കേരള മാരിടൈം ബോര്‍ഡിന് വേണ്ടി ബേപ്പൂര്‍ തുറമുഖത്തെ കാന്റീന്‍ ഒരു വര്‍ഷത്തേക്ക്‌ പ്രതിമാസ ലൈസന്‍സ് ഫീസടിസ്ഥാനത്തില്‍ നടത്താൻ ക്വട്ടേഷൻ ക്ഷണിച്ചു. ക്വട്ടേഷന്‍ മെയ് 16ന് ഉച്ചക്ക് 12 വരെ സ്വീകരിക്കും. ഫോണ്‍: 0495 2414863.

ടെണ്ടർ ക്ഷണിച്ചു

കോഴിക്കോട് തുറമുഖ ഓഫീസറുടെ ഉപയോഗത്തിന് രജിസ്റ്റര്‍ ചെയ്ത് 5 വര്‍ഷത്തില്‍ താഴെ പഴക്കമുള്ള സെഡാന്‍ മോഡല്‍ കാര്‍ ഒരു മാസത്തേക്ക് വാടകക്ക് ലഭ്യമാക്കാൻ (ഡ്രൈവര്‍, ഇന്ധനം എന്നിവ ഉള്‍പ്പെടാതെ) ടെണ്ടർ ക്ഷണിച്ചു. മെയ് 20ന് ഉച്ചക്ക് ഒരു മണിവരെ ടെണ്ടർ സ്വീകരിക്കും. ഫോണ്‍: 0495 2414863.

ഏജന്‍സി ഫോര്‍ ഡെവലപ്‌മെന്റ് ഓഫ് അക്വാകള്‍ച്ചര്‍ കേരളയുടെ ഓടയം ഹാച്ചറിയിലേക്ക് ജനറേറ്റര്‍, വാട്ടര്‍ പമ്പ്, എയറേറ്റര്‍ മുതലായ ഉപകരണങ്ങള്‍ കൈകാര്യം ചെയ്യുന്നതിന് സ്‌കില്‍ഡ് ലേബറിനെ താത്ക്കാലികമായി നിയമിക്കുന്നു.

ഐടിഐ ഇലക്ട്രിക്കല്‍ ട്രേഡില്‍ സര്‍ട്ടിഫിക്കറ്റ് ഉള്ളവര്‍ക്ക് അപേക്ഷിക്കാം. പ്ലംബിംഗ് ജോലികളിലെ മുന്‍പരിചയം അഭികാര്യം.

മെയ് 23ന് രാവിലെ 10.30ന് അഡാക്കിന്റെ വര്‍ക്കല, ഓടയം ഹാച്ചറിയില്‍ അഭിമുഖം നടക്കും. യോഗ്യരായ ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി അഭിമുഖത്തിന് എത്തണം. ഫോണ്‍: 9400699410, 7907047852

ചാക്ക ഗവ ഐടിഐയിൽ ഇലക്ട്രോണിക് മെക്കാനിക്ക് ട്രേഡിലെ ഇൻസ്ട്രക്ടർ തസ്തികയിൽ നിലവിലുള്ള രണ്ട് ഒഴിവുകളിലേക്ക് താത്ക്കാലിക നിയമനം നടത്തുന്നു. താത്പര്യമുള്ള ഉദ്യോഗാർത്ഥികൾ മെയ് 15ന് രാവിലെ 11ന് അസ്സൽ സർട്ടിഫിക്കറ്റുകളുമായി ചാക്ക ഐടിഐ പ്രിൻസിപ്പൽ മുമ്പാകെ ഹാജരാകണം.

യോഗ്യത: എസ്.എസ്.എൽ.സി, ബന്ധപ്പെട്ട ട്രേഡിൽ എൻ.ടി.സി/എൻ.എ.സിയും 3 വർഷത്തെ പ്രവർത്തി പരിചയവും അല്ലെങ്കിൽ ബന്ധപ്പെട്ട ട്രേഡിൽ ഡിപ്ലോമയും രണ്ട് വർഷത്തെ പ്രവർത്തി പരിചയവും അല്ലെങ്കിൽ ബന്ധപ്പെട്ട ട്രേഡിൽ എൻജിനീയറിംഗ് ഡിപ്ലോമ/ഡിഗ്രി ഒരു വർഷത്തെ പ്രവർത്തി പരിചയം. ഫോൺ: 0471-2502612