പൊതുവിദ്യാഭ്യാസ വകുപ്പ് ഹയർസെക്കൻഡറി വിഭാഗത്തിലെ എച്ച്.എസ്.എസ്.റ്റി ജൂനിയർ തസ്തികകളിലേക്കുള്ള തസ്തികമാറ്റ നിയമനത്തിനായി അന്തിമ സീനിയോരിറ്റി ലിസ്റ്റ് പ്രസിദ്ധീകരിച്ചു.

തിരുവനന്തപുരം പ്രവേശന പരീക്ഷാ കമ്മീഷണറുടെ കാര്യാലയത്തിൽ സീനിയർ സൂപ്രണ്ട്, സിസ്റ്റം അസിസ്റ്റന്റ് തസ്തികകളിലെ ഓരോ ഒഴിവിലേക്ക് ഡെപ്യൂട്ടേഷൻ വ്യവസ്ഥയിൽ നിയമനം നടത്തുന്നു. വിശദമായ വിജ്ഞാപനം www.cee.kerala.gov.in ൽ പ്രസിദ്ധീകരിച്ചിട്ടുണ്ട്.

സ്റ്റാഫ് സെലക്ഷൻ കമ്മീഷൻ സ്റ്റെനോഗ്രാഫർ ഗ്രേഡ് സി, ഡി തസ്തികയിലേക്ക് അപേക്ഷ ക്ഷണിച്ചു. 731 ഒഴിവുകളാണുള്ളത്. മേയ് 15നകം അപേക്ഷിക്കണം.

ഏപ്രിൽ 17 മുതൽ 22 വരെ നടന്ന കേരള എൻജിനീയറിങ്, ഫാർമസി കോഴ്സ് കമ്പ്യൂട്ടർ അധിഷ്ഠിത (CBT) പ്രവേശന പരീക്ഷയിൽ വിദ്യാർത്ഥികൾക്ക് ലഭിച്ച സ്‌കോർ www.cee.kerala.gov.in ൽ പ്രസിദ്ധീകരിച്ചു.

സംസ്ഥാന ശിശുക്ഷേമ സമിതിയുടെ കീഴിലുള്ള കൊല്ലത്തെ ദത്തെടുക്കൽ കേന്ദ്രത്തിലേയ്ക്ക് ദിവസവേതനാടിസ്ഥാനത്തിൽ വനിതാ കെയർടേക്കേഴ്‌സിനെ നിയമിക്കുന്നു. പ്ലസ് ടു/പ്രീഡിഗ്രി ആണ് യോഗ്യത. പ്രായപരിധി 28-42 വയസ്. കുട്ടികളുടെ പരിചരണ രംഗത്ത് പ്രവർത്തന പരിചയം വേണം.

നെടുങ്കണ്ടം താലൂക്ക് ആശുപത്രിയിലേക്ക് വിവിധ ആവശ്യങ്ങള്‍ക്കായി എട്ടിനം ടെണ്ടറുകള്‍ ക്ഷണിച്ചു. ക്യാന്റീന്‍,ജനറല്‍ സ്റ്റോര്‍ ഏറ്റെടുത്തു നടത്തുക,ലാബ് കെമിക്കല്‍സ്,മെഡിക്കല്‍ ഓക്സിജന്‍ വിതരണം ചെയ്യുക,ലാബ് ടെസ്റ്റുകള്‍ ചെയ്തു നല്‍കുക,എക്സ് റേ ഫിലിം വിതരണം ചെയ്യുക,ആശുപത്രിയിലെ വിവിധതരം തുണിത്തരങ്ങള്‍ അലക്കി വൃത്തിയാക്കി തരുക,സി.റ്റി സ്‌കാനിംഗുകള്‍ ചെയ്തു തരിക തുടങ്ങിയ ഇനങ്ങളിലേക്കാണ് ടെണ്ടര്‍. അപേക്ഷകള്‍ സ്വീകരിക്കുന്ന അവസാന തീയതി മെയ് 28,രാവിലെ 10.30. അന്നേദിവസം 11.30  ന് ടെണ്ടര്‍ തുറക്കും. ടെണ്ടര്‍ ഫോം മെയ് 26 ഉച്ചകഴിഞ്ഞ് 1 മണി വരെ ലഭിക്കും.

വനിതാ ശിശുവികസന വകുപ്പിന്റെ കീഴില്‍ പ്രവര്‍ത്തിക്കുന്ന ജില്ലാ ശിശു സംരക്ഷണ യൂണിറ്റിന്റെ ഔദ്യോഗിക ആവശ്യങ്ങള്‍ക്കായി ഒരു വര്‍ഷത്തേക്ക് ടാക്സി പെര്‍മിറ്റുളള കാര്‍/ജീപ്പ് വാടകയ്ക്ക് നല്‍കുന്നതിന് വാഹന ഉടമകളില്‍ നിന്നും ടെണ്ടറുകള്‍ ക്ഷണിച്ചു. ടെണ്ടറുകള്‍ സമര്‍പ്പിക്കേണ്ട മേല്‍വിലാസം ജില്ലാ  ശിശു സംരക്ഷണ ഓഫീസര്‍,ജില്ലാ ശിശു സംരക്ഷണ ഓഫീസര്‍, ജില്ലാ ശിശു സംരക്ഷണ യൂണിറ്റ്,പൈനാവ് പി.ഒ, ഇടുക്കി പിന്‍ 685603, ഫോണ്‍: 8075931836. മെയ് 30 ന് 3 മണിക്ക് ടെണ്ടറുകള്‍ തുറന്ന് പരിശോധിക്കും.
 

പൈനാവ് ഏകലവ്യ മോഡല്‍ റസിഡന്‍ഷ്യല്‍ സ്‌കൂളില്‍  6,7,8 ക്ലാസ്സുകളിലേക്ക് ഒഴിവുള്ള ഏതാനും സീറ്റുകളിലേക്ക് (സിബിഎസ്ഇ സിലബസ്) പ്രവേശനത്തിനായി  പട്ടികവര്‍ഗ വിദ്യാര്‍ത്ഥികളില്‍ നിന്നും

കോന്നി ജില്ല നൈപുണ്യ വികസന കേന്ദ്രത്തില്‍ ആരംഭിക്കുന്ന കമ്പ്യൂട്ടര്‍ കോഴ്‌സിലേക്ക് പ്രവേശനം ആരംഭിച്ചു.  യോഗ്യത 10/പ്ലസ് ടു. കോഴ്‌സ് കാലാവധി ഒരു മാസം. ഫോണ്‍ : 9188910571.
 

ഗര്‍ഭാശയ ഗള ക്യാന്‍സറിനെതിരെ മെയ് 30 വരെ ജില്ലയില്‍ ക്യാമ്പയിന്‍ സംഘടിപ്പിക്കും. 14 വയസ് പൂര്‍ത്തിയായതും 15 വയസും 3 മാസവും പ്രായമുള്ള എല്ലാ പെണ്‍കുട്ടികള്‍ക്കും ഗര്‍ഭാശയ ഗള ക്യാന്‍സര്‍ പ്രതിരോധിക്കാനുള്ള എച്ച് പി വി വാക്സിനേഷന്‍ സര്‍ക്കാര്‍ ആരോഗ്യ കേന്ദ്രങ്ങള്‍വഴി സൗജന്യമായി നല്‍കുകയാണ് ക്യാമ്പയിന്റെ ലക്ഷ്യം. സ്വകാര്യ ആശുപത്രികളില്‍ 4000 രൂപ വിലവരുന്ന വാക്സിനാണ് ജില്ലയിലെ പ്രാഥമിക ആരോഗ്യകേന്ദ്രങ്ങള്‍ മുതല്‍ ജില്ല ആശുപത്രികള്‍ വരെയുള്ള സര്‍ക്കാര്‍ ആരോഗ്യസ്ഥാപനങ്ങളില്‍ സൗജന്യമായി നല്‍കുന്നത്.