ഗര്‍ഭാശയ ഗള ക്യാന്‍സറിനെതിരെ മെയ് 30 വരെ ജില്ലയില്‍ ക്യാമ്പയിന്‍ സംഘടിപ്പിക്കും. 14 വയസ് പൂര്‍ത്തിയായതും 15 വയസും 3 മാസവും പ്രായമുള്ള എല്ലാ പെണ്‍കുട്ടികള്‍ക്കും ഗര്‍ഭാശയ ഗള ക്യാന്‍സര്‍ പ്രതിരോധിക്കാനുള്ള എച്ച് പി വി വാക്സിനേഷന്‍ സര്‍ക്കാര്‍ ആരോഗ്യ കേന്ദ്രങ്ങള്‍വഴി സൗജന്യമായി നല്‍കുകയാണ് ക്യാമ്പയിന്റെ ലക്ഷ്യം. സ്വകാര്യ ആശുപത്രികളില്‍ 4000 രൂപ വിലവരുന്ന വാക്സിനാണ് ജില്ലയിലെ പ്രാഥമിക ആരോഗ്യകേന്ദ്രങ്ങള്‍ മുതല്‍ ജില്ല ആശുപത്രികള്‍ വരെയുള്ള സര്‍ക്കാര്‍ ആരോഗ്യസ്ഥാപനങ്ങളില്‍ സൗജന്യമായി നല്‍കുന്നത്.

മൃഗസംരക്ഷണവകുപ്പിന്റെ ദേവികുളം ബ്ലോക്കുകളിലേക്ക് പാരാവെറ്റിനെ കരാര്‍ അടിസ്ഥാനത്തില്‍ നിയമിക്കുന്നു. വി എച്ച് എസ് ഇ-ലൈവ്സ്റ്റോക്ക്/ ഡയറി/ പൗള്‍ട്രി മാനേജ്മെന്റ് കോഴ്സ് പാസായിരിക്കുന്നതോടൊപ്പം കേരള വെറ്ററിനറി ആന്റ് ആനിമല്‍ സയന്‍സസ് യൂണിവേഴ്സിറ്റിയില്‍ നിന്നും ലഭിച്ച ആറ് മാസത്തെ വെറ്ററിനറി ലബോറട്ടറി ടെക്നിക്ക്സ്-ഫാര്‍മസി-നഴ്സിങ് സ്റ്റൈപന്റിയറി ട്രെയിനിംഗ് സര്‍ട്ടിഫിക്കറ്റ് കിട്ടിയവരും ആയിരിക്കണം അപേക്ഷകര്‍.

അടൂര്‍ താലൂക്കില്‍ കൊടുമണ്‍ വില്ലേജില്‍ ബ്ലോക്ക് നമ്പര്‍ 22 ല്‍ 11777 നമ്പര്‍ തണ്ടപേരില്‍ റീസര്‍വേ നമ്പര്‍ 216/51 (പാര്‍ട്ട്) - ല്‍പെട്ട 01.62 ആര്‍ സ്ഥലം കോടതി പിഴ ഇനത്തിലുളള തുക ഈടാക്കുന്നതിന് മെയ് 26 രാവിലെ 11.30ന് കൊടുമണ്‍ വില്ലേജ് ഓഫീസില്‍ ലേലം ചെയ്യും. ഫോണ്‍ : 04734 224826.
 

ചേർത്തല താലൂക്ക് ആസ്ഥാന ആശുപത്രിയിൽ  നിലവിലുള്ള രണ്ട് ഒഴിവിലേക്ക് അഡ്-ഹോക്ക് വ്യവസ്ഥയിൽ എംബിബിഎസ് ഡോക്‌ടർമാരെ നിയമിക്കുന്നതിന് അപേക്ഷ ക്ഷണിച്ചു. കൂടുതൽ വിവരങ്ങൾക്ക് ഫോൺ: 0478 281 2693.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത: ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത: പ്ലസ്ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത: എസ് എസ് എല്‍ സി) തുടങ്ങിയ കോഴ്സുകളിലേക്ക് അപേക്ഷക്ഷണിച്ചു. ഓണ്‍ലൈന്‍/റെഗുലര്‍/പാര്‍ട്ട്ടൈം ബാച്ചുകളുണ്ട്. വിശദ വിവരങ്ങള്‍ക്ക് ഫോണ്‍: 7994449314
 

സഹകരണ വകുപ്പിന്റെ നിയന്ത്രണത്തില്‍ കോ-ഓപ്പറേറ്റീവ് അക്കാദമി ഓഫ് പ്രൊഫഷണല്‍ എജ്യുക്കേഷന്റെ കീഴില്‍ പ്രവര്‍ത്തിക്കുന്ന എം.ബി.എ കോളേജായ  ഇന്‍സ്റ്റിറ്റ്യൂട്ട്  ഓഫ് മാനേജ്മെന്റ് ആന്‍ഡ് ടെക്‌നോളജിയില്‍ നിന്ന് എം.ബി.എ കോഴ്‌സ് വിജയകരമായി പൂര്‍ത്തിയാക്കിയ വിദ്യാര്‍ത്ഥികളുടെ സര്‍ട്ടിഫിക്കറ്റ് വിതരണം ഐ.എം.ടി കാമ്പസില്‍ മെയ് 15 ന് വെള്ളിയാഴ്ച്ച ഉച്ചയ്ക്ക്  2  മണിക്ക് നടക്കും. കേരള സ്റ്റേറ്റ് ഡ്രഗ്‌സ് ആന്‍ഡ് ഫാര്‍മസ്യൂട്ടിക്കല്‍സ് മാനേജിങ് ഡയറക്ടര്‍ ഇ.എ. സുബ്രഹ്മണ്യന്‍, മുഖ്യാതിഥിയായി പങ്കെടുക്കും.

ഇളംദേശം, തൊടുപുഴ  ബ്ലോക്ക് പഞ്ചായത്തുകളില്‍ മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതി & പ്രധാനമന്ത്രി ആവാസ് യോജന ഓംബുഡ്സ്മാന്‍ സിറ്റിംഗ് നടത്തുന്നു. മെയ് 19 ന് ഇളംദേശം ബ്ലോക്ക് പഞ്ചായത്ത് ഓഫീസിലും മെയ് 21 ന് തൊടുപുഴ  ബ്ലോക്ക് പഞ്ചായത്ത് ഓഫീസിലും രാവിലെ 11 മണി മുതല്‍ ഉച്ചയ്ക്ക് 1 മണി വരെയാണ് സിറ്റിംഗ്. തൊഴിലാളികള്‍ക്കും മേറ്റുമാര്‍ക്കും പൊതുജനങ്ങള്‍ക്കും  മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, പ്രധാനമന്ത്രി ആവാസ് യോജന (ഗ്രാമീണ്‍) എന്നിവയുമായി ബന്ധപ്പെട്ട പരാതികള്‍ നേരിട്ട് നല്‍കാം.

അന്താരാഷ്ട്ര നഴ്‌സസ് ദിനവാരാചരണത്തിന്റെ സമാപന സമ്മേളനം ഡീന്‍ കുര്യാക്കോസ് എം.പി ഉദ്ഘാടനം ചെയ്തു. ചെറുതോണി ടൗണ്‍ ഹാളില്‍ നടന്ന യോഗത്തില്‍ ജില്ലാ പഞ്ചായത്ത് പ്രസിഡന്റ് ഷീല സ്റ്റീഫന്‍ അധ്യക്ഷത വഹിച്ചു. നഴ്‌സസ് ദിന സന്ദേശറാലിയുടെ ഫ്‌ളാഗ് ഓഫ് ജില്ലാ പോലീസ് മേധാവി സാബു മാത്യു കെ.എം നിര്‍വഹിച്ചു. ജില്ലാ നഴ്‌സിംഗ് ഓഫീസര്‍ ജോസി ഫ്രാന്‍സിസ് പതാക ഉയര്‍ത്തി. ഗവണ്‍മെന്റ് നഴ്‌സിംഗ് കോളേജ് പ്രിന്‍സിപ്പാള്‍ ജിജി ജോണ്‍ ഫ്‌ളോറന്‍സ് നൈറ്റിംഗേല്‍ പ്രതിജ്ഞ ചൊല്ലിക്കൊടുത്തു. ജില്ലാ മെഡിക്കല്‍ ഓഫീസര്‍ ഡോ. സുരേഷ് വര്‍ഗീസ് എസ് മുഖ്യപ്രഭാഷണം നടത്തി.

സാമൂഹ്യനീതി വകുപ്പിന് കീഴില്‍ ആറാട്ടുപുഴയില്‍ പ്രവര്‍ത്തിക്കുന്ന സര്‍ക്കാര്‍ വയോജന മന്ദിരത്തിലേക്ക് ജീവനക്കാരെ നിയമിക്കുന്നു. സോഷ്യല്‍ വര്‍ക്കര്‍ ( ഒരു ഒഴിവ്), കുക്ക് ( ഒരു ഒഴിവ്) എന്നീ തസ്തികകളില്‍ ഒരു വര്‍ഷത്തേക്ക് കരാര്‍ അടിസ്ഥാനത്തിലാണ് നിയമനം. സോഷ്യല്‍ വര്‍ക്കര്‍ തസ്തികയില്‍ 3 വര്‍ഷത്തില്‍ കുറയാത്ത പ്രവൃത്തിപരിചയവും എം.എസ്.ഡബ്‌ള്യു യോഗ്യതയും ഉള്ളവര്‍ക്ക് അപേക്ഷിക്കാം. കുക്ക് തസ്തികയില്‍ എട്ടാം ക്ലാസാണ് യോഗ്യത. പ്രായപരിധി: സോഷ്യല്‍ വര്‍ക്കര്‍ തസ്തികയിലേക്ക് 40 വയസ് കവിയരുത്. കുക്ക് 50 വയസ് കവിയരുത്. അഭിമുഖം മെയ് 19 ന് രാവിലെ 10 മണിക്ക് ആറാട്ടുപുഴ സാന്ത്വനതീരം, ഗവ.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ മെയ് മാസം ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടിസോറി, പ്രീ - പ്രൈമറി, നഴ്‌സറി ടീച്ചര്‍ ട്രെയിനിംഗ് കോഴ്‌സുകള്‍ക്ക് ബിരുദം, പ്ലസ് ടു, എസ് എസ് എല്‍ സി യോഗ്യതയുള്ള വനിതകളില്‍ നിന്ന് അപേക്ഷ ക്ഷണിച്ചു. ഫോണ്‍: 7994449314.