ജില്ലാ എംപ്ലോയ്‌മെന്റ് എക്‌സ്‌ചേഞ്ചിനോടൊപ്പം പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ മെയ് 16ന് രാവിലെ 10ന് ജോബ് ഡ്രൈവ് സംഘടിപ്പിക്കുന്നു. കടകംപള്ളി മിനി സിവില്‍ സ്റ്റേഷനിലെ നാലാം നിലയില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററിലാണ് ജോബ് ഡ്രൈവ് നടത്തുന്നത്.

പത്താം ക്ലാസ്സ്, പ്ലസ്ടു, ബിരുദം, ആയുര്‍വേദ തെറാപ്പി എന്നീ യോഗ്യതയുള്ള 40 വയസ്സില്‍ താഴെ പ്രായമുള്ളവര്‍ക്ക് അപേക്ഷിക്കാം. 300 രൂപ നല്‍കി രജിസ്റ്റര്‍ ചെയ്യുന്നവര്‍ക്ക് തിരുവനന്തപുരത്തും മറ്റ് ജില്ലകളിലും നടക്കുന്ന അഭിമുഖങ്ങളില്‍ പങ്കെടുക്കാം. ഫോണ്‍ 0471-2992609, 8921916220

2026 നിയമസഭ തിരഞ്ഞെടുപ്പുമായി ബന്ധപ്പെട്ട് വാങ്ങിയ സ്റ്റേഷനറി ഇനങ്ങളിൽ ഉപയോഗപ്രദമായ പേന, പെൻസിൽ, ബ്രൗൺ പേപ്പർ, പശ, സ്കെച്ച് പെൻ മുതലായവ മീനാങ്ങൽ ട്രൈബൽ ഗവ:ഹയർ സെക്കന്ററി സ്കൂളിലെ കുട്ടികൾക്ക് കൈമാറി. ജില്ലാ കളക്ടർ അനു കുമാരി ഉദ്ഘാടനം ചെയ്തു. സ്റ്റേഷനറി സാധനങ്ങളുടെ പുനഃരുപയോഗം പ്രോത്സാഹിപ്പിക്കുന്നതിന്റെ ഭാഗമായാണ് പരിപാടി സംഘടിപ്പിച്ചത്.

വിദ്യാഭ്യാസ ഡെപ്യൂട്ടി ഡയറക്ടർ ശ്രീജ ഗോപിനാഥ്, മെറ്റീരിയൽ മാനേജ്മെന്റ് നോഡൽ ഓഫീസർമാരായ അനിൽകുമാർ, റോയ് സൈമൺ, അസിസ്റ്റന്റ് നോഡൽ ഓഫീസർ പ്രമോദ് ശശിധരൻ, കുട്ടികളുടെ രക്ഷിതാക്കൾ, സ്കൂൾ അധികൃതർ തുടങ്ങിയവർ പങ്കെടുത്തു.

ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെട്ട് തിരുവനന്തപും ജില്ലാ മിഷന്‍, ബ്ലോക്ക്, ഗ്രാമപഞ്ചായത്തുകളുടെ 2025-26 സാമ്പത്തിക വര്‍ഷത്തെ അക്കൗണ്ട്‌സ് ഓഡിറ്റ് ചെയ്യുന്നതിന് ചാര്‍ട്ടേര്‍ഡ് അക്കൗണ്ടന്റിനെ തെരഞ്ഞെടുക്കുന്നു. തൊഴിലുറപ്പ് പദ്ധതിയും കേന്ദ്ര സംസ്ഥാന സര്‍ക്കാരുകളുടെ പദ്ധതികളും ഓഡിറ്റ് ചെയ്ത് മുന്‍പരിചയമുള്ള സി.എകാര്‍ക്ക് അപേക്ഷിക്കാം.

സംസ്ഥാനത്തെ വിവിധ ഭരണ, അടിസ്ഥാനസൗകര്യ, ദുരന്തനിവാരണ പ്രവർത്തനങ്ങളുടെ പുരോഗതി വിലയിരുത്തുന്നതിനായി ചീഫ് സെക്രട്ടറി ഡോ എ ജയതിലകിന്റെ അധ്യക്ഷതയിൽ ഉന്നതതല യോഗം സെക്രട്ടേറിയറ്റിൽ ചേർന്നു.

മലപ്പുറം ഒളവട്ടൂർ എച്ച്.ഐ.ഒ.എച്ച്.എസ്.എസ്  സ്കൂളിലെ ഹയർസെക്കന്ററി വിഭാഗത്തിൽ മാത്തമാറ്റിക്സ് (ജൂനിയർ) ദിവസവേതനാടിസ്ഥാനത്തിൽ അധ്യാപകനെ നിയമിക്കുന്നു. യോഗ്യരായവർ ജൂൺ 2 രാവിലെ 9.30ന് സ്കൂൾ ഓഫീസിൽ അഭിമുഖത്തിനായി ഹാജരാകണം. ഫോൺ: 9746118170.

പൊതുവിദ്യാഭ്യാസ വകുപ്പ് ഹയർസെക്കൻഡറി വിഭാഗത്തിലെ എച്ച്.എസ്.എസ്.റ്റി ജൂനിയർ തസ്തികകളിലേക്കുള്ള തസ്തികമാറ്റ നിയമനത്തിനായി അന്തിമ സീനിയോരിറ്റി ലിസ്റ്റ് പ്രസിദ്ധീകരിച്ചു.

തിരുവനന്തപുരം പ്രവേശന പരീക്ഷാ കമ്മീഷണറുടെ കാര്യാലയത്തിൽ സീനിയർ സൂപ്രണ്ട്, സിസ്റ്റം അസിസ്റ്റന്റ് തസ്തികകളിലെ ഓരോ ഒഴിവിലേക്ക് ഡെപ്യൂട്ടേഷൻ വ്യവസ്ഥയിൽ നിയമനം നടത്തുന്നു. വിശദമായ വിജ്ഞാപനം www.cee.kerala.gov.in ൽ പ്രസിദ്ധീകരിച്ചിട്ടുണ്ട്.

സ്റ്റാഫ് സെലക്ഷൻ കമ്മീഷൻ സ്റ്റെനോഗ്രാഫർ ഗ്രേഡ് സി, ഡി തസ്തികയിലേക്ക് അപേക്ഷ ക്ഷണിച്ചു. 731 ഒഴിവുകളാണുള്ളത്. മേയ് 15നകം അപേക്ഷിക്കണം.

ഏപ്രിൽ 17 മുതൽ 22 വരെ നടന്ന കേരള എൻജിനീയറിങ്, ഫാർമസി കോഴ്സ് കമ്പ്യൂട്ടർ അധിഷ്ഠിത (CBT) പ്രവേശന പരീക്ഷയിൽ വിദ്യാർത്ഥികൾക്ക് ലഭിച്ച സ്‌കോർ www.cee.kerala.gov.in ൽ പ്രസിദ്ധീകരിച്ചു.

സംസ്ഥാന ശിശുക്ഷേമ സമിതിയുടെ കീഴിലുള്ള കൊല്ലത്തെ ദത്തെടുക്കൽ കേന്ദ്രത്തിലേയ്ക്ക് ദിവസവേതനാടിസ്ഥാനത്തിൽ വനിതാ കെയർടേക്കേഴ്‌സിനെ നിയമിക്കുന്നു. പ്ലസ് ടു/പ്രീഡിഗ്രി ആണ് യോഗ്യത. പ്രായപരിധി 28-42 വയസ്. കുട്ടികളുടെ പരിചരണ രംഗത്ത് പ്രവർത്തന പരിചയം വേണം.