സംസ്ഥാന സാക്ഷരതാ മിഷൻ അതോറിറ്റിയുടെ നാലാം തരം, ഏഴാം തരം, പത്താം തരം, ഹയർ സെക്കൻഡറി തുല്യതാ കോഴ്സുകളിലേക്ക് രജിസ്ട്രേഷൻ ആരംഭിച്ചു. പത്താം തരത്തിന് 17 വയസ്സും ഹയർ സെക്കൻഡറിക്ക് 22 വയസ്സും പൂർത്തിയായവർക്ക് അപേക്ഷിക്കാം.
നാല്, ഏഴ് ക്ലാസുകൾക്ക് ഫീസ് ഇല്ല. പിഴയില്ലാതെ മേയ് 25 വരെ ഓൺലൈനായി അപേക്ഷിക്കാവുന്നതാണ്. അപേക്ഷാ ഫോമും കൂടുതൽ വിവരങ്ങളും www.literacymissionkerala.org എന്ന വെബ്സൈറ്റിലോ കാക്കനാട് സിവിൽ സ്റ്റേഷനിലെ ജില്ലാ സാക്ഷരതാ മിഷൻ ഓഫീസിലോ തദ്ദേശ സ്ഥാപനങ്ങളിലെ പ്രേരക്മാർ മുഖേനയോ ലഭ്യമാണ്.
ഫോൺ: 0484 2426596.

കേരള സർക്കാർ സ്ഥാപനമായ കെൽട്രോണിന്റെ തൊടുപുഴ നോളഡ്ജ് സെന്ററിൽ ഡിപ്ലോമ ഇൻ മോണ്ടിസ്സോറി ടീച്ചർ ട്രെയിനിംഗ്, പ്രൊഫഷണൽ ഡിപ്ലോമ ഇൻ പ്രീ-സ്കൂൾ ടീച്ചർ ട്രെയിനിംഗ് എന്നീ കോഴ്സുകളിലേക്ക് വനിതകളിൽ നിന്നും അപേക്ഷ ക്ഷണിച്ചു. കൂടുതൽ വിവരങ്ങൾക്ക് 9061898235, 7909228182 എന്നീ നമ്പറുകളിലോ തൊടുപുഴ ടൗൺ പള്ളിക്ക് എതിർവശമുള്ള കെൽട്രോൺ നോളഡ്ജ് സെന്ററിലോ നേരിട്ട് ബന്ധപ്പെടാവുന്നതാണ്.

സഹകരണ വകുപ്പിന് കീഴിലുള്ള ഐ.എം.ടി പുന്നപ്ര എം.ബി.എ കോളേജിൽ 2026-28 അധ്യയനവർഷത്തെ കെ-മാറ്റ് രണ്ടാം ഘട്ട പ്രവേശന പരീക്ഷയ്ക്കായുള്ള സൗജന്യ ഓൺലൈൻ പരിശീലനം മേയ് 20 മുതൽ ആരംഭിക്കുന്നു. അവസാന വർഷ ബിരുദ വിദ്യാർത്ഥികൾക്കും ബിരുദധാരികൾക്കും പരിശീലനത്തിൽ പങ്കെടുക്കാവുന്നതാണ്.
ഫോൺ:0477-2267602, 9188067601, 9946488075, 9747272045

കേരള വനിതാ കമ്മീഷനിൽ അസിസ്റ്റന്റ് തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ നിയമനത്തിനായി സർക്കാർ സർവീസിൽ സമാന തസ്തികയിൽ ജോലി ചെയ്യുന്നവരിൽ നിന്നും അപേക്ഷ ക്ഷണിച്ചു. താല്പര്യമുള്ളവർ നിശ്ചിത ഫോറത്തിലുള്ള അപേക്ഷയും നിരാക്ഷേപപത്രവും മേലധികാരി മുഖേന 'മെമ്പർ സെക്രട്ടറി, കേരള വനിതാ കമ്മീഷൻ, പി.എം.ജി, പട്ടം.പി.ഒ, തിരുവനന്തപുരം 695004' എന്ന വിലാസത്തിൽ മേയ് 25നകം സമർപ്പിക്കണം.
ഫോൺ : 0471 2303659

എറണാകുളം ജില്ലാ ശിശു സംരക്ഷണ യൂണിറ്റിലെ ഓഫീസർമാരുടെ ഔദ്യോഗിക ആവശ്യങ്ങൾക്കായി ഒരു വർഷത്തേക്ക് വാഹനം വാടകയ്ക്ക് ലഭ്യമാക്കാൻ താല്പര്യമുള്ള വ്യക്തികളിൽ നിന്നും ടെൻഡർ ക്ഷണിച്ചു. പരമാവധി പ്രതിമാസ വാടക 35,000 രൂപയും (2000 കി.മീ വരെ), വാഹനത്തിന് ഏഴ് വർഷത്തിൽ താഴെ പഴക്കവും ഉണ്ടായിരിക്കണം. ഇന്ധനം, പരിപാലനം, ഡ്രൈവർ ശമ്പളം എന്നിവ ഉടമ വഹിക്കണം. ടെൻഡർ ഫോമുകൾ മെയ്‌ 26 ഉച്ചയ്ക്ക് ഒന്ന് വരെ ലഭിക്കുന്നതാണ്; പൂരിപ്പിച്ചവ അന്നേ ദിവസം വൈകിട്ട് 3ന് മുൻപായി കാക്കനാട് സിവിൽ സ്റ്റേഷനിലെ ജില്ലാ ശിശു സംരക്ഷണ ഓഫീസിൽ സമർപ്പിക്കേണ്ടതാണ്.
ഫോൺ: 0484 2959177, 9387162707.
 

കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ നടത്തുന്ന ഹോസ്പിറ്റൽ അഡ്മിനിസ്ട്രേഷൻ കോഴ്സുകളിലേക്ക് അപേക്ഷ ക്ഷണിച്ചു. ഒരു വർഷം ദൈർഘ്യമുള്ള പി.ജി ഡിപ്ലോമ (യോഗ്യത: ഡിഗ്രി), പ്രൊഫഷണൽ ഡിപ്ലോമ (യോഗ്യത: +2), ആറ് മാസം ദൈർഘ്യമുള്ള ഡിപ്ലോമ (യോഗ്യത: SSLC) എന്നീ കോഴ്സുകളിലേക്ക് ഓൺലൈൻ, റെഗുലർ, പാർട്ട് ടൈം ബാച്ചുകളിലായി അപേക്ഷിക്കാവുന്നതാണ്. പ്രമുഖ ആശുപത്രികളിൽ ഇന്റേൺഷിപ്പ് സൗകര്യവും കോഴ്സ് വിജയകരമായി പൂർത്തിയാക്കുന്നവർക്ക് പ്ലേസ്‌മെന്റ് അസിസ്റ്റൻസും ലഭ്യമാണ്.
ഫോൺ :7994449314.

എറണാകുളം ജില്ലയിൽ മാലിന്യ സംസ്കരണവുമായി ബന്ധപ്പെട്ട നിയമലംഘനങ്ങൾ കണ്ടെത്തുന്ന എൻഫോഴ്‌സ്‌മെന്റ് സ്ക്വാഡിന്റെ പ്രവർത്തനങ്ങൾക്കായി ഡ്രൈവർ ഉൾപ്പെടെയുള്ള വാഹനം (SUV/ Sedan/ Hatchback, 2017 ശേഷമുള്ള മോഡൽ) ഒരു വർഷത്തേക്ക് വാടകയ്ക്ക് ലഭ്യമാക്കാൻ താല്പര്യമുള്ളവരിൽ നിന്നും ക്വട്ടേഷൻ ക്ഷണിക്കുന്നു. താല്പര്യമുള്ളവർ ആവശ്യമായ രേഖകൾ സഹിതം മെയ്‌ 19ന് വൈകിട്ട് അഞ്ചിന് മുൻപായി ജില്ലാ കോ-ഓഡിനേറ്റർ, ജില്ലാ ശുചിത്വ മിഷൻ, മൂന്നാം നില, സിവിൽ സ്റ്റേഷൻ, കാക്കനാട് എന്ന വിലാസത്തിൽ ക്വട്ടേഷൻ സമർപ്പിക്കേണ്ടതാണ്.
ഫോൺ :0484 2428701.

എറണാകുളം ജില്ലാ ശുചിത്വ മിഷൻ ഓഫീസിന്റെ ഔദ്യോഗിക ആവശ്യങ്ങൾക്കായി ഡ്രൈവർ ഉൾപ്പെടെയുള്ള വാഹനം (SUV/ Sedan/ Hatchback, 2017 ശേഷമുള്ള മോഡൽ) ഒരു വർഷത്തേക്ക് വാടകയ്ക്ക് ലഭ്യമാക്കാൻ താല്പര്യമുള്ളവരിൽ നിന്നും ക്വട്ടേഷൻ ക്ഷണിച്ചു. താല്പര്യമുള്ളവർ ആവശ്യമായ രേഖകൾ സഹിതം മെയ്‌ 19ന് വൈകിട്ട് അഞ്ചിന് മുൻപായി ജില്ലാ കോ-ഓർഡിനേറ്റർ, ജില്ലാ ശുചിത്വ മിഷൻ, മൂന്നാം നില, സിവിൽ സ്റ്റേഷൻ, കാക്കനാട് എന്ന വിലാസത്തിൽ ക്വട്ടേഷൻ സമർപ്പിക്കേണ്ടതാണ്.
ഫോൺ : 0484 2428701.

കാർഷിക മേഖലയിലെ സർക്കാർ സേവനങ്ങളും ആനുകൂല്യങ്ങളും കർഷകരിലേക്ക് നേരിട്ട് എത്തിക്കുന്നതിനായി കൃഷി വകുപ്പ് നടപ്പിലാക്കുന്ന 'കർഷക രജിസ്ട്രി'  പദ്ധതിയിലേക്ക് അപേക്ഷകൾ ക്ഷണിച്ചു.

വിദ്യാർഥികളിൽ ശാസ്ത്രാഭിരുചി വളർത്തുന്നതിനായി കേന്ദ്ര ശാസ്ത്ര സാങ്കേതിക വകുപ്പും നാഷണൽ ഇന്നൊവേഷൻ ഫൗണ്ടേഷനും സംയുക്തമായി സംഘടിപ്പിക്കുന്ന ഇൻസ്‌പയർ അവാർഡ് മനാകിൻ്റെ  സംസ്ഥാനതല പ്രദർശനം ശ്രദ്ധേയമായി. എറണാകുളം ഗവ. ഗേൾസ് ഹയർ സെക്കൻഡറി സ്കൂളിൽ സംഘടിപ്പിച്ച പ്രദർശ പരിപാടി  കൊച്ചി കോർപ്പറേഷൻ സ്റ്റാൻഡിങ് കമ്മിറ്റി ചെയർപേഴ്സൺ ജിസ്മി ജെറാൾഡ്  ഉദ്ഘാടനം ചെയ്തു. പൊതുവിദ്യാഭ്യാസ അഡീഷണൽ ഡയറക്ടർ ആർ.എസ്. ഷിബു ചടങ്ങിൽ അധ്യക്ഷനായി.