ആലപ്പുഴ ജില്ലാ പഞ്ചായത്തിന്റെ നേതൃത്വത്തിൽ സീവ്യൂ വാർഡിൽ പ്രവർത്തിക്കുന്ന എ.ബി.സി. സെന്ററിലേക്ക് വെറ്ററിനറി സർജനെ താൽക്കാലികമായി നിയമിക്കുന്നു. അഭിമുഖം മേയ് 16-ന് രാവിലെ 11.30-ന് മുല്ലയ്ക്കലുള്ള ആലപ്പുഴ ജില്ലാ മൃഗസംരക്ഷണ ഓഫീസിൽ നടക്കും. വിശദവിവരങ്ങൾക്കായി  ജില്ലാ മൃഗസംരക്ഷണ ഓഫീസുമായി ബന്ധപ്പെടുക. ഫോൺ: 0477-2252431.

തകഴി ഗ്രാമപഞ്ചായത്തിലെ 10-ാം വാർഡിൽ വള്ളത്തിൽ വെള്ളം എത്തിക്കുന്നതിന് വിവിധ കരാറുകാരിൽനിന്ന് ക്വട്ടേഷനുകൾ ക്ഷണിച്ചു. ക്വട്ടേഷനുകൾ സ്വീകരിക്കുന്ന അവസാന തീയതി മേയ് 15-ന് വൈകിട്ട് മൂന്ന് മണി.ഫോൺ 0477-2274253

വനിതാ കമീഷന്‍ ജില്ലാതല സിറ്റിങ്ങില്‍ മൂന്ന് പരാതികള്‍ തീര്‍പ്പാക്കി. വനിതാ കമീഷന്‍ മേഖല ഓഫീസില്‍ നടന്ന സിറ്റിങ്ങില്‍ പരിഗണിച്ച 38 പരാതികളില്‍ രണ്ടെണ്ണം കൗണ്‍സിലിങ്ങിന് കൈമാറുകയും ഏഴെണ്ണത്തില്‍ റിപ്പോര്‍ട്ട് തേടുകയും രണ്ടെണ്ണം ലീഗല്‍ അതോറിറ്റിക്കയക്കുകയും ചെയ്തു. 24 പരാതികള്‍ അടുത്ത സിറ്റിങ്ങിലേക്ക് മാറ്റി. 
കമീഷന്‍ ചെയര്‍പേഴ്‌സണ്‍ അഡ്വ. പി സതീദേവി, ഡയറക്ടര്‍ ഷാജി സുഗുണന്‍, അംഗം അഡ്വ. പി കുഞ്ഞായിഷ തുടങ്ങിയവര്‍ പങ്കെടുത്തു.

വടക്കൻ ശ്രീലങ്കൻ തീരത്തിന് സമീപം തെക്കുപടിഞ്ഞാറൻ ബംഗാൾ ഉൾക്കടലിൽ ന്യൂനമർദ്ദം (Low Pressure Area) രൂപപ്പെട്ടു. അടുത്ത 48 മണിക്കൂറിനുള്ളിൽ ഇത് കൂടുതൽ ശക്തിപ്പെടാൻ സാധ്യത.

തെക്കുകിഴക്കൻ അറബിക്കടലിനും കേരള തീരത്തോടു ചേർന്നുള്ള ലക്ഷദ്വീപിനും മുകളിലായി  ഒരു ചക്രവാതചുഴി നിലനിൽക്കുന്നു.

തെക്കുപടിഞ്ഞാറൻ ബംഗാൾ ഉൾക്കടലിലെ ന്യൂനമർദ്ദ കേന്ദ്രം മുതൽ തെക്കൻ തമിഴ്‌നാട് വഴി തെക്കൻ ലക്ഷദ്വീപ് വരെ സമുദ്രനിരപ്പിൽ നിന്ന് 1.5 മുതൽ 4.5 കിലോമീറ്റർ വരെ ഉയരത്തിൽ ന്യൂനമർദ്ദ  പാത്തി നിലനിൽക്കുന്നു.

ആലപ്പുഴ ജില്ലാ പൊലീസ് മേധാവിയുടെ അധീനതയിലുള്ളതും ഡിപ്പാര്‍ട്ട്‌മെന്റിന് ഉപയോഗയോഗ്യമല്ലാത്തതുമായ സ്‌പെയര്‍ പാര്‍ട്‌സുകളുടെ പുനര്‍ലേലം എം എസ് ടി സി  വെബ്‌സൈറ്റായ www.mstcecommerce.com  മുഖേന മേയ് 15-ന് രാവിലെ 11 മണി മുതല്‍ വൈകിട്ട് 4:30 വരെ ഓൺലൈനായി നടത്തുന്നു. ഫോണ്‍: 0477 2239326.
 

തിരുവനന്തപുരം റീജിയണൽ കാൻസർ സെന്ററിൽ കരാറടിസ്ഥാനത്തിൽ അസിസ്റ്റന്റ് പ്രൊഫസർ / സീനിയർ റസിഡന്റ് തസ്തികകളിലേക്ക് അപേക്ഷ ക്ഷണിച്ചു. അപേക്ഷ ലഭിക്കേണ്ട അവസാന തീയതി മെയ് 23.

കേരള വനിതാ കമ്മീഷനിൽ നിലവിൽ ഒഴിവുള്ള ഒരു അസിസ്റ്റന്റ് തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ സർക്കാർ സർവ്വീസിൽ സമാന തസ്തികയിൽ (39,300-83,000)  ശമ്പള സ്‌കെയിലിൽ സേവനമനുഷ്ഠിക്കുന്നവരിൽ നിന്നും അപേക്ഷ ക്ഷണിച്ചു.

സംസ്ഥാനത്തിന്റെ വികസനപ്രവർത്തനങ്ങളുടെ ധനശേഖരണാർഥം 2,800 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം മേയ് 12ന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും.

തിരുവനന്തപുരം സർക്കാർ മെഡിക്കൽ കോളേജിൽ പ്ലാസ്റ്റിക് സർജറി വിഭാഗത്തിനു കീഴിലെ NPPMBI പ്രോജക്ടിൽ  അനസ്തെഷ്യോളജിസ്റ്റ് തസ്തികയിലേക്കുള്ള ഒരു ഒഴിവിൽ കരാർ നിയമനത്തിനായി അപേക്ഷ ക്ഷണിച്ചു. അനസ്തേഷ്യോളജിയിൽ എംഡി / ഡിഎൻബിയും ഒരു വർഷത്തെ പ്രവൃത്തി പരിചയവുമാണ് യോഗ്യത.