ബിസില്‍ ട്രെയിനിംഗ് ഡിവിഷന്‍ മേയ് മാസം ആരംഭിക്കുന്ന മോണ്ടിസ്സോറി, പ്രീ പ്രൈമറി, നഴ്‌സറി ടീച്ചര്‍ കോഴ്‌സുകളിലേക്ക് അപേക്ഷ ക്ഷണിച്ചു. രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള കോഴ്‌സുകളിലേക്ക് ഡിഗ്രി/ പ്ലസ് ടു/ എസ്.എസ്.എല്‍.സി യോഗ്യതയുള്ളവര്‍ക്ക് അപേക്ഷിക്കാം. വിശദ വിവരങ്ങള്‍ക്ക് ഫോണ്‍: 7994449314.

സംസ്ഥാന സാക്ഷരതാ മിഷന്‍ നടത്തുന്ന പത്ത്, ഹയര്‍ സെക്കണ്ടറി തുല്യതാ കോഴ്‌സുകളിലേക്ക് മെയ് 25 വരെ അപേക്ഷിക്കാം. പത്താംതരം തുല്യത കോഴ്‌സിന് നൂറ് രൂപ രജിസ്‌ട്രേഷന്‍ ഫീസ് ഉള്‍പ്പെടെ 1950 രൂപയാണ് കോഴ്‌സ് ഫീസ്. അപേക്ഷകര്‍ മെയ് ഒന്നിന് 17 വയസ്സ് പൂര്‍ത്തിയായിരിക്കണം. പത്താംതരം തുല്യതാ കോഴ്‌സ് പാസാകുന്നവര്‍ക്ക് എസ്.എസ്.എല്‍.സി യോഗ്യതക്ക് അനുസരിച്ചുള്ള ഉന്നത പഠനത്തിനും പ്രൊമോഷനും പി.എസ്.സി നിയമനത്തിനും അര്‍ഹതയുണ്ട്.

 തൃശ്ശൂർ ജില്ലാ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (ഗണിതം) മലയാളം മീഡിയം കാറ്റഗറി നമ്പർ 599/2024 പട്ടികയിൽഉൾപ്പെട്ട ഉദ്യോഗാർത്ഥികൾക്കുള്ള രണ്ടാംഘട്ട അഭിമുഖം നടത്തുന്നു. ഏപ്രിൽ എട്ട്, ഒൻപത് തിയ്യതികളിലായി നിശ്ചയിച്ചിരുന്ന അഭിമുഖം മെയ് ഏഴ്, എട്ട് തിയ്യതികളിൽ തൃശ്ശൂർ പി എസ് സി ഓഫീസിൽ നടക്കും. അഡ്മിഷൻ ടിക്കറ്റ് ഡൗൺലോഡ് ചെയ്ത് വ്യക്തി വിവരങ്ങൾ പൂരിപ്പിച്ചും, ഒ ടി വി സർട്ടിഫിക്കറ്റ്, ആവശ്യ രേഖകൾ എന്നിവ സഹിതം അഭിമുഖത്തിന് ഹാജരാകണമെന്ന് പബ്ലിക് സർവീസ് കമ്മീഷൻ ജില്ലാ ഓഫീസർ അറിയിച്ചു.

 തൃത്താല സർക്കാർ ആർട്സ് ആൻഡ് സയൻസ് കോളേജിൽ 2026 -27 അധ്യയന വർഷത്തേക്ക് ഹിന്ദി, അറബിക് എന്നീ വിഷയത്തിലേക്ക് അതിഥി അധ്യാപകരെ നിയമിക്കുന്നു. ബന്ധപ്പെട്ട വിഷയങ്ങളിൽ യു.ജി.സി നിഷ്കർഷിക്കുന്ന യോഗ്യതയുള്ളവരും കോളേജ് വിദ്യാഭ്യാസ ഡയറക്ടറേറ്റിൽ പേര് രജിസ്റ്റർ ചെയ്തിട്ടുള്ളവരുമായ ഉദ്യോഗാർത്ഥികൾ മെയ് 12ന് നടക്കുന്ന അഭിമുഖത്തിന് ഹാജരാകണം. രാവിലെ 9.30 ന് ഹിന്ദി, 11.30 ന് അറബിക് എന്ന ക്രമത്തിലാണ് അഭിമുഖം നടക്കുക.

 തൃത്താല സർക്കാർ ആർട്സ് ആൻഡ് സയൻസ് കോളേജിൽ 2026 -27 അധ്യയന വർഷത്തേക്ക് മാത്തമാറ്റിക്സ്, സ്റ്റാറ്റിസ്റ്റിക്സ്, കമ്പ്യൂട്ടർ സയൻസ്, എന്നീ വിഷയത്തിലേക്ക് അതിഥി അധ്യാപകരെ നിയമിക്കുന്നു. ബന്ധപ്പെട്ട വിഷയങ്ങളിൽ യു.ജി.സി നിഷ്കർഷിക്കുന്ന യോഗ്യതയുള്ളവരും കോളേജ് വിദ്യാഭ്യാസ ഡയറക്ടറേറ്റിൽ പേര് രജിസ്റ്റർ ചെയ്തിട്ടുള്ളവരുമായ ഉദ്യോഗാർത്ഥികൾ മെയ് 14ന് നടക്കുന്ന അഭിമുഖത്തിന് ഹാജരാകണം. രാവിലെ 10.00 ന് മാത്തമാറ്റിക്സ്, 1.30 ന് സ്റ്റാറ്റിസ്റ്റിക്സ്, 2.30 ന് കമ്പ്യൂട്ടർ സയൻസ് എന്ന ക്രമത്തിലാണ് അഭിമുഖം നടക്കുക.

പുല്ലൂറ്റ് കെ.കെ.ടി.എം ഗവൺമെന്റ് കോളേജിൽ 2019 -20, 2020-21, 2021-22, 2022-23 അധ്യയന വർഷങ്ങളിൽ അഡ്മിഷൻ നേടിയവരിൽ കോഷൻ ഡെപ്പോസിറ്റ് തുക കൈപ്പറ്റാത്ത വിദ്യാർത്ഥികൾ ആവശ്യമായ രേഖകൾ സഹിതം മെയ് 14 ന് മുൻപായി കോളേജിൽ എത്തിച്ചേർന്ന് തുക കൈപ്പറ്റണം. കൈപ്പറ്റാത്തവരുടെ തുക ഇനിയൊരു അറിയിപ്പ് കൂടാതെ സർക്കാരിലേക്ക് മുതൽക്കൂട്ടുമെന്നും കോളേജ് പ്രിൻസിപ്പാൾ അറിയിച്ചു.

തൃശൂർ ഗവ.ഡെന്റൽ കോളേജിലെ കമ്മ്യൂണിറ്റി ഡെൻ്റിസ്ട്രി വിഭാഗത്തിൽ സീനിയർ റസിഡന്റ്റിൻ്റെ തസ്തികയിലെ ഒഴിവിലേക്ക് നിയമനം നടത്തുന്നതിനായി വാക്ക്-ഇൻ-ഇൻ്റർവ്യൂ നടത്തുന്നു. 

കമ്മ്യൂണിറ്റി ഡെൻ്റിസ്ട്രി വിഭാഗത്തിൽ പി.ജി യാണ് യോഗ്യത. പ്രതിമാസം 73500 /-രൂപയാണ് വേതനമായി ലഭിക്കുക. യോഗ്യരായ ഉദ്യോഗാർത്ഥികൾ ഡെൻ്റൽ കൗൺസിൽ രജി: സർട്ടിഫിക്കറ്റ്, യോഗ്യത, മുൻപരിചയം തെളിയിക്കുന്ന സർട്ടിഫിക്കറ്റ് എന്നിവയുമായി മെയ് 11 ന് രാവിലെ 11.00 മണിക്ക് പ്രിൻസിപ്പാളിന്റെ ചേമ്പറിൽ നടക്കുന്ന അഭിമുഖത്തിൽ നേരിട്ട് ഹാജരാകേണ്ടതാണ് 

ഫോൺ; 0487 2206200