കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്‌മെന്റിന്റെ അക്കാദമിക് ഡിവിഷനായ കിലെ ഐ.എ.എസ് അക്കാദമിയുടെ 2026 - 2027 വര്‍ഷത്തെ യു.പി.എസ്.സി പരിശീലനത്തിനുള്ള രജിസ്‌ട്രേഷന്‍ ആരംഭിച്ചു. യു.പി.എസ്.സിയുടെ സിവില്‍ സര്‍വ്വീസ് പരീക്ഷക്കായി വിദഗ്ധ ശിക്ഷണത്തില്‍ ആധുനിക സൗകര്യങ്ങളോടെ അക്കാദമിയിലെ അടുത്ത ബാച്ച് ജൂണ്‍ ആദ്യവാരമാണ് ആരംഭിക്കുന്നത്. ഒരു വര്‍ഷത്തെ റഗുലര്‍ ക്ലാസ്സ് റൂം ബാച്ച്, റഗുലര്‍ ഓണ്‍ലൈന്‍ ബാച്ച് എന്നിവയിലേക്കാണ് രജിസ്‌ട്രേഷന്‍ ആരംഭിച്ചത്.

ഗവ. എഞ്ചിനീയറിംഗ് കോളേജിലെ പ്രൊഡക്ഷന്‍ എഞ്ചിനീയറിങ് ഡിപ്പാര്‍ട്ട്‌മെന്റിലെ തകര്‍ന്ന ജനാലകള്‍ പോളി കാര്‍ബണേറ്റ് മെറ്റീരിയല്‍ ഉപയോഗിച്ച് അറ്റകുറ്റപ്പണി നടത്തുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് 14 ന് ഉച്ചയ്ക്ക് രണ്ടിനകം മുമ്പായി 'ഗവ. എഞ്ചിനീയറിങ് കോളേജ്, എഞ്ചിനീയറിങ് കോളേജ് പി.ഒ, തൃശ്ശൂര്‍, കേരള-680009'എന്ന വിലാസത്തില്‍ ലഭ്യമാക്കണം. ക്വട്ടേഷനുകള്‍ മെയ് 15 ന് രാവിലെ 11 ന് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഗവ. എഞ്ചിനീയറിങ് കോളേജുമായി നേരിട്ടോ 0487 233 4144 എന്ന നമ്പറിലോ ബന്ധപ്പെടുക.

ജലസേചന വിഭാഗം വടക്കാഞ്ചേരി ഇറിഗേഷന്‍ സെക്ഷന്റെ പരിധിയിലുള്ള വാഴാനി ഇടതുകര മെയിന്‍ കനാല്‍ ചെയിനേജ് കനാല്‍ സംരക്ഷണഭിത്തിക്കും കനാലിന് സമീപത്തുള്ളവരുടെ ജീവനും സ്വത്തിനും ഭീഷണിയായി നിലകൊള്ളുന്ന ഏഴ് മഴമരങ്ങള്‍ ജലസേചന വകുപ്പിന്റെ നിലവിലുള്ള വ്യവസ്ഥകള്‍ക്ക് വിധേയമായി മെയ് 14 ന് രാവിലെ 11 മണിക്ക് ഇറിഗേഷന്‍ സബ് ഡിവിഷന്‍ തലപ്പിള്ളി കാര്യാലയത്തില്‍ പരസ്യമായി ലേലം ചെയ്യും. നിരതദ്രവ്യം 2700 രൂപ. കൂടുതല്‍ വിവരങ്ങള്‍ക്ക് തലപ്പിള്ളി ഇറിഗേഷന്‍ സബ് ഡിവിഷന്‍ അസിസ്റ്റന്റ് എക്സിക്യൂട്ടീവ് എഞ്ചിനീയറുടെ കാര്യാലയവുമായി നേരിട്ട് ബന്ധപ്പെടുക.
 

പട്ടിക വര്‍ഗ്ഗ വികസന വകുപ്പിന്റെ നിയന്ത്രണത്തില്‍ പ്രവര്‍ത്തിക്കുന്ന ചാലക്കുടി മോഡല്‍ റസിഡന്‍ഷ്യല്‍ സ്‌കൂളില്‍ 2026-27 അധ്യയന വര്‍ഷത്തേക്ക് കുക്ക്, എഫ്.ടി.എസ്, ആയ, ഗാര്‍ഡിനര്‍ കം സ്‌കാവഞ്ചര്‍/ ഗാര്‍ഡിനര്‍ എന്നീ തസ്തികകളിലേക്ക് താത്ക്കാലികമായി ദിവസ വേതനാടിസ്ഥാനത്തില്‍ നിയമനം നടത്തുന്നു. റസിഡന്‍ഷ്യല്‍ സ്വഭാവമുള്ള സ്ഥാപനമായതിനാല്‍ ഹോസ്റ്റലുകളില്‍ താമസിച്ച് ജോലി ചെയ്യുന്നതിന് താല്പര്യമുള്ളവര്‍ മാത്രം ഇന്റര്‍വ്യൂവില്‍ പങ്കെടുത്താല്‍ മതിയാകും.

ഫിഷറീസ് ടെക്‌നിക്കല്‍ ഹൈസ്‌കൂളില്‍ താത്ക്കാലിക നിയമനം

ജില്ലയിലെ റേഷന്‍ വിതരണത്തിന്റെ ക്രമീകരണങ്ങള്‍ വിലയിരുത്തുന്നതിനായി  ഭക്ഷ്യ കമ്മീഷന്‍ അംഗം ഷീല വിജയകുമാറിന്റെ അധ്യക്ഷതയില്‍ തൃശ്ശൂര്‍ സപ്ലൈ ഓഫീസില്‍ യോഗം ചേര്‍ന്നു. ജില്ലയിലെ റേഷന്‍ വിതരണം സുതാര്യവും, കാര്യക്ഷമവും, സമയബന്ധിതവും, പരാതിരഹിതവുമായി നടപ്പാക്കുന്നതിന് ഉദ്യോഗസ്ഥ തലത്തിലും, റേഷന്‍ വ്യാപാരി തലത്തിലും, ട്രാന്‍സ്‌പോര്‍ട്ടിംഗ് കോണ്‍ട്രാക്ടര്‍മാരുടെ തലത്തിലുമുള്ള കൂട്ടായ പ്രവര്‍ത്തനം വേണമെന്ന് ഭക്ഷ്യ കമ്മീഷന്‍ അംഗം ഷീല വിജയകുമാര്‍ പറഞ്ഞു. ഇതിനായി എല്ലാവരും സഹകരിക്കണമെന്ന് ഭക്ഷ്യ കമ്മീഷന്‍ അംഗം അറിയിച്ചു.

തൃശ്ശൂർ കോർപ്പറേഷൻ്റെ 2026 - 2027 വാർഷിക പദ്ധതിയായ പാലിയേറ്റീവ് കെയർ പദ്ധതിയുടെ ഭാഗമായി തൃശ്ശൂർ കോർപ്പറേഷനിലെ ഒല്ലൂർ സാമൂഹിക ആരോഗ്യ കേന്ദ്രത്തിൽ ഹോം കെയർ നടത്തുന്നതിന് ആവശ്യമായ വാഹന സൗകര്യം ലഭ്യമാക്കുന്നതിന് യോഗ്യരായ വ്യക്തികളിൽ നിന്നും ക്വട്ടേഷൻ ക്ഷണിച്ചു. പ്രൈമറി ഒന്ന്, പ്രൈമറി രണ്ട്, സെക്കൻ്ററി എന്നീ മൂന്ന് ഹോം കെയർ പരിപാടിക്കായി അഞ്ച് സീറ്റ് വാഹനം ഓരോന്നു വീതം ആവശ്യമുണ്ട്. ക്വട്ടേഷൻ ഉറപ്പിക്കുന്ന ദിവസം മുതൽ 2027 മാർച്ച് 31 വരെയുള്ള കാലയളവിലേക്കാണ് വാഹനം ലഭ്യമാക്കേണ്ടത്.

2026-27 വർഷത്തെ ട്രോൾബാൻ കാലയളവിൽ ജില്ലയിൽ കടൽ രക്ഷാ പ്രവർത്തനത്തിനും പട്രോളിംഗിനുമായി ദിവസവേതനാടിസ്ഥാനത്തിൽ താത്കാലിക ലൈഫ് ഗാർഡ്/റെസ്ക്യൂ ഗാർഡുമാരെ നിയമിക്കുന്നു. മെയ് 14 വ്യാഴാഴ്ച രാവിലെ 10.30ന് ഫിഷറീസ് അസിസ്റ്റൻ്റ് ഡയറക്ടർ, ഫിഷറീസ് സ്റ്റേഷൻ അഴീക്കോട് ഓഫീസിൽ വെച്ച് വാക്ക്-ഇൻ ഇന്റർവ്യൂ നടക്കും. കേരള മത്സ്യത്തൊഴിലാളി ക്ഷേമനിധി ബോർഡിൽ അംഗത്വമുള്ള മത്സ്യത്തൊഴിലാളികളായ 20 നും 60 നും ഇടയിൽ പ്രായമുള്ളവർക്ക് അപേക്ഷിക്കാം. അപേക്ഷകർക്ക് നീന്തൽ അറിഞ്ഞിരിക്കണം (കടൽ).

പെരുമ്പാവൂർ ടിമ്പർ സെയിൽസ് ഡിവിഷന് കീഴിൽ വരുന്ന, ചാലക്കുടി ഗവ. ടിമ്പർ ഡിപ്പോയിൽ വീട്ടാവശ്യങ്ങൾക്ക് മാത്രമായി നടത്തുന്ന തേക്ക് തടികളുടെ ചില്ലറ വിൽപ്പന മെയ് 20ന് രാവിലെ 10 മണിക്ക് ആരംഭിക്കും. II,III  എന്നീ ക്ലാസ്സുകളിൽ പെട്ടതും 65 വർഷത്തിലേറെ പ്രായമുളളതുമായ മികച്ചയിനം തേക്ക് തടികളാണ് ചില്ലറ വിൽപ്പനയ്ക്ക് വച്ചിരിക്കുന്നത്. ഒരു ഉപഭോക്താവിന് 5 ക്യൂബിക് മീറ്റർ വരെ തടി ലഭിക്കുന്നതാണ്. സ്വന്തം വീടുപണിക്ക് ആണെന്ന് തെളിയിക്കുന്ന രേഖകൾ ഉപഭോക്താവ് ഹാജരാക്കണം.