വരവൂർ പിലാക്കാട് തളി റോഡിൽ തളി അരകുളം ഭാഗത്ത് കലുങ്ക് നിർമ്മാണ പ്രവൃത്തി നടക്കുന്നതിനാൽ മെയ് രണ്ട് മുതൽ പ്രവൃത്തി അവസാനിക്കുന്നതുവരെ ഈ ഭാഗത്തുകൂടിയുള്ള ഗതാഗതം പൂർണ്ണമായും തടസ്സപ്പെടുമെന്ന് അസിസ്റ്റന്റ് എഞ്ചിനീയർ അറിയിച്ചു.

 തിരുവനന്തപുരം മുട്ടടയിൽ പ്രവർത്തിക്കുന്ന ഐ എച്ച് ആർ ഡി യുടെ സെന്റർ ഫോർ അഡ്വാൻസ്ഡ് ടെക്നോളജീസ് ആന്റ് സ്കിൽസിൽ മെയ് മാസം ആരംഭിക്കുന്ന യുജിസി നെറ്റ് പരിശീലനത്തിന് അപേക്ഷ ക്ഷണിച്ചു. കമ്പ്യൂട്ടർ സയൻസ്, മാനേജ്മെന്റ്, ടൂറിസം മാനേജ്മെന്റ്, മലയാളം, ഇംഗ്ലീഷ്  തുടങ്ങിയ വിഷയങ്ങളിൽ പേപ്പർ രണ്ടും,  പേപ്പർ ഒന്നുമാണ് പരിശീലനം നൽകുന്നത്. താല്പര്യമുള്ളവർ രജിസ്റ്റർ ചെയ്യുന്നതിനായി 8136882389, 9495069307, 8547005087, 0471 2660512 എന്നീ നമ്പറുകളിൽ ബന്ധപ്പെടുക.

*

 ഐ എച്ച് ആർ ഡി ആരംഭിക്കുന്ന ഡിപ്ലോമ ഇൻ ജെറിയാട്രിക് കെയർ കോഴ്സിലേക്ക് അപേക്ഷ ക്ഷണിച്ചു.  മെയ് 29 വരെ അപേക്ഷകൾ സമർപ്പിക്കാം. കൂടുതൽ വിവരങ്ങൾക്ക് ഐ എച്ച് ആർ ഡി വെബ്സൈറ്റിലോ 8547005000 എന്ന നമ്പറിലോ ബന്ധപ്പെടുക.
 

അസാപ് കേരളയിൽ കോളേജ് വിദ്യാർത്ഥികൾക്കായി ഇൻഡസ്ട്രി റിലവന്റ് ഇന്റേൺഷിപ്പ് പ്രോഗ്രാമുകളിൽ അവസരമൊരുക്കുന്നു. ഐടി സെക്ടർ, ബാങ്കിംഗ്, ഫിനാൻസ് ആന്റ് സർവീസ്, വിഷ്വൽ മീഡിയ ആന്റ് മാർക്കറ്റിംഗ് എന്നീ സെക്ടറുകളിലെ വിവിധ ഇന്റേൺഷിപ്പ് പ്രോഗ്രാമുകളിലേക്കാണ് അവസരമുള്ളത്. പ്രായോഗിക പരിചയം, വിദഗ്ധരിൽ നിന്ന് ഹാൻഡ്‌സ് ഓൺ ട്രെയിനിംഗ്, സർട്ടിഫിക്കേറ്റ് എന്നിവ ഇതിലൂടെ ലഭിക്കും. വിദ്യാർത്ഥികൾക്ക് കരിയർ ശക്തിപ്പെടുത്താനും ജോലി ലഭ്യമാക്കാനും ഇവ സഹായിക്കും. രജിസ്റ്റർ ചെയ്യേണ്ട അവസാന തീയതി: മെയ് 12. രജിസ്റ്റർ ചെയ്യേണ്ട ലിങ്ക്: https://forms.gle/cVwM2TKAXyDadbhB9.

കേരള നിയമസഭയിലേയ്ക്കുള്ള പൊതുതിരഞ്ഞെടുപ്പുമായി ബന്ധപ്പെട്ട് കൗണ്ടിംഗ് ഡ്യൂട്ടിക്കായി നിയോഗിച്ച ഉദ്യോഗസ്ഥര്‍ക്കുള്ള സെക്കന്റ് റാന്‍ഡമൈസേഷന്‍ പൂര്‍ത്തിയായി. ഉത്തരവുകള്‍ ഓര്‍ഡര്‍ സോഫ്‌റ്റ്വെയറില്‍ https://order.ceo.kerala.gov.in എന്ന ലിങ്കിലൂടെ ഇന്ന് (മേയ് 3) രാവിലെ 8 ന് പ്രസിദ്ധീകരിക്കുമെന്ന് ജില്ലാതിരഞ്ഞെടുപ്പ് ഓഫീസറായ ജില്ലാകളക്ടര്‍ അറിയിച്ചു. കൗണ്ടിംഗ് ഡ്യൂട്ടിയ്ക്കായി നിയോഗിച്ച ഉദ്യോഗസ്ഥര്‍ക്ക് അവരുടെ ഡ്യൂട്ടി സംബന്ധിച്ച വിശദാംശങ്ങള്‍ ബന്ധപ്പെട്ട ഓഫീസുകളില്‍ നിന്നും ഓര്‍ഡര്‍ സോഫ്‌റ്റ്വെയറിലൂടെ ലഭ്യമാകും.

*പരിശീലനാര്‍ത്ഥികളുടെ പാസിംഗ് ഔട്ട് പരേഡ് നടത്തി*

തൃശ്ശൂരിലെ കേരള പോലീസ് അക്കാദമിയില്‍ പരിശീലനം പൂര്‍ത്തിയാക്കിയ 32 -എ ബാച്ചിലെ 60 സബ് ഇന്‍സ്പെക്ടര്‍മാരുടെ പാസിംഗ് ഔട്ട് പരേഡ് ഇന്ന് (മേയ് 02) രാവിലെ 07.30 ന് കേരള പോലീസ് അക്കാദമി പരേഡ് ഗ്രൗണ്ടില്‍ നടക്കും. സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖര്‍ പരേഡില്‍ അഭിവാദ്യം സ്വീകരിക്കും.

നിയമസഭാ തെരഞ്ഞെടുപ്പുമായി ബന്ധപ്പെട്ട് പെരുമാറ്റചട്ടം നിലനില്‍ക്കുന്നതിനാല്‍ മെയ് മാസത്തെ തൃശ്ശൂര്‍ താലൂക്ക് വികസന സമിതി യോഗം ഉണ്ടായിരിക്കില്ലെന്ന് താലൂക്ക് വികസന സമിതി കണ്‍വീനറായ തൃശ്ശൂര്‍ തഹസില്‍ദാര്‍ അറിയിച്ചു.

കണ്ണൂര്‍ സര്‍വകലാശാലയുടെ കീഴില്‍ പാലയാട് ഡോ. ജാനകി അമ്മാള്‍ ക്യാമ്പസിലെ ആന്ത്രോപോളജി പഠന വകുപ്പില്‍ 2026-27 അധ്യയന വര്‍ഷത്തേക്കുള്ള എം.എ ആന്ത്രോപോളജി പ്രവേശനത്തിന് അപേക്ഷ ക്ഷണിച്ചു. 45 ശതമാനം മാര്‍ക്കോടുകൂടിയ ബിരുദമാണ് യോഗ്യത. റിസള്‍ട്ട് കാത്തിരിക്കുന്നവര്‍ക്കും അപേക്ഷിക്കാം. താല്‍പര്യമുള്ളവര്‍ admissions.kannuruniversity.ac.in എന്ന കണ്ണൂര്‍ സര്‍വകലാശാലയുടെ വെബ്‌സൈറ്റ് വഴി മെയ് 24 നകം  അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ വെബ്സൈറ്റില്‍ ലഭ്യമാണ്. ഫോണ്‍: 04972766388, 04972715227.