കൊണ്ടോട്ടി സര്‍ക്കാര്‍ ആര്‍ട്‌സ് ആന്‍ഡ് സയന്‍സ് കോളേജില്‍ 2026-27 അധ്യയന വര്‍ഷത്തില്‍ ഉറുദു, കോമേഴ്‌സ്, സ്റ്റാറ്റിസ്റ്റിക്‌സ്, കംപ്യൂട്ടര്‍ സയന്‍സ്, ഹോട്ടല്‍ മാനേജ്മന്റ് ,ഫ്രഞ്ച് എന്നീ വിഷയങ്ങളില്‍ അതിഥി അധ്യാപകരുടെ ഒഴിവിലേക്ക് അപേക്ഷ ക്ഷണിച്ചു. ഉദ്യോഗാര്‍ഥികള്‍ കോഴിക്കോട് കോളെജ് വിദ്യാഭ്യാസ ഡെപ്യൂട്ടി ഡയറക്റ്ററേറ്റില്‍/ കോളേജ് വിദ്യാഭ്യാസ വകുപ്പിന്റെ ഔദ്യോഗിക വെബ് സൈറ്റില്‍ രജിസ്റ്റര്‍ ചെയ്തിട്ടുള്ളവരായിരിക്കണം. ഉദ്യോഗാര്‍ത്ഥികള്‍ക്ക് യു.ജി.സി. റെഗുലേഷന്‍ പ്രകാരം അസിസ്റ്റന്റ് പ്രൊഫസര്‍ നിയമനം നേടുന്നതിനുള്ള യോഗ്യത (നെറ്റ്/പി.എച്ച്.ഡി) ഉണ്ടായിരിക്കണം.

പൊന്‍മള ഗ്രാമപഞ്ചായത്തിലെ 20,21 വാര്‍ഡുകളിലെ ആശ പ്രവര്‍ത്തകരുടെ ഒഴിവിലേക്കുള്ള അഭിമുഖം മെയ് 18ന് രാവിലെ 10.30ന് പൊന്‍മള കുടുംബാരോഗ്യ കേന്ദ്രത്തില്‍ നടക്കും. പത്താം ക്ലാസ് പാസായ 25നും 45നുമിടയില്‍ പ്രായമുള്ള സ്ത്രീകള്‍ക്ക് അഭിമുഖത്തില്‍ പങ്കെടുക്കാം. മുന്‍ ആശ പ്രവര്‍ത്തക, ആരോഗ്യമേഖലയില്‍ സന്നദ്ധ സേവനം നടത്തിയവര്‍ എന്നിവര്‍ക്ക് മുന്‍ഗണനയുണ്ട്. അതാത് വാര്‍ഡ് പരിധിയിലെ സ്ഥിര താമസക്കാര്‍ ആവണം. സ്ഥിരതാമസക്കാര്‍ അപേക്ഷകരായി ഇല്ലെങ്കില്‍ സമീപ വാര്‍ഡുകളില്‍ നിന്നുള്ളവരെയും പരിഗണിക്കും.

തിരൂരങ്ങാടി താലൂക്കിലെ ഇരിങ്ങല്ലൂര്‍ ആശ്രമംഗലം തൃപുരാന്തക ക്ഷേത്രത്തില്‍ പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമതധര്‍മ്മസ്ഥാപന നിയമപ്രകാരം അര്‍ഹരായ തദ്ദേശവാസികളില്‍ നിന്നും അപേക്ഷ ക്ഷണിച്ചു. പൂരിപ്പിച്ച അപേക്ഷകള്‍ മെയ് 28ന് വൈകീട്ട് അഞ്ചിനകം തിരൂര്‍ മിനി സിവില്‍സ്റ്റേഷനില്‍ പ്രവര്‍ത്തിക്കുന്ന മലബാര്‍ ദേവസ്വം ബോര്‍ഡ്, മലപ്പുറം അസിസ്റ്റന്റ് കമ്മീഷണറുടെ ഓഫിസില്‍ ലഭ്യമാക്കണം. അപേക്ഷാഫോമും വിശദവിവരങ്ങളും അസിസ്റ്റന്റ് കമ്മീഷണര്‍ ഓഫീസിലും വകുപ്പിന്റെ മഞ്ചേരി ഡിവിഷന്‍ ഇന്‍സ്‌പെക്ടറുടെ ഓഫീസിലും ലഭ്യമാണ്. ഫോണ്‍- 0494- 2431066.

കോഴിക്കോട് റീജ്യണല്‍ പ്രൊഫഷണല്‍ ആന്‍ഡ് എക്സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്ത മൂന്നാക്ക സമുദായങ്ങളില്‍ ഉള്‍പ്പെട്ട സാമ്പത്തികമായി പിന്നാക്കം നില്‍ക്കുന്നവര്‍ക്കായുള്ള സംവരണ ആനുകൂല്യത്തിന് (ഇ.ഡബ്ലിയു.എസ്.) അര്‍ഹതയുള്ള ഉദ്യോഗാര്‍ത്ഥികള്‍ 2026 ഏപ്രില്‍ ഒന്നിന് ശേഷം ബന്ധപ്പെട്ട വില്ലേജ് ഓഫീസര്‍ നല്‍കിയ സര്‍ട്ടിഫിക്കറ്റ് മെയ് 31നകം രജിസ്‌ട്രേഷനോടൊപ്പം കൂട്ടിച്ചേര്‍ക്കണം. ഫോണ്‍- 0495-2376179.

മഴക്കാല പൂർവ ശുചീകരണവും മുന്നൊരുക്കളും ചർച്ച ചെയ്യുന്നതിനായി കളക്ടറേറ്റിൽ വിവിധ വകുപ്പുകളിലെ ഉദ്യോ​ഗസ്ഥരുടെ അവലോകന യോ​ഗം ചേർന്നു. പകർച്ചവ്യാധികളെ തടയുന്നതിന് എല്ലാ മേഖലകളിലും മുന്നൊരുക്കങ്ങൾ ആവശ്യമാണെന്നും ഇതിനായി വിവിധ വകുപ്പുകൾ ഒരുമിച്ച് പ്രവർത്തിക്കണമെന്നും എഡിഎം പറഞ്ഞു.

ഡെങ്കിപ്പനി, ചിക്കൻ​ഗുനിയ കേസുകളാണ് കൂടുതലായി റിപ്പോർട്ട് ചെയ്യപ്പെടുന്നത്. വീടുകളിലും ഓഫീസുകളിലും സ്കൂളുകളിലും മഴക്കാല പൂർവ ശുചീകരണവും പ്രതിരോധ പ്രവർത്തനങ്ങളും ഡ്രൈ ഡേ ആചരണവും നേരത്തെ തന്നെ ആരംഭിക്കണമെന്ന് ഡിഎംഒ അറിയിച്ചു. സ്കൂളുകളിൽ വെള്ളിയാഴ്ചയും ഓഫീസുകളിൽ ശനിയാഴ്ചയും വീടുകളിൽ ഞായറാഴ്ചയും ഡ്രൈ ഡേ ആചരിക്കണം.

നെടുമങ്ങാട് സർക്കാർ ടെക്‌നിക്കൽ ഹൈസ്‌കൂളിൽ എട്ടാം ക്ലാസിലേക്ക് ഒഴിവുള്ള 5 സീറ്റുകളിലേക്ക് സ്‌പോട്ട് അഡ്മിഷൻ ആരംഭിച്ചു.  ഇതുവരെ അപേക്ഷിക്കാത്തവർക്കും, 

ജില്ലയിലെ അക്ഷയ സംരംഭക തെരഞ്ഞെടുപ്പിനായുള്ള ഒ.എം.ആർ പരീക്ഷ മെയ് 17-ന് നടക്കും. മാർച്ച് 19-ന് അപേക്ഷാ കാലാവധി അവസാനിച്ചതിനെ തുടർന്ന്, അപേക്ഷകർ സമർപ്പിച്ച രേഖകളുടെയും വിശദാംശങ്ങളുടെയും അടിസ്ഥാനത്തിൽ സ്ക്രീനിംഗ് നടത്തിയാണ് പരീക്ഷാർത്ഥികളെ നിശ്ചയിച്ചത്.  
​
​ഓൺലൈൻ അപേക്ഷയിലെ രേഖകൾ പ്രകാരം കുറഞ്ഞത് 30% എങ്കിലും മാർക്ക് ലഭിച്ച അപേക്ഷകരെയാണ് ഒ.എം.ആർ പരീക്ഷയ്ക്കായി പരിഗണിച്ചിരിക്കുന്നത്.
  
പരീക്ഷയ്ക്ക് യോഗ്യത നേടിയവർക്ക് വെബ്സൈറ്റിൽ നിന്നും അഡ്മിറ്റ് കാർഡ് ഡൗൺലോഡ് ചെയ്യാവുന്നതാണ്.  

ഇടപ്പള്ളി തെക്ക് വില്ലേജ് ഓഫീസ് കെട്ടിടം പുതുക്കി പണിയുന്നതിനാൽ വില്ലേജ് ഓഫീസിന്റെ പ്രവർത്തനം മെയ് 11 തിങ്കളാഴ്ച മുതൽ പാടിവട്ടം പൈപ്പ് ലൈൻ റോഡിൽ പാടിവട്ടം ഗവ. സ്കൂളിനു സമീപം വാടക കെട്ടിടത്തിലേക്ക് താൽക്കാലികമായി പ്രവർത്തനം മാറ്റിയിരിക്കുന്നു.

കിലെയുടെ കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്മെൻ്റിൻ്റെ (കിലെ)അക്കാദമിക് ഡിവിഷനായ  കിലെ IAS അക്കാദമിയിൽ 2026-27 വർഷത്തെ സിവിൽ സർവീസ് പരീക്ഷ പരിശീലനത്തിനുള്ള രജിസ്ട്രേഷൻ ആരംഭിച്ചു. കേരളത്തിലെ സംഘടിത - അസംഘടിത മേഖലകളിൽ ഉൾപ്പെട്ട തൊഴിലാളികളുടെ ആശ്രിതർക്കാണ് പരിശീലനം നൽകുന്നത്. വിശദാംശങ്ങളും രജിസ്ട്രേഷൻ ലിങ്കും www.kile.kerala.gov.in/kileiasacademy എന്ന വെബ്സൈറ്റിൽ ലഭ്യമാണ്. ഫോൺ: 0471- 2479966, 8075768537. ഇമെയിൽ: kileiasacademy@gmail.com

എറണാകുളം ഗവൺമെൻറ് ലോ കോളേജിൽ 2026- 27 അധ്യായന വർഷത്തിൽ മലയാളം, ഹിന്ദി, ഇംഗ്ലീഷ് വിഷയങ്ങളിൽ ഗസ്റ്റ് അധ്യാപകരുടെ ഒഴിവിലേക്കും നിയമ വിഷയങ്ങളിൽ നിലവിലുള്ള ഒഴിവിലേക്കും ഭാവിയിൽ ഉണ്ടായേക്കാവുന്ന ഒഴിവിലേക്കും അപേക്ഷ ക്ഷണിച്ചു. യുജിസി മാനദണ്ഡമനുസരിച്ച് യോഗ്യതയുള്ള ഉദ്യോഗാർത്ഥികൾക്ക് അപേക്ഷിക്കാം. നിയമ വിഭാഗമൊഴികെ മറ്റു വിഷയങ്ങളിലെ ഉദ്യോഗാർത്ഥികൾ കോളേജ് വിദ്യാഭ്യാസ വകുപ്പ് ഡയറക്ടറുടെ ഗസ്റ്റ് പാനലിൽ രജിസ്റ്റർ ചെയ്തിട്ടുണ്ടായിരിക്കണം. ഉദ്യോഗാർത്ഥികൾ വിദ്യാഭ്യാസ യോഗ്യത, ജനനതീയതി, മുൻ പരിചയം എന്നിവ തെളിയിക്കുന്ന അസ്സൽ രേഖകളും അവയുടെ പകർപ്പുകളും പ്രിൻസിപ്പൽ മുൻപാകെ ഹാജരാക്കേണ്ടതാണ്.