മഞ്ചേരി നഗരസഭയിലെ 'വടക്കേപറമ്പ് നോബിള്‍ പബ്ലിക് സ്‌കൂള്‍ റോഡ്' പ്രവൃത്തി വെള്ളപ്പൊക്ക ദുരിതാശ്വാസ പദ്ധതിയില്‍ ഉള്‍പ്പെടുത്തി നടത്തുന്നതിന് പത്ത് ലക്ഷം രൂപ വകയിരുത്തി സര്‍ക്കാര്‍ ഭരണാനുമതി നല്‍കി ഉത്തരവായി.

മേലാറ്റൂര്‍ സാമൂഹികാരോഗ്യ കേന്ദ്രത്തില്‍ ലാബിലേക്ക് ആവശ്യമായ ഉപകരണങ്ങളുടെ ലാബ് റീഏജന്റുകള്‍ വിതരണം ചെയ്യുന്നതിന് താത്പര്യമുള്ള അംഗീകൃത വിതരണക്കാരില്‍ നിന്നും മുദ്രവച്ച ടെന്‍ഡറുകള്‍ ക്ഷണിച്ചു. മെയ് 16ന് വൈകീട്ട് മൂന്നുവരെ ടെന്‍ഡര്‍ ഫോം വിതരണം ചെയ്യും. ടെന്‍ഡറുകള്‍ 'ടെന്‍ഡര്‍, മെഡിക്കല്‍ ഓഫീസര്‍ സി.എച്ച്.സി മേലാറ്റൂര്‍ എന്ന വിലാസത്തില്‍ മെയ് 18ന് രാവിലെ 11നകം ലഭിക്കണം. കവറിനു മുകളില്‍ 'ലാബിലേക്ക് ആവശ്യമായ താഴെ പറയുന്ന ഉപകരണങ്ങള്‍, റീ ഏജന്റുകള്‍ വിതരണം ചെയ്യുന്നതിനുളള ടെന്‍ഡര്‍' എന്ന് രേഖപ്പെടുത്തണം. ഫോണ്‍ -04933 278289.

മലപ്പുറം താലൂക്ക്  ആശുപത്രിയില്‍ ഫാര്‍മസിസ്റ്റ് തസ്തികയിലേക്ക് താത്കാലിക അടിസ്ഥാനത്തില്‍ നിയമനം നടത്തുന്നു. ബി.ഫാം  അല്ലെങ്കില്‍ ഡി.ഫാം  യോഗ്യതയും ഫാര്‍മസി കൗണ്‍സില്‍ രജിസ്‌ട്രേഷനുമുള്ളവര്‍ക്ക്  മെയ് 11-ന് രാവിലെ 10.30-ന് കൂടികാഴ്ച നടത്തും. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളും  സ്വയം സാക്ഷ്യപ്പെടുത്തിയ പകര്‍പ്പുകളും സഹിതം എത്തണം . ഫോണ്‍ 0483 2734866.

മൃഗസംരക്ഷണ വകുപ്പ് മുഖേന ജില്ലയില്‍ നടപ്പാക്കിവരുന്ന രാത്രികാല അടിയന്തിര മൃഗ ചികിത്സാ സേവന പദ്ധതിയുടെ ഭാഗമായ നൈറ്റ്വെറ്റ്/മൊബൈല്‍ വെറ്ററിനറി യൂണിറ്റ് പദ്ധതിയില്‍ നിലവിലുള്ളതും വരാനിരിക്കുന്നതുമായ ഡ്രൈവര്‍ കം അറ്റന്‍ഡന്റ് തസ്തികയിലെ ഒഴിവിലേക്ക് ഡ്രൈവര്‍ കം അറ്റന്‍ഡന്റുമാരെ 89 ദിവസത്തെ കരാര്‍ അടിസ്ഥാനത്തില്‍ നിയമിക്കുന്നതിനുള്ള അഭിമുഖം മെയ് 12ന് രാവിലെ 11ന് സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ മൃഗ സംരക്ഷണ ഓഫീസില്‍ നടക്കും. എസ്.എസ്.എല്‍.സി പാസായ എല്‍.എം.വി ലൈസന്‍സുള്ള തത്പരരായ ഉദ്യോഗാര്‍ത്ഥികള്‍  പ്രവൃത്തി പരിചയ സര്‍ട്ടിഫിക്കറ്റുകള്‍ സഹിതം അഭിമുഖത്തിന് എത്തണം.

ജില്ലാ ശിശു സംരക്ഷണ യൂണിറ്റിന്റെ കീഴില്‍  ഓ.ആര്‍.സി. പദ്ധതിയുടെ 2026-27 അധ്യയന വര്‍ഷത്തിലെ വിവിധ പരിശീലന പരിപാടികളിലേക്ക് പരിശീലകരെ തെരഞ്ഞെടുക്കുന്നതിന് അപേക്ഷ ക്ഷണിച്ചു. ബിരുദാനന്തര ബിരുദവും കുട്ടികളുടെ മേഖലയിലോ പരിശീലന മേഖലയിലോ പ്രവൃത്തി പരിചയമുള്ളവര്‍ക്കും അല്ലെങ്കില്‍ ബിരുദവും കുട്ടികളുടെ മേഖലയിലോ പരിശീലന മേഖലയിലോ പ്രവൃത്തി പരിചയമുള്ളവര്‍ക്കോ ബിരുദാനന്തര ബിരുദത്തിന് പ്രൊഫഷണല്‍ കോഴ്സുകള്‍ പഠിക്കുന്ന വിദ്യാര്‍ഥികള്‍, കുട്ടികളുമായി പ്രവര്‍ത്തിക്കാന്‍ താല്‍പര്യവും കഴിവും അഭിരുചിയുമുള്ളവര്‍ക്കും അപേക്ഷിക്കാം.

വണ്ടൂര്‍ ഗവ. പ്രീമെട്രിക് ഹോസ്റ്റലിലെ (പെണ്‍കുട്ടികള്‍) വിദ്യാര്‍ഥികള്‍ക്ക് ട്യൂഷന്‍ നല്‍കുന്നതിനായി ട്യൂട്ടര്‍മാരെ നിയമിക്കുന്നു. ഹൈസ്‌കൂള്‍ വിഭാഗത്തില്‍ ഇംഗ്ലീഷ്, കണക്ക്, നാച്ചുറല്‍ സയന്‍സ്,  ഫിസിക്കല്‍ സയന്‍സ്, സോഷ്യല്‍ സയന്‍സ്, ഹിന്ദി എന്നീ വിഷയങ്ങളിലേക്കാണ് നിയമനം. ഹൈസ്‌കൂള്‍ വിഭാഗത്തിന് പ്രതിമാസം 6000 രൂപയും യു.പി വിഭാഗത്തിന് 4500 രൂപയും ഹോണറേറിയം ലഭിക്കും.
താത്പര്യമുള്ള യോഗ്യരായ ഉദ്യോഗാര്‍ഥികള്‍ മെയ് 20ന് വൈകിട്ട് അഞ്ചിനകം വണ്ടൂര്‍ ബ്ലോക്ക് പട്ടികജാതി വികസന ഓഫീസില്‍ അപേക്ഷിക്കണം.  ഫോണ്‍- 8547630137.

മൃഗസംരക്ഷണ വകുപ്പ് മുഖേന മലപ്പുറം ജില്ലയില്‍ നടപ്പിലാക്കി വരുന്ന രാത്രികാല അടിയന്തിര മൃഗചികിത്സാ സേവന പദ്ധതിയുടെ ഭാഗമായ നൈറ്റ്/മൊബൈല്‍ വെറ്ററിനറി യുണിറ്റ് പദ്ധതിയില്‍ നിലവിലുള്ളതും വരാനിരിക്കുന്നതുമായ വെറ്ററിനറി സര്‍ജന്‍മാരുടെ ഒഴിവിലേക്ക് കരാര്‍ അടിസ്ഥാനത്തില്‍ നിയമനത്തിനായി മെയ് 11ന് രാവിലെ 11ന് അഭിമുഖം നടത്തും. ബി.വി.എസ്.സി-എ.എച്ച് യോഗ്യതയും വെറ്ററിനറി രജിസ്ട്രേഷനുമുള്ള വെറ്ററിനറി സര്‍ജന്‍മാര്‍ക്ക് അപേക്ഷിക്കാം.

മങ്കട ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ ഒഴിവുള്ള കംപ്യൂട്ടര്‍ ആപ്ലിക്കേഷന്‍ (സീനിയറും ജൂനിയറും), ഇംഗ്ലീഷ് (സീനിയറും ജൂനിയറും), കൊമേഴ്സ് (സീനിയര്‍), അറബിക് (സീനിയര്‍), എക്കണോമിക്‌സ് (സീനിയറും ജൂനിയറും) ബോട്ടണി (സീനിയര്‍), തസ്തികകളില്‍ ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നതിനുള്ള കൂടിക്കാഴ്ച മെയ് 29ന് ഉച്ചക്ക് രണ്ടിന് നടക്കും.