കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ മെയ് മാസത്തിൽ ആരംഭിക്കുന്ന വിവിധ ടീച്ചർ ട്രെയിനിംഗ് കോഴ്‌സുകളിലേക്ക് അപേക്ഷ ക്ഷണിച്ചു. മോണ്ടിസോറി, പ്രീ-പ്രൈമറി, നഴ്‌സറി ടീച്ചർ ട്രെയിനിംഗ് കോഴ്സുകളിലേക്ക് വനിതകൾക്കാണ് അവസരം. രണ്ട് വർഷം, ഒരു വർഷം, ആറ് മാസം എന്നിങ്ങനെയാണ് കോഴ്സ് കാലാവധി. 
​ഡിഗ്രി, പ്ലസ് ടു, എസ്.എസ്.എൽ.സി  യോഗ്യതയുള്ളവർക്ക് അപേക്ഷിക്കാം.  
ഫോൺ : 7994449314.

അവലോകനയോഗം ചേർന്നു

നഗരത്തിലെ വെള്ളക്കെട്ട് പരിഹരിക്കുന്നതിനായുള്ള ഓപ്പറേഷൻ ബ്രേക്ക് ത്രൂ പദ്ധതിയുടെ പുരോഗതി വിലയിരുത്തുന്നതിനായി കൊച്ചി കോർപ്പറേഷൻ മേയർ വി കെ മിനിമോൾ, ജില്ലാ കളക്ടർ ജി. പ്രിയങ്ക എന്നിവരുടെ നേതൃത്വത്തിൽ അവലോകന യോഗം ചേർന്നു. മുല്ലശ്ശേരി കനാൽ നവീകരണവുമായി ബന്ധപ്പെട്ട തടസ്സങ്ങൾ നീക്കുന്നതിനും നിർമ്മാണ പ്രവർത്തനങ്ങൾ സമയബന്ധിതമായി പൂർത്തിയാക്കുന്നതിനും യോഗത്തിൽ നിർദ്ദേശം നൽകി.

പുന്നപ്ര ഡോ.അംബേദ്കര്‍ മെമ്മോറിയല്‍ ഗവ. മോഡല്‍ റസിഡന്‍ഷ്യല്‍ സ്‌കൂളില്‍ വാച്ച്മാന്‍ തസ്തികയില്‍ താല്‍ക്കാലിക നിയമനത്തിന് അപേക്ഷ ക്ഷണിച്ചു. പട്ടികജാതി വിഭാഗത്തില്‍പ്പെട്ട 18 വയസിനു മുകളില്‍ പ്രായമുള്ള പത്താം ക്ലാസോ അതിനു മുകളിലോ വിദ്യാഭ്യാസ യോഗ്യതയുള്ളവര്‍ ജാതി, വിദ്യാഭ്യാസ യോഗ്യത എന്നിവയുടെ രേഖകള്‍ സഹിതം സീനിയര്‍ സൂപ്രണ്ട്, ഡോ. അംബേദ്കര്‍ മെമ്മോറിയല്‍ ഗവ. മോഡല്‍ റസിഡന്‍ഷ്യല്‍ സ്‌കൂള്‍, പുന്നപ്ര, വാടക്കല്‍ പിഒ- 688003 ആലപ്പുഴ എന്ന വിലാസത്തില്‍ അപേക്ഷ സമര്‍പ്പിക്കണം. അവസാന തീയതി മെയ് 16 വൈകിട്ട് നാല് മണി.  കൂടുതല്‍ വിവരങ്ങള്‍ക്ക് ഫോണ്‍: 9497727049.

വനിത ശിശു വികസന വകുപ്പ് മിഷന്‍ വാല്‍സല്യ ജില്ലാ ശിശുസംരക്ഷണ യൂണിറ്റിന്റെ ഭാഗമായി പ്രവര്‍ത്തിച്ചുവരുന്ന ഒ ആര്‍ സി പദ്ധതിയുടെ 2026-2027 അധ്യയന വര്‍ഷത്തെ വിവിധ പരിശീലന പരിപാടികളിലേക്ക് പരിശീലകരെ തിരഞ്ഞെടുക്കുന്നതിന് അപേക്ഷ ക്ഷണിച്ചു. യോഗ്യത ബിരുദാനന്തര ബിരുദവും കുട്ടികളുടെ മേഖലയിലെയും പരിശീലന മേഖലയിലെയും പ്രവര്‍ത്തിപരിചയം അല്ലെങ്കില്‍ ബിരുദവും രണ്ടുവര്‍ഷം കട്ടികളുടെ മേഖലയിലെ പ്രവര്‍ത്തിപരിചയവും പരിശീലന മേഖലയിലെ പ്രവര്‍ത്തിപരിചയവും.

കൊതുക് പരത്തുന്ന വെസ്റ്റ്  നൈൽ പനിക്കെതിരെ പ്രതിരോധശീലങ്ങൾ ഉറപ്പാക്കണമെന്ന്  ജില്ലാ മെഡിക്കൽ ഓഫീസർ  അറിയിച്ചു.

ദേശാടന പക്ഷികളിൽ കാണാനിടയുള്ള ഫ്ലാവി വൈറസ് വിഭാഗത്തിൽപ്പെടുന്ന വൈറസ് കൊതുക് കടിയിലൂടെ മനുഷ്യരിലേക്ക് എത്തുന്നു. കെട്ടിനിൽക്കുന്ന മലിനമായ വെള്ളത്തിലും ഒഴുക്കില്ലാത്ത വെള്ളത്തിലും ഓവുചാലുകൾ,  സെപ്റ്റിക് ടാങ്കുകൾ, ചതുപ്പ് പ്രദേശം, പാടങ്ങൾ പുൽച്ചെടികൾ തഴച്ച് വളരുന്ന ഇടങ്ങൾ എന്നിവിടങ്ങളിലൊക്കെ കൂടുതൽ കാണാനിടയുള്ള ക്യൂലക്സ് കൊതുകുകളാണ് രോഗവാഹകർ.

ജില്ലയിലെ സ്കൂൾ തുറക്കുന്നതുമായി ബന്ധപ്പെട്ട് ജില്ലാ കളക്ടർ കെ ഇമ്പശേഖറിന്റെ അധ്യക്ഷതയിൽ വിവിധ വകുപ്പുതല ഉദ്യോഗസ്ഥരുടെ യോഗം കളക്ടറേറ്റിൽ ചേർന്നു. സ്കൂൾ തുറക്കുന്നതിന് മുമ്പ് ഉറപ്പുവരുത്തേണ്ട സുരക്ഷാ ക്രമീകരണങ്ങളെക്കുറിച്ച് യോഗത്തിൽ ചർച്ച ചെയ്തു. 

കേരളാ കള്ളു വ്യവസായ തൊഴിലാളി ക്ഷേമനിധി ബോർഡിൽ രജിസ്റ്റർ ചെയ്തിട്ടുള്ള തൊഴിലാളികളുടെ ആശ്രിതർക്ക് കേരളാ ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്‌മെന്റിന്റെ (കിലെ) അക്കാദമിക് ഡിവിഷനായ കിലെ ഐ.എ.എസ് അക്കാദമിയിൽ 2026-27 ബാച്ച് സിവിൽ സർവീസ് പ്രിലിമിനറി/മെയിൻ പരീക്ഷാ പരിശീലനത്തിന് അപേക്ഷ ക്ഷണിച്ചു. ബിരുദമാണ് അടിസ്ഥാന യോഗ്യത. കോഴ്സിൽ ചേരാൻ ആഗ്രഹിക്കുന്നവർ ബോർഡിൽ നിന്നുള്ള ആശ്രിതത്വ സർട്ടിഫിക്കറ്റ് സഹിതം അപേക്ഷ സമർപ്പിക്കണം. വിശദാംശങ്ങളും രജിസ്‌ട്രേഷൻ ലിങ്കും www.kile.kerala.gov.in എന്ന വെബ്‌സൈറ്റിൽ ലഭ്യമാണ്. ഫോൺ: 0471-2479966, 8075768537. ഇ-മെയിൽ: kileiasacademy@gmail.com.
 

കേരളാ കള്ളു വ്യവസായ തൊഴിലാളി ക്ഷേമനിധിയിൽ അംഗങ്ങളായ തൊഴിലാളികളുടെ മക്കളിൽ സർക്കാർ/എയ്ഡഡ്/അൺ എയ്ഡഡ് സ്കൂളുകളിൽ 1 മുതൽ 7 വരെ ക്ലാസുകളിൽ പഠിക്കുന്ന വിദ്യാർത്ഥികൾക്കുള്ള പഠന കിറ്റിനുള്ള അപേക്ഷ ക്ഷണിച്ചു. അപേക്ഷയും 2026-27 അധ്യയന വർഷത്തിൽ വിദ്യാർത്ഥി ഏത് ക്ലാസിൽ പഠിക്കുന്നു എന്ന് വ്യക്തമാക്കുന്ന സ്ഥാപന മേധാവിയുടെ സർട്ടിഫിക്കറ്റും മെയ് 15-നകം കേരളാ കള്ളു വ്യവസായ തൊഴിലാളി ക്ഷേമനിധി ആലപ്പുഴ ജില്ലാ ഓഫീസിൽ സമർപ്പിക്കണം. ഫോൺ: 0477-2267751.

കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്‍ഡ് എംപ്ലോയ്മെന്റ് (കിലെ) ഐ.എ.എസ്. അക്കാദമിയില്‍ 2026-27 വര്‍ഷത്തെ യു.പി.എസ്.സി. സിവില്‍ സര്‍വീസ് പരിശീലനത്തിന് അപേക്ഷ ക്ഷണിച്ചു. സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിലെ അംഗങ്ങളുടെ മക്കള്‍ക്കും ആശ്രിതര്‍ക്കും 50 ശതമാനം സബ്സിഡി നിരക്കില്‍ പരിശീലനം ലഭിക്കും. ഇവര്‍ പകുതി ഫീസ് അടച്ചാല്‍ മതിയാകും. താല്പര്യമുള്ളവര്‍ക്ക് www.kile.kerala.gov.in/kileiasacademy എന്ന വെബ്സൈറ്റ് വഴി അപേക്ഷിക്കാം. കൂടുതല്‍ വിവരങ്ങള്‍ക്ക് ഫോണ്‍: 0471-2479966, 8075768537. ഇ-മെയില്‍: kileiasacademy@gmail.com.