കാര്യവട്ടം സർക്കാർ കോളേജിൽ അറബിക് വിഷയത്തിൽ ഗസ്റ്റ് അധ്യാപക ഒഴിവുണ്ട്. കൊല്ലം കോളേജ് വിദ്യാഭ്യാസ ഡെപ്യൂട്ടി ഡയറക്ടർ തയ്യാറാക്കിയിട്ടുള്ള ഗസ്റ്റ് അധ്യാപക പാനലിൽ ഉൾപ്പെട്ടിട്ടുള്ള ഉദ്യോഗാർഥികൾ അസൽ സർട്ടിഫിക്കറ്റുകൾ സഹിതം മെയ് 12 ന് രാവിലെ 10.30 ന് പ്രിൻസിപ്പൽ മുൻപാകെ അഭിമുഖത്തിന് ഹാജരാകണം.

കൊച്ചിൻ ദേവസ്വം ബോർഡിലെ കഴകം തസ്തികയിലേക്ക് അപേക്ഷ സമർപ്പിച്ച ഉദ്യോഗാർഥികൾ വിജ്ഞാപനത്തിൽ ആവശ്യപ്പെട്ടിട്ടുള്ള പ്രവൃത്തിപരിചയം തെളിയിക്കുന്ന അസൽ സർട്ടിഫിക്കറ്റുകൾ മെയ് 20 നകം പ്രൊഫൈലിൽ അപ്‌ലോഡ്‌ ചെയ്യണം. പ്രവൃത്തിപരിചയ സർട്ടിഫിക്കറ്റ് നേരിട്ട് സ്വീകരിക്കില്ല.

സമഗ്ര ശിക്ഷാ കേരളം, സ്റ്റാർസ് പദ്ധതികളുടെ 2025-26 വർഷത്തെ സ്റ്റാറ്റ്യൂട്ടറി ഓഡിറ്റ് നടത്തുന്നതിന് ചാർട്ടേഡ് അക്കൗണ്ടന്റ് സ്ഥാപനങ്ങളിൽ നിന്നും താൽപര്യപത്രം ക്ഷണിച്ചു. അക്കൗണ്ടന്റ് ജനറലിന്റെ എംപാനൽഡ് ലിസ്റ്റിലുള്ള ചാർട്ടേഡ് അക്കൗണ്ടന്റ് സ്ഥാപനങ്ങളായിരിക്കണം.

വരാനിരിക്കുന്ന കാലവർഷത്തെ നേരിടുന്നതിനായി ജില്ലയിലെ വിവിധ വകുപ്പുകൾ സ്വീകരിച്ച മുന്നൊരുക്ക നടപടികൾ വിലയിരുത്താൻ ജില്ലാ കളക്ടർ ജി പ്രിയങ്കയുടെ അധ്യക്ഷതയിൽ
യോഗം ചേർന്നു. 

മെഡിക്കൽ കോളേജിലെ മൈക്രോബയോളജി വകുപ്പിന് കീഴിലുള്ള വി.ആർ.ഡി.എൽ  ലാബിലേക്ക് സയന്റിസ്റ്റ് ബി (നോൺ മെഡിക്കൽ) തസ്തികയിൽ കരാർ നിയമനം നടത്തുന്നു. ഒരു വർഷത്തേക്കാണ് നിയമനം. പ്രതിമാസ വേതനം 56,000 രൂപ. 45 വയസ്സാണ് പ്രായപരിധി.

ബയോടെക്നോളജി ബി.ടെക് ബിരുദവും രണ്ട് വർഷത്തെ ഗവേഷണ പരിചയവും ഉള്ളവർക്കോ അല്ലെങ്കിൽ മെഡിക്കൽ മൈക്രോബയോളജി, മോളിക്കുലാർ ബയോളജി, ബയോടെക്നോളജി എന്നീ വിഷയങ്ങളിൽ ഒന്നാം ക്ലാസ് മാസ്റ്റർ ബിരുദം ഉള്ളവർക്കോ അപേക്ഷിക്കാം. പി.എച്ച്.ഡി (Ph.D) ഉള്ളവർക്കും മുൻഗണന ലഭിക്കും. കംപ്യൂട്ടർ ആപ്ലിക്കേഷൻസ്, ഡാറ്റാ മാനേജ്‌മെന്റ് എന്നിവയിലുള്ള അറിവ് അധിക യോഗ്യതയായി പരിഗണിക്കും.

മെഡിക്കൽ കോളേജിലെ മൈക്രോബയോളജി വിഭാഗത്തിന് കീഴിൽ പ്രവർത്തിക്കുന്ന വി ഡി ആർ എൽ  ലാബ് ടെക്നീഷ്യൻ തസ്തികയിലേക്ക് കരാർ നിയമനം നടത്തുന്നു. ഒരു ഒഴിവ്. ബി എസ് സി എം.എൽ.ടി അല്ലെങ്കിൽ പ്ലസ് ടുവിനൊപ്പം ഡി.എം.ഇ അംഗീകരിച്ച മെഡിക്കൽ ലബോറട്ടറി ടെക്നോളജി ഡിപ്ലോമയും രണ്ട് വർഷത്തെ പ്രവൃത്തിപരിചയവുമാണ്  യോഗ്യത. പ്രായപരിധി 40 വയസ്സ്.  പ്രതിമാസ വേതനം 20,000 രൂപ. യോഗ്യരായ ഉദ്യോഗാർത്ഥികൾ മെയ് 18-ന് രാവിലെ 10:30-ന്  നടക്കുന്ന അഭിമുഖത്തിൽ പങ്കെടുക്കണം. വയസ്സ്, യോഗ്യത, പ്രവൃത്തിപരിചയം എന്നിവ തെളിയിക്കുന്ന ഒറിജിനൽ സർട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകർപ്പുകളും സഹിതം നേരിട്ട് ഹാജരാകണം.

മെഡിക്കൽ കോളേജിലെ മൈക്രോബയോളജി വകുപ്പിന് കീഴിലുള്ള വി.ആർ.ഡി.എൽ ലാബിൽ റിസർച്ച് അസിസ്റ്റന്റ് തസ്തികയിലേക്ക് കരാറടിസ്ഥാനത്തിൽ അപേക്ഷ ക്ഷണിച്ചു. ഒരു വർഷത്തേക്കാണ് നിയമനം. മെഡിക്കൽ മൈക്രോബയോളജി, മോളിക്യുലാർ ബയോളജി അല്ലെങ്കിൽ ബയോടെക്നോളജി എന്നിവയിലൊന്നിൽ ബിരുദാനന്തര ബിരുദമാണ് അടിസ്ഥാന യോഗ്യത.

മെഡിക്കൽ കോളേജിലെ മൈക്രോബയോളജി വിഭാഗത്തിന് കീഴിലുള്ള വി.ആർ.ഡി.എൽ ൽ ഒഴിവുള്ള ഒരു ഡാറ്റാ എൻട്രി തസ്തികയിലേക്ക്   കരാറടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു. ഡാറ്റാ എൻട്രിയിലും ഡാറ്റാ മാനേജ്‌മെന്റിലും അറിവുള്ള ബിരുദധാരികൾക്കാണ് അവസരം. ആരോഗ്യ മേഖലയിൽ പ്രവൃത്തിപരിചയമുള്ളവർക്ക് മുൻഗണന ലഭിക്കും. തിരഞ്ഞെടുക്കപ്പെടുന്നവർക്ക് പ്രതിമാസം 20,000 ലഭിക്കും. അപേക്ഷകർ 40 വയസ്സിൽ താഴെയുള്ളവരായിരിക്കണം. 

 തൊടുപുഴ താലൂക്കില്‍ പ്രവര്‍ത്തിക്കുന്ന ജില്ല കോഴിവളര്‍ത്തല്‍ കേന്ദ്രം കോലാനിയില്‍ നിന്നും ഒരു ദിവസം പ്രായമായ ഗ്രാമശ്രീ കോഴി കുഞ്ഞുങ്ങള്‍ വിതരണം ചെയ്യുന്നതിനായി മുന്‍കൂര്‍ ബുക്കിങ്
ക്ഷണിക്കുന്നു. പെണ്‍കുഞ്ഞുങ്ങള്‍ക്ക് 25 രൂപയും പൂവന്‍ കുഞ്ഞുങ്ങള്‍ക്ക് 5 രൂപയുമാണ് നിരക്ക്.
ഫോണ്‍: 04862221138.  
ഇമെയില്‍: dpfklny.ahd@kerala.gov.in.

മൂവാറ്റുപുഴ ട്രൈബൽ ഡവലപ്മെന്റ്റ് ഓഫീസിന് കീഴിൽ പ്രവർത്തിക്കുന്ന  പ്രീമെട്രിക് / പോസ്റ്റ് മെട്രിക് ഹോസ്റ്റലുകളിലെ വിവിധ തസ്തികകളിലേക്ക് ദിവസവേതന അടിസ്ഥാനത്തിൽ നിയമനം നടത്തുന്നു. വാർഡൻ, വാച്ച്‌മാൻ/കുക്ക്/എഫ്.ടി.എസ് എന്നീ തസ്തികകളിലാണ് ഒഴിവുകളുള്ളത്. അഭിമുഖം മെയ് 12-ന് രാവിലെ 11 ന് മുവാറ്റുപുഴ മിനി സിവിൽ സ്റ്റേഷനിൽ പ്രവർത്തിക്കുന്ന ട്രൈബൽ ഡെവലപ്‌മെന്റ് ഓഫീസിൽ  നടക്കും. എറണാകുളം ജില്ലയിൽ സ്ഥിരതാമസക്കാരായ പട്ടികവർഗ്ഗ വിഭാഗത്തിൽപ്പെട്ടവർക്ക് മാത്രമാണ് അവസരം. പ്രായപരിധി 2026 ജനുവരി ഒന്നിന്  45 വയസ്സ് കവിയരുത്.