വോട്ടെണ്ണല്‍ ദിനത്തില്‍ കനത്ത സുരക്ഷ ഉറപ്പുവരുത്തുന്നതിനായി ജില്ലാ പോലീസ് മേധാവിയുടെ നേതൃത്വത്തില്‍ പ്രത്യേക ക്രമീകരണങ്ങളാണ് ഏര്‍പ്പെടുത്തിയിരിക്കുന്നത്. ജില്ലയില്‍ വോട്ടെണ്ണല്‍ കേന്ദ്രങ്ങളിലും പട്രോളിങ്ങിനുമുള്‍പ്പടെ 2150 ഓളം പൊലീസ് ഉദ്യോഗസ്ഥരെയാണ് നിയമിക്കുക. സ്‌ട്രോങ്ങ് റൂം സുരക്ഷക്കായി നൂറോളം കേന്ദ്ര സേനാംഗങ്ങളെയും നിയമിച്ചിട്ടുണ്ട്. നിലവില്‍ ഇവര്‍ ചുമതല നിര്‍വഹിച്ചു വരുന്നുണ്ട്.

ജില്ലയിലെ മൂന്ന് വോട്ടെണ്ണല്‍ കേന്ദ്രങ്ങളിലായി മൊത്തം 30 വോട്ടെണ്ണല്‍ ഹാളുകള്‍ സജ്ജീകരിച്ചിട്ടുണ്ട്.

മൗണ്ട് സീന പബ്ലിക് സ്‌കൂള്‍ പത്തിരിപ്പാല - 8 ഹാള്‍

തൃത്താല നിയോജക മണ്ഡലത്തിലെ 219 ബൂത്തുകളിലെ വോട്ടുകള്‍ എണ്ണുന്നതിന് രണ്ട് ഹാളുകളിലായി 14 ടേബിളുകളാണ് തയ്യാറാക്കിയിട്ടുള്ളത്. ഒരു റൗണ്ടില്‍ 14 ബൂത്തുകളാണ് എണ്ണുക. ആകെ 15 റൗണ്ടാണ് ഉണ്ടാവുക.

പട്ടാമ്പി നിയോജക മണ്ഡലത്തിലെ 224 ബൂത്തുകളിലെ വോട്ടുകള്‍ എണ്ണുന്നതിന് രണ്ട് ഹാളുകളിലായി 15 ടേബിളുകളാണ് തയ്യാറാക്കിയിട്ടുള്ളത്. ഒരു റൗണ്ടില്‍ 15 ബൂത്തുകളാണ് എണ്ണുക.ആകെ 14 റൗണ്ടാണ് ഉണ്ടാവുക.

പോസ്റ്റല്‍ ബാലറ്റുകള്‍ക്ക് 61 ടേബിളുകളും ഇ.വി.എം വോട്ടെണ്ണലിന് 203 ടേബിളുകളുമാണ് ഉണ്ടാവുക.തൃത്താല, പട്ടാമ്പി, ഷൊര്‍ണൂര്‍, മണ്ണാര്‍ക്കാട്, നെന്മാറ, തരൂര്‍, ആലത്തൂര്‍ എന്നിവിടങ്ങളില്‍ ആറ് വീതവും കോങ്ങാട്, മലമ്പുഴ ഏഴ് വീതവും, ഒറ്റപ്പാലം അഞ്ച്, പാലക്കാട് 10, ചിറ്റൂര്‍ ഒന്‍പത് എന്നിങ്ങനെയാണ് പോസ്റ്റല്‍ ബാലറ്റുകള്‍ എണ്ണുന്നതിനായുള്ള ടേബിളുകള്‍ ക്രമീകരിച്ചിട്ടുള്ളത്.

:

തൃത്താല - മൗണ്ട് സീന പബ്ലിക് സ്‌കൂള്‍ പത്തിരിപ്പാല, എല്‍.പി സെക്ഷന്‍ ബ്ലോക്ക്

പട്ടാമ്പി - മൗണ്ട് സീന പബ്ലിക് സ്‌കൂള്‍ പത്തിരിപ്പാല, ബോയ്സ് ഹോസ്റ്റല്‍ & ഓഡിറ്റോറിയം ബ്ലോക്ക്

ഷൊര്‍ണ്ണൂര്‍ - മൗണ്ട് സീന പബ്ലിക് സ്‌കൂള്‍ പത്തിരിപ്പാല, സി.ബി.എസ്.ഇ ബ്ലോക്ക്

ഒറ്റപ്പാലം - മൗണ്ട് സീന പബ്ലിക് സ്‌കൂള്‍ പത്തിരിപ്പാല, ഇംഗ്ലീഷ് മീഡിയം ബ്ലോക്ക്

കോങ്ങാട് - എന്‍.എസ്.എസ് എഞ്ചിനീയറിങ് കോളേജ് അകത്തേത്തറ, ന്യൂ ബ്ലോക്ക് സൗത്ത് സൈഡ്

താപനില ക്രമാതീതമായി ഉയര്‍ന്ന സാഹചര്യത്തില്‍ പാലക്കാട് ജില്ലയിലെ തോട്ടം മേഖലയുള്‍പ്പെടെയുള്ള എല്ലാ തൊഴില്‍ മേഖലകളിലും ജോലി സമയം പുനഃക്രമീകരിച്ച് ലേബര്‍ കമ്മീഷണര്‍ ഉത്തരവിട്ടു.സമുദ്രനിരപ്പില്‍ നിന്നും 3000 അടിയില്‍ കൂടുതല്‍ ഉയരമുള്ള തോട്ടങ്ങളെ സൂര്യാഘാത സാധ്യതയില്ലാത്തതിനാല്‍ ഒഴിവാക്കിയിരുന്നു. എന്നാല്‍, ജില്ലയില്‍ അനുഭവപ്പെടുന്ന അതീവ കഠിനമായ ഉഷ്ണതരംഗത്തിന്റെ വ്യാപ്തി കണക്കിലെടുത്ത്, ജില്ലയിലെ എല്ലാ തോട്ടങ്ങളെയും ഈ ഉത്തരവിന്റെ പരിധിയില്‍ ഉള്‍പ്പെടുത്തിയതായി ജില്ലാ ലേബര്‍ ഓഫീസര്‍ (എന്‍ഫോഴ്സ്‌മെന്റ്) അറിയിച്ചു.

കേരള ഇന്‍സ്റ്റിറ്റ്യൂട്ട് ഓഫ് ലേബര്‍  ആന്‍ഡ് എംപ്ലോയ്മെന്റ് (കില) ഐഎഎസ് അക്കാദമിയുടെ യുപിഎസ് സി പരിശീലനത്തിന് രജിസ്ട്രേഷന്‍ ആരംഭിച്ചു. ക്ഷേമനിധി ബോര്‍ഡില്‍ രജിസ്ട്രേഷന്‍ ചെയ്തിട്ടുള്ള തൊഴിലാളികളുടെ ആശ്രിതര്‍ക്ക് പകുതി ഫീസ് അടച്ചാല്‍ മതി. വെബ്സൈറ്റ് - www.kile.kerala.gov.in/kileias academy. ഫോണ്‍ - 0471 2479966.