സംസ്ഥാന ന്യൂനപക്ഷ കമ്മീഷന്‍ മലപ്പുറം സിറ്റിങ് മെയ് ഏഴിന്  രാവിലെ 10.30 ന് തിരൂര്‍ പി.ഡബ്ല്യൂ.ഡി റസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും. സിറ്റിങില്‍ നിലവിലുള്ള പരാതികള്‍ പരിഗണിക്കുന്നതോടൊപ്പം പുതിയ പരാതികള്‍ സ്വീകരിക്കും. സംസ്ഥാനത്തെ ന്യൂനപക്ഷങ്ങളായ മുസ്ലീം, ക്രിസ്ത്യന്‍, ബുദ്ധ, സിഖ്, ജൈന, പാഴ്സി വിഭാഗങ്ങളില്‍പ്പെട്ടവരുടെ പരാതി പരിഹാരത്തിന് കമ്മീഷനെ സമീപിക്കാം. കമ്മീഷന് നേരിട്ടോ തപാലിലോ kscminorities@gmail.com എന്ന ഇമെയില്‍ വിലാസത്തിലോ, 9746515133 എന്ന നമ്പറില്‍ വാട്ട്‌സ്ആപ്പിലോ പരാതി നല്‍കാം.

ഈ ഫോട്ടോയില്‍ കാണുന്ന ശ്രീമതി, 35 വയസ്സ്, D/O മുത്തു, ചേരുംകുളം പടിഞ്ഞാറേക്കുന്ന് വീട്, മണ്ണാര്‍ക്കാട് എന്നയാള്‍ 03/01/2026 ന്  വാടകയ്ക്ക് താമസിക്കുന്ന മലപ്പുറം കോഡൂരിലെ താണിക്കല്‍ നിന്നും പോയിട്ട് വാടക വീട്ടിലോ മണ്ണാര്‍ക്കാടുള്ള സ്വന്തം വീട്ടിലോ തിരിച്ചെത്തിയില്ല. അടയാള വിവരങ്ങള്‍- അഞ്ചടി ഉയരം, തടിച്ച ശരീരം, ഇരുനിറം. കണ്ടുകിട്ടുന്നവര്‍ താഴെപ്പറയുന്ന നമ്പറില്‍ വിവരം അറിയിക്കണം. മലപ്പുറം പോലീസ് സ്റ്റേഷന്‍: 0483 2734966, ഇന്‍സ്‌പെക്ടര്‍-9497987162, സബ് ഇന്‍സ്‌പെക്ടര്‍-9497980664.

പൊഴുതന ഗ്രാമപഞ്ചായത്ത് പരിധിയിൽ സ്വകാര്യ വ്യക്തികളുടെയും സ്ഥാപനങ്ങളുടെയും ഉടമസ്ഥതയിലുള്ള ഭൂമിയിൽ അപകടകരമായ നിലയിലുള്ള മരങ്ങളും മരക്കൊമ്പുകളും അതത് വ്യക്തികളുടെയും സ്ഥാപനങ്ങളുടെയും ഉത്തരവാദിത്തത്തിൽ തന്നെ മുറിച്ചുനീക്കണമെന്ന് പഞ്ചായത്ത് സെക്രട്ടറി നിർദേശം നൽകി. മരങ്ങൾ മുറിച്ചുനീക്കാത്തപക്ഷം അത്തരം മരങ്ങൾ കാരണമായുണ്ടാകുന്ന അപകടങ്ങൾക്ക് നഷ്ടപരിഹാരം നൽകേണ്ട ബാധ്യത അതത് വ്യക്തികൾക്കും സ്ഥാപനങ്ങൾക്കും തന്നെയായിരിക്കും എന്നും മുന്നറിയിപ്പ് നൽകിയിട്ടുണ്ട്. സർക്കാറിലേക്ക് റിസർവ് ചെയ്തിട്ടുള്ള തേക്ക്, വീട്ടി പോലുള്ള മരങ്ങൾ മുറിച്ചുമാറ്റാൻ നിയമപ്രകാരമുള്ള നടപടികൾ പാലിക്കണം

വണ്ടൂര്‍ സര്‍ക്കാര്‍ ഹോമിയോ കാന്‍സര്‍ സെന്ററില്‍ വിവിധ തസ്തികകളില്‍ താത്ക്കാലിക നിയമനം നടത്തുന്നതിനുള്ള അഭിമുഖം മെയ് 12ന് രാവിലെ 10.00 ന് വണ്ടൂര്‍ സര്‍ക്കാര്‍ ഹോമിയോ കാന്‍സര്‍ സെന്ററില്‍ നടക്കും. ഉദ്യോഗാര്‍ത്ഥികള്‍ ഫോട്ടോ പതിപ്പിച്ച ഐ.ഡി. കാര്‍ഡ്, വിദ്യാഭ്യാസ യോഗ്യത, വയസ്സ്, ജോലി പരിചയം എന്നിവ തെളിയിക്കുന്നതിനുള്ള അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം അന്നേ ദിവസം രാവിലെ 9.30ന് ഹാജരാകണം. ആശുപത്രിയുടെ 10കി.മീ. ചുറ്റളവില്‍ താമസിക്കുന്നവര്‍ക്ക് മുന്‍ഗണന ഉണ്ടായിരിക്കും. ഫോണ്‍- 04931-249600. ഒഴുവുകളുടെ വിവരങ്ങള്‍ ചുവടെ.
 

തിരൂര്‍ തുഞ്ചന്‍ മെമ്മോറിയല്‍ ഗവ. കോളേജില്‍ 2026-27 അധ്യയന വര്‍ഷത്തേക്ക് ഹിന്ദി, സംസ്‌കൃതം, ഇംഗ്ലീഷ്, കംപ്യൂട്ടര്‍ സയന്‍സ് എന്നീ വിഷയങ്ങളില്‍ അതിഥി അധ്യാപകരുടെ ഒഴിവുകള്‍ ഉണ്ട്. യു.ജി.സി റെഗുലേഷന്‍ പ്രകാരം അസിസ്റ്റന്റ് പ്രൊഫസര്‍ നിയമനം നേടുന്നതിനുള്ള യോഗ്യതയുള്ളവരും കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ത്ഥികള്‍ക്ക് അഭിമുഖത്തില്‍ പങ്കെടുക്കാം. യോഗ്യത, മുന്‍പരിചയം എന്നിവ തെളിയിക്കുന്ന അസ്സല്‍ രേഖകളും അവയുടെ സ്വയം സാക്ഷ്യപ്പെടുത്തിയ പകര്‍പ്പുകളുമായി നിശ്ചിത സമയത്ത് അഭിമുഖത്തിന് ഹാജരാകണം.

വേനല്‍ കാലത്തെ കനത്ത ചൂട് പ്രതിരോധിക്കാന്‍ പ്രകൃതി ദത്തമായ പരുത്തി വസ്ത്രങ്ങള്‍ ശീലമാക്കുന്നതിനായി കേരള ഖാദി ഗ്രാമ വ്യവസായ ബോര്‍ഡിന്റെ വേനല്‍ക്കാല പ്രത്യേക ഖാദി വിപണന മേള മെയ് 30വരെ നടക്കും. മലപ്പുറം മുനിസിപ്പല്‍ ബസ് സ്റ്റാന്‍ഡില്‍ പ്രവര്‍ത്തിക്കുന്ന ഖാദി ഗ്രാമ സൗഭാഗ്യയില്‍ നിന്നും ചങ്ങരംകുളം, എടപ്പാള്‍, വട്ടംകുളം, താനൂര്‍ എന്നിവിടങ്ങളില്‍ പ്രവര്‍ത്തിക്കുന്ന ഖാദി സൗഭാഗ്യകളില്‍ നിന്നും ഗ്രാമീണ മേഖലകളിലെ ഗ്രാമ ശില്‍പകളില്‍ നിന്നും ഇളവുകളോടെ ഖാദി വസ്ത്രങ്ങള്‍ വാങ്ങാം. കേരള ഖാദി ഗ്രാമ വ്യവസായ ബോര്‍ഡിന്റെ നിയന്ത്രണത്തിലുള്ള വില്‍പന കേന്ദ്രങ്ങളില്‍ മാത്രമാണ് ഈ സേവനമുള്ളത്.

കടുത്ത ചൂടും ഉഷ്ണവും മൂലം മാളങ്ങളില്‍ നിന്നും പുറത്തിറങ്ങുന്ന വിഷപ്പാമ്പുകള്‍ വഴി ജനങ്ങള്‍ക്ക് ഭീതിയോ അപകടമോ ഉണ്ടാകാവുന്ന സാഹചര്യങ്ങളെ നേരിടാന്‍ കേരള വനംവകുപ്പിന്റെ സര്‍പ്പ മൊബൈല്‍ ആപ്ലിക്കേഷന്‍ പ്രയോജനപ്പെടുത്തണമെന്ന് ജില്ലാ സോഷ്യല്‍ ഫോറസ്ട്രി ഓഫീസര്‍ അറിയിച്ചു. സംസ്ഥാനത്താകെ ആയിരത്തി ഇരുനൂറില്‍പരം അംഗീകൃത പാമ്പ് രക്ഷാപ്രവര്‍ത്തകര്‍ ഉണ്ട്. കെട്ടിടത്തിന് സമീപത്തോ അകത്തോ വിഷപ്പാമ്പിനെ കണ്ടാല്‍ വനം വകുപ്പിന്റെ രക്ഷാപ്രവര്‍ത്തകരെ വിവരമറിയിക്കണം. അവരുടെ സേവനം സൗജന്യമാണ്. ഇത് സര്‍പ്പ മൊബൈല്‍ ആപ്ലിക്കേഷന്‍ വഴിയോ സര്‍പ്പ ജില്ലാ കോ-ഓര്‍ഡിനേറ്റര്‍മാര്‍ വഴിയോ ചെയ്യാം.

1. കെട്ടിടത്തിന്റെ ഉള്‍ഭാഗവും പരിസരവും സദാ വൃത്തിയായി സൂക്ഷിക്കുക. മുറ്റം, നടപ്പുവഴി എന്നിവിടങ്ങളില്‍ നിന്നും     കാടുപടലങ്ങളും ചപ്പുചവറുകളും നീക്കം ചെയ്യുക.

2. കെട്ടിടങ്ങള്‍ക്ക് സമീപം ഇഷ്ടിക, വിറക്, കല്ലുകള്‍, പാഴ് വസ്തുക്കള്‍ എന്നിവ വലിച്ചെറിയുകയോ അലക്ഷ്യമായി കൂട്ടിയിടുകയോ അരുത്. ഇത്തരം വസ്തുക്കള്‍ കൃത്യമായി അടുക്കി വയ്ക്കുക. മഴയുള്ളപ്പോഴും വെളിച്ചമില്ലാതെയും കുട്ടികളെ ഒറ്റയ്ക്ക് അതിനടുത്തു പോകാന്‍ അനുവദിക്കരുത്. വീടിനു പുറത്ത് ശേഖരിച്ച വിറക്, വെളിച്ചമുള്ള സമയത്ത് മാത്രം ശ്രദ്ധയോടെ അകത്തേക്ക് എടുക്കുക, അസമയങ്ങളിലും ഇരുട്ടിലും അതിന് മുതിരാതിരിക്കുക.

തൃത്താല ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ 2026-27 അധ്യയന വര്‍ഷത്തേക്ക് ഹിന്ദി, അറബിക്, മാത്തമാറ്റിക്സ്, സ്റ്റാറ്റിസ്റ്റിക്സ്, കംപ്യൂട്ടര്‍ സയന്‍സ് എന്നിവയില്‍ അതിഥി അധ്യാപകരെ നിയമിക്കുന്നു. ബന്ധപ്പെട്ട വിഷയങ്ങളില്‍ യു.ജി.സി നിഷ്‌കര്‍ഷിക്കുന്ന യോഗ്യതയുള്ളവരും കോളേജ് വിദ്യാഭ്യാസ ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ത്ഥികള്‍ അഭിമുഖത്തിന് ഹാജരാകണം. മെയ് 12ന് രാവിലെ 9.30ന് ഹിന്ദി അഭിമുഖവും, 11.30ന് അറബിക് അഭിമുഖവും നടക്കും. മെയ് 14ന് രാവിലെ 10ന് മാത്തമാറ്റിക്സ്, 1.30ന് സ്റ്റാറ്റിസ്റ്റിക്സ്, ഉച്ചയ്ക്ക് 2.30ന് കംപ്യൂട്ടര്‍ സയന്‍സ് അഭിമുഖവും നടക്കും.

തവനൂര്‍ അസാപ് കമ്മ്യൂണിറ്റി സ്‌കില്‍പാര്‍ക്ക് നടത്തുന്ന കേന്ദ്രസര്‍ക്കാരിന്റെ എന്‍.എസ്.ഡി.സി. അംഗീകാരമുള്ള ഇലക്ട്രിക് വെഹിക്കിള്‍ സര്‍വീസ് ടെക്‌നീഷ്യന്‍ കോഴ്‌സിലേക്ക് അപേക്ഷ ക്ഷണിച്ചു. തിരഞ്ഞെടുക്കപ്പെടുന്ന ഒ.ബി.സി.വിഭാഗക്കാര്‍ക്ക് 100% സ്‌കോളര്‍ഷിപ്പോടെ സൗജന്യമായി പഠിക്കാം. കൂടാതെ കോഴ്‌സ് പൂര്‍ത്തിയാക്കുന്നവര്‍ക്ക് സ്‌റ്റൈപ്പന്റും പ്ലേസ്മെന്റ് സഹായവും ലഭിക്കും. യോഗ്യത: ഐ.ടി.ഐ/ഡിപ്ലോമ/ ബി.ടെക്/ പ്ലസ്ടു. രജിസ്‌ട്രേഷന്‍ ലിങ്ക്- https://forms.gle/WbFPzassFs6QbUR36. ഫോണ്‍- 9495999658.