2026 ലെ ട്രോളിങ് നിരോധിത കാലയളവിലേക്ക് ആലപ്പുഴ ജില്ലയിലേക്ക് രണ്ട് യന്ത്രവല്‍കൃത സ്റ്റീല്‍ ബോട്ടുകളും (ഒരെണ്ണം അഴീക്കല്‍ ഹാര്‍ബര്‍ കേന്ദ്രീകരിച്ചും ഒരെണ്ണം തോപ്പുംപടി കേന്ദ്രീകരിച്ചും പ്രവര്‍ത്തിക്കുന്നതിനുവേണ്ടി) ഒരു ഫൈബര്‍ വള്ളവും (ചെത്തി കേന്ദ്രീകരിച്ച് പ്രവര്‍ത്തിക്കുന്നതിനുവേണ്ടി) ദിവസ വാടകയ്ക്ക് എടുക്കുന്നു. ക്വട്ടേഷനുകള്‍ ഫിഷറീസ് അസിസ്റ്റന്റ് ഡയറക്ടര്‍, ഫിഷറീസ് സ്റ്റേഷന്‍, തോട്ടപ്പള്ളി, ആലപ്പുഴ, പിൻ 688013 എന്ന വിലാസത്തില്‍ മേയ് 12 മൂന്ന് മണി വരെ സമര്‍പ്പിക്കേണ്ടതാണ്. ഫോണ്‍: 0477-2297707, 9447967155.

ഇടിമിന്നല്‍ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകള്‍ക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്‍ക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാല്‍ പൊതുജനങ്ങള്‍ താഴെപ്പറയുന്ന മുന്‍കരുതല്‍ കാര്‍മേഘം കണ്ട് തുടങ്ങുന്ന സമയം മുതല്‍ തന്നെ സ്വീകരിക്കേണ്ടതാണ്. ഇടിമിന്നല്‍ എപ്പോഴും ദൃശ്യമാകണമെന്നില്ലാത്തതിനാല്‍ ഇത്തരം മുന്‍കരുതല്‍ സ്വീകരിക്കുന്നതില്‍ നിന്നും വിട്ടുനില്‍ക്കരുത്. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല്‍ ഉടന്‍ തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക.

കേരളത്തില്‍ ഒറ്റപ്പെട്ടയിടങ്ങളില്‍ ഇന്ന് മെയ് ആറ് മുതല്‍ മെയ് 10 വരെ ഇടിമിന്നലോടു കൂടിയ മഴയ്ക്കും മണിക്കൂറില്‍ 40-50 കി.മീവരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

വിപുലമായ ശുചീകരണ പ്രവര്‍ത്തനങ്ങള്‍ക്ക് വിദ്യാനഗര്‍ സിവില്‍ സ്റ്റേഷനില്‍ തുടക്കമായി. സിവില്‍ സ്റ്റേഷനിലെ വിവിധ വകുപ്പുകളുടെ ഓഫീസുകളും പരിസരങ്ങളും ശുചീകരിക്കുന്ന പ്രവര്‍ത്തനങ്ങളുടെ ഉദ്ഘാടനം ജില്ലാ കളക്ടര്‍ അര്‍ജുന്‍ പാണ്ഡ്യന്‍ നിര്‍വഹിച്ചു. മഴക്കാലം ആരംഭിക്കുന്നതിന് സിവില്‍ സ്റ്റേഷന്‍ കോമ്പൗണ്ടിലെ ശുചീകരണത്തിന് നേതൃത്വം നല്‍കിയ ചെങ്കള ഗ്രാമപഞ്ചായത്തിനെജില്ലാ കളക്ടര്‍ അഭിനന്ദിച്ചു. വര്‍ദ്ധിച്ചുവരുന്ന പ്ലാസ്റ്റിക് മാലിന്യങ്ങള്‍ പരിസ്ഥിതിക്ക് വലിയ ഭീഷണിയാണ് ഉയര്‍ത്തുന്നതെന്നും  ശുചീകരണ പ്രവര്‍ത്തനങ്ങളില്‍ എല്ലാവരും സജീവമായി പങ്കുചേരണമെന്നും അദ്ദേഹം ആവശ്യപ്പെട്ടു.

കാസര്‍കോട് ജില്ലയുടെ ഭാവി വികസനത്തിന് പുതുതലമുറയുടെ കാഴ്ചപ്പാടുകള്‍ അറിയാനും വിവിധ മേഖലകളിലെ വിദ്യാര്‍ത്ഥികള്‍ക്ക് ജില്ലാ കളക്ടറുമായി ഇടപഴകുന്നതിനും ജില്ലാ ഭരണകൂടം ആവിഷ്‌കരിച്ച 'നമസ്‌തേ കളക്ടര്‍ 'പദ്ധതിയില്‍ മഞ്ചേശ്വരത്തെ ഗേരുകട്ട ഉന്നതിയില്‍ നിന്നുള്ള കുട്ടികളും അധ്യാപകരും പങ്കെടുത്ത് ജില്ലാ കളക്ടര്‍ അര്‍ജുന്‍ പാണ്ഡ്യനുമായി സംവദിച്ചു.  കുട്ടികള്‍ക്ക് കളക്ടറോട് ചോദിക്കാന്‍ ചോദ്യങ്ങളേറെ ആയിരുന്നു.

               ഡി.എൽ.എഡ് (ഭാഷാ വിഷയങ്ങൾ) രണ്ട്, നാല് സെമസ്റ്റർ റഗുലർ പരീക്ഷകളുടേയും സപ്ലിമെന്ററി പരീക്ഷകളുടേയും ഫലം https://pareekshabhavan.kerala.gov.in ൽ പ്രസിദ്ധീകരിച്ചു.

        കാലാവധി പൂർത്തിയാക്കിയതിനെ തുടർന്ന് കേരള നിയമസഭ പിരിച്ചുവിട്ട് ഗവർണറുടെ വിജ്ഞാപനം പുറത്തിറങ്ങി. ഭരണഘടനയിലെ ആർട്ടിക്കിൾ 174(2)(b) പ്രകാരം നിയമസഭ പിരിച്ചു വിട്ടതായി ഗവർണർ രാജേന്ദ്ര വിശ്വനാഥ് ആർലേക്കർ പുറപ്പെടുവിച്ച വിജ്ഞാപനത്തിൽ അറിയിച്ചു.

     ഈ ഓഫീസിന്റെ 05.05.2026-ലെ വിജ്ഞാപനത്തിന്റെ തുടർച്ചയായി, 21.04.2026-ൽ നടന്ന എഞ്ചിനീയറിംഗ് പരീക്ഷയിലെ