മാങ്ങ സീസണിനോടനുബന്ധിച്ച് ഭക്ഷ്യസുരക്ഷാ വകുപ്പിന്റെ പരിശോധന ശക്തം. ഉപഭോക്താക്കള്‍ക്ക് സുരക്ഷിതവും ഗുണമേന്മയുള്ളതുമായ പഴവര്‍ഗ്ഗങ്ങള്‍ ലഭ്യമാക്കാനും അനുവദനീയമല്ലാത്ത കൃത്രിമ രാസപദാര്‍ത്ഥങ്ങളുടെ ഉപയോഗം തടയാനുമാണ് പ്രത്യേക പരിശോധന നടത്തുന്നത്.

ആലപ്പുഴ ജനറൽ ആശുപത്രിയിലെ ജില്ലാ പാലിയേറ്റീവ് കെയർ ട്രെയിനിംഗ് സെന്ററിൽ ആരംഭിക്കുന്ന നഴ്‌സുമാർക്കുള്ള 45 ദിവസത്തെ പാലിയേറ്റീവ് നഴ്‌സിംഗ് സർട്ടിഫിക്കറ്റ് കോഴ്‌സിലേക്ക് അപേക്ഷ ക്ഷണിച്ചു. ബി.എസ്.സി നഴ്‌സിംഗ് അല്ലെങ്കിൽ ജനറൽ നഴ്‌സിംഗ് ആൻഡ് മിഡ്‌വൈഫറി പാസായവർക്കും കേരള നഴ്‌സിംഗ് കൗൺസിൽ സ്ഥിരം രജിസ്‌ട്രേഷൻ ഉള്ളവർക്കും അപേക്ഷിക്കാം. താൽപ്പര്യമുള്ളവർ മേയ് 18-ന് മുമ്പായി ജില്ലാ പാലിയേറ്റീവ് കെയർ ട്രെയിനിംഗ് സെന്ററുമായി ബന്ധപ്പെടേണ്ടതാണ്. ഫോൺ: 0477-2237544.

ആലപ്പുഴ ചെറിയ കലവൂരിലെ അസാപ് കേരള കമ്മ്യൂണിറ്റി സ്കിൽ പാർക്കിൽ, പിന്നാക്ക വിഭാഗ വികസന വകുപ്പിന്റെ പദ്ധതിപ്രകാരം  ഒ.ബി.സി വിഭാഗത്തിൽപ്പെട്ട ഉദ്യോഗാർഥികൾക്കായി സൗജന്യ ഫുൾ സ്റ്റാക്ക് ഡെവലപ്പർ കോഴ്സ് ആരംഭിക്കുന്നു. സ്റ്റൈപെൻഡോടെയുള്ള ഈ പരിശീലന പരിപാടിയുടെ കാലാവധി ആറ്  മാസമാണ്. താൽപര്യമുള്ളവർക്ക്  https://forms.gle/RPUHBM5Wk8AvKNt88 എന്ന ലിങ്ക് വഴി അപേക്ഷകൾ സമർപ്പിക്കാവുന്നതാണ്. ഫോൺ: 9495999682 

അമ്പലപ്പുഴ ബ്ലോക്ക് പഞ്ചായത്തിന് കീഴിൽ കരുമാടിയിൽ പ്രവർത്തിക്കുന്ന പട്ടികജാതി വികസന വകുപ്പിന്റെ പെൺകുട്ടികൾക്കായുള്ള പ്രീ-മെട്രിക് ഹോസ്റ്റലിലെ വിദ്യാർത്ഥികൾക്ക് ട്യൂഷൻ നൽകുന്നതിന് അധ്യാപകരെ നിയമിക്കുന്നു. ഹൈസ്കൂൾ തലത്തിൽ ഇംഗ്ലീഷ്, ഹിന്ദി, ഗണിതം, ബയോളജി, ഫിസിക്സ്, കെമിസ്ട്രി, സോഷ്യൽ സയൻസ് എന്നീ വിഷയങ്ങൾ പഠിപ്പിക്കുന്നതിന് ബിരുദാനന്തര ബിരുദം/ബിരുദം, ബി.എഡ് യോഗ്യതയുള്ള ആറ് പേരെയും, യു.പി വിഭാഗത്തിലേക്ക് ടി.ടി.സി/ബി.എഡ് യോഗ്യതയുള്ള മൂന്ന് പേരെയും ആണ് നിയമിക്കുന്നത്. പ്രീ-മെട്രിക് ഹോസ്റ്റൽ പരിധിയിൽ താമസിക്കുന്നവർക്കും പട്ടികജാതി വിഭാഗത്തിൽപ്പെട്ടവർക്കും നിയമനത്തിൽ മുൻഗണന ഉണ്ടായിരിക്കും.

*ജില്ലയിൽ മാപ്പിംഗ് നടപടികൾ പുരോഗമിക്കുന്നു 

ജൂലൈ ഒന്നു മുതൽ ആരംഭിക്കുന്ന സെൻസസ് 2027 ന്റെ ഭാഗമായി ഫീൽഡ് ട്രെയിനർമാരുടെ ജില്ലാതല പരിശീലനം മെയ്‌ 18 ന് ആരംഭിക്കും. ജില്ലാതല പരിശീലനം പൂർത്തിയാക്കിയ ഫീൽഡ് ട്രെയിനർമാരുടെ നേതൃത്വത്തിൽ എന്യൂമറേറ്റർമാർക്കും സൂപ്പർവൈസർമാർക്കും തുടർന്ന് പരിശീലനം നൽകും. 

തകഴി ഗ്രാമപഞ്ചായത്തിൽ നിന്നും വിവിധ ക്ഷേമ പെൻഷനുകൾ കൈപ്പറ്റുന്നവരിൽ, വരുമാന സർട്ടിഫിക്കറ്റ്, പുനർവിവാഹിതയല്ലെന്ന സാക്ഷ്യപത്രം എന്നിവ സമർപ്പിക്കാത്തവരുടെ ലിസ്റ്റ് പഞ്ചായത്ത് ഓഫീസ് നോട്ടീസ് ബോർഡിൽ പ്രസിദ്ധീകരിച്ചിട്ടുണ്ട്. സാക്ഷ്യപത്രം ഇതുവരെ സമർപ്പിക്കാത്ത ഗുണഭോക്താക്കൾ ആധാർ നമ്പറും സർട്ടിഫിക്കറ്റുകളും മേയ് 15-നകം ഓൺലൈനായോ പഞ്ചായത്ത് ഓഫീസിൽ നേരിട്ടോ സമർപ്പിക്കേണ്ടതാണ്. കൂടുതൽ വിവരങ്ങൾക്ക് 0477 2274253 എന്ന നമ്പറിൽ ബന്ധപ്പെടുക.

ചെങ്ങന്നൂർ ഗവ. ഐ.ടി.ഐ.യിലെ ഇലക്ട്രോണിക്സ് മെക്കാനിക് ട്രേഡിൽ നിലവിലുള്ള രണ്ട് താൽക്കാലിക ഒഴിവുകളിലേക്ക്‌ (1 എസ് സി  ,1 ഒ  സി ) നിശ്ചിത യോഗ്യതയുള്ള ഉദ്യോഗാർഥികളെ ഗസ്റ്റ് ഇൻസ്ട്രക്ടറായി നിയമിക്കുന്നു. അഭിമുഖം മേയ് 13-ന് രാവിലെ 11 ന് ചെങ്ങന്നൂർ ഗവ. ഐ ടി ഐ യിൽ നടക്കും. സർട്ടിഫിക്കറ്റുകളും അവയുടെ പകർപ്പുകളും ഹാജരാക്കണം. ഫോൺ: 04792953150.
 

തിരുവനന്തപുരം തൈക്കാട് പ്രവർത്തിക്കുന്ന കെക്സ്കോൺ ആസ്ഥാനത്ത് ടാലി ക്ലർക്ക് തസ്തികയിലേക്ക് കെക്സ്കോണിൽ രജിസ്റ്റർ ചെയ്തിട്ടുള്ള വിമുക്തഭടന്മാർ, അവരുടെ ആശ്രിതർ എന്നിവരിൽ നിന്നും അപേക്ഷ ക്ഷണിച്ചു. ദിവസവേതനടിസ്ഥാനത്തിലാണ് നിയമനം.