മണക്കടവ് വിയറില്‍ 5994 ദശലക്ഷം ഘനയടി ജലം ലഭിച്ചു : കരാര്‍ പ്രകാരം ലഭിക്കാനുള്ളത് 1256 ഘനയടി ജലം

     മണക്കടവ് വിയറില്‍ 2017 ജൂലൈ ഒന്നു മുതല്‍ 2018 ജൂണ്‍ ആറ് വരെ 5994 ദശലക്ഷം ഘനയടി ജലം ലഭിച്ചു. പറമ്പിക്കുളം-ആളിയാര്‍ കരാര്‍ പ്രകാരം 1256 ദശലക്ഷം ഘനയടി ജലം ലഭിക്കാനുള്ളതായി സംയുക്ത ജലക്രമീകരണ വിഭാഗം ജോയിന്‍റ് ഡയറക്ടര്‍ അറിയിച്ചു. പറമ്പിക്കുളം-ആളിയാര്‍ പദ്ധതി ജലസംഭരണ നില ദശലക്ഷം ഘനയടിയില്‍ താഴെ കൊടുക്കുന്നു. ബ്രാക്കറ്റില്‍ കഴിഞ്ഞ വര്‍ഷത്തെ ജല ലഭ്യതയുടെ ശതമാന കണക്ക്.
    ലോവര്‍ നീരാര്‍ -106.20(100.00), തമിഴ്നാട് ഷോളയാര്‍ - 1015.00(128.55), കേരളാ ഷോളയാര്‍ -968.50(347.26), പറമ്പിക്കുളം - 5429.07(105.64), തൂണക്കടവ് - 288.45(104.68), പെരുവാരിപ്പള്ളം - 290.62(105.46), തിരുമൂര്‍ത്തി - 413.68(81.95), ആളിയാര്‍ - 474.30(41.25).