അസാപ് സമ്മര്‍ സ്‌കില്‍ സ്‌കൂളില്‍ നൈപുണ്യ വികസന പരിപാടി

സംസ്ഥാന പൊതുവിദ്യാഭ്യാസ വകുപ്പും ഉന്നത വിദ്യാഭ്യാസ വകുപ്പും നടപ്പിലാക്കുന്ന സംയുക്ത സംരംഭമായ അഡീഷണല്‍ സ്‌കില്‍ അക്വിസിഷന്‍ പ്രോഗ്രാമിന്റെ (അസാപ്) സമ്മര്‍ സ്‌കില്‍ സ്‌കൂള്‍ നൈപുണ്യ വികസന പരിപാടിയിലേക്ക് അപേക്ഷ ക്ഷണിച്ചു. 

15 -25 വയസ്സ് പ്രായപരിധിയില്‍പ്പെടുന്നവര്‍ക്ക് അവരവരുടെ വിദ്യാഭ്യാസ യോഗ്യത അനുസരിച്ചു തൊഴില്‍ നൈപുണ്യ കോഴ്‌സ് തിരഞ്ഞെടുക്കാം. തൊഴില്‍ സാധ്യതയുള്ള നിരവധി തൊഴില്‍മേഖലകളില്‍ നിന്നുള്ള കോഴ്‌സുകളാണ് ഇതില്‍ ഉള്‍പ്പെടുത്തിയിരിക്കുന്നത്. കോഴ്‌സില്‍ തൊഴില്‍ നൈപുണ്യം ആര്‍ജ്ജിക്കുന്നതിനുതകുന്ന പ്രാക്ടിക്കല്‍, ഇന്റേണ്‍ഷിപ്പ് എന്നിവയും ഉള്‍പ്പെടും. താല്പര്യമുള്ളവര്‍ www.asapkerala.gov.in/sss ല്‍ ഫെബ്രുവരി എട്ടിനകം ഓണ്‍ലൈനായി രജിസ്റ്റര്‍ ചെയ്യണം. ഹെല്‍പ്പ് ലൈന്‍ നമ്പര്‍ : 0471 - 2772500/9497469712.

പി.എന്‍.എക്‌സ്.455/18