നെഹ്‌റു യുവ കേന്ദ്രയുടെ മികച്ച യൂത്ത് ക്ലബ്ബിനുള്ള 2017 ലെ ജില്ലാ തല യൂത്ത് അവാര്‍ഡ് ചങ്ങരംകുളം അനശ്വര ആര്‍ട്‌സ് & സ്‌പോര്‍ട്‌സ് ക്ലബ്ബിന്. ആരോഗ്യ ബോധവല്‍ക്കരണം, പരിസ്ഥിതി സംരക്ഷണം, കലാ കായിക പ്രവര്‍ത്തനം, നൈപുണ്യ പരിശീലനം, വിദ്യാഭ്യാസ പ്രോത്സാഹന പരിപാടികള്‍, ഊര്‍ജ്ജ സംരക്ഷണം, ദേശീയ അന്തര്‍ദേശീയ ദിനാചരണങ്ങള്‍ തുടങ്ങിയ മേഖലകളില്‍ 2016-17 വര്‍ഷത്തില്‍ നടത്തിയ പ്രവര്‍ത്തനങ്ങളുടെ മികവിന്റെ അടിസ്ഥാനത്തിലാണ് ജില്ലാതല അവാര്‍ഡിന്  തിരഞ്ഞെടുത്തത്.  അസിസ്റ്റന്റ് കലക്ടര്‍ സ്‌നേഹില്‍ കുമാര്‍ സിംഗ് ചെയര്‍മാനായുള്ള  കമ്മറ്റിയാണ് അവാര്‍ഡ് നിര്‍ണയിച്ചത്.
 

അറ്റകുറ്റപ്പണി നടക്കുന്നതിനാല്‍ ഊരകം ഇലക്ട്രിക്കല്‍ സെക്ഷന്‍ പരിധിയില്‍പ്പെട്ട  കുറ്റാളൂര്‍, മാളിയേക്കത്തൊടി, വേങ്ങര സിനിമാഹാള്‍ ജംഗ്ക്ഷന്‍ ഭാഗങ്ങളില്‍ ഇന്ന് (ഡിസംബര്‍ അഞ്ച്) രാവിലെ ഒമ്പത് മുതല്‍ വൈകുന്നേരം അഞ്ച് വരെ വൈദ്യുതി മുടങ്ങും.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലുള്ള ഉന്നംതല, കാഞ്ഞിരംകുന്ന്, മൊട്ടമ്മല്‍, മുഞ്ഞകുളം, വാഴക്കാട്ടിരി നമ്പര്‍ 1, വാഴക്കാട്ടിരി നമ്പര്‍ 2  എന്നീ ഭാഗങ്ങളില്‍ ഇന്ന് (ഡിസംബര്‍ അഞ്ച്) രാവിലെ ഒമ്പത് മുതല്‍ വൈകുന്നേരം അഞ്ച് വരെ വൈദ്യുതി വിതരണം തടസ്സപ്പെടും.

ഓഖി ചുഴലിക്കാറ്റിനെ തുടര്‍ന്നുണ്ടായ കടല്‍ക്ഷോഭത്തില്‍ ജില്ലയില്‍ മത്സ്യയാനങ്ങള്‍ക്ക് 15 ലക്ഷം രൂപയുടെ നഷ്ടവും ഭവനങ്ങള്‍ക്ക് 85,500 രൂപയുടെ നഷ്ടവും റിപ്പോര്‍ട്ട് ചെയ്തിട്ടുണ്ടെന്ന് ഫിഷറീസ് വകുപ്പ് അറിയിച്ചു.
    ജില്ലയില്‍ 19 വീടുകള്‍ക്ക് ഭാഗികമായി നഷ്ടം സംഭവിച്ചു. 4 ലക്ഷം രൂപ നഷ്ടം കണക്കാക്കുന്നു. ഒരു കിണറിന് കേടുപാടു സംഭവിച്ചു. 10,000 രൂപ നഷ്ടം ഉണ്ട്. 3.47 ഹെക്ടര്‍ സ്ഥലത്തെ 75 തെങ്ങ്, 6165 വാഴ, 98 കവുങ്ങ്, 5 കോക്കോ, 10 റബ്ബര്‍ 10ജാതി എന്നിവ നശിച്ചു. 12.5 ലക്ഷം രൂപയുടെ നഷ്ടം കണക്കാക്കുന്നു.
 

ഭാരതീയ ചികിത്സാവകുപ്പിനു കീഴില്‍ പ്രവര്‍ത്തിക്കുന്ന കോഴിക്കോട് ഭട്ട്  റോഡിലുളള ജില്ലാ ആയൂര്‍വ്വേദ ആശുപത്രിയില്‍ ദിവസവേതനാടിസ്ഥാനത്തില്‍ 59 ദിവസത്തേക്ക് സാനിറ്റേഷന്‍ വര്‍ക്കര്‍/ഫുള്‍ടൈം സ്വീപ്പര്‍മാരെ നിയമിക്കുന്നു. താല്‍പര്യമുളള ഉദ്യോഗാര്‍ത്ഥികള്‍ അപേക്ഷയോടൊപ്പം എസ്.എസ്.എല്‍.സി ബുക്ക്, ടി.സി എന്നിവ സഹിതം ജില്ലാ ആയൂര്‍വ്വേദ ആശുപത്രിയില്‍ ഡിസംബര്‍ ഏഴിന് രാവിലെ 10 മണിക്ക് കൂടിക്കാഴ്ചയ്ക്കായി ഹാജരാകേണ്ടതാണ്.
 

ലോകഭിന്ന ശേഷി വാരാചരണത്തിന്റെ ഭാഗമായി മലപ്പുറം ബി.ആര്‍.സിയും മൗണ്ട് സിറ്റി ബൈക്കേഴ്‌സും സംയുക്തമായി സൈക്കിള്‍ റാലി നടത്തി.  റാലി നഗരസഭ ചെയര്‍പേഴ്‌സണ്‍ സി.എച്ച് ജമീല ഫ്‌ളാഗ് ഓഫ് ചെയ്തു.  എല്ലാവരും സുസ്ഥിരവും സന്തുലിതവുമായ സമൂഹത്തിലേക്ക് മാറുന്നു എന്ന ആശയം ജനങ്ങളിലേക്കെത്തിക്കുന്നതിന്റെ ഭാഗമായാണ് റാലി സംഘടിപ്പിച്ചത്.  മലപ്പുറം കെ.എസ്.ആര്‍.ടി.സി ബസ്റ്റാന്റ് പരിസരത്ത് നിന്നും ആരംഭിച്ച റാലി ഗവ. എല്‍.പി. സ്‌കൂള്‍ പരിസരത്ത് സമാപിച്ചു.  ഭിന്നശേഷിയുള്ള കുട്ടികളുടെ കൂട്ടായ്മയായ 'ചങ്ങാതിക്കൂട്ടം' പരിപാടിയുടെ ഭാഗമായാണ് റാലി സംഘടിപ്പിച്ചത്.  

ഓഖി  ചുഴലിക്കാറ്റിനെ ത്തുടര്‍ന്ന് കടല്‍ക്ഷോഭം ഉണ്ടായ പ്രദേശങ്ങളില്‍ കടല്‍ഭിതി ബലപ്പെടുത്തുന്നതിന്റെ ഭാഗമായി കല്ലിടല്‍ തുടങ്ങി. വെസ്റ്റ്ഹില്‍ ശാന്തിനഗര്‍ പ്രദേശത്ത് 200 മീറ്ററോളം നീളത്തില്‍ കല്ലിട്ടു. ജില്ലാഭരണകൂടത്തിന്റെ മേല്‍നോട്ടത്തില്‍ ഇറിഗേഷന്‍ വകുപ്പാണ് കല്ലിട്ടല്‍ പ്രവൃത്തി നിര്‍വ്വഹിക്കുന്നത്. 

സംസ്ഥാന മനുഷ്യാവകാശ കമ്മീഷന്‍ മെമ്പര്‍ കെ. മോഹന്‍കുമാര്‍ ഡിസംബര്‍ 22ന് തിരൂര്‍ റസ്റ്റ് ഹൗസില്‍ ക്യാമ്പ് സിറ്റിങ് നടത്തും.

ജില്ലയിലെ ഭിന്നലിംഗക്കാര്‍ക്ക് തിരിച്ചറിയല്‍ കാര്‍ഡ് നല്‍കുന്നതിനുളള നടപടികള്‍ ആരംഭിക്കുന്നതിന് ജില്ലാ കലക്ടര്‍ യു.വി.ജോസ് നിര്‍ദ്ദേശിച്ചു.  കലക്ടറേറ്റില്‍ ചേര്‍ന്ന ജില്ലാ ഭിന്നലിംഗ നീതി സമിതി യോഗത്തിലാണ് കലക്ടര്‍ നിര്‍ദ്ദേശം നല്‍കിയത്. 

ഡിസംബര്‍ 11 ന് കണ്ണര്‍ ടൗണ്‍ കോപറേറ്റീവ് ബാങ്ക് ഹാളിലും ഡിസംബര്‍ 12, 13 തിയ്യതികളില്‍ തലശ്ശേരി ഗവ. റസ്റ്റ് ഹൗസ് സമ്മേളന ഹാളിലും ഡിസംബര്‍ 14, 15 തിയ്യതികള്‍ കോഴിക്കോട് കലക്‌ട്രേറ്റ് സമ്മേളന ഹാളിലും കേരള ലോകായുക്ത ക്യാമ്പ് സിറ്റിങ് നടത്തും.