സമ്പൂര്‍ണ എലിനശീകരണ നിവാരണ പദ്ധതി പ്രകാരം മെഴുവേലി ഗ്രാമപഞ്ചായത്ത് കൃഷിഭവനില്‍ നിന്നും സൗജന്യമായി എലിവിഷം വിതരണം ചെയ്യും. സൂക്ഷ്മ മൂലകം (മഗ്നീഷ്യം സള്‍ഫേറ്റ്) ആവശ്യമുള്ള വാഴ, തെങ്ങ് കര്‍ഷകര്‍ കൃഷിഭവനുമായി ബന്ധപ്പെടണം. 
                                            (പിഎന്‍പി 3647/17)

 തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളിയുടെ 2016-17 വര്‍ഷത്തെ എം.എല്‍.എമാര്‍ക്കുള്ള പ്രത്യേക വികസന നിധിയില്‍നിന്ന് മൂന്നര ലക്ഷം രൂപ കണ്ണൂര്‍ കോര്‍പറേഷന്‍ ചേലോറ സോണ്‍ പള്ളിപ്പൊയില്‍ ഡിവിഷനിലെ കാപ്പാട് വായനശാല (സംഗമം ലൈബ്രറി) കെട്ടിട നിര്‍മാണ പ്രവൃത്തിക്ക് വിനിയോഗിക്കുന്നതിന് ജില്ലാ കളക്ടര്‍ ഭരണാനുമതി നല്‍കി.

തെയ്യക്കാലത്തിന് മേളക്കൊഴുപ്പും വര്‍ണത്തിളക്കവും പകര്‍ന്ന് കേരളഭാഷാ ഇന്‍സ്റ്റിറ്റ്യൂട്ട് പയ്യന്നൂര്‍ ഗാന്ധിപാര്‍ക്കില്‍ 5 ദിവസങ്ങളിലായി സംഘടിപ്പിക്കുന്ന പുസ്തകോത്സവം  ഡിസംബര്‍ 3ന് തുടങ്ങും.
പുസ്തകോത്സവത്തിന്റെ ഉല്‍ഘാടനവും, ഡോ.വി.ലിസിമാത്യു രചിച്ച് ഇന്‍സ്റ്റിറ്റ്യൂട്ട് പ്രസിദ്ധീകരിച്ച 'കതിവന്നൂര്‍ വീരന്‍' മലകയറിയ ദൈവം ചുരമിറങ്ങിയ മനുഷ്യന്‍ (2-ാം പതിപ്പ്) എന്ന ഗ്രന്ഥത്തിന്റെ പ്രകാശനവും സി. കൃഷ്ണന്‍ എം എല്‍ എ  നിര്‍വഹിക്കും. തെയ്യം സെമിനാര്‍, തെയ്യംഫോട്ടോപ്രദര്‍ശനം എന്നിവയുടെ ഉല്‍ഘാടനവും മുഖ്യപ്രഭാഷണവും പ്രശസ്തനോവലിസ്റ്റ് എന്‍. പ്രഭാകരന്‍ നിര്‍വഹിക്കും.

    ജില്ലയില്‍ വിദ്യാഭ്യാസ വകുപ്പില്‍ യുപി സ്കൂള്‍ അസിസ്റ്റന്‍റ് (മലയാളം മീഡിയം) (ബൈ ട്രാന്‍സ്ഫര്‍) തസ്തികയിലേക്കുണ്ടായിരുന്ന റാങ്ക് പട്ടിക കാലാവധി പൂര്‍ത്തിയായതിനാല്‍ റദ്ദായതായി ജില്ലാ പിഎസ്സി ഓഫീസര്‍ അറിയിച്ചു.               (പിഎന്‍പി 3246/17)

കോഴിക്കോട് ഗവ. എഞ്ചിനീയറിങ്ങ് കോളേജില്‍ ടെക്യുപ് പ്രൊജക്ടിന്റെ നടത്തിപ്പിനായുളള ക്ലാര്‍ക്ക് കം ജൂനിയര്‍ അക്കൗണ്ടന്റിന്റെ  താല്‍ക്കാലിക ഒഴിവിലേക്കായി   സ്റ്റാഫിനെ നിയമിക്കുന്നതിനായി ഡിസംബര്‍ 12 ന്  രാവിലെ 10 മണിക്ക് ഇന്റര്‍വ്യൂ നടത്തും. യോഗ്യത : ബി.കോം വിത് കംമ്പ്യൂട്ടര്‍ ആപ്‌ളിക്കേഷന്‍/ബി.കോമും ഡി.സി.എ അല്ലെങ്കില്‍ തത്തുല്യമായതും. എക്‌സ്‌ടെണലി എയിഡഡ് പ്രൊജക്ടുകളില്‍ പ്രവൃത്തി പരിചയം അഭികാമ്യം.  താല്‍പര്യമുളളവര്‍ യോഗ്യതയും, പ്രവര്‍ത്തിപരിചയവും തെളിയിക്കുന്ന ശരിപകര്‍പ്പ് രേഖകളുമായി ഡിസംബര്‍ 12 ന് ഹാജരാവണം. ഫോണ്‍ : 0495-2383220.
 

നിര്‍ഭാഗ്യകരമായ സാഹചര്യത്തില്‍ എച്ച്.ഐ.വി ബാധിച്ചവരോട് കാരുണ്യം കാണിക്കുന്നില്ലെങ്കില്‍ നാം മനുഷ്യരല്ലെന്നും എച്ച്.ഐ.വി ബാധിതരെ ഒറ്റപ്പെടുത്തുന്നത് കൂട്ടായി ചെറുക്കണമെന്നും ജില്ലാ പഞ്ചായത്ത് പ്രസിഡന്റ് കെ.വി സുമേഷ് പറഞ്ഞു. ആരോഗ്യ കുടുംബക്ഷേമ വകുപ്പിന്റെ നേതൃത്വത്തിലുള്ള ലോക എയ്ഡ്‌സ് ദിനാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് ഹാളില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. എച്ച്.ഐ.വി ബാധിതരെ ഒറ്റപ്പെടുത്തുന്നത് പരിഷ്‌കൃത സമൂഹത്തിന് ചേരുന്നതല്ല. രോഗികള്‍ സമൂഹത്തിന്റെ കൂടി ഉത്തരവാദിത്തമാണ്. അവരെ ഭ്രഷ്ട് കല്‍പിച്ച് മാറ്റി നിര്‍ത്തുന്നതിനോട് ഒരു കാരണവശാലും യോജിക്കാനാവില്ല.

സ്റ്റേറ്റ് ഇന്‍സ്റ്റിറ്യൂട്ട് ഓഫ് ഹോസ്പിറ്റാലിറ്റി മാനേജ്‌മെന്റില്‍ കമ്മ്യൂണിക്കേഷന്‍ ഇംഗ്ലീഷ് വിഷയത്തില്‍ ഗസ്റ്റ് അധ്യാപകരെ നിയമിക്കുന്നു. ഇംഗ്ലീഷ് ഭാഷയില്‍ ബിരുദാനന്തര ബിരുദവും പ്രവൃത്തിപരിചയവുമാണ് യോഗ്യത . താല്‍പര്യമുളളവര്‍ വിദ്യാഭ്യാസം, പ്രവൃത്തി പരിചയം എന്നിവയുടെ അസ്സല്‍ രേഖകളും പകര്‍പ്പും സഹിതം കോഴിക്കോട് വരക്കല്‍ ബീച്ച് റോഡിലെ സ്റ്റേറ്റ് ഇന്‍സ്റ്റിറ്യൂട്ട് ഓഫ് ഹോസ്പിറ്റാലിറ്റി മാനേജ്‌മെന്റ് ഓഫീസില്‍ പ്രിന്‍സിപ്പാള്‍ മുമ്പാകെ ഡിസംബര്‍ നാലിന് കാലത്ത് 10 മണിക്ക് ഹാജരാവണം.    
 

അഴിയൂര്‍ ഗ്രാമപഞ്ചായത്തിലെ 2017/18 വര്‍ഷത്തില്‍ അടവാക്കാന്‍ ബാക്കിയുള്ള വസ്തു നികുതി കുടിശ്ശികയുടെ പലിശയും പിഴ പലിശയും ഒഴിവാക്കികൊണ്ട് അടക്കുവാന്‍ ഉത്തരവായി. നികുതിദായകര്‍ ഈ അവസരം പ്രയോജനപ്പെടുത്തി മറ്റ് നിയമ നടപടിക്രമങ്ങളില്‍ നിന്ന് ഒഴിവായി നികുതി അടവാക്കേണ്ടതാണെന്ന് സെക്രട്ടറി അറിയിച്ചു.