അഴിയൂര്‍ ഗ്രാമപഞ്ചായത്ത് 2017-18 വാര്‍ഷിക പദ്ധതിയില്‍ സങ്കരയിനം തെങ്ങിന്‍ തൈകള്‍, കുറ്റികുരുമുളക്, ഇടവിള കൃഷിയുടെ നടീല്‍ വസ്തുക്കള്‍ എന്നിവയ്ക്ക് അപേക്ഷിച്ച ഗുണഭോക്താക്കള്‍ ഈ വര്‍ഷത്തെ നികുതി അടച്ച രശീതി, ആധാര്‍ കാര്‍ഡ് എന്നിവയുടെ കോപ്പി സഹിതം ഗുണഭോക്തൃ വിഹിതം കൃഷി ഭവനില്‍ അടയ്‌ക്കേണ്ടതാണ്. ഗുണഭോക്തൃ വിഹിതം സ്വീകരിക്കുന്ന അവസാന തീയ്യതി ഡിസംബര്‍ 13. ഫോണ്‍ .: 04962500182
 

ജില്ലാ പഞ്ചായത്തിന്റെയും ഭാരതീയ ചികിത്സാ വകുപ്പിന്റെയും സംയുക്താഭിമുഖ്യത്തില്‍ നടത്തുന്ന ആയുര്‍യോഗ പ്രൊജക്ട് നടപ്പിലാക്കുന്നതിനായി യോഗ ഇന്‍സ്ട്രക്ടര്‍  (രണ്ട് ഒഴിവ്) തസ്തികയിലേക്ക് താല്‍ക്കാലിക നിയമനത്തിനായി വാക്-ഇന്‍ -ഇന്റര്‍വ്യൂ ഡിസംബര്‍ 12 ന് നടത്തും. യോഗ്യത : എസ്.എസ്.എല്‍.സി, ഡിപ്ലോമ ഇന്‍ യോഗ. ഉദ്യോഗാര്‍ത്ഥികള്‍ ബയോഡാറ്റയും, യോഗ്യത തെളിയിക്കുന്നതിനുള്ള സര്‍ട്ടിഫിക്കറ്റുകളും സഹിതം 12 ന്  രാവിലെ 11.30 മണിക്ക് സിവില്‍ സ്റ്റേഷനിലെ കോഴിക്കോട് ജില്ലാ മെഡിക്കല്‍ ഓഫീസില്‍      (ഐ.എസ്.എം) കൂടിക്കാഴ്ചയ്ക്കായി ഹാജരാകണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. ഫോണ്‍  : 0495 2371486.
 

ഐ.എച്ച്.ആര്‍.ഡി  യുടെ  കീഴില്‍ പ്രവര്‍ത്തിക്കുന്ന വടകര മോഡല്‍ പോളിടെക്‌നിക്  കോളേജില്‍  ട്രേഡ്സ്മാന്‍  (കമ്പ്യൂട്ടര്‍) തസ്തികയിലേക്ക് താല്‍ക്കാലിക നിയമനം  നടത്തുന്നു. ഡിസംബര്‍ 13 ന് രാവിലെ  10 മണിയ്ക്കാണ് ഇന്റര്‍വ്യു. എസ്.എസ്.എല്‍.സിയും  നാഷണല്‍ ട്രേഡ് സര്‍ട്ടിഫിക്കറ്റ് (കമ്പ്യൂട്ടര്‍) ആണ് വിദ്യാഭ്യാസ യോഗ്യത. താല്പര്യമുള്ളവര്‍  എല്ലാ  സര്‍ട്ടിഫിക്കറ്റുകളുടെയും  അസ്സലും, കോപ്പികളും സഹിതം  ഹാജരാവണം. ഫോണ്‍ :   0496 2524920.
 

    ഗവ. മെഡിക്കല്‍ കോളേജിനോടനുബന്ധിച്ചുളള ആശുപത്രികളില്‍ നിലവിലുളള ഇ.സി.ജി ടെക്‌നിഷ്യന്‍ തസ്തികയില്‍ താല്‍ക്കാലികമായി ദിവസവേതന അടിസ്ഥാനത്തില്‍ നിയമിക്കപ്പെടുന്നതിനായി  ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു. യോഗ്യത : ബി.സി.വി.റ്റി അല്ലെങ്കില്‍ ഡി.സി.വി.റ്റി. പ്രവര്‍ത്തി പരിചയം അഭികാമ്യം. ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുകളുമായി കൂടിക്കാഴ്ചക്ക് ഡിസംബര്‍ 14 ന് രാവിലെ 11 മണിക്ക് പ്രിന്‍സിപ്പാള്‍ മുമ്പാകെ ഹാജരാവണം. ഈ നിയമനം സ്ഥിരനിയമനം നടക്കുന്നതുവരെയോ പരമാവധി 89 ദിവസത്തേക്കോ ആയിരിക്കും.
 

 ഡിസംബര്‍ 27,28,29  തീയ്യതികളിലായി കോഴിക്കോട് നടക്കുന്ന സംസ്ഥാന സാക്ഷരതാ തുടര്‍ വിദ്യാഭ്യാസകലോത്സവത്തിന്റെ പോസ്റ്റര്‍ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി പ്രകാശനം ചെയ്തു. ജില്ലാ പഞ്ചായത്ത് വൈസ്പ്രസിഡന്റ് റീന മുണ്ടേങ്ങാട്ട് അദ്ധ്യക്ഷത വഹിച്ചു. ജില്ലാ കമ്മിറ്റി ചെയര്‍മാന്‍ സജിത മനയ്ക്കല്‍, മെമ്പര്‍മാരായ സി.ഉഷ, ശാലിനി ബാലകൃഷ്ണന്‍, രമണി തടത്തില്‍, ജില്ലാ പഞ്ചായത്ത് സെക്രട്ടറി പി.ഡി.ഫിലിപ്പ്, വര്‍ക്കിംഗ് കണ്‍വീനര്‍ ഏ.കെ ബാലന്‍ കലോത്സവം സ്‌പെഷ്യല്‍ കോ-ഓര്‍ഡിനേറ്റര്‍ ഷാജുജോണ്‍ ജില്ലാ കോ-ഓര്‍ഡിനേറ്റര്‍ എം.ഡി.വല്‍സല ഫിനാന്‍സ് ഓഫീസര്‍ ടി. പാര്‍ത്ഥസാരഥി തുടങ്ങിയവര്‍ സംസാരിച്ചു.

 കേരള ചുമട്ടുതൊഴിലാളി ക്ഷേമബോര്‍ഡ്, കോഴിക്കോട് - സ്‌കാറ്റേര്‍ഡ് വിഭാഗം അംഗത്വമെടുത്ത് വിഹിതമടവില്‍ കുടിശ്ശികയുളള തൊഴിലാളികള്‍ക്ക് ഡിസംബര്‍ ഒന്‍പതിന് കൂരാച്ചുണ്ട് പഞ്ചായത്ത് ഹാളില്‍ നടത്തുന്ന മേളയില്‍ പിഴപ്പലിശ ഒഴിവാക്കി വിഹിത കുടിശ്ശിക മാത്രം അടച്ച് അംഗത്വം പുനഃസ്ഥാപിക്കാവുന്നതാണെന്നും സ്‌കാറ്റേര്‍ഡ് വിഭാഗത്തിലേക്ക് പുതുതായി അംഗങ്ങളെ ചേര്‍ക്കുന്നതാണെന്നും കോഴിക്കോട് ജില്ലാ കമ്മറ്റി ചെയര്‍മാന്‍ അറിയിച്ചു. ഫോണ്‍ : 0495-2366380.
 

എയര്‍മാന്‍ ട്രേഡ് എക്‌സ് (എഡ്യുക്കേഷണല്‍ ഇന്‍സ്ട്രക്ടര്‍ ട്രേഡുകളൊഴികെ) ട്രേഡ് വൈ( ഓട്ടോ മൊബൈല്‍ ടെക്‌നീഷ്യന്‍,ഗ്രൗണ്ട് ട്രെയിനിംഗ് ഇന്‍സ്ട്രക്ടര്‍, ഇന്ത്യന്‍ എയര്‍ഫോഴ്‌സ് പോലീസ്, സെക്യൂരിറ്റി ട്രേഡുകളൊഴികെ) തസ്തികകളിലേക്ക് അവിവാഹിതരായ യുവാക്കളില്‍ നിന്നും ഇന്ത്യന്‍ എയര്‍ഫോഴ്‌സ് അപേക്ഷ ക്ഷണിച്ചു. അപേക്ഷകര്‍ ഇന്ത്യന്‍/നേപ്പാളി പൗരത്വമുള്ളവരായിരിക്കണം.ഡിസംബര്‍ 15 മുതല്‍ സിഎഎസ്ബി വെബ് പോര്‍ട്ടലായ www.airmenselection.cdac.iaf.in ല്‍ ഓണ്‍ലൈനായി അപേക്ഷിക്കാവുന്നതാണ്. അപേക്ഷകള്‍ സമര്‍പ്പിക്കുന്നതിനുള്ള അവസാന തീയതി ജനുവരി 12.