കാക്കനാട്: കേരള മീഡിയ അക്കാദമിയുടെ 2016-ലെ ആറു മാധ്യമ അവാര്‍ഡുകള്‍ എറണാകുളം പ്രസ് ക്ലബില്‍ നടന്ന പത്രസമ്മേളനത്തില്‍ അക്കാദമി ചെയര്‍മാന്‍ ആര്‍.എസ്. ബാബു പ്രഖ്യാപിച്ചു. 25000/- രൂപയും പ്രശസ്തിപത്രവും ശില്‍പ്പവുമാണ് പുരസ്‌കാരം. ജനുവരിയില്‍ മീഡിയ അക്കാദമിയില്‍ നടക്കുന്ന ചടങ്ങില്‍ അവാര്‍ഡുകള്‍ സമ്മാനിക്കും. 

കാക്കനാട്: കണയന്നൂര്‍ താലൂക്ക് പരിധിയില്‍പ്പെട്ടതും 2017-ഡി ക്വാര്‍ട്ടറില്‍ പുനപരിശോധനാ കാലാവധി അവസാനിക്കുന്നതുമായ ഓട്ടോറിക്ഷ ഫെയര്‍ മീറ്ററുകള്‍ ഡിസംബര്‍ 29 നു മുന്‍പ് കാക്കനാടുള്ള ലീഗല്‍ മെട്രോളജി ഓഫീസില്‍ ഹാജരാക്കി പുനപരിശോധനയ്ക്കും മുദ്രവയ്പ്പിനും വിധേയമാക്കണമെന്ന് ലീഗല്‍ മെട്രോളജി സീനിയര്‍ ഇന്‍സ്‌പെക്ടര്‍ (ഓട്ടോറിക്ഷ) അറിയിച്ചു. കൃത്യമായി മുദ്രവയ്പ്പ് നടത്താതെ കുടിശിക വരുത്തുന്ന ഓട്ടോറിക്ഷ ഉടമകള്‍ക്കെതിരേ നിയമനടപടി സ്വീകരിക്കുന്നതാണ്. 

കാക്കനാട്: കുടുംബശ്രീ എറണാകുളം ജില്ല മിഷനില്‍ ജേണലിസ്റ്റ് ഇന്റേണ്‍ഷിപ്പ് പ്രോഗ്രാമിന്റെ ഭാഗമായി ജേണലിസ്റ്റ് ഇന്റേണ്‍ ആയി പ്രവര്‍ത്തിക്കുന്നതിന് ജേണലിസത്തില്‍ ബിരുദമോ ബിരുദാനന്തര ബിരുദമോ ഉള്ള 2017 നവംബര്‍ ഒന്നിന് 18 നും 30 നും മധ്യേ പ്രായമുള്ളവരുമായ ഉദ്യോഗാര്‍ഥികളില്‍ നിന്ന് അപേക്ഷ ക്ഷണിച്ചു. പ്രവൃത്തി പരിചയം നിര്‍ബന്ധമില്ല. ആറു മാസമാണ് ജേണലിസ്റ്റ് ഇന്റേണിന്റെ പ്രവര്‍ത്തന കാലയളവ്. പ്രതിമാസം 15,000 രൂപ സ്റ്റൈപ്പന്റ് ലഭിക്കും.

കാക്കനാട്: കളമശേരി മെഡിക്കല്‍ കോളേജിലെ ബയോമെഡിക്കല്‍ എന്‍ജിനീയറിംഗ് വിഭാഗത്തിലേക്ക് എസ്പി ഒ2 അനലൈസര്‍ വിതരണം ചെയ്യുന്നതിന് ഇ-ടെന്‍ഡര്‍ ക്ഷണിച്ചു. ഡിസംബര്‍ 16 വൈകിട്ട് അഞ്ചു മണിവരെ ഓണ്‍ലൈന്‍ ടെന്‍ഡര്‍ സമര്‍പ്പിക്കാം. ഡിസംബര്‍ 19 രാവിലെ 11 ന് ടെന്‍ഡറുകള്‍ തുറക്കും. കൂടുതല്‍ വിവരങ്ങള്‍ക്ക് www.etenders.kerala.gov.in സന്ദര്‍ശിക്കുക. ഫോണ്‍-0484 2754000. 

കാക്കനാട്: കളമശേരി മെഡിക്കല്‍ കോളേജിലെ ഒ& ജി വിഭാഗത്തിലേക്ക് രണ്ട് വാക്വം എക്‌സ്ട്രാക്ടറുകള്‍ വിതരണം ചെയ്യുന്നതിന് ഇ-ടെന്‍ഡര്‍ ക്ഷണിച്ചു.ഡിസംബര്‍ 16 വൈകിട്ട് അഞ്ചു മണിവരെ ഓണ്‍ലൈന്‍ ടെന്‍ഡര്‍ സമര്‍പ്പിക്കാം. ഡിസംബര്‍ 19 രാവിലെ 11 ന് ടെന്‍ഡറുകള്‍ തുറക്കും. കൂടുതല്‍ വിവരങ്ങള്‍ക്ക് www.etenders.kerala.gov.in സന്ദര്‍ശിക്കുക. ഫോണ്‍-0484 2754000. 

കാക്കനാട്: സാമൂഹ്യനീതി വകുപ്പിന്റെ കീഴിലുള്ള എറണാകുളം മഹിളാ മന്ദിരത്തിലെ താമസക്കാര്‍ക്ക് അധിക പരിചരണം ലഭ്യമാക്കുന്നതിന്റെ ഭാഗമായി കേരള സാമൂഹ്യ സുരക്ഷ മിഷന്‍ കെയര്‍ പ്രൊവൈഡര്‍ തസ്തികയിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിന് അപേക്ഷ ക്ഷണിച്ചു. പത്താം ക്ലാസ് ആണ് വിദ്യാഭ്യാസ യോഗ്യത. പ്രായം 30 നും 50 നും മധ്യേ. രാത്രിയിലും ജോലി ചെയ്യാന്‍ സന്നദ്ധരായിരിക്കണം. വെള്ളക്കടലാസില്‍ തയാറാക്കിയ അപേക്ഷ, സ്‌കൂള്‍ സര്‍ട്ടിഫിക്കറ്റ്, തിരിച്ചറിയല്‍ രേഖ എന്നിവയുടെ പകര്‍പ്പ് സഹിതം ഡിസംബര്‍ 15 വൈകിട്ട് അഞ്ചു മണിക്കകം മഹിളാ മന്ദിരം, പൂണിത്തുറ പിഒ, ചമ്പക്കര, 682038 എന്ന വിലാസത്തില്‍ അയയ്ക്കുക.

കാസര്‍കേട് ഗവ. കോളേജില്‍ ജേണലിസം  വിഷയത്തില്‍ ഗസ്റ്റ് അധ്യാപകരെ  ആവശ്യമുണ്ട്.  55 ശതമാനം മാര്‍ക്കോടുകൂടിയ ബിരുദാനന്തര ബിരുദവും  നെറ്റും പാസായവര്‍ക്ക് അപേക്ഷിക്കാം.  നെറ്റ് യോഗ്യരായവരുടെ അഭാവത്തില്‍  ബിരുദാനന്തര ബിരുദക്കാരെയും പരിഗണിക്കും.  ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഈ മാസം  18 ന് രാവിലെ  10.30 ന് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്ക്ക്  ഹാജരാകണം. ഫോണ്‍ 04994 256027.
 

കാസര്‍കോട് ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴില്‍ നടത്തിവരുന്ന വിവിധ സ്വയം തൊഴില്‍ പദ്ധതികളായ ശരണ്യ, കൈവല്യ, കെസ്‌റു, ജോബ് ക്ലബ്ബ് എന്നിവയിലേക്ക്  അപേക്ഷ ക്ഷണിച്ചു.  അവസാന തീയതി ഈ മാസം 31. കൂടുതല്‍ വിവരങ്ങള്‍ക്ക് 04994 255582, 04672 209068
 

ഭിന്നലംഗക്കാര്‍ക്ക് സ്ഥിരവരുമാനം ഉറപ്പുവരുത്തുക എന്ന ലക്ഷ്യത്തോടെ കുടുംബശ്രീ ജില്ലാ മിഷന്റെ നേതൃത്വത്തില്‍ ആരംഭിച്ച സംഗമ അയല്‍കൂട്ടത്തിന്റെ കോര്‍പ്പസ് ഫണ്ട് 10,000 രൂപ കാഞ്ഞങ്ങാട് നഗരസഭ ചെയര്‍മാന്‍ വി വി രമേശന്‍ അയല്‍കൂട്ടത്തിന് കൈമാറി. ജില്ലയിലെ വിവിധ ഇടങ്ങളില്‍ നിന്നുളള 15 ഭിന്നലിംഗക്കാരാണ് കുടുംബശ്രീയില്‍ അംഗങ്ങളായിട്ടുളളത്. ഭിന്നലിംഗക്കാര്‍ക്കായി ആരംഭിച്ച ജില്ലയിലെ ആദ്യത്തെയും കേരളത്തിലെ മൂന്നാമത്തെയും അയല്‍കൂട്ടം കൂടിയാണ് സംഗമ.