ശ്രീ ചിത്തിര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സ് ആന്റ് ടെക്‌നോളജിയുടെയും നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്റ് ഹിയറിംഗിന്റെയും സംയുക്ത സംരംഭമായ മസ്തിഷ്‌കവികാസത്തകരാറുകള്‍ക്കായുള്ള സമഗ്ര കേന്ദ്രം ഉദ്ഘാടനം ചെയ്തു. കേരളത്തിലെ പകര്‍ച്ചേതര രോഗങ്ങളുടെ പ്രതിരോധവും നിയന്ത്രണവും സംബന്ധിച്ച് അച്യുതമേനോന്‍ സെന്റര്‍ ഫോര്‍ ഹെല്‍ത്ത് സയന്‍സ് ആന്റ് സ്റ്റഡീസ് നടത്തിയ പഠനത്തിന്റെ പ്രോജക്ട് റിപ്പോര്‍ട്ട് പ്രകാശനം ചടങ്ങില്‍ ആസൂത്രണ ബോര്‍ഡ് അംഗം ഡോ. ബി. ഇഖ്ബാല്‍ ചടങ്ങില്‍ നിര്‍വഹിച്ചു. ആരോഗ്യവിവരങ്ങളുടെ അഭാവമാണ് ആരോഗ്യമേഖല നേരിടുന്ന പ്രധാനപ്രശ്‌നമെന്ന് അദ്ദേഹം പറഞ്ഞു.

പോളിടെക്‌നിക്കുകളില്‍ എന്‍.സി.സി/സ്‌പോര്‍ട്ട്‌സ് ക്വാട്ട പ്രവേശനത്തിനുളള കൗണ്‍സിലിംഗ് 11ന് തിരുവനന്തപുരം സാങ്കേതിക വിദ്യാഭ്യാസ ഡയറക്ടറേറ്റില്‍ നടക്കും. കൗണ്‍സിലിംഗിന് തെരഞ്ഞെടുക്കപ്പെട്ടവരുടെ റാങ്ക് ലിസ്റ്റ് www.dtekerala.gov.in, www.polyadmission.org എന്നിവയില്‍ പ്രസിദ്ധീകരിച്ചിട്ടുണ്ട്. റാങ്ക് ലിസ്റ്റില്‍ ഉള്‍പ്പെട്ടവര്‍ ബന്ധപ്പെട്ട രേഖകളുടെ അസലുമായി രക്ഷകര്‍ത്താവിനോടൊപ്പം രാവിലെ 10 മണിക്ക് എത്തണം.

കേരള സംസ്ഥാന ലഹരി വര്‍ജ്ജന മിഷന്‍ വിമുക്തിയുടെ ഭാഗമായി തിരുവനന്തപുരത്ത് ആരംഭിക്കുന്ന ലഹരി വിമുക്തിക്കായുള്ള കൗണ്‍സലിംഗ് കേന്ദ്രത്തില്‍ കരാര്‍ അടിസ്ഥാനത്തില്‍ രണ്ട് കൗണ്‍സലര്‍മാരെ തെരഞ്ഞെടുക്കും. എം.എസ്.ഡബ്ലിയു (മെഡിക്കല്‍ ആന്റ് സൈക്യാട്രി),വിദ്യാഭ്യാസയോഗ്യതയ്‌ക്കൊപ്പം ഈ മേഖലയില്‍ കൗണ്‍സലറായി പ്രവര്‍ത്തിച്ച രണ്ടു വര്‍ഷത്തെ പ്രവര്‍ത്തി പരിചയം, കമ്പ്യൂട്ടര്‍ പരിചയം എന്നിവ ഉണ്ടാവണം. പ്രായം 45 വയസിനുതാഴെ.

തിരുവനന്തപുരം ബാര്‍ട്ടണ്‍ഹില്‍ സര്‍ക്കാര്‍ എന്‍ജിനീയറിംഗ് കോളേജില്‍ ഇലക്ട്രിക്കല്‍ ആന്റ് ഇലക്ട്രോണിക്‌സ്, സിവില്‍ തുടങ്ങിയ വിഭാഗങ്ങളില്‍ ട്രേഡ്‌സ്മാന്‍, ഇന്‍ഫര്‍മേഷന്‍ ടെക്‌നോളജി വിഭാഗത്തില്‍ ട്രേഡ് ഇന്‍സ്ട്രക്ടര്‍ തസ്തികകളിലെ ഒഴിവുകളിലേക്ക് ഐ.റ്റി.ഐ യോഗ്യതയുള്ള ഉദേ്യാഗാര്‍ത്ഥികളില്‍ നിന്നും അപേക്ഷ ക്ഷണിച്ചു. പ്രതിഫലം മണിക്കൂറിന് 200 രൂപ. നിശ്ചിത യോഗ്യതയുള്ളവര്‍ ജനനതീയതി, വിദ്യാഭ്യാസ യോഗ്യത എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും, ബയോഡേറ്റായും സഹിതം ആഗസ്റ്റ് 16 രാവിലെ 10ന് കോളേജ് പ്രിന്‍സിപ്പാളിനു മുമ്പില്‍ കൂടിക്കാഴ്ചക്കെത്തണം. വെബ്‌സൈറ്റ് www.gecbh.ac.in

ഇന്ന് (ആഗസ്റ്റ് ഒന്‍പത്) ലോക തദ്ദേശീയ ജനതയുടെ അന്തര്‍ദേശീയ ദിനമായി ആചരിക്കും. ദിനാചരണത്തോടനുബന്ധിച്ച് പട്ടികവര്‍ഗ വികസന വകുപ്പും കോഴിക്കോട് കിര്‍ത്താഡ്‌സും സംയുക്തമായി സംസ്ഥാനത്തെ തിരഞ്ഞെടുക്കപ്പെട്ട 16 പി.വി.റ്റി.ജി കോളനികളില്‍ വിപുലമായ പരിപാടികള്‍ സംഘടിപ്പിക്കും. നടപ്പുവര്‍ഷം ഐക്യരാഷ്ട്ര സംഘടന ഒരു മാസക്കാലം നീണ്ടുനില്‍ക്കുന്ന ആഘോഷ പരിപാടികള്‍ സംഘടിപ്പിക്കാന്‍ തീരുമാനിച്ചിട്ടുണ്ട്. സെപ്തംബര്‍ 13 ന് പട്ടികവര്‍ഗ വികസന വകുപ്പ് സംസ്ഥാനത്തെ മുഴുവന്‍ പട്ടികവര്‍ഗ കോളനികളിലും വിവിധ വകുപ്പുകളുടെ സഹായത്തോടെ പ്രത്യേക പരിപാടികള്‍ സംഘടിപ്പിക്കുമെന്ന് പട്ടികവര്‍ഗ വികസന വകുപ്പ് ഡയറക്ടര്‍ അറിയിച്ചു.

കേരളത്തിലെത്തിയ കാര്‍ഷിക ഉത്പന്ന വില നിര്‍ണയ കമ്മീഷനുമായി ചര്‍ച്ച നടത്തിയതായും കൊപ്രയുടെ താങ്ങുവില ഉയര്‍ത്തുന്നതിന് സഹായം തേടിയതായും കാര്‍ഷിക വികസന കര്‍ഷക ക്ഷേമ മന്ത്രി വി. എസ്. സുനില്‍കുമാര്‍ വാര്‍ത്താസമ്മേളനത്തില്‍ പറഞ്ഞു. കൊപ്രയുടെ താങ്ങുവില 9725 രൂപയാക്കാനാണ് സഹായം തേടിയത്. കൊട്ടത്തേങ്ങയുടെ താങ്ങുവില 10700 രൂപയാക്കാനും കേരളത്തിന്റെ പ്രത്യേക സാഹചര്യം പരിഗണിച്ച് പച്ചത്തേങ്ങയുടെ താങ്ങുവില ക്വിന്റലിന് 2950 രൂപയാക്കാനുമാണ് സഹായം ആവശ്യപ്പെട്ടു.

സ്‌കോള്‍-കേരള മുഖേന 2017-19 ബാച്ചില്‍ ഒന്നാം വര്‍ഷ ഹയര്‍സെക്കണ്ടറി പ്രവേശനത്തിന് ഓണ്‍ലൈനായി രജിസ്റ്റര്‍ ചെയ്ത വിദ്യാര്‍ഥികള്‍ നിര്‍ദ്ദിഷ്ടരേഖകള്‍ സഹിതമുള്ള അപേക്ഷകള്‍ അടിയന്തിരമായി സ്‌കോള്‍-കേരള സംസ്ഥാന ഓഫീസില്‍ തപാല്‍ മാര്‍ഗമോ, ജില്ലാ കേന്ദ്രങ്ങളില്‍ നേരിട്ടോ ഉടന്‍ സമര്‍പ്പിക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.

പി.എന്‍.എക്‌സ്.3487/17

കരകൗശല വികസന കോര്‍പ്പറേഷന്റെ കേന്ദ്ര എംപോറിയമായ എസ്.എം.എസ്.എം ഇന്‍സ്റ്റിറ്റ്യൂട്ടില്‍ ഇന്നു (ആഗസ്റ്റ് ഒമ്പത്) മുതല്‍ സെപ്റ്റംബര്‍ മൂന്നു വരെ ക്രാഫ്റ്റ്‌സ് ഫെയര്‍ സംഘടിപ്പിക്കും. വൈകിട്ട് 4.30ന് തമിഴ്‌നാട് അഡീഷണല്‍ ചീഫ് സെക്രട്ടറി ഡോ. സന്തോഷ് ബാബു ക്രാഫ്റ്റ്‌സ് ഫെയര്‍ ഉദ്ഘാടനം ചെയ്യും. ആദ്യ വില്‍പന വ്യവസായ-വാണിജ്യ വകുപ്പ് ഡയറക്ടര്‍ കെ.എന്‍. സതീഷ് നിര്‍വഹിക്കും.

2020-2024-2028 ഒളിമ്പിക്‌സ് മത്സരങ്ങളില്‍ കേരളീയരായ കായിക താരങ്ങളെ മെഡല്‍ നേടുന്നതിന് സജ്ജരാക്കാനായി കേരള സ്റ്റേറ്റ് സ്‌പോര്‍ട്‌സ് കൗണ്‍സിലും കേരള സര്‍ക്കാരും സംയുക്തമായി ആവിഷ്‌ക്കരിച്ചിട്ടുള്ള 'ഓപ്പറേഷന്‍ ഒളിമ്പിയ' പദ്ധതിയിലേക്ക് ഫെന്‍സിംഗ് താരങ്ങളെ തെരഞ്ഞെടുക്കുന്നതിന് ആഗസ്റ്റ് 13ന് രാവിലെ ഒന്‍പത് മുതല്‍ തലശ്ശേരി സായ് സെന്ററില്‍ തെരഞ്ഞെടുപ്പു നടക്കും. തെരഞ്ഞെടുക്കപ്പെടുന്നവര്‍ക്ക് ഇന്ത്യയിലെയും, വിദേശത്തെയും മികച്ച ഫെന്‍സിംഗ് പരിശീലകരില്‍ നിന്നും പരിശീലനം ലഭ്യമാക്കും. മികച്ച താമസം, ഭക്ഷണം വിദ്യാഭ്യാസം, ദേശീയ-അന്തര്‍ദ്ദേശീയ മത്സരങ്ങളില്‍ പങ്കെടുക്കുന്നതിനുള്ള സൗകര്യം എന്നിവയും ലഭിക്കും.

സ്റ്റേറ്റ് റിസോഴ്‌സ് സെന്ററിന്റെ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ കോഴ്‌സിന് അപേക്ഷ ക്ഷണിച്ചു. കോണ്ടാക്ട് ക്ലാസുകളും ഇന്റേണ്‍ഷിപ്പും, പ്രോജക്ട് വര്‍ക്കും പഠനപരിപാടിയുടെ ഭാഗമായി ഉണ്ടായിരിക്കും. ആഗസ്റ്റ് 15 നകം അപേക്ഷിക്കണം. വിശദവിവരങ്ങള്‍ 0471-2325101, 2325102, 9447989399, www.src.kerala.gov.in / www.srccc.in

പി.എന്‍.എക്‌സ്.3484/17