സംസ്ഥാന വ്യാവസായിക പരിശീലന വകുപ്പിന്റെ കീഴിലുള്ള ഗവ ഐടിഐ മരട് -ലെ എന്‍ സി വി ടി അഫിലിയിയേഷനുള്ള 2 വര്‍ഷ ട്രേഡുകളായ ഇലക്ട്രീഷ്യന്‍, ഇലക്ട്രോണിക്‌സ് മെക്കാനിക്ക് എന്നീ ട്രേഡുകളിലേക്കും ഒരു വര്‍ഷ ട്രേഡായ വെല്‍ഡര്‍ ട്രേഡിലേക്കുമുള്ള അഡ്മിഷന് അപേക്ഷിക്കാം. അവസാന തിയതി 29.06.2024 വൈകിട്ട്. https://itiadmissions.kerala.gov.in , https://det.kerala.gov.in എന്ന വെബ് സൈറ്റ് വഴിയും ഓണ്‍ലൈനായി സമര്‍പ്പിക്കാം.  അപേക്ഷിക്കുന്നത്തിനുള്ള മാര്‍ഗ നിര്‍ദ്ദേശങ്ങള്‍ വെബ് സൈറ്റില്‍ ലഭ്യമാണ്. കൂടുതല്‍ വിവരങ്ങള്‍ക്ക് ഫോണ്‍: 0484 2700142.

സംസ്ഥാന സര്‍ക്കാര്‍ സ്ഥാപനമായ കെല്‍ട്രോണ്‍ നടത്തുന്ന മോണ്ടിസോറി  അധ്യാപക പരിശീലന കോഴ്‌സിന്റെ പുതിയ ബാച്ചിലേക്ക്  വനിതകളില്‍ നിന്ന് അപേക്ഷ ക്ഷണിച്ചു. പ്രായപരിധി ഇല്ല. കൂടുതല്‍ വിവരങ്ങള്‍ക്ക് ഫോണ്‍: 9072592412, 9072592416.

ദേശീയ ആരോഗ്യ ദൗത്യം (ആരോഗ്യകേരളം) എറണാകുളത്തിന് കീഴില്‍ ഇനി പറയുന്ന തസ്തികകളിലേക്ക് നിയമനം നടത്തുന്നതിന് അപേക്ഷ ക്ഷണിച്ചു.

ദുരന്തനിവാരണ അതോറിറ്റിയുടെ നിയന്ത്രണത്തിലുള്ള കവചം മുന്നറിയിപ്പ് സംവിധാനത്തിന്റെ ഭാഗമായി സംസ്ഥാനത്ത് വിവിധ സ്ഥലങ്ങളില്‍ സ്ഥാപിച്ച 85 സൈറണുകളുടെ പ്രവര്‍ത്തന പരീക്ഷണം ഇന്ന് (ജൂണ്‍ 11) നടത്തും. ജില്ലയില്‍ ആറ് സ്ഥലങ്ങളില്‍ സൈറണുകള്‍ വിവിധ സമയങ്ങളിലായി മുഴങ്ങും. എം.പി.സി.എസ് കടപ്പുറം, ജി.എഫ്.എസ്.എസ്.എസ് നാട്ടിക, മണലൂര്‍ ഐ.ടി.ഐ, ജി.എഫ്.എസ്.എസ്.എസ് കൈപ്പമംഗലം, എം.പി.സി.എസ് അഴീക്കോട്, ചാലക്കുടി മോഡല്‍ സ്‌കൂള്‍ എന്നിവിടങ്ങളിലെ സൈറണുകളാണ് പരീക്ഷണാടിസ്ഥാനത്തില്‍ പ്രവര്‍ത്തിപ്പിക്കുക. പൊതുജനങ്ങള്‍ പരിഭ്രാന്തരാകേണ്ടെന്ന് അധികൃതര്‍ അറിയിച്ചു.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡിന്റെ ആഭിമുഖ്യത്തില്‍ ക്ഷേമനിധിയില്‍ അംഗത്വം എടുക്കുന്നതിനും ഉടമ- തൊഴിലാളി അംശാദായം അടയ്ക്കുന്നതിനും ജില്ലയുടെ വിവിധ ഭാഗങ്ങളില്‍ ബസ് സ്റ്റാന്‍ഡുകള്‍ കേന്ദ്രീകരിച്ച് ഇന്നുമുതല്‍ (ജൂണ്‍ 11) ക്യാമ്പുകള്‍ നടത്തുന്നു. രാവിലെ 10.30 മുതലാണ് ക്യാമ്പ്. ജൂണ്‍ 11- കൊടുങ്ങല്ലൂര്‍, 13- ഇരിങ്ങാലക്കുട, 15- തൃപ്രയാര്‍, 18- ചാലക്കുടി, 20- വടക്കാഞ്ചേരി, 22- ഗുരുവായൂര്‍, 25- കുന്നംകുളം, 29- തൃശൂര്‍ എന്നിവിടങ്ങളിലാണ് ക്യാമ്പുകള്‍ നടക്കുക.

ചാലക്കുടി മോഡല്‍ റെസിഡന്‍ഷ്യല്‍ സ്‌കൂളില്‍ കരാറടിസ്ഥാനത്തില്‍ ജൂനിയര്‍ പബ്ലിക് ഹെല്‍ത്ത് നഴ്‌സിനെ നിയമിക്കുന്നു. യോഗ്യത- എസ്.എസ്.എല്‍.സി, ഓക്‌സിലറി നഴ്‌സ് മിഡ്‌ഫൈറി സര്‍ട്ടിഫിക്കറ്റ്/ ഹെല്‍ത്ത് വര്‍ക്കേഴ്‌സ് ട്രെയിനിങ് സര്‍ട്ടിഫിക്കറ്റ്/ കേരള നഴ്‌സ് ആന്‍ഡ് മിഡൈ്വഫ്‌സ് കൗണ്‍സില്‍ രജിസ്‌ട്രേഷന്‍' ജനറല്‍ നഴ്‌സിങ്/ ബി.എസ്.സി നഴ്‌സിങ്. പട്ടികവര്‍ഗ വിഭാഗക്കാര്‍ക്ക് മുന്‍ഗണന. പ്രായപരിധി 2024 ജനുവരി ഒന്നിന് 18-44 വയസ്. പ്രതിമാസ ഹോണറേറിയം- 13000 രൂപ.

ജില്ലാ വനിതാ ശിശു വികസന ഓഫീസിലേക്ക് ടാക്‌സി പെര്‍മിറ്റുള്ള ഏഴു വര്‍ഷത്തില്‍ കുറവ് പഴക്കമുള്ള വാഹനം കരാര്‍ അടിസ്ഥാനത്തില്‍ ലഭ്യമാക്കാന്‍ താല്പര്യമുള്ള വ്യക്തികള്‍/ സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു. 3600 രൂപയാണ് നിരതദ്രവ്യം. ജൂണ്‍ 21ന് ഉച്ചയ്ക്ക് രണ്ടു വരെ ദര്‍ഘാസ് സമര്‍പ്പിക്കാം. ഫോണ്‍: 0487 2361500.

കിഫ്ബി എല്‍.എ സ്‌പെഷ്യല്‍ തഹസില്‍ദാരുടെ ജില്ലാ ഓഫീസിലേക്ക് വിവിധ സ്ഥലമെടുപ്പ് നടപടികളുടെ സര്‍വേ ജോലികള്‍ക്ക് ടോട്ടല്‍ സ്റ്റേഷന്‍ ദിവസവാടക അടിസ്ഥാനത്തില്‍ ലഭ്യമാകുന്നതിന് വ്യക്തികള്‍ / സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. ജൂണ്‍ 29ന് വൈകിട്ട് മൂന്നിനകം സ്‌പെഷ്യല്‍ തഹസില്‍ദാര്‍ (എല്‍.എ കിഫ്ബി), ശക്തന്‍ ആല്‍ക്കേഡ്, റൂം നമ്പര്‍ എസ് 52 എ വിലാസത്തില്‍ ക്വട്ടേഷന്‍ ലഭ്യമാക്കണം.