പകര്‍ച്ചവ്യാധി പ്രതിരോധ പ്രവര്‍ത്തനങ്ങള്‍ക്കായി ആരോഗ്യവകുപ്പിന്റെ ആഭിമുഖ്യത്തില്‍ വിവിധ വകുപ്പുകളുടെ സംയുക്തയോഗം ഡിസംബര്‍ 26 രാവിലെ 11ന് ജില്ലാ കളക്ടര്‍ ഡോ. ബി.എസ്. തിരുമേനിയുടെ അദ്ധ്യക്ഷതയില്‍ കളക്‌ട്രേറ്റില്‍ നടക്കും.

    പകര്‍ച്ചവ്യാധി പ്രതിരോധ നടപടികള്‍ ജില്ലയില്‍ ശക്തമാക്കാന്‍ ജില്ലാ കലക്റ്റര്‍ ഡോ: പി.സുരേഷ് ബാബു വിവിധ വകുപ്പുകള്‍ക്ക് നിര്‍ദേശം നല്‍കി. ജില്ലാ കലക്റ്ററുടെ ചേംബറില്‍ ചേര്‍ന്ന പകര്‍ച്ചവ്യാധി പ്രതിരോധ യോഗത്തിലാണ് നിര്‍ദേശം.  വരുന്ന വേനല്‍ ആവുമ്പോഴേക്കും എല്ലാ വകുപ്പുകളും പകര്‍ച്ചവ്യാധി പ്രതിരോധ നടപടികള്‍ പൂര്‍ത്തിയാക്കണം. കഴിഞ്ഞ വര്‍ഷം ജില്ലയില്‍ 98 പേര്‍ പകര്‍ച്ചവ്യാധികള്‍ മൂലം മരിച്ചിരുന്നു. ഇതില്‍ 45 പേരും ഡെങ്കിപ്പനി മൂലമാണ് മരിച്ചത്. വരും വര്‍ഷം ഇത്തരം മരണങ്ങള്‍ നിയന്ത്രിക്കണം. ഇതിനായി വിവിധ വകുപ്പുകളുടെ ഏകോപനം അനിവാര്യമാണെന്നും ജില്ലാ കലക്റ്റര്‍ പറഞ്ഞു.

    റെയില്‍ അറ്റകുറ്റ പണികള്‍ക്കായി  ലക്കിടി റെയില്‍വെ ഗേറ്റ് ജനുവരി ഒന്നിന് രാവിലെ എട്ട് മുതല്‍ ജനുവരി രണ്ടിന് വൈകിട്ട് ആറ് വരെ അടച്ചിടും. ഇതുവഴിയുള്ള വാഹനങ്ങള്‍  ഒറ്റപ്പാലം-മായന്നൂര്‍ വഴി പോകണമെന്ന് റെയില്‍വെ അസി.ഡിവിഷനല്‍ എഞ്ചിനിയര്‍ അറിയിച്ചു.