സി-ഡിറ്റ് നടത്തുന്ന മാറ്റ്‌ലാബ് പരിശീലനത്തിന് അപേക്ഷ ക്ഷണിച്ചു. 20 നും 26 നും മദ്ധ്യേ പ്രായമുളള പട്ടികജാതി വിഭാഗത്തില്‍പ്പെട്ടവര്‍ക്ക് അപേക്ഷിക്കാം. നാലു മാസത്തെ പരിശീലനത്തിന് ഇലക്‌ട്രോണിക്‌സ്, ഇലക്ട്രിക്കല്‍, കമ്പ്യൂട്ടര്‍ സയന്‍സ്, ഐ.ടി, അപ്ലൈഡ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം / എം.സി.എ പാസ്സായവര്‍/ കോഴ്‌സ് പൂര്‍ത്തീകരിച്ചവര്‍ക്കും  ബി.എസ്.സി (കമ്പ്യൂട്ടര്‍ സയന്‍സ്/ഇലക്‌ട്രേണിക്‌സ്) പാസ്സായവര്‍ക്കും അപേക്ഷിക്കാം.

സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ ദേശീയ പട്ടികവര്‍ഗ്ഗ ധനകാര്യ വികസന കോര്‍പ്പറേഷന്റെ സഹായത്തോടെ നടപ്പാക്കുന്ന വിവിധ വായ്പ പദ്ധതികള്‍ക്ക് പട്ടികവര്‍ഗ്ഗ വിഭാഗത്തില്‍പ്പെട്ട യുവതീയുവാക്കളില്‍ നിന്ന് അപേക്ഷ ക്ഷണിച്ചു. ഡീസല്‍ ഓട്ടോറിക്ഷാ വായ്പ പദ്ധതി, ആദിവാസി മഹിള സശാക്തീകരണ്‍ യോജന, പട്ടികവര്‍ഗ്ഗ സംരംഭകര്‍ക്കുളള വായ്പാ പദ്ധതി എന്നിവയ്ക്ക് അപേക്ഷിക്കാം.

ജില്ലാതല പോലീസ് കംപ്ലയിന്റ് അതോറിറ്റി യോഗം 30 ന് നവംബര്‍ 30 രാവിലെ 11 ന് കളക്ടറേറ്റില്‍ നടക്കും.
 

ജില്ലാ ആസൂത്രണസമിതി യോഗം നവംബര്‍ 20 വൈകീട്ട് 3 ന് ആസൂത്രണഭവന്‍ കോണ്‍ഫറന്‍സ് ഹാളില്‍ നടക്കും.
 

സംസ്ഥാന  സ്‌കൂള്‍ കലോത്സവത്തിന്റെ സംഘാടക സമിതി യോഗം നവംബര്‍ 17 രാവിലെ 9.30 ന് തൃശൂര്‍ ടൗണ്‍ ഹാളില്‍ നടക്കും. 58-ാമത് സ്‌കൂള്‍ കലോത്സവത്തിന്റെ സംഘാടക സമിതി യോഗം വിദ്യാഭ്യാസ വകുപ്പ് മന്ത്രി പ്രൊഫ.സി.രവീന്ദ്രനാഥ് ഉദ്ഘാടനം ചെയ്യും. വ്യവസായ വകുപ്പ് മന്ത്രി എ.സി.മൊയ്തീന്‍ അദ്ധ്യക്ഷത വഹിക്കും.

ഏഷ്യയിലെ ഏറ്റവും വലിയ കലാമേളയ്ക്ക് ഈ വര്‍ഷം ആതിഥ്യമരുളുന്നത് സാംസ്‌കാരിക നഗരിയായ തൃശൂരാണ്. ജനപ്രതിനിധികള്‍, കലാ-സാംസ്‌കാരിക-സാഹിത്യനായകന്‍മാര്‍, പൗരപ്രമുഖര്‍, സന്നദ്ധപ്രവര്‍ത്തകര്‍, വിവിധ വകുപ്പുമേധാവികള്‍ തുടങ്ങിയവര്‍ പങ്കെടുക്കും.
 

മാറുന്ന കാലഘട്ടത്തിന്റെ മാറ്റങ്ങള്‍ അറിയാന്‍ ദേശീയ മാധ്യമദിനമായ ഇന്ന് (നവംബര്‍ 16) ജില്ലാ ഇന്‍ഫര്‍മേഷന്‍ ഓഫീസ്, തൃശൂര്‍ പ്രസ് ക്ലബ് എന്നിവയുടെ സംയുക്താഭിമുഖ്യത്തില്‍ പ്രസ് ക്ലബ് ഹാളില്‍ രാവിലെ 11 ന് മാധ്യമങ്ങളും ഭരണനിര്‍വ്വഹണവും എന്ന വിഷയത്തില്‍ സെമിനാര്‍ നടക്കും. ഉദ്ഘാടനം കോര്‍പ്പറേഷന്‍ മേയര്‍ അജിത ജയരാജന്‍  നിര്‍വഹിക്കും.

ജില്ലയില്‍ തീര്‍ഥാടന കാലത്ത് ബാലവേല, ബാലഭിക്ഷാടനം, ബാലചൂഷണം എന്നിവ തടയുന്നതിനായി സാമൂഹ്യനീതി വകുപ്പ്- ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്‍റെ ആഭിമുഖ്യത്തില്‍ ജില്ലാഭരണകൂടത്തിന്‍റെ സഹകരണത്തോടെ നടപ്പിലാക്കുന്ന ഓപ്പറേഷന്‍ ശരണബാല്യം പദ്ധതിയുടെ ഉദ്ഘാടനം  ഇന്ന് (16ന്)  വൈകിട്ട് 4ന്  ആരോഗ്യ- സാമൂഹ്യനീതി വകുപ്പ് മന്ത്രി ശ്രീമതി കെ.കെ. ശൈലജ ടീച്ചര്‍ പമ്പയില്‍ നിര്‍വഹിക്കും.

ഭിന്നശേഷിദിനം വിപുലമായി ആചരിക്കുന്നതിന് അഡീഷണല്‍ ജില്ലാ മജിസ്ട്രേറ്റ് അനു എസ്.നായരുടെ അധ്യക്ഷതയില്‍ കളക്ടറേറ്റില്‍ ചേര്‍ന്ന ആലോചനായോഗത്തില്‍ തീരുമാനമായി. ദിനാചരണ പരിപാടികള്‍ ഡിസംബര്‍ അഞ്ചിന് പത്തനംതിട്ട സെന്‍റ് സ്റ്റീഫന്‍സ് ഓഡിറ്റോറിയത്തില്‍ നടക്കും. ജില്ലയിലെ വിവിധ സ്പെഷ്യല്‍ സ്കൂളുകളില്‍ നിന്നുള്ള വിദ്യാര്‍ഥികളുടെ കലാകായിക പരിപാടികള്‍ നടക്കും.

ശബരിമല തീര്‍ഥാടനകാലത്ത് പമ്പയും അനുബന്ധ സ്ഥലങ്ങളും മാലിന്യമുക്തമായി സൂക്ഷിക്കുന്നതിന് ഹയര്‍ സെക്കന്‍ഡറി വിദ്യാര്‍ഥികളുടെ ആഭിമുഖ്യത്തിലു ള്ള ബോധവത്ക്ക ര ണ പരിപാടികള്‍ ഇന്ന് (16) തുടങ്ങും.  ജില്ലയിലെ സൗഹൃദ ക്ലബ്ബിന്‍റെ നേതൃത്വത്തില്‍ ഹയര്‍ സെക്കന്‍ഡറി തലത്തിലുള്ള 50 കുട്ടികള്‍ വീതം തീര്‍ഥാടന കാലത്ത് എല്ലാദിവസവും പമ്പയിലും അനുബന്ധ സ്ഥലങ്ങളിലും എത്തി ശബരിമലയില്‍ പ്ലാസ്റ്റിക്കിന്‍റെ ഉപയോഗത്തിനെതിരെയും പമ്പയില്‍ വസ്ത്രങ്ങള്‍ ഉപേക്ഷിക്കുന്നതിനെതിരെയും തീര്‍ഥാടകരെ ബോധവത്ക്കരിക്കും. 

മാധ്യമ ദിനാചരണത്തിന്‍റെ ഭാ ഗമായി  മാധ്യമ സ്വാതന്ത്ര്യം ഇന്‍ഡ്യയില്‍ പ്രതീക്ഷകളും വെല്ലുവിളികളും എന്ന വിഷയത്തില്‍ ജില്ലാ ഇന്‍ഫര്‍മേഷന്‍ ഓഫീസിന്‍റെയും പത്തനംതിട്ട പ്രസ് ക്ലബ്ബിന്‍റെയും ആഭിമുഖ്യത്തില്‍ പ്രസ് ക്ലബ്ബില്‍ വച്ച് മാധ്യമ സെമിനാര്‍ 16.11.2017 രാവിലെ 11.30ന് പ്രസ് ക്ലബ്ബില്‍ വച്ച് സെമിനാര്‍ നടത്തുന്നു.

വീണാജോര്‍ജ് എംഎല്‍എ ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി തുടങ്ങിയവര്‍ പങ്കെടുക്കും. എല്ലാ മാധ്യമ പ്രവ ര്‍ത്തകരും സെമിനാറിന് എത്തണമെന്ന് അഭ്യര്‍ത്ഥിക്കുന്നു. 
                                        

ജില്ലാ ഇന്‍ഫര്‍മേഷന്‍ ഓഫീസര്‍