ആലപ്പുഴ: ജില്ല പഞ്ചായത്തിന്റെ മാലിന്യമുക്ത ജില്ല പദ്ധതിയുടെ ഭാഗമായി ഹരിത കര്‍മസേന പഴയ തുണികള്‍ ശേഖരിക്കുന്നു. 'ഓണക്കോടി വാങ്ങിയില്ലേ പഴയതുണികള്‍ ഇനി പടിക്കു പുറത്ത്' എന്ന കാമ്പയിന്റെ ആദ്യഘട്ടമായാണ് ഹരിത സഹായ സ്ഥാപനമായി പ്രവര്‍ത്തിക്കുന്ന തദ്ദേശ സ്ഥാപനങ്ങളിലല്‍ നിന്നും പഴയ തുണികള്‍ ശേഖരിക്കുന്നത്. ജില്ലയിലെ 39 പഞ്ചായത്തുകളിൽ നിന്നുമായി ഈ മാസം1000 ടണ്‍ തുണി മാലിന്യങ്ങൾ ശേഖരിച്ച് തരം തിരിച്ച് കയറ്റി അയക്കുകയാണ് പദ്ധതി.

ആലപ്പുഴ: അരൂക്കുറ്റി സാമൂഹിക ആരോഗ്യ കേന്ദ്രത്തില്‍ ഐസൊലേഷന്‍ വാര്‍ഡ് ഒരുങ്ങുന്നു.  കോവിഡ് പോലുള്ള മഹാമാരികൾ, മറ്റ് പകര്‍ച്ചവ്യാധികൾ തുടങ്ങിയവ നേരിടാൻ ആരോഗ്യ മേഖലയെ കൂടുതല്‍ സജ്ജമാക്കുന്നതിന്റെ ഭാഗമായാണ് വാര്‍ഡ് ഒരുക്കുന്നത്.
 
1.75 കോടി രൂപ ചെലഴിച്ചാണ് ആധുനിക സാങ്കേതിക വിദ്യയില്‍ വാര്‍ഡ് പണിയുന്നത്. എം.എല്‍.എ. ആസ്ഥി വികസന ഫണ്ട്, കിഫ്ബി ഫണ്ട് എന്നിവയില്‍ ഉള്‍പ്പെടുത്തിയാണ് പണം അനുവദിച്ചിരിക്കുന്നത്. കെട്ടിടത്തിന്റെ സ്ട്രക്ചര്‍ ജോലികളാണ് നിലവില്‍ നടക്കുന്നത്.

പന്ത്രാംകുഴി നെല്ലിവിള കെഎപി പാലം പ്രവര്‍ത്തനോദ്ഘാടനം ഡെപ്യൂട്ടി സ്പീക്കര്‍ നിര്‍വഹിച്ചു

നിര്‍മ്മാണം 45 ലക്ഷം രൂപ എംഎല്‍എ ആസ്തിവികസന ഫണ്ട് ഉപയോഗിച്ച്

ആലപ്പുഴ: കായംകുളത്തെ കോടതി സമുച്ചയത്തിന്റെ നിർമാണ പ്രവര്‍ത്തനങ്ങള്‍ അന്തിമഘട്ടത്തിൽ. സെപ്റ്റംബര്‍ 16നകം പണി പൂര്‍ത്തിയാക്കാനാണ് ലക്ഷ്യമിടുന്നത്. മൂന്നു നിലകളിലായുള്ള കെട്ടിടത്തിന്റെ ചുറ്റുമതില്‍കെട്ടൽ, ഇന്റര്‍ലോക്ക് ടൈല്‍ പാകല്‍, ലാന്‍ഡ്‌സ്‌കേപിങ്ങ് തുടങ്ങിയ ജോലികളാണ് ഇപ്പോൾ നടക്കുന്നത്. സംസ്ഥാന സര്‍ക്കാരിന്റെ ബജറ്റ് ഫണ്ടില്‍ നിന്നും 15 കോടി രൂപ ചെലവഴിച്ച് 3974 ചതുരശ്ര മീറ്റര്‍ വിസ്തൃതിയിലാണ് പുതിയ കെട്ടിടം നിര്‍മിക്കുന്നത്. 

ആലപ്പുഴ: തെക്കേക്കര ഗ്രാമപഞ്ചായത്തിലെ സീഗള്‍സ് ഫ്രഷ് ഹട്ട് എന്ന ലൈവ് മത്സ്യ മാര്‍ക്കറ്റിംഗ് ഔട്ട്‌ലെറ്റിന് ഒരു പ്രത്യേകതയുണ്ട്. സ്വന്തമായി ഫോര്‍മാലിന്‍ പരിശോധന നടത്തി വിഷരഹിതമെന്ന് ഉറപ്പുവരുത്തിയ ശേഷം ഇവിടെ നിന്നു മത്സ്യങ്ങള്‍ വാങ്ങാം. തെക്കേക്കരയില്‍ ഫിഷറീസ് വകുപ്പ് നടപ്പാക്കുന്ന സുഭിക്ഷ കേരളം ജനകീയ മത്സ്യകൃഷി പദ്ധതിയുടെ ഭാഗമായാണ് ലൈവ് മത്സ്യ മാര്‍ക്കറ്റിംഗ് ഉള്‍പ്പടെയുള്ള ഔട്ട്‌ലെറ്റ് ആരംഭിച്ചിരിക്കുന്നത്. ജില്ലയിലെ ആദ്യ ലൈവ് മത്സ്യ മാര്‍ക്കറ്റ് ഔട്ട്‌ലെറ്റെന്ന പ്രത്യേകതയും ഇതിനുണ്ട്.   

ആലപ്പുഴ: സംസ്ഥാനത്തെ സർക്കാർ സ്കൂളുകളിൽ മികച്ച അടിസ്ഥാന സൗകര്യങ്ങൾ ഉറപ്പാക്കിയെന്ന് കൃഷി മന്ത്രി പി. പ്രസാദ്. തമ്പകച്ചുവട് ഗവ. യു.പി. സ്‌കൂളില്‍ നിര്‍മിച്ച പുതിയ കെട്ടിടത്തിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. സ്‌കൂള്‍ കെട്ടിടങ്ങള്‍, ലാബുകള്‍, കളിസ്ഥലങ്ങള്‍, ശുചിമുറികള്‍, പാചകപ്പുരകള്‍ തുടങ്ങി പൊതുവിദ്യാലയങ്ങളിലെ അടിസ്ഥാന സൗകര്യങ്ങള്‍ മെച്ചപ്പെടുത്താനായി ഓരോ വര്‍ഷവും കോടിക്കണക്കിന് രൂപയാണ് സര്‍ക്കാര്‍ ചെലവാക്കുന്നത്, മന്ത്രി പറഞ്ഞു.

ബോട്ടില്‍ ബൂത്തിന് പുറമെ പാതയോരങ്ങളില്‍ മാലിന്യക്കൊട്ടകള്‍ സ്ഥാപിക്കണമെന്നും പൊതുസ്ഥലങ്ങളില്‍ വാഹനങ്ങളിലെത്തി മാലിന്യം തള്ളുന്നവര്‍ക്കെതിരെ പരിശോധന കര്‍ശനമാക്കണമെന്നും തദ്ദേശ സ്വയംഭരണ-എക്സൈസ് വകുപ്പ് മന്ത്രി എം.ബി രാജേഷ്. മാലിന്യമുക്തം നവകേരളം ക്യാമ്പയിനിന്റെ കളക്ടറേറ്റ് കോണ്‍ഫറന്‍സ് ഹാളില്‍ നടന്ന രണ്ടാംഘട്ട പ്രവര്‍ത്തന അവലോകനയോഗത്തില്‍ സംസാരിക്കുകയായിരുന്നു മന്ത്രി.

കേരള പബ്ലിക് സര്‍വീസ് കമ്മിഷന്‍ നടത്തുന്ന വിവിധ മത്സര പരീക്ഷകള്‍ക്കായി തയ്യാറെടുക്കുന്ന ഉദ്യോഗാര്‍ത്ഥികള്‍ക്കായി പാലക്കാട് ജില്ലാ എംപ്ലോയ്മെന്റ് എക്സ്ചേഞ്ച് വി.ജി യൂണിറ്റും ചിറ്റൂര്‍ ടൗണ്‍ എംപ്ലോയ്മെന്റ് എക്സ്ചേഞ്ചും സംയുക്തമായി ഒരു മാസക്കാലയളവിലേക്ക് സൗജന്യ മത്സര പരീക്ഷാ പരിശീലനം സംഘടിപ്പിക്കുന്നു. പങ്കെടുക്കാന്‍ താത്പര്യമുള്ളവര്‍ സെപ്റ്റംബര്‍ 11 ന് വൈകിട്ട് അഞ്ചിനകം ചിറ്റൂര്‍ മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ടൗണ്‍ എംപ്ലോയ്മെന്റ് എക്സ്ചേഞ്ചില്‍ രജിസ്റ്റര്‍ ചെയ്യണം.

തൃത്താല ഗവ ആര്‍ട്സ് ആന്‍ഡ് സയന്‍സ് കോളെജില്‍ ഒന്നാം വര്‍ഷ എം.എസ്.സി മാത്തമാറ്റിക്സ് വിത്ത് ഡാറ്റാ സയന്‍സില്‍ എസ്.സി/ എസ്.ടി സീറ്റുകളിലെ ഓരോ ഒഴിവുകളിലേക്ക് അപേക്ഷിക്കാം. യോഗ്യരായ വിദ്യാര്‍ത്ഥികള്‍ സെപ്റ്റംബര്‍ ഏഴിന് രാവിെ 10 നകം യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ അടങ്ങിയ അപേക്ഷ കോളെജ് ഓഫീസില്‍ എത്തിക്കണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0486 2270335

പാലക്കാട് ഗവ പോളിടെക്നിക് കോളെജില്‍ സിവില്‍, മെക്കാനിക്കല്‍ എന്‍ജിനീയറിങ് സായാഹ്ന ഡിപ്ലോമ കോഴ്സിലേക്ക് സെപ്റ്റംബര്‍ എട്ടിന് കോളെജിലെ അഡ്മിനിസ്ട്രേറ്റീവ് ബ്ലോക്കില്‍ സ്പോട്ട് അഡ്മിഷന്‍ നടക്കും. ഫൈനല്‍ റാങ്ക് ലിസ്റ്റിലുള്ളവരും പുതുതായി അപേക്ഷിക്കുന്നവരും അന്നേദിവസം രാവിലെ ഒമ്പത് മുതല്‍ 11 വരെ അസല്‍ സര്‍ട്ടിഫിക്കറ്റുകളും ഫീസുമായി എത്തണം. 20,000 രൂപ (17,000 രൂപ എ.ടി.എം കാര്‍ഡ് വഴി മാത്രമേ സ്വീകരിക്കൂ, 3000 രൂപ കൈയ്യിലും) കരതണം. അഡ്മിഷന്‍ സമയത്ത് വിദ്യാര്‍ത്ഥികളുടെ കൂടെ ഒരു രക്ഷിതാവിനെയും കൊണ്ടുവരണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0491 2572640