വിവിധ കാരണങ്ങളാല്‍ പ്രതിസന്ധിയിലായ സംരംഭകര്‍ക്ക് സംരംഭം പുനരുജ്ജീവിപ്പിക്കാന്‍ കണ്ണൂര്‍ ജില്ലാ പഞ്ചായത്ത് പദ്ധതിയായ ഇന്‍വെസ്റ്റേര്‍സ് ഡെസ്‌കിന്റെ ആഭിമുഖ്യത്തില്‍ അവസരമൊരുക്കുന്നു. വിവിധ വകുപ്പ് ഉദ്യോഗസ്ഥരുടെ സാന്നിധ്യത്തില്‍ നടത്തുന്ന മുഖാമുഖം പരിപാടിയില്‍ പങ്കെടുക്കാന്‍ താല്‍പര്യമുളള സംരംഭകര്‍ രജിസ്റ്റര്‍ ചെയ്യുക. ഫോണ്‍: 9188952109, 9188952110

കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകാൻ പാടില്ല.സെപ്റ്റംബർ ആറ്, ഏഴ് തിയ്യതികളിൽ കേരള - കർണാടക - ലക്ഷദ്വീപ് തീരങ്ങളിൽ  മണിക്കൂറിൽ 40  മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാൽ ഈ ദിവസങ്ങളിൽ മത്സ്യബന്ധനത്തിന് പോകുവാൻ പാടുള്ളതല്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

സംസ്ഥാന ടൂറിസം വകുപ്പ് സംഘടിപ്പിക്കുന്ന വള്ളംകളി ലീഗായ ചാമ്പ്യന്‍സ് ബോട്ട് ലീഗിന്റെ (സിബിഎല്‍ ) ഭാഗമായി ചുരുളന്‍ വള്ളങ്ങളെ ഉള്‍പ്പെടുത്തിയുള്ള മത്സരങ്ങള്‍ സെപ്റ്റംബര്‍ ഒമ്പതിന് ഉച്ചക്ക് 2.30ന് മുഴപ്പിലങ്ങാട് കടവിന് സമീപം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.

ആലപ്പുഴ: കൃഷി വകുപ്പ്, മുംബൈ ആസ്ഥാനമായ ഇന്ത്യൻ ഇൻസ്റ്റിറ്റ്യൂട്ട് ഓഫ് പാക്കേജിങ്ങുമായി ചേർന്ന് കാർഷിക സംരംഭകർക്ക് പാക്കേജിങ്ങിൽ പരിശീലനം നൽകി. കൃഷി മന്ത്രി പി. പ്രസാദ് പരിശീലനം ഉദ്ഘാടനം ചെയ്തു. ജില്ലയിലെ കാർഷിക ഉത്പന്നങ്ങളുടെ മൂല്യവർധിത ഉത്പന്നങ്ങൾ ഉണ്ടാക്കുന്ന വ്യക്തിഗത സംരംഭകർ, കൃഷിക്കൂട്ടങ്ങളുടെ പ്രതിനിധികൾ, കർഷക ഉത്പാദക സംഘടനകൾ, പ്രാഥമിക സഹകരണ സംഘങ്ങളുടെ പ്രതിനിധികൾ എന്നിവർക്കാണ് ദ്വിദിന പരിശീലനം നൽകിയത്.

ആലപ്പുഴ: ചാരുംമൂട് മിനി സിവിൽ സ്റ്റേഷൻ നിർമിക്കുന്നതിന് 5.22 കോടി രൂപയുടെ ഭരണാനുമതി ലഭിച്ചതായി എം.എസ്. അരുൺകുമാർ എം.എൽ.എ അറിയിച്ചു. റ്റി.എസും, ടെണ്ടർ നടപടികളും പൂർത്തിയാവുന്നതോടെ നിർമ്മാണം ആരംഭിക്കും. കെ.പി. റോഡിനോട് ചേർന്ന് പാലൂത്തറ ജംഗ്ഷന് സമീപമുള്ള 46 സെന്റ് സ്ഥലത്താണ് മിനി സിവിൽ സ്റ്റേഷൻ നിർമിക്കുന്നത്. 

ആലപ്പുഴ: വ്യവസായ സംരംഭങ്ങളെ പ്രോത്സാഹിപ്പിക്കുന്നതിനും അവയെ അംഗീകരിക്കുന്നതിനുമായി വ്യവസായ വാണിജ്യ വകുപ്പ് പുരസ്‌കാരം നല്‍കുന്നു. സംരംഭക വര്‍ഷം 2022-23 പദ്ധതിയുടെ ഭാഗമായി സംസ്ഥാന തലത്തിലും ജില്ലാ തലത്തിലും മികച്ച പ്രവര്‍ത്തനം കാഴ്ചവെച്ച തദ്ദേശ സ്വയംഭരണ സ്ഥാപനങ്ങള്‍ക്കാണ് പുരസ്‌ക്കാരം. http://awards.industry.kerala.gov.in എന്ന പോര്‍ട്ടലിലിലൂടെ സെപ്റ്റംബര്‍ 23 വരെ അപേക്ഷിക്കാം.

ആലപ്പുഴ: ജില്ല എംപ്ലോയ്മെന്റ് എക്സ്ചേഞ്ചിനു കീഴിലുള്ള എംപ്ലോയബിലിറ്റി സെന്ററില്‍ സെപ്റ്റംബര്‍ എട്ടിന് രാവിലെ 10ന് വിവിധ തസ്തികകളിലേക്ക് അഭിമുഖം നടത്തുന്നു.

ബാക്ക് ഓഫീസ് അസിസ്റ്റന്റ് (സ്ത്രീകള്‍- ബിരുദം), സെയില്‍സ് എക്സിക്യൂട്ടീവ്, ഷോറൂം സെയില്‍സ് എക്സിക്യൂട്ടീവ് (യോഗ്യത ബിരുദം), കമ്പ്യൂട്ടര്‍ ഹാര്‍ഡ് വെയര്‍ ടെക്‌നീഷ്യന്‍ (ഡിഗ്രി/ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ് വെയര്‍) ഫ്രണ്ട് ഓഫീസ് സ്റ്റാഫ്/ടെലികോളര്‍ (പ്ലസ് ടു/ഡിഗ്രി), മെക്കാനിക് (ടു വീലര്‍- ഐ.ടി.ഐ/ഡിപ്ലോമ), ഡെലിവറി ബോയ്സ് (എസ്.എസ്.എല്‍.സി.) എന്നിവയാണ് തസ്തികകള്‍. 

ആലപ്പുഴ: ചെങ്ങന്നൂര്‍ ഗവ.ഐ.ടി.ഐ. (വനിത) യിലെ വിവിധ ട്രേഡുകളിലേക്ക് പ്രവേശനത്തിനായി ഓഫ്‌ലൈന്‍ അപേക്ഷ ക്ഷണിച്ചു. സര്‍വ്വേയര്‍, ഇലക്ട്രോണിക്സ് മെക്കാനിക്ക്, കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ്, കമ്പ്യൂട്ടര്‍ ഹാര്‍ഡ് വെയര്‍ അന്റ് നെറ്റ് വര്‍ക്ക് മെയിന്‍ന്റനന്‍സ്, സ്റ്റെനോഗ്രാഫര്‍ അന്റ് സെക്രട്ടേറിയല്‍ അസിസ്റ്റന്റ് (ഇംഗ്ലീഷ്), ഡ്രസ്സ് മേക്കിങ് എന്നിവയാണ് ട്രേഡുകള്‍. 

താത്പര്യമുള്ളവര്‍ സെപ്റ്റംബര്‍ 23നകം ഐ.ടി.ഐ.യില്‍ നേരിട്ടെത്തി അപേക്ഷ നല്‍കണം. ഫോണ്‍: 9496463390, 9446321018.

ആലപ്പുഴ: ഗവണ്‍മെന്റ് ദന്തല്‍ കോളജിലേക്ക് എയറോട്ടര്‍ ഹാന്‍ഡ് പീസ്, സര്‍ജിക്കല്‍ മൈക്രോ മോട്ടോര്‍, ടിഷ്യു ഫ്ലോട്ടേഷന്‍ വാട്ടര്‍ ബാത്ത്, വാട്ടര്‍ പ്യൂരിഫയര്‍ വിത്ത് എക്സ്റ്റേണല്‍ ഫില്‍റ്റര്‍ യുണിറ്റ്, അള്‍ട്രോസോണിക് സ്‌കെലാര്‍ വിത്ത് എന്‍ഡോ മോഡ്, ഫ്രണ്ട് ലോഡിങ് ഓട്ടോക്ലേവ്, ദന്തല്‍ ലാഥെ, ദന്തല്‍ ലാബ് മൈക്രോ മോട്ടോര്‍ ഹാന്‍ഡ് പീസ് വിത്ത് കണ്‍ട്രോള്‍ യൂണിറ്റ് എന്നിവ വാങ്ങുന്നതിന് ക്വട്ടേഷന്‍ ക്ഷണിച്ചു. സെപ്റ്റംബര്‍ എട്ടിന് രാവിലെ 11 വരെ നല്‍കാം. വിലാസം- പ്രിന്‍സിപ്പാള്‍, ഗവണ്‍മെന്റ് ദന്തല്‍ കോളജ്, ആലപ്പുഴ. ഫോണ്‍: 0477 2280502.

ആലപ്പുഴ: ചേപ്പാട്- കായംകുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 142, 143, 145 യഥാക്രമം (ഏലക്കുളങ്ങര, ഇടശ്ശേരി, പത്തിയൂര്‍) സെപ്റ്റംബര്‍ ആറിന് രാവിലെ ആറു മുതല്‍ വൈകിട്ട് ആറുവരെ അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ പത്തിയൂര്‍പ്പടി  ഗേറ്റ് (നമ്പര്‍ 141), എരുവ ഗേറ്റുകള്‍ (നമ്പര്‍ 146) വഴി പോകണം.