കോട്ടയം: പള്ളിക്കത്തോട് ഗവൺമെന്റ് ഐ.ടി.ഐയിലെ വിവിധ ട്രേഡുകളിലേക്ക് അപേക്ഷിച്ചവരിൽ ഇൻഡക്‌സ് മാർക്ക് 145 വരെയുള്ളവർ സെപ്റ്റംബർ ഏഴിന് രാവിലെ ഒമ്പതു മണിക്കും ഇൻഡക്‌സ് മാർക്ക് 145 ൽ താഴെയുള്ളവർ സെപ്റ്റംബർ എട്ടിന് രാവിലെ ഒമ്പത് മണിക്കും അസൽ സർട്ടിഫിക്കറ്റുകൾ, ടി.സി, ഫീസ് സഹിതം കൗൺസലിംഗിൽ പങ്കെടുക്കുന്നതിന് ഐ.ടി.ഐയിൽ ഹാജരാകണം. അലോട്ട്‌മെന്റ് ലഭിച്ചിട്ടും ഹാജരാകാതിരുന്ന അപേക്ഷകർക്കും ഈ കൗൺസിലിംഗിൽ പങ്കെടുക്കാം. വിശദവിവരത്തിന് 6238139057,9495750158

കോട്ടയം : പുതുപ്പള്ളി നിയമസഭ നിയോജകമണ്ഡലം ഉപതെരഞ്ഞെടുപ്പിൽ വോട്ട് ചെയ്യാൻ എത്തിയ മാതാപിതാക്കൾക്കൊപ്പം വന്ന കുട്ടികൾക്ക്

കോട്ടയം: പിങ്കിൽ തിളങ്ങി പുതുപ്പള്ളി നിയോജകമണ്ഡലത്തിൽ 10 പോളിങ് ബൂത്തുകൾ. വനിതകൾ നിയന്ത്രിച്ച 10 ബൂത്തുകളാണ് പിങ്ക് നിറത്തിൽ അലങ്കരിച്ച് സമ്മതിദായകർക്കു സ്വാഗതമോതിയത്. സ്വാഗതമോതി പിങ്ക് നിറത്തിലുള്ള കമാനങ്ങൾ, പിങ്ക് നിറത്തിലുള്ള ബലൂൺ കമാനങ്ങൾ, മേശവിരികൾ, റിബണുകൾ,  തോരണങ്ങൾ എന്നിവയൊക്ക ഉപയോഗിച്ചാണ് വനിതാ ബൂത്തുകൾ ഒരുക്കിയത്. ദിശാ ബോർഡുകളും പിങ്ക് നിറത്തിലാണ് തയ്യാറാക്കിയത്. പ്രിസൈഡിംഗ് ഓഫീസർ, പോളിംഗ് ഉദ്യോഗസ്ഥർ, സുരക്ഷയ്ക്കായുള്ള പോലീസ് ഉദ്യോഗസ്ഥർ എന്നിവർ വനിതകളായിരുന്നു.  

നെയ്യാറ്റിൻകര, കുളത്തൂർ ഗവൺമെൻറ് ടെക്നിക്കൽ ഹൈസ്കൂളിന്റെ അനുബന്ധ സ്ഥാപനങ്ങളായി പാറശാല, കാഞ്ഞിരംകുളം എന്നിവിടങ്ങളിൽ പ്രവർത്തിക്കുന്ന ഗവൺമെൻറ് ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ് സെൻ്ററുകളിൽ താൽക്കാലിക ഇംഗ്ലീഷ് അധ്യാപക ഒഴിവ്. ഹയർസെക്കൻഡറി അധ്യാപനത്തിന് അർഹരായ ഉദ്യോഗാർത്ഥികൾ അസ്സൽ സർട്ടിഫിക്കറ്റുകളും അനുബന്ധ രേഖകളുമായി സെപ്റ്റംബർ 11 തിങ്കളാഴ്ച രാവിലെ 10 മണിക്ക് നെയ്യാറ്റിൻകര കുളത്തൂർ ഗവൺമെൻറ് ടെക്നിക്കൽ ഹൈസ്കൂൾ കാര്യാലയത്തിൽ നടക്കുന്ന ആഭിമുഖത്തിന് ഹാജരാകേണ്ടതാണ്. കൂടുതൽ വിവരങ്ങൾക്ക് ഫോൺ നമ്പർ: 04712210671, 9400006461

2021-22 വർഷത്തെ എം.എൽ.എ യുടെ പ്രത്യേക വികസന ഫണ്ടിൽ ഉൾപ്പെടുത്തി വളപട്ടണം  കുടുംബാരോഗ്യ കേന്ദ്രത്തിൽ  സ്ഥാപിച്ച ജനറേറ്ററിന്റെ സ്വിച്ച് ഓൺ കർമ്മം കെ വി സുമേഷ് എം എൽ എ നിർവ്വഹിച്ചു.
 കണ്ണൂർ ജില്ലാ പഞ്ചായത്ത് സ്ഥിരം സമിതി അധ്യക്ഷ അഡ്വ ടി.സരള, ബ്ലോക്ക് പഞ്ചായത്ത് പ്രസിഡണ്ട് കെ സി ജിഷ, വളപട്ടണം പഞ്ചായത്ത് പ്രസിഡണ്ട് പിപിഷമീമ, വൈസ് പ്രസിഡണ്ട് വികെസിജംഷീറ, സ്റ്റാൻഡിങ് കമ്മിറ്റി ചെയർമാന്മാരായ സി വി നൗഷാദ്, എ ടി സഹീർ, ഡെപ്യൂട്ടി ഡിഎംഒ കെ ടി രേഖ,  വളപട്ടണം മെഡിക്കൽ ഓഫീസർ സോനു ബി നായർ, ചന്ദ്രൻ പാലക്കൽ, അഷറഫ് ഇളയേടത്ത് എന്നിവർ സംബന്ധിച്ചു

തൃക്കരിപ്പൂര്‍ ഗവ. പോളിടെക്‌നിക് കോളേജില്‍ ഈ അധ്യയന വര്‍ഷത്തെ ഡിപ്ലോമ കോഴ്‌സുകളില്‍ നിലവിലുള്ള ഒഴിവുകളിലേക്ക് സെപ്റ്റംബര്‍ 11ന് തത്സമയ പ്രവേശനം നടത്തുന്നു. ഇതുവരെ അപേക്ഷ സമര്‍പ്പിക്കാത്ത വിദ്യാര്‍ഥികള്‍ക്ക് പുതിയ അപേക്ഷ സമര്‍പ്പിക്കാം.  താല്‍പര്യമുള്ള വിദ്യാര്‍ഥികള്‍ സെപ്റ്റംബര്‍ ഏഴിന് രാവിലെ 10 മണി മുതല്‍ സെപ്റ്റംബര്‍ എട്ടിന് വൈകീട്ട് നാല് മണി വരെ മുഴുവന്‍ രേഖകളും അപേക്ഷ ഫീസുമായി കോളേജില്‍ എത്തി അപേക്ഷ സമര്‍പ്പിക്കണം. 11 ന് നടക്കുന്ന തത്സമയ പ്രവേശനത്തില്‍ പങ്കെടുക്കുകയും വേണം.

തോട്ടട ഗവ. പോളിടെക്നിക് കോളേജിൽ ഒഴിവുള്ള ഡിപ്ലോമ സീറ്റുകളിലേക്കുള്ള തത്സമയ പ്രവേശനം സെപ്റ്റംബർ എട്ട്, 11 തീയതികളിൽ നടക്കും.

റുഡ്സെറ്റ് ഇൻസ്റ്റിറ്റ്യൂട്ട്, കാനാറാ ബാങ്ക്, റുഡ്സെറ്റ് ഇൻസ്റ്റിറ്റ്യൂട്ട് പൂർവ്വ വിദ്യാർത്ഥി സംഘടനയായ ആർട്ടെ, ജില്ലാ വ്യവസായ കേന്ദ്രം എന്നിവരുടെ സംയുക്താഭിമുഖ്യത്തിൽ റുഡ്സെറ്റ് ഇൻസ്റ്റിറ്റ്യൂട്ടിൽ  വായ്പാ മേള സംഘടിപ്പിച്ചു. മേളയുടെ ഉദ്ഘാടനം  കനാറാ ബാങ്ക് കണ്ണൂർ റീജിയണൽ മാനേജർ രാജേഷ് എ.യു നിർവ്വഹിച്ചു. സംരംഭകത്വ വായ്പ, ഭവന , കാർഷിക  വായ്പകൾ തുടങ്ങി വിവിധ വായ്പകൾകൾക്ക് അന്വേഷണങ്ങൾ ഉണ്ടായി.  മേളയിൽ 100 ൽ പരം പേർ പങ്കെടുത്തു.

പയ്യന്നൂര്‍ റസിഡന്‍ഷ്യല്‍ വിമന്‍സ് പോളിടെക്‌നിക് കോളേജില്‍ മെക്കാനിക്കല്‍ എന്‍ജിനീയറിങ് വിഭാഗം ലക്ചറര്‍ തസ്തികയിലേക്ക് ഗസ്റ്റ് ഫാക്കല്‍റ്റിയെ നിയമിക്കുന്നു. എ ഐ സി ടി ഇ മാനദണ്ഡപ്രകാരം യോഗ്യതയുള്ള ഉദ്യോഗാര്‍ഥികള്‍ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍, ബയോഡാറ്റ എന്നിവയുടെ അസ്സല്‍, പകര്‍പ്പുകള്‍ സഹിതം സെപ്റ്റംബര്‍ 11ന് രാവിലെ 10.30ന് കോളേജ് ഓഫീസില്‍ നടക്കുന്ന എഴുത്തു പരീക്ഷയിലും കൂടിക്കാഴ്ചയിലും പങ്കെടുക്കണം.

ഐ എച്ച് ആര്‍ ഡി യുടെ  നെരുവമ്പ്രത്തെ അപ്ലൈഡ് സയന്‍സ് കോളേജില്‍ ഒന്നാം വര്‍ഷ ബി എസ് സി കമ്പ്യൂട്ടര്‍ സയന്‍സ്, ബികോം കോ-ഓപ്പറേഷന്‍, ബികോം വിത്ത് കമ്പ്യൂട്ടര്‍ അപ്ലിക്കേഷന്‍സ്, ബി എ ഇംഗ്ലീഷ് വിത്ത് ജേര്‍ണലിസം, എം എസ് സി കമ്പ്യൂട്ടര്‍ സയന്‍സ്, എംകോം കോഴ്‌സുകളില്‍ സീറ്റ് ഒഴിവ്്. താല്‍പര്യമുളളവര്‍ അസ്സല്‍ സര്‍ട്ടിഫിക്കറ്റുകളുമായി കോളേജ് ഓഫീസില്‍ നേരിട്ട് ഹാജരാകുക.