ജവഹര്‍ ബാലഭവന്റെ 43-ാം വര്‍ഷികവും ശിശുദിനാഘോഷവും 14ന് ഉച്ചകഴിഞ്ഞ് 3.30ന് ബാലഭവന്‍ മിനി ഓഡിറ്റോറിയത്തില്‍ നടക്കും.
കുട്ടികളുടെ കലാപരിപാടികളോടെയാണ് ആഘോഷങ്ങള്‍ക്ക് തുടക്കം. വൈകുന്നേരം നാലിന് കുട്ടികളുടെ പ്രധാനമന്ത്രി ബി.എസ്. പൂജയുടെ അധ്യക്ഷതയില്‍ ചേരുന്ന സമ്മേളനം എം. മുകേഷ് എം.എല്‍.എ ഉദ്ഘാടനം ചെയ്യും.

ബാലഭവന്‍ ചെയര്‍മാന്‍ ഡോ. കെ. ശ്രീവത്സന്‍ സ്വാഗതവും അധ്യാപക പ്രതിനിധി വി. സജികുമാര്‍ നന്ദിയും പറയും. 

(പി.ആര്‍.കെ.നമ്പര്‍  2572/17)

കൊല്ലം ജില്ലാ ആശുപത്രിയിലെ ലിംബ് ഫിറ്റിംഗ് സെന്ററില്‍ സാധന സാമഗ്രികള്‍ നല്‍കുന്നതിന് നിര്‍മാതാക്കള്‍, അംഗീകൃത വിതരണ കമ്പനികള്‍ എന്നിവരില്‍ നിന്ന് ടെന്‍ഡര്‍ ക്ഷണിച്ചു. ഡിസംബര്‍ നാലിന് രാവിലെ 11 വരെ സ്വീകരിക്കും. വിശദ വിവരങ്ങള്‍ 0474 2742004 എന്ന ഫോണ്‍ നമ്പരില്‍ ലഭിക്കും.

 
(പി.ആര്‍.കെ.നമ്പര്‍  2571/17)

സംസ്ഥാന ബാലാവകാശ കമ്മീഷന്റെ ആഭിമുഖ്യത്തില്‍ നടത്തുന്ന ബാലാവകാശ വാരാചരണത്തിന്റെ ഭാഗമായി കൊല്ലം ജില്ലാ ശിശു സംരക്ഷണ യൂണിറ്റും കൊട്ടിയം എന്‍.എസ്.എസ് ലോ കോളേജും സംയുക്തമായി സംഘടിപ്പിക്കുന്ന വാഹന പ്രചാരണ ജാഥ നവംബര്‍ 14 മുതല്‍ 21 വരെ നടക്കും. 14ന് രാവിലെ 10ന് കൊല്ലം വിമലഹൃദയ സ്‌കൂളില്‍ മജീഷ്യന്‍ ഗോപിനാഥ് മുതുകാട് ജാഥ ഉദ്ഘാടനം ചെയ്യും. ജില്ലാ കളക്ടര്‍ ഡോ. എസ്. കാര്‍ത്തികേയന്‍, സിറ്റി പോലീസ് കമ്മീഷണര്‍ അജിതാ ബേഗം തുടങ്ങിയവര്‍ പങ്കെടുക്കും.

സംസ്ഥാന കരകൗശല വികസന കോര്‍പ്പറേഷന്റെ കൊല്ലം ശാഖയുടെ(കൈരളി) ആഭിമുഖ്യത്തില്‍ കരകൗശല കൈത്തറി മേള ബീച്ച് റോഡിലെ ഹോട്ടല്‍ അമ്പാടിയില്‍ ആരംഭിച്ചു. കോര്‍പ്പറേഷന്‍ കൗണ്‍സിലര്‍ എ.കെ. ഹഫീസ് ഉദ്ഘാടനം ചെയ്തു.

മീററ്റില്‍ നിന്നുള്ള സമ്മര്‍കൂള്‍ റെഡിമേഡ് ഖാദി ഷര്‍ട്ടുകള്‍, കുര്‍ത്തകള്‍, രാജസ്ഥാനിലെ കലംകാരി ലേഡീസ് ടോപ്പുകള്‍, രാജസ്ഥാന്‍-പാനിപ്പട്ട് ബെഡ് ഷീറ്റുകള്‍, തിരുപ്പൂര്‍ ബനിയന്‍ തുടങ്ങി രാജ്യത്തിന്റെ വിവിധ ഭാഗങ്ങളില്‍ നിന്നുള്ള കൈത്തറി, കരകൗശല ഉത്പന്നങ്ങള്‍ മേളയിലുണ്ട്. കരകൗശല കോര്‍പ്പറേഷന്റെ ഷോറൂമുകളില്‍നിന്നുള്ള  തടി ശില്‍പ്പങ്ങള്‍, ഗൃഹാലങ്കാര വസ്തുക്കള്‍ തുടങ്ങിയവയുമുണ്ട്.

താങ്ങാനാകാത്ത ദുരന്തം ഉലച്ച കുടുംബങ്ങള്‍ക്ക് സര്‍ക്കാരിന്റെ കൈത്താങ്ങ്.
ചവറ കെ. എം. എം. എല്‍ ഫാക്ടറിയിലെ എം.എസ്. പ്ലാന്റിനടുത്ത് പാലം തകര്‍ന്ന് മരിച്ചവരുടെ ആശ്രിതര്‍ക്കാണ് പ്രഖ്യാപിച്ച ധനസഹായം അവരുടെ വീടുകളിലെത്തി വ്യവസായ മന്ത്രി എ. സി. മൊയ്തീന്‍ കൈമാറിയത്. പത്തു ലക്ഷം രൂപ വീതമാണ് ഓരോരുത്തരുടേയും ആശ്രിതര്‍ക്ക് നല്‍കിയത്. 

കലാലയം തന്നെ എങ്ങനെ പാഠപുസ്തകമാക്കും ?- ഹയര്‍ സെക്കന്ററിയിലെ അഞ്ജനയ്ക്ക് സംശയം. എല്ലാവര്‍ക്കും എന്തെങ്കിലും അറിവു പകരാന്‍ വിദ്യാലയത്തില്‍ തന്നെ സാഹചര്യമൊരുക്കണമെന്ന് ഉത്തരം നല്‍കിയത് വിദ്യാഭ്യാസ മന്ത്രി സി. രവീന്ദ്രനാഥ്. കരുതല്‍ പദ്ധതിയുടെ ഉദ്ഘാടനത്തിനെത്തിയ മന്ത്രിയും കുട്ടികളുമായി നടത്തിയ ചങ്ങാത്തം സംവാദത്തിലായിരുന്നു ചോദ്യവും ഉത്തരവും. വെറുതെ  ഉത്തരം നല്‍കുക മാത്രമായിരുന്നില്ല മന്ത്രിയിലെ അധ്യാപകന്‍. സ്‌കൂള്‍ മുറ്റത്ത് ഒരു പൂന്തോട്ടമൊരുക്കണം.

സ്‌കൂള്‍ കുട്ടികളുടെ ഹാജര്‍ വിവരം എസ്.എം.എസ് ആയി രക്ഷിതാക്കളുടെ മൊബൈല്‍ ഫോണുകളില്‍ നല്‍കുന്നതിന് ജില്ലാ പഞ്ചായത്ത് നടപ്പാക്കുന്ന കരുതല്‍ പദ്ധതിക്ക് തുടക്കമായി. ചാത്തന്നൂര്‍ സര്‍ക്കാര്‍ വൊക്കേഷണല്‍ ഹയര്‍ സെക്കന്ററി സ്‌കൂളില്‍ വിദ്യാഭ്യാസ മന്ത്രി സി. രവീന്ദ്രനാഥ് പദ്ധതി ഉദ്ഘാടനം ചെയ്തു. 

കേരള നിമയസഭയുടെ മുതിര്‍ന്ന പൗരന്മാരുടെ ക്ഷേമം സംബന്ധിച്ച സമിതി, നവംബര്‍ 15ന് രാവിലെ 11ന് ഇടുക്കി ജില്ലാ കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും.   സി.കെ.

തിരുവനന്തപുരം ഡ്രഗ്‌സ് ടെസ്റ്റിംഗ് ലബോറട്ടറിയിലെയും, എറണാകുളം റിജിയണല്‍ ഡ്രഗ്‌സ് ടെസ്റ്റിംഗ് ലബോറട്ടറിയിലെയും പരിശോധനയില്‍ ഗുണനിലവാരമില്ലാത്തതെന്ന് കണ്ടെത്തിയ ബാച്ച് മരുന്നുകളുടെ വില്പനയും വിതരണവും സംസ്ഥാനത്ത് നിരോധിച്ചതായി സംസ്ഥാന ഡ്രഗ്‌സ് കണ്‍ട്രോള്‍ വകുപ്പ് അറിയിച്ചു.  ഈ ബാച്ചുകളുടെ സ്റ്റോക്ക് കൈവശമുളളവര്‍ അവയെല്ലാം സപ്ലൈ ചെയ്തവര്‍ക്ക് തിരികെ അയക്കേണ്ടതും, പൂര്‍ണ്ണ വിശദാംശങ്ങള്‍ അതത് ജില്ലയിലെ ഡ്രഗ്‌സ് കണ്‍ട്രോളര്‍ ഓഫീസിലേക്ക് അറിയിക്കേണ്ടതുമാണെന്ന് ഡ്രഗ്‌സ് കണ്‍ട്രോള്‍ വകുപ്പ് അറിയിച്ചു.  മരുന്നിന്റെ പേര്, ഉത്പാദകര്‍, ബാച്ച് നം, കാലാവധി ക്രമത്തില്‍:  Levofloxacin Tablets IP (Levaz 50

കൊല്ലം ജില്ലയില്‍ ഭാരതീയ ചികിത്സാ വകുപ്പില്‍ ആയുര്‍വേദ തെറാപ്പിസ്റ്റ് തസ്തികയിലേക്ക് കാറ്റഗറി നമ്പര്‍ : 194/17 പ്രകാരം അപേക്ഷ സമര്‍പ്പിച്ച ഉദ്യോഗാര്‍ത്ഥികള്‍ക്ക് 2017 നവംബര്‍ 20 മുതല്‍ 24 വരെ കൊല്ലം ജില്ലാ ആഫീസില്‍ ഒറ്റത്തവണ പ്രമാണ പരിശോധന നടത്തും.  ഉദ്യോഗാര്‍ത്ഥികള്‍ പ്രൊഫൈലില്‍ യോഗ്യതാ പ്രമാണങ്ങള്‍ അപ്‌ലോഡ് ചെയ്ത് തിരിച്ചറിയല്‍ കാര്‍ഡിന്റെ ഒറിജിനലും വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റും (ലഭിച്ചിട്ടുണ്ടെങ്കില്‍) മറ്റ് പ്രമാണങ്ങളും സഹിതം നിശ്ചിത തീയതിയിലും സമയത്തും കേരള പബ്ലിക് സര്‍വീസ് കമ്മീഷന്‍ കൊല്ലം ജില്ലാ ആഫീസില്‍ ഹാജരാകണം.  വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ് നേടിയിട്ടുള്ള