കെ.എ.പി. ഒന്ന്, രണ്ട് ബറ്റാലിയന്‍ പൊലീസ് കോണ്‍സ്റ്റബ്ള്‍മാരുടെ പാസിങ് ഔട്ട് പരേഡില്‍ മുഖ്യമന്ത്രി പിണറായി വിജയന്‍ സല്യൂട്ട് സ്വീകരിക്കും. ഇന്ന് (നവംബര്‍ 18) രാവിലെ എട്ടിന് മുട്ടിക്കുളങ്ങരയില്‍ കെ.എ.പി രണ്ടാം ബറ്റാലിയന്‍ പരേഡ് ഗ്രൗണ്ടിലാണ് പാസിങ് ഔട്ട് നടക്കുക. സംസ്ഥാന പൊലീസ് മേധാവി ലോക്നാഥ് ബഹ്റ, ഡി.ഐ.ജി (ആംഡ് പൊലീസ് ബറ്റാലിയന്‍) കെ.ഷെഫീന്‍ അഹമ്മദ്, എ.ഡി.ജി.പി( ആംഡ് പൊലീസ് ബറ്റാലിയന്‍) സുധേഷ് കുമാര്‍ തുടങ്ങിയവര്‍ പങ്കെടുക്കും. പി.വി വില്‍സനാണ് കെ.എ.പി ഒന്നാം ബറ്റാലിയന്‍ കമാന്‍ഡന്‍റ്. പി.എസ് ഗോപിനാഥാണ് രണ്ടാം ബറ്റാലിയന്‍ കമാന്‍ഡന്‍റ്. 

• ·       വി.ജി.വിജയന്റെ സ്മരണാര്‍ഥം റൂറല്‍ റിപ്പോര്‍ട്ടിങ്ങിനായി ദ്വിദിന സെമിനാര്‍

  
അഗളി മിനി സിവില്‍ സ്റ്റേഷന്‍ ഉദ്ഘാടനം ഇന്ന് (നവംബര്‍ 18)  രാവിലെ 11 ന് മുഖ്യമന്ത്രി പിണറായി വിജയന്‍ നിര്‍വഹിക്കും. അഗളി പഞ്ചായത്ത് സ്റ്റേഡിയത്തില്‍ നടക്കുന്ന പരിപാടിയില്‍ റവന്യൂ മന്ത്രി ഇ.ചന്ദ്രശേഖരന്‍  അധ്യക്ഷനാകും. എന്‍.ഷംസുദ്ദീന്‍ എം.എല്‍.എ, ഭരണപരിഷ്കരണ കമ്മീഷന്‍ ചെയര്‍മാന്‍ വി.എസ് അച്യുതാനന്ദന്‍, എം.ബി രാജേഷ് എം.പി , ജില്ലയിലെ എം.എല്‍.എമാര്‍, ജില്ലാ പഞ്ചായത്ത് പ്രസിഡന്‍റ് കെ.ശാന്തകുമാരി, ഗ്രാമ-ബ്ലോക്ക് ജില്ലാ പഞ്ചായത്ത് പ്രതിനിധികള്‍, മറ്റു രാഷ്ട്രീയ പാര്‍ട്ടി പ്രതിനിധികള്‍, സബ് കലക്ടര്‍ ജെറോമിക് ജോര്‍ജ് തുടങ്ങിയവര്‍ പങ്കെടുക്കും. 

*മുട്ടത്തറ സര്‍വീസ് സഹകരണ ബാങ്കിന്റെ എയര്‍പോര്‍ട്ട് ശാഖ മന്ത്രി ഉദ്ഘാടനം ചെയ്തു

    കേരള ബാങ്ക് രൂപീകരണം സാധ്യമാകുന്നതോടെ കേരളത്തിലെ പ്രാഥമിക, കാര്‍ഷിക സഹകരണ സംഘങ്ങളുടെ പ്രവര്‍ത്തനം കൂടുതല്‍ സുതാര്യവും സുഗമവുമാവുമെന്ന് സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. സാധാരണ ജനങ്ങളുടെ വിവിധങ്ങളായ ആവശ്യങ്ങളില്‍ കൈത്താങ്ങാകുന്ന സംസ്ഥാനത്തെ സഹകരണപ്രസ്ഥാനം രാജ്യത്തിനാകെ മാതൃകയാണ്. മുട്ടത്തറ സര്‍വീസ് സഹകരണ ബാങ്കിന്റെ ആറാമത് ശാഖ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

സംസ്ഥാന സാക്ഷരതാമിഷന്‍ അതോറിറ്റിയുടെ ആഭിമുഖ്യത്തില്‍ 19, 20 തീയതികളില്‍ പരിസ്ഥിതി സെമിനാര്‍ സംഘടിപ്പിക്കും. സാക്ഷരതാമിഷന്റെ പരിസ്ഥിതി സാക്ഷരതാപദ്ധതിയുടെ ഭാഗമായാണിത്.  തൈക്കാട് പി.ഡബ്ല്യു.ഡി റസ്റ്റ് ഹൗസില്‍ 19 ന് രാവിലെ 10 മണിക്ക് മുഖ്യമന്ത്രി പിണറായി വിജയന്‍ സെമിനാര്‍ ഉദ്ഘാടനം ചെയ്യും.  പരിസ്ഥിതി സാക്ഷരതാപദ്ധതിയുടെ ഭാഗമായി സംസ്ഥാനത്തെ 2000 വാര്‍ഡുകളില്‍ ജലസ്രോതസുകളുടെ വിവരശേഖരണം സാക്ഷരതാമിഷന്‍ നടത്തിയിരുന്നു. ഈ സ്ഥിതിവിവരപഠനത്തിന്റെ റിപ്പോര്‍ട്ട് ഹരിതകേരളം മിഷന്‍ ഉപാധ്യക്ഷ ഡോ.ടി.എന്‍. സീമയ്ക്കു നല്‍കി  മുഖ്യമന്ത്രി പ്രകാശനം ചെയ്യും.  വി.എസ്.

    ഃ കുടുംബശ്രീയില്‍ ഒരു വീട്ടില്‍ നിന്ന് ഒരാള്‍ക്കുകൂടി അംഗത്വം നല്‍കുന്നു
    ഃപുതുസംരംഭങ്ങള്‍ ആരംഭിക്കും

എനര്‍ജി മാനേജ്‌മെന്റ് സെന്റര്‍-കേരളയുടെ സ്മാര്‍ട്ട് എനര്‍ജി പ്രോഗ്രാമിന്റെ ഭാഗമായി കണ്ണൂര്‍ വിദ്യാഭ്യാസ ജില്ലയിലെ സ്‌കൂളുകള്‍ക്കുള്ള വൈദ്യുതി ഉപകരണങ്ങളുടെ വിതരണം തളാപ്പ് ഗവ. മിക്‌സഡ് യു.പി സ്‌കൂളില്‍ തുറമുഖ, പുരാരേഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു.

സംസ്ഥാന പുരാരേഖാ വകുപ്പ് പൊതുവിദ്യാഭ്യാസ വകുപ്പുമായി ചേര്‍ന്ന് ഹൈസ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച കേരള ചരിത്ര സമസ്യ സംസ്ഥാനതല ക്വിസ് മത്സരത്തിന്റെ മലബാര്‍ മേഖലാതല മത്സരത്തില്‍ കണ്ണൂര്‍ വിദ്യാഭ്യാസ ജില്ലയിലെ പെരളശ്ശേരി എ.കെ.ജി.എസ്.ജി.എച്ച്.എസ്.എസ് ടീം ഒന്നാം സ്ഥാനം നേടി. അഭിനവ് മനോജ്, സാഞ്ചിത്ത് കെ.ടി എന്നിവരാണ് പെരളശ്ശേരി എ.കെ.ജി.എസ്.ജി.എച്ച്.എസ്.എസിനെ പ്രതിനിധീകരിച്ചത്.

തോട്ടടയിലെ ജില്ലാ അഭയ നികേതനത്തില്‍ പുതുതായി നിര്‍മ്മിച്ച പുരുഷന്‍മാര്‍ക്കായുള്ള രാത്രികാല അഭയസങ്കേതം തുറമുഖ, പുരാരേഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. പവിത്രമായ മാതൃപിതൃ ബന്ധങ്ങള്‍ പോലും വിസ്മരിക്കപ്പെടുന്ന സംഹാരാത്മകമായ വര്‍ത്തമാന കാലത്താണ് നാം ജീവിക്കുന്നതെന്ന് മന്ത്രി പറഞ്ഞു. അനാഥത്വം പിടികൂടിയ വൃദ്ധമനസ്സുകള്‍ക്ക് ആശ്വാസം പകരുന്നത് അത്യുന്നതമായ മനുഷ്യസ്‌നേഹമാണ്. സ്‌നേഹം സ്വമനസ്സാലേ ഒഴുകി വരേണ്ടതാണ്. സാമൂഹ്യ സേവന പദ്ധതികള്‍ സര്‍ക്കാറിന്റെ മാത്രം ഉത്തരവാദിത്തമല്ലെന്നും ജനങ്ങളുടെ കൂടി ബാധ്യതയാണെന്നും മന്ത്രി പറഞ്ഞു. 

സംസ്ഥാന സര്‍ക്കാരിന്റെ പുതിയ മാന്വല്‍ ഡ്രഡ്ജിംഗ് നയപ്രകാരം അഴീക്കല്‍ തുറമുഖത്ത് പുതുതായി ആരംഭിക്കുന്ന മൂന്ന് കടവുകളിലെ മണല്‍ ബുക്കിംഗ് ഉദ്ഘാടനം തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. കല്ല്യാശ്ശേരി പഞ്ചായത്തിലെ കല്ല്യാശ്ശേരി 1, പാപ്പിനിശ്ശേരി പഞ്ചായത്തിലെ ബി.ടി.ഡബ്ല്യു-2, വളപട്ടണം പഞ്ചായത്തിലെ സി.എന്‍ പ്ലൈവുഡ് എന്നിവയാണ് പുതിയ മൂന്ന് കടവുകള്‍. നിലവില്‍ പ്രവര്‍ത്തിച്ചുകൊണ്ടിരിക്കുന്ന ഏഴ് കടവുകള്‍ക്ക് പുറമെയാണിത്.